قصة حب كويتيه (True Story)

[SabaQueen]

ماشي حبيبتي ومشكوووره على التكمله



ومافيها شي لو البنت حبت وحلاتها الام تدري وكافي انه ولد عمها مافيها شي والام اكيد اذا فاهمه بتخليها تحب بس بحدود واذا الريال اهو مصخها اكيد الام بتمنع صح واله لا ؟؟؟

صح
مدام كل شي تحت عين الأم

 

[تفاخيه مبطوطه]

لاااااااااااااا انا تعلقت ياقدعااااااااااان

سبووووء تكفين نزليها كامله لا تعليقنا تكفيييين !!!!!

 

[SabaQueen]

هلا تفوووخ شلونج شخبارج و شلون سباجه
سلمي عليها واييد

حلاة التشويق بالقصه اني اعلقكم
يلا خلونا نكمل قصتنا

 

[SabaQueen]

و هذا بارت جديد :eh_s(15):

-----------------------------------

يتبع ...






انا مو مثل البنات اللي يهتموون في مظهرهم وشكلهم ومنو اللي بيشوفهم .. انا عندي كل اللي احتاجه .. عندي يعقوب


ساره: يعقوب شفيك جذي الله يهداك جنك اول مره تشوف بحر شنو ماعندم بحر هناك ؟؟!

يعقوب: لا اكوو .. بس غير .. بحر ديرتي غير ريحته غير شكله غير الناس اللي فيه غير..

جان يطالعني ... منو انا ؟؟؟ انا الناس اللي فيها ؟؟ انا غير ؟؟

فهد: اقول ترا انا هني ;p

"جنه الله سمعني وانا اقول ابي بس انا ويعقوب بروحنا .. تليفون فهد رن "الظاهر الصاحبه ;p وخلانه وراح .. انا ويعقوب بروحنااا الللله!!

يعقوب: مابي ارد باريس

يعقوب: والله من صجي ماابي ارد كلش .. كل مااذكر اني برد يضيق خلقي .. كلمت ابوي اني احول اوراقي حق جامعة لكويت سوالي
سالفه .. بس مالي شغل بروح اكمل هالكورس هناك وبرد لكويت ..
استوعبت اني مااقدر افارقج يوم واحد .. عيل شلون لو بفارقج سنتين ..


قاعد يكلمني ؟؟؟؟؟؟؟؟؟

ساره: انا ؟؟

جان يطالع دار مداره .. ويعفس ويهه

يعقوب: لا امي !! اي انتي في احد غيرج يعني ؟؟؟

وااااااااااااااااااااااااااااااااااااااااااااااااا ي اموت ؟!؟!؟! ماني قادره اصدق

جان ايي المخابر العود فهد!!

فهد: يعقوب في احد يبي يكلمك !!!

جان ياخذ التليفون ..

يعقوب: الو .. هلا والله ..

قاعده اسمع صوت بنت ..!!

يعقوب: هاهاها .. لا والله ؟ مشكوره !!

اشكره وجدامي بعد ؟؟؟؟

ساره: منو قاعد يكلم ؟

فهد: وحده امس شافته وتقول ابيه مصخره والله مصخره شوفي بس ..
من صجه ؟؟ مايدري هذا ؟؟ شلون يسوي جذي وجدامي بعد !! ولااا هذاك طايح له سوالف معاها !! خن اقوم ماا ابيه يشوفني ابجي !!!



رحت قعدت مع الملــــيــــقــه بنت خالتي .. سكتووو لمى شافوني يت .. اشكره كانو يحشون فيني .. عادي تعودت .. ماهموني بس اللي همني شلون يسوي جذي واشكره جدامي ؟؟؟

بنت خالتها: سارونه شفيج

ساره: ولا شي ليش ؟

بنت خالتها: لا يعني قصدي مو من عوايدج تقعدين معانا وايد قمتي تقعدين مع الشباب .. فهد ويعقوب بالاحرى ..

اذبحــــهــــــــــــــــــــــا ؟؟ شتبي هذي .. نغزه يعني قومي ..

