اتوقع هاذي حريه شخصيه ....!!

[@الياسمين@]

الله يهديهم ... ما ادري شنو الحلو اللي شايفيه بهالموديل الفاشل
يعني اللي تخلي راسها شكبره ومرفوع بشكل يضحك الناس عليها
شنو الحلو اللي فييييييه؟؟؟؟؟؟؟؟؟

 

[داريني]

حتى تواقيع حريه شخصيه واهم نيتهم النصيحه و مو حرام ينصحون اهم ما افرضو رايهم الي تبي تتقبل حيالله والي ما تبي براحتها

 

[iron women]

عدل اختي انا مع الحرية الشخصية بكيفها تحط اللي تحطه براسها لو تعلق قاري بدام اهيا مرتاحة

وشايفة نفسها جميلة بهاللوك محد له شغل ولا احد له الحق يفرض على اى بنية طريقة لبس او حجاب معينة

بس تبين الصج بقولها عن خاطري وتكفون لاتزعلون ياللي تحطونها والله جد موووووووحلوة كلش

ايصير شكل الراس حدة غريب<<<<انتي شكو موقلنا حرية شخصية

 

[loloالحلوة]

وحتى التواقيع حرية شخصية
هم بس حبوا ينصحون البنات واللي ما تبي كيفها
هي اللي خسرانة مو احنا
شكرا عالموضوع

 

[ريماس21]

هو صح كلامكم حرام الكبه

بس بنات بسالكم

معقوله بهالمنتدى مافي وحده ترتكب حرام

مثلا الحف حرام والاغاني حرام والعبايه المخصره حرام والي فيها الوان لانه تشد انتباهه الرجل

فاتمنى من كل بنت تنصح تكون مبتعده عن كل شيء حرام بالدنيا عشان صج الوحده تقتدي فيها يعني مثلا تحف حواجبها وتروح تنصح
البنات عن الكبه وين قاعدين

 

[nona kwt]

اي والله هم انا مايدتج

 

[Tom ♥ Jerry]

.

لا يا قلبي مو حريه شخصيه تدرين ليش ؟
لأنه يدخل بالحلال و الحرآم
رؤوسهن كأسنمة البخت المائلة، لا يدخلن الجنة ولا يجدن ريحها
و اذا تبينه نشوف الـ حرآم و نسكت هاذا شي ثآني :/ !

.

 

[Om 3zo0oz_2011]

رد: رد : اتوقع هاذي حريه شخصيه ....!!

والله اهوا الحجاب خايس ويلوع الجبد

ومو حلو وانا مااحبه

بس ولا مره قلت حق وحده لا تلبسينه

لان مو من حقي

وعلى قولتج حريه شخصيه

ولمن شفت هالحمله انا قلت شكو

تلبس ولا ما تلبس كيفها !!!!

عفوا اختي شنو قصدج ؟

وانا اقول ليش الكويت جذي جوها الله خافس فينا من أشكالكم

 

[كنت هناك]

عدل كلامج انا معاج حرية شخصية بس تكون التفخة بحدود تكون ذربة وصغيره مووو مبالغ فيها وطبقات اهني تكون تلوع الجبد فعلااا وتشوه لحجاب بس اذا كانت صغيره وبذرابة بالعكس تعطي شكل حلو

 

[M!Ss Un!VerSe]

انتي تقولين ما سويتي شي غلطانه اقولج الدين النصيحه والرسول علمنا التناصح

شنو حريه شخصية ننصح وكيففها تتقبل النصيحه او لأ بس دور المسلم انه ينصح

دامها مسلمه خل تتقيد بالحجاب الصحيح هاذا اذا معترفه فيه

وبعدين من رأى منكرا فليغيره..

وام قواطي روب وبف يه حديث عنهم انه ما يشمون ريحة الجنه.!

وخلو حرياتكم الشخصية تنفعكم..

 

[*ريما*]

رد : رد: اتوقع هاذي حريه شخصيه ....!!

لا تعليق

اي والله لاتعليق
هو صح حرام بس كيفها
الدين نصيحة

 

[M!Ss Un!VerSe]

قال رسول الله صلى الله عليه وعلى آله وسلم :
" صنفان من أهل النار لم أرهما قوم معهم سياط كأذناب البقر يضربون بها الناس ونساء كاسيات عاريات مميلات مائلات رؤوسهن كأسنة البخت المائلة لا يدخلن الجنة ولا يجدن ريحها وإن ريحها ليوجد من مسيرة كذا وكذا " رواه مسلم ( 2128 ).


طبعا يه التشبيه بسنام الجمل .. اللي اهو نفس اللي يحطونه حق راسهم.. لإنه فيه تدليس وغش.. تخلين اللي يطالعج بعتقد ان هذا شعرج..

والله اعلم وانتو حرين حبيباتي ..

 

[قـہۈه فـرنسيـہ™]

رد: رد : اتوقع هاذي حريه شخصيه ....!!

والله اهوا الحجاب خايس ويلوع الجبد

ومو حلو وانا مااحبه

بس ولا مره قلت حق وحده لا تلبسينه

لان مو من حقي

وعلى قولتج حريه شخصيه

ولمن شفت هالحمله انا قلت شكو

تلبس ولا ما تلبس كيفها !!!!

