الفرق بين الكويت ودبي تعالوا نتناقش !!!

[رفاعيه]

انا بحرينيه والديرتين علي عيني وعلي راسي
بس لما اروح دبي ايني اكتاب احس اني في مدينه العاب !! كل شي مصطنع كل شي بزياده وشعبها مختفي مافيها شعب !!
عكس لما اروح الكويت صج المباني مب متطوره بس لما ادخل انشرح اشوف العوايل بكل مكان واهل الديره بكل مكان مستانسين في ديرتهم !

 

[الكرملين]

رد : الفرق بين الكويت ودبي تعالوا نتناقش !!!

دبي تهبل كتطور ونظافه

لكن ماتحسين انج في بلد خليجي اواسلامي


والله يعورني قلبي ماكو مواطنين ولامواطنات


واكثر شي يقهرني الوافدات روسيات وعراقيات اكثر شي لابسات العباية والملفع وكاشخات بسيارات غاليه

دبي مدينة غربه مالها هويه تخم وتلم مافيها روح مفيها نكهة الخليج الحلوة

 

[3emya_Berry]

الكويت شوي شوي قاعده تتطور وقاعدين يبنون ومنطقه شرق بتصير كلها تجاريه ماشاء الله على ال2012 كل شي بيخلص وبتشوفونها صارت مره ثانيه لؤلؤة الخليجججججججججج وبتفوق بعد

 

[Accepted]

اختي الفرق بكل بساطة بالقوانين و الضوابط
الكويت اكثر دول الخليج تقدم و تطور و تخطيط بس على الورق من غير تطبيق
انا كل ما طلعت اموت حره لما اشوف السيارة الي جدامي يحذفون زبالتهم من السيارة ولا لي رحتي المطار اقلها يلوع الجبد من الزحمة و التدخين و كل لافته اكبر من الثانية تقول ممنوع التدخين حتى غرف تدخين مسوين و الشرطه نفسهم ما يدخنون فيها
لي ياج واحد بيغازل بدبي يا ويله تبهدلونه احنا شبسوون له ؟
المرور منتظم عندهم و الامن منتظم مع ان عندهم اشكال و الوان و قليل ما تلقين الشرطة جدامج اهني بالكويت ستين الف دورية عند اشارات المرور تلقين الي يغازل السيارة الجنبه ولا الي يعدي الاشارة الحمرا ولا الي يوقف بالممنوع و اذا صحى الشرطي و خالفه طلع له واسطة طيح مخالفاته
الكبار نفسهم مو منضبطين و هالشي ينعكس على عيالهم حتى المرافق العامة تفشل عندنا من استهتارهم .. لو بتكلم ما راح اخلص!!
دبي تتطلع الى التقدم و ماشية صح بغض النظر عن العيوب و الكويت ما اقول الا " ان الله لا يغير ما في قوم حتى يغيروا ما في انفسهم "

 

[Tutti-Frutti]

صـح حـلـوه وعـنـدهـم تـقـدم بـالـعـمـاره والـمـبـانـي ..الـخ

بـس شـفـايـده الـوطـن اذا مـافـيـه مـواطـنـيـن؟؟

اغـلـب الـلـي بـاالامـارات اجـانـب والامـاراتـيـيـن يـنـعـدون عـ الاصـابـع


بـلا هـالـمـبـانـي الــمـتـطـوره اذا كـانـت نـتـيـجـتـهـا انـه الـوافـديـن يـزيـدون وعـدد الـمـواطـنـيـن يـقـل ويـمـكـن يـخـتـفـي

 

[jod.q8]

رد : الفرق بين الكويت ودبي تعالوا نتناقش !!!

والله ماكو فرق اهم شي راحة البال و اني اعيش مرتاحه بس بقول

بصراحه اعيش بديره عاديه و فيها شي بسيط من التطور و بين اهلي و كويتيين مثلي

احسن من اعيش بديره متطوره و فيها كل شي بس بين اجانب .. و الحمدلله على كل حال ،

 

[amoon]

رد : الفرق بين الكويت ودبي تعالوا نتناقش !!!

