رواية انت بحري وانا اليم بقلم الكويتيه سموره[ روآيه مسمُوح بهآ ]

[ام حمادي309]

السلام عليكم ورحمة الله وبركاته




طبعا هذي روايه الثانيه


بعنوان / أنت بحري وأنا اليم

كان ودي انزل روايتي الاولى بس كان وايد ضغط وتوه عطوني موافقه اتمنى عدم اغلاقها

فى هذا المنتدى الغالى على قلبى


بأدارته واعضائه وأســـرته المتواضعه


الروايه حقيقيه 100%100


والله الشاهد على حقيقتها


الكاتبه الكويتيه / سمــوره

تكون اختي وانه بنزل البارتات نيابه عنها

المصدر كويتي انا كويتي

​

​

اي استفسار انه حاظره ....


​

 

[ام حمادي309]

رد: رواية انت بحري وانا اليم بقلم الكويتيه سموره

البارت الاول





((خالد عمره 24 سنه وظيفته ضابط فى الجيش برتبة ملازم اول خالد فى الدوام يتكلم فى تلفونه مع وحده تربطه فيها علاقه
ونوع العلاقه علاقه عابره يعنى *تسليه* واستمرت هذى العلاقه بينهم
بحدود 9 شهور يعنى ماكملت السنه ))





خالد : فطوم ارجو ان تكون هذى نهاية علاقتنا انا ماقدر استمر معاج واحنا من البدايه متفقين ان علاقتنا علاقه عابره


فاطمه : خالد صح كلامك بس ممكن اعرف شنو سبب ان ننهي العلاقه ..؟؟


خالد : صراحه العلاقه اللى بينا لازم تنتهى وحنى لازم نخاف الله بهذى العلاقه
يكفى اثام


فاطمه : الله الله الحين صرت دين وتخاف الله
بعد كل اللى صار بينا!!!


خالد : اى صرت دين وفكرت ان كل اللى نسوى حرام وهذى العلاقه لازم تنتهى
وانا لازم اترك هذى الاثام ودور لى على بنت الحلال اللى تسترنى واسترها


فاطمه : وى عاد اشدعوه انا ميته عليك انا كنت اتسلى فيك بس .........
بشوف منو طايحت الحظ اللى بترضى فيك زوج


خالد : انا راح اغير رقم تلفونى وارجو انك تسامحينى اذا صار منى خطا
فى يوم وصدقينى فاطمه انا انصحك انك انتى بعد تبعدين عن هذا الطريج
وتشوفين ربج وتستغفرين لذنوبك


فاطمه : مابقى الا انت اللى تعطينى نصايح بعد وليش تغير رقم تلفونك
انا مو ميته عليك ولا راح ادق عليك ولا دق على انت بعد


خالد : لاتخافين عمرى ماراح افكر ارجع للاثم ودق عليج


فاطمه : يالله باى نرفزتنى
( وسكرت التلفون فى وجه خالد )



خالد : يطالع التلفون الحمد لله والشكر الله يبعدنا عن الحرام اللهم سامحنى
بكل ذنب اذنبته




خالد خلص دوامه الساعه 1.30 رايح البيت
وصل البيت


فى البيت
(( ابوه عبداللطيف وعمره 59 سنه
امه رقيه عمرها 53
اخوه الكبير يوسف عمره 31 متزوج من 5 سنوات والله مارزقهم باطفال وساكن فى البيت معاهم وزوجته امل عمرها 28
واخ ثانى اسمه سعد غير متزوج وعمره 27
واخ ثالث وهو اصغر من خالد الجعده اسمه مشارى عمره 11 سنه
وخواته ريم عمرها17
منيره عمرها 14))





