ديوانية شموسه ورينبو...الي ولادتها بالصيف تتفضل تقرق معانا

[كاشونه الاصليه]

هلا والله بربع الديوانيه اشلونكم و شخباركم

اللي ولدو الله يعينا عالسهر وحنة عيالنا و غيرتهم

واللي ما ولدو الله يسهل عليكم وتنضمون للقافله

بس هااااااااا ترى نبي نضل مع بعض ونكمل المشوار يالربع ..

:eh_s(8): :eh_s(8): :eh_s(8):​

اي والله كملووووووووووو مشوار معنا احلى كلام سمعته انتي ورينبو راح اتشاركونا لي النهايه

 

[كاشونه الاصليه]

بنات رحت اليوم المراجعه قالولي ضغطج مرتفع وانا احاتي الفوقي 130 والتحتي 90 وعطتني موعد بعد 3 ايام بروح ما ادري خايفه انا اول مره يرتفع عندي الضغط

 

[rainbow_brite]

رينبو : الحمدلله على سلامتج ,,ومبروك ماياااج يتربى بعزكم ان شاءلله

شلون الولاده تخرع ولا سهالات <<<تحاتي وايد
ومنو اللي ولدتج

اول شي حياج الله بالديوانيه عضوة يديده

ثاني شي انا ترا ولدت بمستشفى الولاده وان شا الله باذن الله اليوم او باجر راح اكتب قصة ولادتي بالتفصيل

 

[rainbow_brite]

كاشونه سلامتج ما تشوفين شر

 

[شمس و قمر]

هااااااااااااااي اشلونكم بنات انا كات وومن جان تذكروني لوول ولدت وماشبكت بعد بالمنتدى وغيرت نكي وناسه صج الولاده رااحه الفال لكم بنات

اهلييييييييين

الحمدلله على السلامه:eh_s(17):

بنات من ولدت وعيالي شافو عبود شطانتهم صارت مو طبيعيه الله يعين الخدامه احسها ينت منهم خصوصا الصغير فاصل علينا فصله مو طبيعيه الله يعين عليهم

ههههههههههههههههه الله يعينج لازم العيال يستخفون لمن تكون امهم نفاس مادري ليه

انا عن نفسي بنتي الصغيره مستخفه من الحين

تخيلوا بنات يتوها 11 شهر ونص ماشالله وامس اهاوشها واخذ التلفون منها

شتقول؟!؟!

تقول جججججججببببببببب

انا انصدمت.............. انا جب؟!؟!

والحين كل ماهاوشها احد قالتله جببببببببب

بنات في ثلاث كروشات غاطين بنت النوخذه واوشال وام حمودي شكلهم سووها وولدو عسى الله يهون عالجميع والله كل يوم ادش بس ابي اطمن عليكم

لاتحبطيني

تكفين

كافي نونيا وازقرتيه وانتي ماشالله تبارك الرحمن عليكم نزلتوا الحموله وانا قاعده اتفرج عليكم:eh_s(1):

الله يهون عليهم يارب ويقومهم بالسلامه

 

[شمس و قمر]

كاشونه انا معاكم لي اخر المشوار اصلا بالليل وحده من خواتي تنام عندي وتروح الجامعه سهرانه قالبه نومتها وبالليل اشوفها مجابله النت عاد انا كل ما قام البيبي ارد انومه عالفير تلقيني اقوم وكل ساع اقولها حبيبتي طلي شوي عالديوانيه احس لوعت جبدها


عاد قاعده تقول ودي اعدل نومتي وانا بقلبي اقول جان زين ما تعدل نومتها مع انها مو قاعده اتسويلي شي ولا اتشيل الياهل بس سبحان الله احس لم اقوم والقاها ارتاح نفسيا وامي مسكينه كافي عليها اتجابل الناس اللي ايون واتجابل اكلي بالنفاس ما قصرت مسكينه

هههههههههههههههه والله نفس حالتي باخر نفاس

كنت ارتاح لمن اشوف اختي قاعده

مسكينه اربعين يوم قالبه نومتها عشاني:eh_s(22):

عاد هالمره قلتلها بسمي البنوته عليج الله الله فيني

هلا حبايبي والله مشتاقه لكم حيييييييييل والله قلبي مع كل وحده حامل أحس بمعاناتكم ,,, الله وياكم ويسهل عليكم يا رب .

رينبو ألف ألف مبروووك
ازقرتيه ألف مبروووك وتوتو الغالية مبروك أحمداني

المهم بقولكم قصة ولادتي ....

يوم الاثنين رحت موعدي والدكتورة سوت لي سونار لقت ماي البيبي شوية فحصتني لقت الرحم مفتوح 2 سم ووسعتني وقالت لي قبل لا تنامين شربي خروع ومنجا المهم انا شربته الساعة 1:30 وظليت لي الساعه 3:00 الفير ماكو شي ورحت أحاول أنا والا تكرمون فجأة لاعت جبدي وتكرمون رجعت الخروع كله  صراحة حده ضاق خلقي ورديت فراشي وحاولت انام قعدت الساعة 5:30 والا تكرمون معاي سهال شديد وما قدرت لي الساعة 6 حسيت بتعب وقام ينزل علي تكرمون دم ومخاط عاد وقتها قعدت زوجي وقلت له لازم اروح الطبيب الحين ورحت المستشفى والحمد الله لقيت الدكتورة موجودة هناك قاعدة تولد قلت الحمد الله لأني كنت خايفة تتأخر علي , المهم دكتورة الطوارئ فحصتني لقت الرحم مفتوح 3سم صعدتني الولادة ويتني الدكتورة على طول جان تقولي الرحم مبطل 3 سم بس فما راح أفتح ماي الياهل وكانت موصيتني أقولهم اني مو محتاجه الحقنه مالت الإسهال تكرمون لأن الخروع عمل عمايله , وركبولي جهاز التخطيط والنبض مال البيبي وظلت تتابع جهاز التخطيط لقت ان مع كل طلقه يخف نبض البيبي فقالت لي انا راح أطر أفتحه الماي الحين وبس فتحت الماي بدا الطلق يزيد قالت لي يبيلج ساعتين وحطولي الكمام (الحبيب) كانت الساعة 7:30 الصبح وأخذت الكمام ونمت وقعدت الساعة 10:30 على ألم قمت أحاول أشم الكمام حيييييييييييل أحسه ما يشتغل وأنادي السسترات بليز شغلوه أنا متألمة يقولولي الراس بيطلع سوي بوش لين تيي الدكتورة, أثاري كانو صاكين الكمام علشان أقدر أركز معاهم حق طلعت الراس, وظليت اتألم وأحاول أدز وسبحان الله أحس في شي محشور تحت لين يتني الدكتورة ورفعوا ريولي وعطوني حديدتين على جوانب السرير وقالولي سحبيهم وحاولي تدزين كثر ما تقدرين انا كنت صبورة لي أبعد مدى بس بهالمرحله ما أقص عليكم قمت أصرخ من قمة راسي والدكتورة تقولي لا تصرخين قولي يالله وادعي للي طلبوا منج صج ذكرتني يزاها الله خير وحاولت ادز بس ماكو فايده جان تقولي هالمره لي دزيتي لا تقطعينها وراح تخلصين صدقيني وسبحان الله يتلي القوه ودزيت وحاولت ما أقطعها وبقدرة الله سبحانه طلع الغالي ( أحمداني) حطوه على طول على صدري ونظفوا ويهه وخلوني أبوسه وشفطوا الماي من خشمه وبعدها شغلولي الكمام وما حسيت الا وانا بغرفتي .

والحمد الله والشكر الدكتورة ناهده بصراحه ما قصرت معاي كلش يزاها الله ألف خير .

وولدت بتاريخ 17 – 7 – 2007 يوم الثلاثاء بمستشفى دار الشفا وكنت حاجزه الجناح الإمبراطوري , وسويت استقبالي يومين الأربعاء والخميس بصراحة كنت شوي تعبانه وأنا أستقبل الناس بس الحمد الله مشت الأمور على خير والكل كان مستانس على الاستقبال .


والفال يارب حق كل البنات الحوامل , عسى الله يرزقكم ساعة السهالة , ونصيحة لا تخلون سورة مريم والزلزلة أنا من دخلت التاسع وأنا أقراهم كل يوم , وآكل رطب كل ليله , عسى الله يسهل عليكم يارب .

ماشالله تبارك الرحمن ولادتج كانت زينه ماشالله

الله يهون علينا يارب:eh_s(1):

انا رحت للدكتوره ناهده وخذيت منهم ورقة المستشفى بدون مافتح ملف عندها

وخايفه تخون فيني مادري ليه

بغيت اسالج عن خياطتها زينه؟!؟! ولا اتعورج؟!؟!

 

[TooToo]

ريمبو نا طرين قصتج وشموسه إنشاءالله تولدين بسررررررررررررررررررررررررررررررررررررعة وتكون ولادتج حدها سهاله

 

[شمس و قمر]

ريمبو نا طرين قصتج وشموسه إنشاءالله تولدين بسررررررررررررررررررررررررررررررررررررعة وتكون ولادتج حدها سهاله

:eh_s(22):

حبيبتي انتي

الله يسمع منج يارب يارب يارب

تخيلي كل يوم لمن يجونا ناس يقولون يووووووو انتي حدج موصله ياليوم ياباجر؟!؟!

وامس مرت ابوي دقت على امي تقول شخبار بنتج؟!؟! قالت امي زينه الحمدلله

ليييييه؟!؟!

قالت لاموشي بس امس اختها يوم شافتها تحطمت تقول تعبانه حدها مبين من شكلها

هههههههههههههههههههههه........... فديت خواتي والله يحاتوني حيل..... الله يديم المحبه ولايفرقنا يارب

 

[شمس و قمر]

كاشونه

بعد قلبي والله ماتشوفين شر

الظاهر كله مننا مانرفع معنوياتج وطايحيله تحبيط

ترى الشهور تعدي بسرعه ياقلبي بس التاسع اكون نصابه لو قلتلج يعدي بسرعه هههههههههههههههههه


جاكليت ..... توتو

شخباركم مع النفاس

وشلون البيبيات؟!؟!


كيوت كيتي

شخبار لاب توبج اليوم؟؟ هههههههههههه

وترى لو تشقحيني اعرجبج واطيحج على كرشتج

كل واحد بدوره رجاءا


ملاك هديه

شخبار هداوي اليوم؟؟؟

طمنينا عليها بليز


دونات

شخبارج وشخبار ولي العهد؟!؟!

ماوصيج لاتخلين شي فيه لون ازرق بالسوق الا وتشترينه هههههههههه

لازم تعوضين متنا من هالوردي لوع جبودنا هههههههههههه نبي نغير


اوش اوش

ترى ان شقحتيني بسويلج مثل كيوت كيتي...... قد اعذر من انذر

انا اختاصية عراجيب الي تشقح بططططططططططط اعرجبها وتنبط بط

ام حمودي

الله يهون عليج يارب.... ويارب تكونين ولدتي بالسلامه ونزلتي هالحموله الي كامته على النفس


بنت النوخذه

الو الو حوّل حوّل...... تشششششششششششششش<<<<< ماكو ارسال الظاهر
وينج؟!؟! ترى العرجوب جاهز>>>>>> شوفيني ماده كراعي اعرجب بالبطات

 

[شمس و قمر]

تصبحون على خيييييييييير

وادعولي اولد اليوم بليز

 

[شمس و قمر]

جـــــــــــــــــــــــــدول العضـــــــــــــــــــــوات النشـــــــــــــطات

ذكريات 6-5-2006<<<<<< ولدت والحمدلله.... جابت ولـــــــــد

كات وومن 26-5-2007<<<<ولدت بالسلامه....وجابت بنوته حلوه

مي الحلوه 20-6-2007<<<<ولدت بالسلامه وجابت ولــــــد

دموع الذهب 23-6-2007 ولدت باذن الله وناطرين اخبارها

كي كي 23-6-2007 اكيد ولدت بس محد قالنا

الفرحه السجينه 26-6-2007 ولدت الحمدلله وجابت بوووووي

فروتي.......... ولدت ان شالله بس ماندري شنو جابت:eh_s(8):

ام عواشي 1-7-2007<<<<<ولدت بالسلامه وجابت بنوتـــــــه:eh_s(17):

شروفه 2-7-2007 <<<<< ولدت وجابت بنوته حلوه اسمها نور


TooTooتو تو 10-7-2007 ولدت الحمدلله بتاريخ 13-7-2007 وماشالله جابت الولد الي تتمناة

جاكليت 12-7-2007 ولدت بتاريخ7-7-2007 وجابت بنوته عسلللللللللل

أم حمووودي 20-7-2007<<< كلللله منها معطله السير والبنات قاموا يشقحونها

رينبو 1-8-2007 <<<<<<ولدت ماشالله تبارك الرحمن بتاريخ19-7-2007 وخونت فيني وجابت ولد

زقرتيه 1-8-2007 <<<< ولدت ماشالله بتاريخ 17-7-2007 وجابت ولد

شمس وقمر 1-8-2007 :eh_s(1): :eh_s(2): يالله يابطله شدي حيلج<<<<اشجع نفسي

بنت النوخذه 2-8-2007

ام آلاء(( كيوت كيتي )) 2-8-2007

nonia نونيا 2-8-2007 ولدت ماشالله وجابت ولد سمته احمد

fjnt ام شيوخه 5-8-2007


اوشال 8-8-2007

ماي لوف 1-9-2007

ملاك هدية 3-9-2007

سعادتي برضى ربي 28-9-2007

دونات 30-9-2007

كاشونه 30-10-2007...... الله يعينج على طول الانتظار

 

[TooToo]

انا عندي موعد بعد اشوي مع دكتورتي بتشوف جرحي من عقب العملية

والنفاس انشاءالله يمر على خير خو ضيقة الخلق والسهر مالها والي مانمت طول الليل مع البيبي اسم الله عليه -- ولازم آكل زين عشان ارضع بس ما ابي اسمن --والبطن حده يلوع الجبد وكل ما قست شي ما يزها علي احبااااااااااااااااااااط

--عاد اتصدقين ودي عقب الدكتورة امر السوق ابطريجي هاهاهاهاهاهاهاها هااهاهاهاهاها

 

[Cute Kitty]

كاشونه
ههههههههههه ضحكتيني
المشكله هذا ما ينفع معاه كمبيوتر بيت اهلي لما كنت اهدده كان يشتغل بس هذا راسه يابس

المهم سلامتج حبيبتي ولا تحاتين ارتفاع الضغط ولا السكر بالحمال يروح بعد الولاده يعني ان شاء الله مو دايم

شموس
شكله اللاب توب بدا يحترم نفسه بروحه ههههههههه
يما يما كل هذا اذا شقحتج لا مابي هونت وين تعرجبيني انا وكرشتي
خلاص خليني اشجعج علشان تولدين بسرعه وما اشقحج هههههههه:eh_s(9)::eh_s(15):


توتو
بانتظار عودتك من عند الطبيب
وطمنينا على جرحج وبالنسبه للسهر هالسوالف انا مو مجربتها هذي اول مره بس الكل يقولي الله يعينج الحين بس ودج تولدين وبعدين بتقولين ياريتني ماولدت (حدي مليت من هالجمله )



انا باجر الصبح ان شاء الله موعدي عند الدكتوره ادعولي بنات

 

[TooToo]

هلا Cute Kitty

الحمدالله جرحي زين وملتأم ..شالت اللزاق مال عقب العملية ونظفته وعقمته لي . ومشكورةه عالسؤال حبيبتي.

 

[rainbow_brite]

حمد الله على سلامتج توتو ويبيله سوق صح



واي حدي متشوقه عالسوق وبعنف بعد


يالله بس ايصير لي عشرين يوم هجوم عالسوق توتو من عقب ما ولدتي ما اتحسين بنتج الصغيره وايد كبرت انا اسم الله عليه الصغير كله اشوفه بيبي ولم ولدت اشوف راسه صار كبير واحسه صار ريال


ام آلاء صج الكل يقول هالكلمه بس والله السهر والمجابل ولا الحمال وثقله ان شا الله تولدين بالسلامه وترتاحين

 

[TooToo]

حمد الله على سلامتج توتو ويبيله سوق صح



واي حدي متشوقه عالسوق وبعنف بعد


يالله بس ايصير لي عشرين يوم هجوم عالسوق توتو من عقب ما ولدتي ما اتحسين بنتج الصغيره وايد كبرت انا اسم الله عليه الصغير كله اشوفه بيبي ولم ولدت اشوف راسه صار كبير واحسه صار ريال




ام آلاء صج الكل يقول هالكلمه بس والله السهر والمجابل ولا الحمال وثقله ان شا الله تولدين بالسلامه وترتاحين

الله يسلمج حبيبتي ريمبو ...صح صح صح صح ريمبو بنتي اشوفها اشكبرهاااااااااااااا لا وتبيني امهدها بعد لووووووووووووول

 

[كاشونه الاصليه]

كاشونه سلامتج ما تشوفين شر

الشر ما اييج يا حبيبتي بس يله الله كريم :eh_s(1):

 

[كاشونه الاصليه]

كاشونه

بعد قلبي والله ماتشوفين شر

الظاهر كله مننا مانرفع معنوياتج وطايحيله تحبيط

ترى الشهور تعدي بسرعه ياقلبي بس التاسع اكون نصابه لو قلتلج يعدي بسرعه هههههههههههههههههه


جاكليت ..... توتو

شخباركم مع النفاس

وشلون البيبيات؟!؟!


كيوت كيتي

شخبار لاب توبج اليوم؟؟ هههههههههههه

وترى لو تشقحيني اعرجبج واطيحج على كرشتج

كل واحد بدوره رجاءا


ملاك هديه

شخبار هداوي اليوم؟؟؟

طمنينا عليها بليز


دونات

شخبارج وشخبار ولي العهد؟!؟!

ماوصيج لاتخلين شي فيه لون ازرق بالسوق الا وتشترينه هههههههههه

لازم تعوضين متنا من هالوردي لوع جبودنا هههههههههههه نبي نغير


اوش اوش

ترى ان شقحتيني بسويلج مثل كيوت كيتي...... قد اعذر من انذر

انا اختاصية عراجيب الي تشقح بططططططططططط اعرجبها وتنبط بط

ام حمودي

الله يهون عليج يارب.... ويارب تكونين ولدتي بالسلامه ونزلتي هالحموله الي كامته على النفس


بنت النوخذه

الو الو حوّل حوّل...... تشششششششششششششش<<<<< ماكو ارسال الظاهر
وينج؟!؟! ترى العرجوب جاهز>>>>>> شوفيني ماده كراعي اعرجب بالبطات

اي والله معنوياتي طايحه اهاااااااااااااااااا ضغطي ضغطي فيلم مصري :eh_s(20):

 

[أوشال]

هااااااااي

بنات


شخبااااااااااركم


قريت ردودكم على السررررررررررررريع

مافي اخبار عن ام حمووووودي ؟؟ّ!!!

مابي اولد شهر 8 ابي شهر 7 وتبقى أمنيه ...

المهم

ماكو شااااده حيلي على السووق اتمشى واتشرى

السوووووق كله عرووض نكست مسووي سيل

ودبنهامز بعد شغلالالالالالات حلوة

بس طقت جبدي بوووووولد

رينبوو شووقتيني على الحسوو والقبووط ييييييييمي

بس لا تخربطين وايد انتبهي على وزنج

وسؤال اشلوون الرضاعة معاج ؟؟ لان خايفة تلتهب الحلمه ثاني مره

كانت معاااااااااااااااااااااناه

عموما دعواتكم لنا بالولادة الميسرره


ورينبوو أأأأأأأأأأأبي القصة اليوم اليووم

مابي بطلع وبرجع أحصل القصة اووووووكيك


باي

 

[ملاك هدية]

قوه
شلونكم
ما اقدر اطول بس بعطيكم اخر الاخبار
هداوي للحين بالمستشفى وانا معاها
الحراره توصل لما 40.7
وترجع تنخفض محد يدري شفيها كل دكتور يفتي من راسه
كاسره خاطري واذبحوها بالكمادات
المشكله انها مو راضيه تبلع الادول بس ترج لو تشرب ماي بترجعه
خلوها على الله والله نسيت اني تعبانه بس احاتي هداوي
اعذروني ما اقدر اردرعلى وحده وحده
بس مبروك للي ولدو