بنت خالتها الثانيه: وااااي طالعوه يشوق ماخذ تااااان ... زووووقه

جــبي He's mine

بنت خالتها: اي عاد اقول لج سارونه .. لا تلزقين اب يعقوب وايد ترا حده لعيب اكيد قاعد يقص عليج لانه يقول لي انا بعد كلام وصدقته بس اتضح لي انه جذاب لانه هم قايل نفس الكلام حق نوره ...


قمت عنهم ومشيت ..وسمعتهم يضحكووون .. ودي اختفي مادري ليش حسيت انهم قاعدين يجذبون .. لهم مصلحه انهم يجذبون ؟؟؟
جان زين عمري ماعرفته .. جان زين ماشفته .. ليش جذي حظي .. انا عمري ماتوقعت نفسي اني احب .. ليش يصير فيني جذي .. ولا مره جرحت احد .. ولا مره لعبت بمشاعر غيري

 

[تفاخيه مبطوطه]

هلا تفوووخ شلونج شخبارج و شلون سباجه
سلمي عليها واييد

حلاة التشويق بالقصه اني اعلقكم
يلا خلونا نكمل قصتنا

هلا والله ... انا بخير وسباجه هم بخير الحمدلله

لا تكفين لا تعلقيناااااا حطيها كامله ترى اتوتررررررررررر

 

[xtina-90]

يلا يلا يلا يلا يىىىىىىىى كملي
بس ترى هاذامو حب هاذا يسمونه اعجااااااااب

 

[الدنـ نور ـيا]

ودي أفهم ألحين وين القصة والله لاقصة ولامحتوى ونزوة من نزوات المراهقين والمشكلة عنوانها قصة حب كويتية , ترى اللي يقرأ القصة ومايعرف المجتمع الكويتي لايظن الظن الشين ترى إحنا مجتمع محافظ وأهلنا ناس ملتزمين على إختلاف عوايلنا بس عاداتنا وحدة وأه شي عندنا الدين والقيم وسامحونا غلطة قلم .

 

[مس فيراري]

أهلين سبأ كوين بصراحه خوووووش قصه بس عفيا حطيها كامله لا تعلقينا . أبي أعرف النهايه . هالقصه ذكرتني بروايات عبير مادري ليش لوووووول

 

[Chocolate Milk]

حطيها كامله بليز

 

[SabaQueen]

هلا هلا بالحلوين شكرا لكل من تابع معانا
يلا نكمل معاكم بارت جديد من حزايتنا .

 

[SabaQueen]

يتبع ..

لازم اروح اكلمه .. رحت له ولا اشوفه مع فهد

ساره: فهد شوي عن اذك بكلم يعقوب ..

اي اشكره لو اكو اوادم جان هم سويت نفس الشي !!! ماهمني منو موجود بس همي اطلع حرتي .. ودي اصرخ

يعقوب : شفيج ؟؟

ساره:شفيني ؟!؟!؟! يعني ماتدري شفيني .. بفهم انا يعقوب انت اش شايفني ؟؟ تحسبني انا مثل هالبنات اللي فاضيه اللي ماهمها الا نفسها وله شنو ؟؟؟؟
يعقوب انا اكبر من جذي لكن للاسف اثبت اني صغيره لاني صدقت كل الكلام اللي قلته لي .. شنو هالخرابيط ؟؟
شلون تروح تكلم بنات خالتي وتقول لهم نفس الكلام اللي قلته لي وشلون تكلم وحده جدامي جذي ؟!!؟
نزل راسه .. متوقعه يقول اسف سامحيني .. ماراح اعيدها

يعقوب : خلصتي ؟؟

ساره: شنو ؟

يعقوب: اقولج خلصتي كلامج ؟؟

اوف ليش عصب جذي .. اهو الغلطان مو انا !!

ساره: اي خلصت بس لا اتوقع انك تقدر اتبرر موقفك ..

يعقوب: يعني منتي مخليتني اتكلم ..