خالد : يدخل البيت السلام عليكم


(الكل كان متواجد ينطره على الغداء)
وعليكم السلام


سعد : خالد كل يوم نموت يوع عشانك والسبب توصل البيت متأخر


خالد : شسوى بعد دوامى بعيد خلاص مره ثانيه بركب بطيارة الدوام ورجع


الكل يضحك هههههههههههههههههه


خالد : يمه مره ثانيه شيلو لى غدى لاتنطرونى


امه رقيه : لا اشدعوى يحافظ شنو بنموت اذا نطرناك اليمعه على الوجبه حلوه
لابننطرك


ابوه عبداللطيف : لاتاخذ كلام اخوك سعد تعرف سعد يحب يضحك وملقووف


سعد : لااخوى اتغشمر تدرى احب اطفرك


الكل يضحك


خالد : يالله انا ابدل ملابسي وانزل عندى لكم خبر


يوسف : خير ان شاء الله شي يبشر بالخير ؟؟


خالد : وهو يضحك وانا عندى شي مايبشر بالخير





على الغداء والكل مجتمع


امه رقيه : ها خالد.... شنو شنو عندك بشرنا


خالد : انا قررت انكم تشوفون لى بنت الحلال ابى اتزوج


ابو عبداللطيف : هذى الساعه المباركه مو مثل اخوك سعد بنموت وحنا مو شايفين عياله
رافض الزواج


الكل : الله يطول بعمركم


يوسف : وهو وجه محمر ان شاء الله بتشوفون عيالنا كلنا وعيال عيالنا بعد


امه : الله يرزقكم الذريه الصالحه وتشوفون عيالكم وتربونهم احسن تربيه


زوجة يوسف امل : امين ياخالتى من حلجج الى باب السماء


سعد : (يقرب على خالد وبصوت منخفض )
هاا خلود منو العروسه ضبطنا


خالد : اى صح يمه ابيج انتى تشوفين لى العروسه ابي ذوقج


سعد : كسر فينى ههههههههههه


امه رقيه : ان شاء الله انت الكل يتمناك
...................................




((تمر ايام وشهور وكل يوم وثاني امه شايفه له عروس بس للاسف مافيهم وحده عجبت خالد
وهو راجع من الدوام يشوف سياره واقفه على يمين الشارع وبداخلها بنت يوقف خالد وينزل من السياره ))




خالد : السلام عليكم عسى ماشر اختى اى مساعده



((شيماء عمرها 21 سنه بنت رائعة بالجمال بيضه وعيونها واسعه وشعرها طويل ومثل الحرير طالبه جامعيه وصاحبة اسلوب راقى وخجل ومن عايله ملتزمه فى الدين ولكن اهى وحيده فى الكويت وهى مو كويتيه من بلد خليجيه من ((البحرين)) وملتحقه فى الجامعه فى الكويت
لتخصص ماكان يسمح لها بدخوله فى بلدها البحرين فالتحقت فى جامعه فى الكويت وتم قبولها وهى الحين فى السنه الثالثه فى الجامعه))




شيماء : وبدون لاترفع راسها وعليكم السلام وسكتت وكانت عيونها مقوووره من الدموع


خالد : شاف التاير مبنجر والبنت ماتكلمت غير برد السلام وعيونها متروسه دموع
ممكن تفتحين الدبه اغيرلج التاير ؟؟


شيماء : .............. اذا سمحت


((خالد نزل الاسبير من الدبه بس للاسف الاسبير كان هم مبنجر ))



