الي شروا ايفوووون ليش شروه !!
لان باختصار شديد .. أفضل موبايل تقدرين تطلقين عليه كلمة (لاب توب صغير)
أنا أحدث موبايلين جربتهم نوكيا e71 ونوكيا n97 .. صحيح فيهم بعض برامج الovi من طقة اللي بالاي فون , بس برامجهم "ركيكه"
شنو شدج له ؟! شكله مثلا
لا , اللي تشتريه (بس عشان الشكل) ما عندها سالفه .. واسميها مبذره
اللي شدني فيه غير البرامج الســــــــرعه , وعمر ما علق معاي !!
وسبق ورديت على وحده قتلها الايفون يجمع : الايبود - التلفزيون - الفوتوشوب - الmaps - الألعاب ..
برامج الاخبار المحليه أول بأول
- تحاجين اللي عندهم بلاك بيري
- تشبكين جنج شابكه من اللاب توب والصفحه تتصغر وتتكبر بسهوله
- وغير هذا كله تلقين برامج حق أماكن مشهوره بالكويت مثل البنوك والمحلات
- ينزلونلج تحديثات البرامج اول بأول , وبصوره مستمره عكس النوكيا
- عباره عن كتاب متنقل
- المسنجر اللي فيه جهنمي ويختلف عن مسنجر النوكيا (يعرض لج ايميلاتج واخبار اللي ضايفتهم بصفحه , والمحادثات بصفحه ثانيه) ومع هذا محتاج تحديث عشان يتميز اكثر ..
انا سمعت ان مافيه بلوتوث الا تنزلين برنامج ومايدز الا لايفووون بس
الايفون (الخام) فيه بلوتوث فقط من ايفون لي ايفون , لكن عقب ما تسوين الجيلبريك تقدرين تنزلين برنامج يخلي البلوتوث بين كل الاجهزه ..
هل التحديث الجديد غير هالشغلة !!
لا , لان البرنامج موجود حق اللي يبي .. وانتي لازم تنزلينه اذا بغيتي
و مافيه وسائط !! صج ولووو سويت اعدادات الوسائط يسحب علي فلوووس من الواب
فيه وسائط , أول ما تشترينه وتشغلينه .. شركة اتصالاتج راح تدزلج رسالة ضبط الخدمه , وتكلفت الوسائط مثل تكلفتها بأي تلفون ما تسحب شي زياده
طيب لو انا اصلا مشتركة بخدمة انترنت على خطي عادي يصير الوضع ولا يسحب غير مافهمت
اي انا حتى على ايام النوكيا كنت مشتركه بخدمة انترنت , عشان اضمن (زين) ما يسبحون شي زياده غير فلوس الاشتراك .. واهو عباره عن 7 د.ك بالشهر , واذا خلصتي حد الاستهلاك ما يحسب عليج فلس زايد .. مجرد يصير بطئ شوي لي الشهر اللي بعده .. وهذا ينطبق على الايفون بعد ..
وهل فيه خدمة نت من الشركات يعني الوطنية كروت تعبئة فيها اشتراك نت لايفون !!
لا مو مثل البلاك بيري .. تقدرين تشبكين وايرلس اذا تبين , وتقدرين تشبكين من غير وايرلس ولا اشتراك بس يحسب عليج على كل كيلوبايت ..
بس انا اشتركت بخدمه الانترنت 7 د.ك بالشهر , احس من لا اعطي زين مجال مفتوح للبوق
وطريقة المسجات الي فيه شلوووون وشلون توصلكم هل لايفون حق ايفون تصير ملون الخط وصور مثل ماشفت بمنتديات ولا لأ
المسجات عادي مثل النوكيا .. الفرق الحلو : ان المسجات اللي بينج وبين رفيجتج تطلع على هيئة محادثه , مثل السامسونج هم عندهم جذي , وبصراحه وايد اريح من النوكيا .. يعني ماله داعي تفتحين كل رساله على حدى ..
الألوان وهالسوالف تنزلينها عن طريق برامج يا من الابستور او السيديا
وهل يعلق من كثرة البرامج !!!
سواء عندج 6 برامج , أو 600 برنامج .. السرعه ما تتغير شعره ولا يعلق نهائياً .. عشان جذي يقولون عنه عملي , وسعره فيه !
الشغله الوحيده اللي احتمال اتأثر عالجهاز بنسبة 1% , اذا نزلتي برنامج من السيديا وانتي مو متأكده من مصدره ..
وأنا لي الحين ما نزلت السيديا , بس يقولون انه مثل الابستور , لكن فيه برامج عجيبه مو موجوده نهائياً بالابستور , كذلك البرنامج اللي فيه مجانيه ..
ادري اسألتي كثيرة بس مرات اقول آخذه بس لما افكر بكل هذووول اقول خليني على نوكيا الي فيها كل هذا واكثر
أنا من أسره ما خانت النوكيا لي قبل 4 شهور !
واخذيها من وحده مجربه ! الايفون لا يقاارن بالنوكيا .. الفرق شاسع , وانا كنت متردده اشتريه لان n97 كان يديد عندي وكنت محللته وعاجبني .. لكن عقب ما قريت عنه غامرت وشريته , والحين الحمدلله من اسعد ما يكون :jbdwjbd: ..
احترت بليز فهمووني
بالنسبة للأبلكيشن الي بفلوووووس شلون تشترونها ما ابي احط الفيزا كارد مالتي في طريقة ثانية
أول شغله انصحج اذا شريتيه انج تشتركين بانترنت 7 د.ك بالشهر .. لان 85% من برامج الايفون يبيلها انترنت , والاشتراك يعتبر مكسب لج ..
الفيزا كارد ضروري تحطينه , والايتونز يعتبر آمن تماماً فان شاء الله ما في خوف ..
وحتى لو كنتي بتنزلين برامج مجانيه من الابستور , هم لازم اول ما تسجلين تحطين الفيزا او الماستر كارد ..
وعند (كرت ايتونز) يغنيج عن انج تحطين رقم حسابج , لكن للاسف ماراح تقدرين تشترين شي الا من المتجر الامريكي فقط ..
فـ تقدرين اذا انتي تحاتين انج تاخذين بطاقات لمسبقة الدفع بالبنوك , بس ما تسوى العنوه 99.5% من اللي عندهم ايفون مسجلين برقم الفيزا او الماستر كارد ومحد اشتكى ..
ردوا علي لاتطنشوووون :ch12:
بس رديت عليج :ggdw:
