اليوم راح اتكلم عن حريم اخر زمن نشوفهم بكل مكان وبكل وقت نستغرب من تصرفاتهم و وحركاتهم ونسال نفسنا ليش يسون جذي احيانا نلقي لهم عذر واحيانا لا ننتقدهم و نقسي عليهم حريم اخر زمن هل يعتبرون ظاهره لازم انعالجه ولا هم ظاهره طبيعيه للتطور و الثراء الفاحش الي تمر فيه المنطفه ما ادري شقول عنهم بس اهم موجودين بكل مكان وزمان بس الحين تغيروا وصاروي اكثر جراه
حريم اخر زمن
حريم يعلون صوتهم بالشارع ويتهاوشون ويويلج انطحت بلسان وحده فيهم تاكلج اكال ليش شنوي الي غير من طبيعه المرا ليش صارت جذي تصارخ بالشارع او تمد ايدها علي رجال او تسوي حركات بيدها والطامه الكبري تلقين واحد من عيالها معاها انا راح احط الاسباب من عندي حسب وجهه نظري يمكن اصيب اواخطا وتقدرون تضيفون اسباب من عندكم ( طبعا راح ابتكر طريقه جديده لذكر الاسباب عن طريق ذكر امثله شعبيه للتسليه وما يصيبكم الملل وانتم تقرون الموضوع )
1_ الحقوق تبالها حلوق
الاعتقاد الشايع عندنا ان لازم يكون صوتي عالي علشان اخذ حقي مع ان الهدوء احسن وسيله للفوز والوصول لهدفي تلقين المرا دايما عندها اعتقاد اذا علت صوتها بالشارع او باي مكان راح تاخذ حقها حتي لو اهي غلطانه
2_"اقلب القدرة على فمها تطلع البنت لامها" مثل مصري
يعني البنت لما تشوف امها السانها اشطوله وما تحترم احد حتي زوجها ( تري بنات انا شفت كل الحريم الي السانهم طويل ما تحترم لا زوجها ولا حتي امها ) اكيد راح اتقلد امها اصلا امها تكون اتشجعها بمثل هذي المواقف عندها ان بنتها شاطره وتعرف تاخذ حقها
3 _كثر الدق يفك
للحام
موكل وحده تعلي صوتها تكون عوبه وقليلة ادب احيانا تكون المرا مضغوطه بالشغل والبيت ولا ننسي تنازل الرجل عن مهامه للمراء فصارت اهي تسوي كل شي وهذي ضد طبيعها وتكوينها يخليها عصبيه زياده عن اللزوم فاذا صادفت اي موقف اتوتر بسرعه وتفقد اعصابها وتبي اتهاوش مع اي احد يمر قدامها حتي لو ظلها
نصيحه اذا واجهتي مثل هذي النوعيه من النساء
لا تعابي العوبه اتعابيك تحط كل بلاها فيك
وخري عنها واذا اهي بطريق روحي الطريق الثاني لان هذي النوعيه من النساء تملك من الجراءه انها ما عندها مانع اتروح المخافر و تشتكي جذب بعد لان المرا اذا افقدت حيائها كل شي يصير عندها سهل و عادي
حريم اخر زمن
مغازل البنات للشباب لا تخافين تري تقرين العباره صح أي بنات يغازلون الصبيان اشلون وليش ما ادري انا اذكر علي ايامي الولد يقط الرقم عليج وينحاش لاخر السكه هذي ايام قبل بس الاول تحول صارت البنت اهي الي تبادر واهي تلحق الشباب خووووووووووش يا ليت يرد زمن المراهقه
1_ الشي اذا زاد عن حده انقلب ضده
الحريه الزايده للبنت بشكل مبالغ فيه تطلع اتمشي بالاسواق لا حسيب ولا رغيب بس تقليد للغرب
اذا شوفتم بنات جذي ادعوي لهم بالهدايه ولا تدعون علي اهلهم يمكن اتعبوي علي تربيتهم بس التربيه الخطا وحب الاهل الزايد لعيالهم وبناتهم اهوي الي خلاهم ما يشوفون اخطاء عيالهم
واخيرا نبي نعرف رايكم بحريم اخر زمن
واخيرا نبي نعرف رايكم بحريم اخر زمن