قال حق شيماء التاير بعد هذا مبنجر


شيماء : امبيه شنو الحل ؟؟


خالد : دقى على اهلج يجون ياخذونج وانا ماراح امشي بنطر لما يجى احد من اهلج
وياخذج


شيماء : بجت وقالت انا ماعندى اهل اهنى


خالد : @@ ليش ؟؟


شيماء : انا مو كويتيه وعايشه بروحى اهنى بالكويت ادرس


خالد : سكت شوى ومايدرى شنو يسوى قالها ممكن اصلح لج التاير ونرجع نركبه ؟


شيماء : اخاف تطول على


خالد : وانا ماراح اخليج اهنى بروحج انتى راح تجين معاى نصلح التاير ونرجع


شيماء : مستحيل اركب معاك


خالد : عيل شنو بتسوين ؟؟


شيماء : روح انت بروحك وانا بنطرك بس لاطول على


خالد : مستحيل اخليج اهنى بروحج


شيماء : وانا مستحيل اركب معاك


خالد : يحط ايده فى جيبه وطلع هويته ويقول لها هذا اسمى وعنوانى
وانا مثل ماانتى شايفه ضابط
ركبي معاى واذا حصل منى اى شى
هويتى خليها معاج بلغي عنى



شيماء : من بعد رفض شديد شافت مالها حل الا انها تركب معاه وركبت مع خالد بالسياره
عشان يصلحون التاير


خالد : يدق تلفون على البيت


سعد : الوو نعم


خالد : سعد انا راح اتأخر لاتنطرونى على الغدى


سعد : انا قايل لو بننطرك كل يوم وزنى بينزل لما يصير10 كيلووو


خالد : يضحك يالله يالبطينى روح قولهم اكلو


سعد : مايصدقونى هاك كلم امي


خالد : قوه يمه انا راح اتاخر تغدو


رقيه امه : اشفيك عسى ماشر ؟؟


خالد : مافينى شى بس عندى اشوى شغل وراح اتأخر


رقيه امه : زين دربالك على نفسك


خالد : ان اشاء الله يمه وسكر التلفون


خالد : يعرف نفسه على شيماء انا اسمى خالد
عمري ...... وعرف عن نفسه
ممكن اعرف اسمج ؟


شيماء : لاطبعا مو ممكن انت وعدتني انك تصلح التاير ونرجع مانبي نتعرف


خالد : انحرررج وحس بداخله ان البنت ذات خلق وماعندها سوالف بطاليه


وطول الطريج كانو ساكتين لما وصلو المصلح صلح خالد التاير وحطه بالسياره
وهم بالطريج راجعين للسياره


شيماء : ماتقصر اخوى تعبتك معاى وانت توك طالع من دوامك


خالد : ردت فيه الروح لا اختى بالعكس لاتعب ولاشي


شيماء : جد اسفه اذا حصل منى ازعاج لك


خالد : لا مافى اى ازعاج بس انتى فهمتينى غلط لما طلبت اعرف اسمج


شيماء : انا ما تعودت اكلم احد صراحه ولا اعطي اسمي حق احد
وانا اهلى وافقو على دراستى فى الكويت عشان اهم يعرفون
اخلاقى ويوثقون فينى انا ما ابي اكون الا محل ثقه فى عين نفسى وعين اهلى
حتى لو كنت بعيده عنهم ومحد يعرف عنى شى


خالد : اعجب بكلام شيماء واخلاقها ومعزتها فى نفسها انها تكون محل ثقه حتى فى عين نفسها
قبل لاتكون محل ثقه فى عين احد ثانى


خالد : كلامج صراحه وايد اثر فينى وحسسنى بشى ادور عليه


شيماء : شنو هذا الشي ؟؟


خالد : ادور على عروسه وجنى لقيت العروسه


شيماء : وهي منحرجه .... ممكن الحين نسكت وتشوف طريجك


خالد : انتى بكلامج خليتينى ما اشوف


شيماء : تضحك بس تخفي الضحكه عن خالد


خالد : والله انا قاعد ادور بنت الحلال من شهور واتمنى من ربى ان تكون انتى بنت الحلال اللى ادور عليها