خن نشوف شعنده؟

ساره: تفضل

يعقوب: يكون بعلمج الكلام اللي قلته لج مانقال حق غيرج ابد والبنيه اللي توني كلمتها لو قاعده بس دقيقه جان سمعتي شلون هزئتها .. واذا مو مصدقتني سالي فهد وادري فيه يعزج وماراح يخش عليج شي .. والاهم من كل هذا يا ساره .. ماتوقعتج بتصدقين بنات خالتج وانتي بنفسج قايلتي انج تدرين فيهم وبجذبهم ويخربون بين الاوادم .. شوفيني انا ماغيرت نظرتي ورايي فيج ولا صدقت يوم يتني بنت خالتج وقالت لي انج وحده جذابه وتحبين تلعبين بمشاعر الناس ... ليش ؟؟
لاني احـــبـــــج لاني واثق فيج وادري انتي شنو .. بس للاسف ماتوقعتج جذي ..


صج .. حسيت نفسي صغيررررررره .. وايد صغيررررره .. صغيره لي درجه تمنيت انه يدووووسني الحين..
بدون لا احس قعدت ابجي ..عمري مابجيت جدام احد غير امي ..غبيه ليش صدقتهم ..

يعقوب: حبيبتي ... لاتبجين

جان ابجي زياده .. قال لي حبيبتي ..اطق راسي بالطووفه ؟!؟!؟

يعقوب: ساره تدرين اني مااقدر ازعل عليج .. الله يخليج لا تبجين
بس لحد يشوفج عبالهم الحين طاقج او شي

قعدت اضحك ويهي كله دمووع وسناسين !!ويع لوعت جبده اكيد الحين يهون ويقول ذلفي !!
جان يمسح دموعي .. حسيت روحي فاتن حمامه .. امبيه ابــــيـــــه !! ويهي صار طماطه

ساره: يعقوب انا اسفه

يعقوب: لا اتاسفين انتي حبيبتي صج لي قالو سلاح المرأه دموعها ..

يعقوب: ساره .. مهما يقولون مهما صار مهما تم انتي البدايه واخر ساحل وميناا .. من هرجت الناس من العذال لاتهتم لوهم يحسون فينا ماحكو فينا ..

عمري ماحسيت روحي محظوظه لي هالدرجه ..

يعقوب: تبين اروح اذبحهم ؟؟ بنات خالتج .. والله وحده ورا الثانيه ارميهم ..

ساره: ههههههههه لا خلهم يولون ماهموني لو نسوي روحنا جنه ماكو شي راح يحترون زود فخلهم ..

يعقوب : ان شاءالله

جان يبتسم وعيونه تختفي .. وااااااي ابتسامته دافيه .. حسيت كل شي بيصير اوكي
على كثر ماكنت مستانسه كان ضايق خلقي لانه سفرته قربت وايد ..وكل يوم حبي له قام يزيد .. ماهمني احد وقمت اكلمه جدام امي ..جدام اهلي كلهم ..

 

[malak 7ayati]

واي شوقتينا كمليييييييييييييييييييييييييي ترى قطعتي حبل افكارنا

 

[xtina-90]

كملي
كملـــــــــــي
كملييييييييييي
كمليييي
تكفين حطيها كامله
جذي ننسى اشصار
بليييييييييييييز

 

[xtina-90]

كمللللللللللللللللليييييييييييييييييييييييي
وااااااااااااي بصرخ

 

[مـ سهله ـو]

لا يوقف لا يوقف هاهاهاها

 

[xtina-90]

يلا حطي حرام عليج انا قاعده امجابلته وانطر

 

[عالي مستواها]

شدعوة هذي عايشة بلاس فيجاس

 

[SabaQueen]

اوكي اوكي شوي شوي علي يا بنات :eh_s(20):
بحطها و امري لله
ماني معلقتكم بروح الشاليه و استمتعوا فيها :eh_s(8):

 

[SabaQueen]

يتبع ..



يعقوب: ساره ... اتزوجيني ؟؟ وتيين معاي باريس ؟

راهي الولد .. جان اضحك ..

يعقوب: شفيج ساره من صجي ..

ساره : اولا انت 20 وانا 18 وثانيا مااقدر اسافر عن اهلي انا اذا رحت الشاليه جم يوم ايني الف اتصال من ابوي .. وراي وراك دراسه .. ماعليه يعقوب لا تحخاف انا راح انطريك ..