والامارات للاماراتييين

والله يطول باعمار شيوخنا يارب

 

[توووفية]

لا اشفييكم ترا في مخططات انه راح نسير نفسهم لكن بعد 50 سنه انشالله
هذا الفرق بينهم وبينا احنا بس نخطط مجرد كلام ورق بس ما فيه تطبييق تدريين ليش لانه ماشالله الكل لاهي بمصلحته

 

[الجوهرة777]

الحمد لله

فديت الكويت اللي ما في مثلها بلد

ترى احنا بدينا من 20 سنه بس

بدينا من الصفر عقب ما هد حيلنا الغزو حسبي الله ونعم الوكيل


الامارات الله يحفظ ديرتهم ويبارك فيها متطورة


لأن القانون ماشي عالكل ماكو واسطة

احنا الوافدين تمادوا وما يحترمون المرور لأن حتى لو صارت عليه مخالفة راح يجي مواطن ويتوسط له

عرفتوا ليش محترمين القوانين في الامارات

لكن بعد الكويت تهبل وفيها مميزات واااااااااااااااااجد

كافي انها ولله الحمد والمنه متمسكة بالتعاليم الدينية وما فيها مشروب

دبي حلوة ودولة اسلامية لكن الله يهديهم ان شاء الله


الجوهرة777​

 

[توووفية]

الحمد لله

فديت الكويت اللي ما في مثلها بلد

ترى احنا بدينا من 20 سنه بس

بدينا من الصفر عقب ما هد حيلنا الغزو حسبي الله ونعم الوكيل


الامارات الله يحفظ ديرتهم ويبارك فيها متطورة


لأن القانون ماشي عالكل ماكو واسطة

احنا الوافدين تمادوا وما يحترمون المرور لأن حتى لو صارت عليه مخالفة راح يجي مواطن ويتوسط له

عرفتوا ليش محترمين القوانين في الامارات

لكن بعد الكويت تهبل وفيها مميزات واااااااااااااااااجد

كافي انها ولله الحمد والمنه متمسكة بالتعاليم الدينية وما فيها مشروب

دبي حلوة ودولة اسلامية لكن الله يهديهم ان شاء الله


الجوهرة777​

لا فيها مشرووب بس من تحت لي تحت مو علني << ناس تحب تدكور
بس طبعا مو الكل بس واايد انتشرت هالمشكلة مشكلة المشاريب الله يكافينا الشر

 

[*إماراتية*]

مع إحترامي لصاحبة الموضوع , ولكل الردود والتعليقات من الأخوات الكويتيات ,,
لكن من الخطأ المقارنه بين الكويت وبين دبي ,, لأن الكويت دولة ,, أما دبي مدينه في دولة
ممكن نقارن دبي بالسالمية على سبيل المثال أو الشارقة بالجهرا , يعني مدينه لمدينه , أو إماره لمحافظه

قارنو الكويت بالإمارات << دوله لدولة ,, وهني بيوضح الفرق بالنسبه لكل شخص حسب منظوره الخاص

وتحياتي.

 

[حبـ admant ـك]

الحمدللله على كل حال

 

[خلطة عطر]

تبين تعرفين السبب

انا اقولج
هناك اللى يخطط واحد

مو الفين

المكتوم ما شاء الله عليه هو اللى اضاف لدبى كل شى واهما يمشون تحت مشورته ورايه
اهنى
مجلس الامه ماشاء الله له الرياده بالتطور اللى حايش البلد اسم الله عليهم عباقره مو اعضاء مجلس

ها عرفتى السبب

 

[جولينار]

تذكرت دكتوري في الجامعة الله يسعده يقول كل حد قنعان بعقله لكن مش قنعان برزقه )

 

[ScarletteO'Hara]

حبيت اقول حق صاحبة الموضوع





























من راقب الناس مات هما