عيب يا ماما عيب ... الظاهر توج مابلغتي...ماتحبينه لنفسج...وفوووقج ربج يحاااسبج ...أماا تقولين يلووع الجبد دليل على عقليتج الصغيره ...شنووو شرع ربج وييييييع ؟؟؟

 

[sweet dashttya]

رد : رد: اتوقع هاذي حريه شخصيه ....!!

غـــلاتي آلتفخه ســآسها غلط

وحرآم


لكن في بعض البنآت تعودوآ عليـهـأ



الله يهديهم




لكن بنات حآولوآ اتصغرونهآ بحيث يكون الرآٍس آكبر .. جذي مآفيه خلاف و عـآدي
بس آنها آكبر من الراس هني حرآم



وشكرًا لج

اي انا احط شباصه بس عاديه مو تفخه مو الي شكلها اكبر من الراس لا بالعكس كل من يشوفني يقول هذي مو حاطه شباصه

بو تفخه ويعطيج العافيه

 

[Flower20]

رد : اتوقع هاذي حريه شخصيه ....!!

انا مع هالحملة لان صج هالتفخة بعضهم يبالغون فيها وشكلها مو حلووووو
فيه تفخة صغيرة او شبااصة صغيرة شكلها ذرب بس بعض البنات يحطووون تفخة تخلي الرااس شطوووله

وهالحملة ممكن تأثر فيهم لان بعضهم يقلدووون بس وعبالهم مووضة
ما يدروون ان ناس وايد يعيبون عليهم

 

[( المـلاك )]

والله اهي حرية شخصيه صاجه

بس في بنات يتكلمون عنها و يعلقون ويقولون حرام و مو زين
وتلقينها مو متحجبه او تارسه ويهها كيلو مكياج او تلبس ضيج بس ما تحطها
يعني لما تسوين الحمله هذي لازم تكونين انتي ملتزمة بكافه النواحي الدينية عشان تنصحين الناس
مو بس ماعجبج قمتي نزلتي الحمله
و تقولين هذا مايجوز

 

[MiṦs ♥ fĩẍ]

انتي تقولين هالشي حريه شخصيه معاج بس الحريه الشخصيه لها حدود بحيث ما اتعدى حريات الناس و مثل ما قريتي ردود بعض البنات بعضهم متأذين من هالجحاب اللي ما يستحق اسم حجاب لآنه بصراحه اشوه سمعة المتحجبات و فوق هذاكله و الاهم ان الانسان المسلم مقيد بشرع احده عن اللي يضره.

و انتي قلتي ان هالشي حرام بس بعض البنات يحبون جذي يعني الواحد عادي اسوي اللي يبيه و اخالف شرع الله على ابو ان اهو احب هالشغله يعني هذا مو تبرير و دامج قلتي ان حرام يعني معترفه انه حرام بس عذرج انه البنات يحبونه !!!
الله يهدي الجميع انشاءالله

و اذا على سالفة التواقيع همن اقولج هاذي حريه شخصية و ما اتضر احد اهو مو غصب اللي تقبل النصيحة و تسمع الكلام الله يثبتها يا رب و اعوضها خير لآن اللي يترك شي في الدنيا لله الله يعوضه بالي احسن منه و اللي مو هامها هم كيفها محد غاصبها بس لما تيي اتقابل ربها يوم القيامه ما راح اكون لها عذر لآن في اللي نصحها و وجهها .
و اسفة اذا في كلامي اي تجريح بس هاذي وجهة نظري و اتمنى تتقبلينها .

 

[يارب محتاجك انا]

رد : رد: اتوقع هاذي حريه شخصيه ....!!

تعودنا عليها شنسوي بعد موضه وابتلينا فيها

مع كــــــــــــــــــــــــــــامل احترامي للي يقول حرية شخصية اوووكي امنا الله حرية شخصية بس يا عررررب الدين النصيحه advice على مووودكم . وفي حديث نبوي للحبيب عليه الصلاة والسلام (( بمعناه انكم امعة مع الخير يا شقرة هذول اغلب امتنا مع الاسففف الشديد (((( ولو دخلوا جحر ضب لتبعتمهم )))) وهذي الموضة عماة عين نااااس ما عندها ما عند جدتي

 

[رفاعيه]

لا حبيبتي سمحيلي !
اي شي يخالف الدين
فهو مب حريه شخصيه
قال تعالى : { كنتم خير أمة أخرجت للناس تأمرون بالمعروف وتنهون عن المنكر وتؤمنون بالله } آل عمران : 110
رسول الله صلى الله عليه وسلم يقول : ( من رأى منكم منكرا فليغيره بيده ، فإن لم يستطع فبلسانه ، فإن لم يستطع فبقلبه ، وذلك أضعف الإيمان ) !!
اذا نبينا يحثنا على النهي عن المنكر
فالتوقيع هو اقل شي الوحده تقدر تسويه
تقبلي رايي

 

[يمة يادلبي]

كل وحدة تسوي شي خارج عن المألوف تتحمل الي ايييها