نزل راسه وسكت حسيت بيقول شي .. بس تم ساكت مدده طوووويله .. وبعدين قام يتكلم عن السيارات كلعاده و طبعا انا مو فاهمه شي بس اضحك على شكله وهو يشتط بالسالفه

مر اخر اسبوع بغمضة عين !! وعايلتنا كلها درت انه احنا نحب بعض .. وقامو يطفرونا ها متى الزواج ؟؟ ومن هالكلام الفاضي ..ماني قادره اتصور شلون بفارقه كل هالفتره .. احس روحي راح تطلع من مكانها وتلحقه
تصور لو خلت هالديره من عينك وش اشووووف ؟؟!!؟؟

ويـبه اليوم اللي بيسافر فيه ..
ماكان ودي اقعد من النوم ...
شفت تليفوني وله عندي مسج " احبج .. اتزوجيني ؟ "
قعدت ابجي ...
وماحسيت بروحي لاني قعدت ابجي بصوت عالي ...
جان تدش امي ..

أمها: يمه ساره سمالله عليج شفيج ؟؟؟

ماقدرت اتكلم واقول لها شفيني لاني كنت ابجي حيل ..

أمها: ساره قولي لي شفيج ؟

ساره: يمه ماا ابيه يروح الله يخليج كلمي عمي خالد وخلوه يقعد !!

أمها: لا تخافين حبيبتي بيرجع .. وبيخطبج ان شاءالله بس مو الحين حبيبتي انتو توكم صغار ماتدرين شيصير ..

ساره: بس ماابيه يروح يمه .. اخاف مايرد

جان تلمني حيل امي .. بس اول مره امي تلمني ومااحس بالاحساس اللي كله احسه ..
كل مره تلمني اتطمن .. بس هالمره غير ماحسيت بالطمئنينه ..

ماكنت ابي اروح بيت يدتي .. ماكنت ابي اشوفه

اخاف ابجي جدام كل الناس ..
مابي احد يشوفني ابجي بالاخص اهو ..
بس مااقدر اخليه يسافر بدون مايودعني ..
دشيت بيت يدتي وشفته .. مبتسم وقاعد يطالعني ..
سلمت ورحت قعدت يمه ..
شميت ريحته ..
جان تدمع عيني ..
لا مابي اببجي .. ساره لاتبجين !!
حسيت شي لمس ايدي جان اشوف وله ايده ..
مسك ايدي جان يضغط عليها " لا تخافين " .. قعد يقول لي لاتخافين ...
لازم يروحون المطار الساعه 5 والحين الساعه 4 ونص باقي نص ساعه وانا ويعقوب ماقلنا ولا كلمه حق بعض ..
خفت اذا قلت كلمه ابجي .. رفعت عيني جان اشوف ان خالتي قاعده اطالعنا .. جان تبتسم
ليش كل من قاعد يطالعنا ؟ جان يقوم يعقوب
وحسيت صاااار برد .. طالعته

يعقوب: بروح اتزهب ..

شفت عينه ادمع ! يعقوب لا تبجي ..
كل اهله تزهبوا الا اهو .. قعدت بنفس مكاني ماتحركت..
ابي انطره ابي نكون بروحنا ..
لحد يشوفنا ..
كل من طلع راحو يودعون خالي خالد ومرته و يوسف ..
لفيت ويهي جان اشوفه واقف يطالعني ..
ماقدرت امسك روحي
قعدت ابجي ..
جان ايي يمي ويمسك ايدي ..

يعقوب : شوفي لاتسويلنا مناحه يالله عاد ..

جان اضحك

يعقوب : ساره حبيبتي راح اردلج ان شاءالله .. اوعدج .. لا تخافين ..راح ادز لج مسج اول مااوصل .. اوكي حبيبتي ؟؟؟

ساره : اوكي

يعقوب: يالله عطيني بوسه ;p

ضحكت وطقيته !

يعقوب : اوف جذي بوستج ؟؟ الله يعين لو قايل لميني جان شسويتي فيني ؟؟

قعدت اضحك وابجي بنفس الوقت .. صرت جني مينونه .. والله احبه احبه
قعد يمسح على راسي ويطالعني ..

يعقوب : يالله قلبي لازم امشي الحين ..

قام جان يبوسني على راسي ..
جان يمشي .. رحت مشيت وراه .ز شفته يمشي لي الباب ..جان يلتفت ويطالعني ويبتسم مثل اول مره شافني فيها
لف ويهه واختفى
قعدت اطالع الباب ..
ابيه يرد ..
يقول لي قصيت عليج بقعد ..
بس راح ..
ليت ربي ماكتب لحظة وداااع ..

 

[SabaQueen]

يوم كامل وانا انطر ..

جنه سنه ..

ليلحين مادز مسج ..

اخاف صار فيه شي ..

وينك .. ماوحشتك عيني ؟

من كثر ماكنت تعبانه نمت بهدومي وتليفوني بيدي ..
قعدت الصبح شفت 3 مسجات استانست لان ادري ان منه ..
بطلتهم وحده "I Guess nimtay Good nigt sms me awal mateg3deen" .. "sara wainech ?" .. "we9lt "

قعدت اناقز من الوناسه ..


دزيت مسج شطوله .. وهذي صارت حالتنا .. كله مسجات لي درجه ان امي قامت تطفر ماتقعد يمي من كثر الجاك جيك بالتليفون على قولتها ..


يعقوب : I Miss U So MucH


اغلبية الوقت مسجات جذي ..


كله يقول لي ولهت عليج ..

جان زين ارد عندج ..

ياريتني مارديت ..

مااقدر انطر لين ارد ..

ومن هالكلام ..

وانا على كل مسج قلبي يتقطع زياده

ولـــهت عليه ...

وشوقي له على عيوني الحزينه باان !!


مر شهرين واحنا على هالحال .. يمكن اكلمه مره بالاسبوع على التليفون ..




October 21st عمري ماراح انسى هاليوم

دز لي مسج يقول :


يعقوب : بس ساره مااقدر اتحمل اعيش بدونج ..

ساره: صدقني والله وانا بعد .. بس ننطر شنسوي .. احبك

يعقوب: ساره كلمت ابوي

كلمه ؟!!؟ شقال له !!؟

ساره: عن شنو ؟!

يعقوب : اني ارد لكويت اكمل دراستي واخطبج

ساره :وشنو قال ؟

يعقوب: قال عنج اكيد اذا انت ماراح تخطبها انا غصبن عنك بخطب لك اياها .. وعن الدراسه بالكويت ماكو .. بس حطيته بالامر الواقع وانا الحين بالطريج رايح الجامعه بوقف قيدي حق الكورس الياي

ساره: يعقوب عفيه لا تضايق ابوك عفيه طيعه عشان يرضى عنك
يعقوب : لا تخافين ابوي راضي علي .. ساره والله احبج والله بس برد لكويت ..!!

ساره: دام ان ابوك راضي عليك هم انا راضيه عليك .. حتى انا احبك ..
قعدت افكر ..

ابوي راح يرضى انه يخطبني ؟؟

وليش مايرضى !!؟ مو ناقصه شي ..


استوعبت انه طول مارد علي .. ماحبيت ادز مسج قلت يمكن اهو بالجامعه الحين اذا خلص بيرد يدق لي ..

قعدت فوق الساعه بداري اطالع السقف لين غفت عيني شوي .. فزيت فجاه !! وشفت الساعه الا 10 بليل

قلت حق نفسي ويـــع الحين شلون برد انام !

نزلت تحت عند امي بالصاله كانت على التليفون و اتكلم بصوت واطي .. اسرار من وراي ؟؟ بس شكله الموضوع جد ..
قعدت وراها على القنفه ونطرتها تخلص .. سمعتها تقول لاحوله ولا قوة الا بالله وتكدرت .. ادري انه خبر مو زين ..

سكرت التليفون امي نطرتها تقول شي .. ماكو الوالده ساكته

ساره : يمه شفيج شسالفه ؟

هدوووء .. ولا كلمه .. شسالفه حاقرتني .. الظاهر ماتبيني اعرف شسالفه

فقمت وصلت عند الباب جان اسمعها تبجي ..
قلبي قام يعورني ..