شيماء : اعجبت فى شخصية خالد بس مبدأها كان يحتم عليها انها ما تتعرف عليه


وصلو عند السياره وبدل خالد التاير


شيماء: مشكور اخوى ماتقصر


خالد العفوا ديري بالج على نفسج


شيماء : تبتسم وتمشي


خالد يلحق شيماء حتى وصلت السكن اللى ساكنه فيه
وشيماء مانتبهت ان خالد كان لاحقها


خالد وصل البيت الساعه 3.15 العصر


دخل البيت كان موجود فى الصاله اخوه سعد
سلم عليه وقامو يسولفون شوى ويتغشمرون


خالد وهو صاعد غرفته على الدرج امه نازله من الدرج




امه رقيه : هاا خالد اشعندك طولت جذى يلا بدل وانزل احطلك الغدى


خالد : يمه تعالى ابيج بموضوع بالغرفه


امه رقيه : خير ان شاء الله فيك شى


خالد : لايمه مافى شى بس بكلمج بموضوع


دخلو الغرفه


خالد : يمه انا خلاص لقيت بنت الحلال وابيها


امه رقيه @ منو هذى


خالد : قص حق امه السالفه مع البنت اللى شافها اللى اهى شيماء


امه رقيه : يا خالد شنو اللى قاعد تقوله اشلون تاخذ وحده مو كويتيه
انا مو موافقه


خالد : @@ ليش يمه البنت باين عليها وايد زينه ومحترمه ومتربيه زين


امه رقيه : وانا ماقلت شى عن تربيتها بس حلات الثوب رقعته منه وفيه
وهم عاداتهم وتقاليدهم تختلف عنا


خالد : يمه الخليج كلهم عاداتهم وتقاليدهم وحده


امه رقيه : وهى قايمه انا مو موافقه ومستحيل اوافق


خالد : يمه انا ابيها ومابي اى وحده غيرها


امه رقيه : انا شايفت لك وحده تليق فيك وعندنا موعد مع اهلها الاسبوع الجاى يوم الخميس


خالد : يمه الغي الموعد ما ابى الا البنت هذى


امه رقيه : @@ وشنو اقول حق الناس اللى ماخذين معاهم موعد


خالد : كيفج قولى لهم اى شي انا ما ابى غير البنت اللى قتلج عنها


امه رقيه : تطلع وتسكر الباب بقوه وهى معصبه


خالد : يطلع ورى امه ويمسكه وبوس راسها يمه سامحينى اذا طولت لسانى عليج
يمه خلينى اختار شريكة حياتى وصدقينى اذا شفتيها راح تعجبج البنت


امه رقيه : تلمه والله ياخالد ابي لك السعاده بس انا ما اشوف سعادتك مع وحده مو كويتيه






















نهاية البارت​

 

[sweet.sanfoora]

رد: رواية انت بحري وانا اليم بقلم الكويتيه سموره

موفقه حياتووو ناطرينج

 

[ام حمادي309]

رد: رواية انت بحري وانا اليم بقلم الكويتيه سموره

موفقه حياتووو ناطرينج

مشكورة على مرورج حبيبتي

 

[so_what]

رد: رواية انت بحري وانا اليم بقلم الكويتيه سموره

يسلموو على البارت

 

[ام حمادي309]

رد: رواية انت بحري وانا اليم بقلم الكويتيه سموره

يسلموو على البارت

هلا والله حبيبتي

يسلمووو على الرد

اشدعوووووووووه كاتبه بارت و ناطره الردوود وينكم​

 

[ام حمادي309]

رد: رواية انت بحري وانا اليم بقلم الكويتيه سموره

البارت الثاني



امه رقيه : وهى لامه خالد وتقول له انا ما اشوف سعاتك مع وحده مو كويتيه

خالد : يمه الخليج كله واحد ومومهم الجنسيه المهم الاخلاق وان البنت دخلت بالى

امه رقيه : زين مانبي نستعجل انت شوف البنت اللى عندنا موعد مع اهلها
واذا ماعجبتك يصير خير

خالد : ان شاء الله يمه

امه رقيه : يالله الحين بدل وخل ازهب لك الغدى

خالد : ان شاء الله

خالد : نزل يتغدى بالصاله واخوه سعد مقابله ويسولفون

سعد : خالد انا بعرف انت شنو اللى خلاك تعزم على الزواج خلك اعزوبي احسن لك
لاحق على الزواج

