هاي بنات
شلونكم شخباركم ؟؟؟
اليوم يبت لكم موضوع دازينه لي ايميل وحبيت انكم تشوفونه
والموضوع عن الأشياء الخايسه اللي تصيرلنا أحنا البنات
يلا نبدي
أخيس شي لما تكونين مخطوبه ولا عندج مناسبه مهمه وتطلع بويهج نفره
وتتسلط بأماكن خايسه وما تترقع ( الخشم - بين الحوجب )
أخيس شي لما مايكون لج خلق تلبسين وتهلقين اخر هلاقه
ما يبقى أحد بالكويت ماتشوفينه لو كاشخه ماتلقين أحد
أخيس شي لما تكونين توج مالجه وطالعه مع ريلج مطعم لبناني
وتاكلين تبوله وتلصق بين الضروس
وااااااااااااي والله فشله إذا أشر وقالج أكو شي هني
( نصيحه للي توكم متزوجات حذاااااااري من التبوله وتوابعها )
أخيس شي لما تطلع أغنيه حلوه وأنتي تحبينها وتسوين روحج حافظتها وأنتي مو حافظه شي
وتقعديت تطلعين بس صوت لحن وتحنين
اي سكتي اشرفلج
أخيس شي لما تنعزمين على عرس وايد قريب وحدج مشتطه ومايبقى مكياج ماشريتيه
ولما تحطينه يطلع أبو الهواله والجكر
ولو عرس مالج خلقه يطلع شكلج عجيب
أخيس شي لما تروحين الصالون وتسويلج تسريحه موعاجبتج
وتجاملين تقولين اي حلوه على بو فشله
وترجعين البيت تفلينها
اي ليش التفلسف قولي موعاجبتني
أخيس شي لما تكونين شاريه بدله وحاطتها بالكبت فتره
ولما تيين عقب تلبسينها ماتتسكر
وتقعدين تشفطين كل الهوا اللي بالدار
أخيس شي لما تكونين ذابحه عمرج بالرجيم وحارمه روحج من كل مالذ وطاب
وتوقفين عقب أسبوع عالميزان ماتحرك
والصدمه إذا زايده جم كيلو
أخيس شي لما تشوفج وحده تقولج متنانه
اي سكتي منو سألج ؟؟؟
نحاسة الحريم ياتقولين شي حلو أو احتفظي برايج حق نفسج
أخيس شي وقت السفر إذا أموت أو ريلج قالج لاتاخذين هدوم وايد مانبي وزن زايد
ولما تروحين المطار تطلع زايده بالوزن ويخزج ذيج الخزه
وأنتي بترقعين شلون والله موحاطه
ماخذه كل الكبت وتقول مو حاطه <<< من الخرعه
أخيس شي لما تتصنعين أول الزواج جدام ريلج وقت الأكل يعني ذربه
وماتاكلين كل الصحن وأنتي بتموتين يوع
ومن يدش الدار فجيتي حلجج
ياكره إذا رد طلع ناسي شي
لاتعليق على شكلج وأنتي مشفوحه <<< راح ينصدم
ويقول بقلبه أكليني أنا بعد
أخيس شي لما يكون ماخذج الطرب وتحطين الipod بالدار
وتتعنفصين جدام المنظره وحركات بالويهه يعني أشوق
ويدشون عليج فجأه <<< الشكل غبي
أخيس شي لما تبين تجيسين نبض ريلج وتقولين واااااي أحس أني متنانه شوي ودي أدش نادي
وأنتي من داخلج ودج يقول لا ليش نادي شحلوج حياتي مافيج شي
بس أهو يقولج إي دشي منو ماسكج <<< لو ساكته أحسن
أخيس شي وقت الخطبه لما تتصنعين كلما يكلمج يقولج شنو تشربين
تقولين فراوله يعني كيوت
ووقت الزواج يطلبلج فراوله تقولين لا ماحبه
ويكتشف جذبتج اس ليش من الأساس تمثلين
أخيس شي لما تجذبين على أمج تقولين بروح بيت رفيجتي وتروحين السوق
وتشوفج رفيجة أمج وتسلم عليج
والسلاطه تطلع وحده ملقوفه وعلى طول ادق على أمج شفت بنتج اليوم بالسوق
ودج تنتفينها مال طراق على هاللقافه
أخيس شي لما تكونين حدج كاشخه ورايحه استقبال
وتوج ماخذه الجاي واطيح منج الاستكانه
ومن الفشله تقولين عادي ماكو شي وتكونين محترقه بالصج
ومن الفشله توزعين ابتسامات جنه عادي
أخيس شي لما تكونين رايحه عرس وتطلع وحده لابسع مثلج
قمة الدقره ماتتحركين من مكانج
إن شالله الموضوع يعجبكم
وناطره ردودكم
:bye22:
التعديل الأخير:
صارت فيني بس مو هواله لا مافي رونق و وأقل من عادي ... 