التفت عليها ولا اهي قاعده تبجي مهستره ..

قعدت اطالعها ماني قادره اتكلم ..

يمه .. يمه شفيج ردي علي ..

ساره : يمه ..

قعدت تبجي زياده ..

امها: ساره يعقوب ..

ساره : شفيه ؟؟

امها : سوه حادث وهو رايح الجامعه و تووفى ..


شنو ؟؟؟؟؟ يعقوب توفى !

وقفت اب مكاني ..
قعدت اطالع امي ..

يمه لا مو يعقوب .. ؟؟

يعقوب اهو ماغيره .. ؟؟

اهو اللي توه قاعد يكلمني ..؟؟

اهو اللي قال لي احبج وبرد عشانج .. ؟؟

اهو اللي قال لي برد لكويت اخطبج .. ؟؟




مسـتــحيل !!!


توه كان يكلمني .. كان بيروح الجامعه عشان ايني لكويت !!

ساره : لا يمه يعقوب ما مات !! لا تقولين لا يمه لااااااا ما ماااااااات !!

قعدت اصرخ بدون مااحس لين ماقمت احس اب بلاعيمي احسهم تمزقوا !! وماقمت احس بالارض اللي تحتي احس انها بلعتني .. ولا اشوف الناس اللي دار مداري ..

ابي اموت الحين .. ابي امووووووت الحين .. ابي اروح عنده

يعقوب ليش راح عني ؟؟


ظلمة الدنيا .. ابي ابطل عيني واشوف جدامي ..

بطلت عيني حسيت انه في اوادم دار مداري .. انا حلمانه ؟؟ ان شاءالله حلمانه .. يارب موو صج ..

امها: ساره حبيبتي .. قومي شربي ماي

يعني صج .. مو حلم .. راح يعقوب وخلاني ..
الانسان الوحيد اللي حبيته .. الانسان الوحيد اللي حبني .. راااح .. مات ؟؟!!؟؟

العزا كان في بيت يدتي ..

امه وابوه واخوه كانو موجودين ..
كان شكلي جني جثه لا مشاعر ولا احاسيس ..

لا كلام ولانوم ولا اكل .. كنت ميته ....

كل جم ساعه اقعد انهار .. ابجي واتمنى انه كل دموعي هذي اهي اللي ترد يعقوب

بس مارد ..

ليش تسوي فيني جذي يعقوب .. قلت لي انك بترجع ليش مارجعت لي ؟؟؟

ام يعقوب : ساره ..

رفعت راسي وشفتها جان عيني ادمع ..

ام يعقوب : ساره بس الله يخليج لا تبجين .. قطعتي قلبي بس الله يخليج هذا ولدي والله يعلم بحسرتي .. تدرين لو يعقوب هني جان شقال لج .. جان قال لج لا تبجين ساره وانتي ادرى وتعرفين انتي اهو شكثر يحبج لي درجه ان مافارقته روحه الا واهو ينطق بسمج ..

بسمي انا ؟؟

وفجأه حسيت انه شي ثقيل انشال من قلبي مو طبيعي وخذيت نفس كبير ..

قلت حق نفسي صح لو يعقوب هني جان قال لا تبجين مااحب اشوف دموعج .. مايبي يشوفني ابجي

مرت الايام ويعقوب كل يوم بطري على بالي ..

ومااقص عليكم وقول لكم اني ماابجي كل مااذكره ..
وادري ان عمري ماراح احب واحد كثر ماحبيت هالانسان ..

فهمني معنى الحب ..

علمني الحب وانا مااعرفه ..

غير فيني اشياء وراح ..

عطاني سبب اني ابتسم واضحك

عطاني سبب اني اعيش حق نفسي مو حق غيري

حسيت بالحياة معاه

يعقوب مات .. بس ليلحين عايش بقلبي

ياحبيبي كنت وحشني من غير مااشوفك ولا تشوفني ..

النهايه .

تعبت و آنا اقرأ
وتعب قلبي اكثر ..
و سامحوني على القصور:eh_s(16):