خبيرات المانيا .. ميونخ .. !! !!

[ســــراب]

:: ::


السلام عليكــــم

ياليت تساعدونى ..

زوجـــى عنده دوره لمدة اسبوعين فى المانيــا .. فى ميونخ .. و بروح معاه

وبغيت اسألكم .. عن وضع الحجاب والنقاب لانى منقبه والبس عباة راس .. فما ادرى عن الوضع هنـــاكـ !!


:: :: ::



فـــ بليــز ردو عــــلى ولا اطنشونى



::

 

[غآمضه]

رد : خبيرات المانيا .. ميونخ .. !! !!

اهناك عادي كل وحده تلبس الي تبيه
يمكن في نظرات بعضهم مو الكل اكون استغراب بس اوضع طبيعي وعادي

 

[خشف بدو]

حبيبتي انا توني راده من ميونخ الاسبوع الي فات...الوضع عادي وواجد منغبات وانا كنت منغبه ماعلي منهم كل واحد يمثل دينه الي يخزني اخزه لين ينزل عينه انا مو مسويه شي غلط.... ماعليج لو شنو لا تقطينه بس نصيحه لوجه الله لاتروحين الحديقه الانجليزيه ترا ماتصلح كلش صح انها حلوة بس كلها مفصخين كما خلقني ربي يعني كلش ماتصلح..

 

[ســــراب]

::

.. غامضه ..

يسلموو ع الرد . واذا على النظرات بسيطــه تهون

//

.. خشف بدو ..

هههههههه ضحكتينى

عاااادى نخـــــززز ونبط عيونهم .. بس المشكله انى خجووله


يعطيج العافيه ع الرد


::

 

[سكره مالحه]

رد : خبيرات المانيا .. ميونخ .. !! !!

اى عادى النقاب بميونخ
واذا تبين تستفسرين عن اى شى بميونخ لا يردج شى

ورحله موفقه

 

[اعتلي يانفس]

حبيبتي انا توني راده من ميونخ الاسبوع الي فات...الوضع عادي وواجد منغبات وانا كنت منغبه ماعلي منهم كل واحد يمثل دينه الي يخزني اخزه لين ينزل عينه انا مو مسويه شي غلط.... ماعليج لو شنو لا تقطينه بس نصيحه لوجه الله لاتروحين الحديقه الانجليزيه ترا ماتصلح كلش صح انها حلوة بس كلها مفصخين كما خلقني ربي يعني كلش ماتصلح..

اتفق معاها ونفس اللي بقوله لج

 

[ســــراب]

::

.. سكره مالحه ..

مشكوره ع الرد

وحبيت استفسر وآخذ رايج .. بخصوص السكن !!

شنو احسن الفنادق او الشقق المفروشه .. وتكون آمنه ومافيها مراقص او غيره ...


::

.. اعتلي يانفس ..

مشكوره ع الرد .. وأنـــا أتفق معاكم .. ونفس رايكم

::

 

[سكره مالحه]

رد : خبيرات المانيا .. ميونخ .. !! !!

انا جربت الفنادق
مادرى اذا ودج بفندق غرفه وحده تكفيكم او تبين شقه تاخذين راحتج اكثر دشى موقع بوكينغ وشوفى الشقق هناك
انا عن تجربتى فندق يورو ستار روعه شويه عليه غرفه بالخيال تصلح حق زوجين صج الغرفه حدها رومانسيه
والفندق جنبه سوبر ماركت وسعر الغرفه ب 45 دينار الليله وبوفيهم حلو
بس عيبهم شى واحد بس ماكو احد يشيل الجنااط يعنى انتو تنزلونهم وتصعدونهم بروحكم

والفندق امن وكله خليجيين
بس مثل ما قلت لج اذا تحبين تاخذين شقه افضل طبعا حق غسل الملابس والطبخ اذا حابه تسوين شى افضل اكيد من فندق

 

[ام مهاوش]

السلام عليكم حبيت افيدج انا الاسبوع اللي فات رديت من ميونيخ وضع العبايه والنقاب عادي لي درجة اني استحيت اطلع من غير عبايه من كثر المنقبات والعبي روحي وانتي مرتاحه وعلى فكره ترا اهما متعودين على العبايه والنقاب

 

[ســــراب]

..

سكره مالحه .. أم مهاوش

مشكوريـــن وماقصرتوو .. بسألكم أنا بروح شهر 10 أشلون السياحه هنـــاكـ ونسبة الحليجين فى شهر 10

لان احس الوقت كـــلش مو مناسب بس شسوى مو على كيفـــى


::

 

[carrot^cake]

الوضع حده طبيعي على النقاب
عادي !!

 

[يازمان العجايب]

عادي النقاب لان العرب وايد هناك والسياحه بعد
الفنادق انا اذا رحت اسكن الميريديان خطوات عن المارينا اللي اهو السوق والمطاعم والجمعية
الجو الحين شوي بارد

 

[راعية الطويلة]

رد : خبيرات المانيا .. ميونخ .. !! !!

النقاب مسموح بألمانيا

خذي راحتج حبيبتي