خالد : سعد ياخوى لي متى واحنا نعيش حياتنا بالحرام والمراكض ورى البنات
والله ترى هذا كله محسوب علينا وكما تدين تدان

سعد : روح زين البنت اللى ترضى بالصداقه مع واحد محد طقها على ايدها
واجبرها انها تتعرف اهى راضيه ليش بعد تدين وتدان ومادرى شنو تقول

خالد : صدقنى ياخوى البنات ناقصين عقل ودين وبسرعه ينقص عليهم من اى واحد
وحنا لازم مانكون ذئاب بشريه ونصطاد بالماء العكر ونقول هى راضيه
ترضى احد يتعرف على وحده من خواتك ؟؟

سعد : عشان اذبحه واذبحها معاه

خالد : وانت ماتخاف ان اخو اللى تكلمها يذبحك ويذبح اخته معاك ؟

سعد : والله خالد الكلام اللى تقوله يقنع الله ييسر امورك وتتزوج بنت تحفظك وتحفظها

خالد : امييييييييييييييييين يارب وامي توافق عليها

سعد : @@ شنو امى توافق عليها يعنى فى وحده فى بالك خلوووود ؟؟

خالد : يتنهد اه يا سعد لو تشوف اللى شفته اليوم

سعد : شنو شفت ؟؟

خالد قال حق سعد السالفه كلها وقال له على جمالها واخلاقها
بس انه امه مو موافقه بسبب انها مو كويتيه

سعد : وانا بعد مو موافق حتى لو كانت اخلاق وجميله مو معنا انك تتزوج وحده
مو من ثوبك واهلها بديره ثانيه

خالد : انتو اشفيكم شنو فيها يعنى ان مو كويتيه شنو اللى يفرق بين كويتيه ومو كويتيه

سعد : يفرق وايد اشياء

خالد : مثل شنو ؟؟

سعد : البنت اهلها ماراح يكونون معاها فى ديره ثانيه وصدقنى راح تدوخك كل يوم وثاني
تبي تشوف اهلها ومشتاقه لديرتها او او او سوالف انت غنى عنها
باجر يكتبون شارع باسمك كثر ما تمر عليه رايح راد وانت عسكرى
والسفر ممنوع لك الا باذن يعنى مو بكل مره راح تسافر معاها مرات ما راح تقدر ويعنى
راح تسافر اهى بروحها وهذى مو من عوايدنا وبنفس الوقت ماتجوز شرعا

خالد : شوف سعد لاتسكرها فى وجهى انا ابي البنت هذى لو شنو صار
وما ابى غيرها

سعد : فكر عدل قبل لاتقرر فكر بكل شى حتى لو صار خلاف بينكم
شنو بتسوى واهلها بديره وهى بديره فكر ياخالد عدل

خالد : مفكر وخالص

سعد : وهو قايم على راحتك



الساعه 7 بالليل

خالد : راح سكن شيماء ووقف فتره طويله ينتظرها تطلع ولكن ماطلعت
كتب رساله وحطها على سيارتها ومشى راح البيت
وفى البيت خالد قعد يفكر بكلام سعد فتره طويله حتى خذته النومه ونام

الصبح شيماء نزلت بتروح الجامعه
وهى صاعده السياره تشوف ورقه على جامة السياره
خذت الورقه وفتحتها وقرت مكتوب فيها
((انا خالد وهذا رقم تلفونى والله نيتى شريفه ))

شيماء : عصبت وبدون شعور ترفع التلفون وتتصل على خالد
الوو انت باى حق تلحقنى وتدل سكنى وتحط رساله على السياره
ترى انا مو من البنات اللى يرق قلبهم ولا ينقص عليهم بكلمتين
ارجوا انك تنسى انك شفتنى وارجو مره ثانيه ماتحاول تسوى شى
مثل اللى سويته ولا راح اتخذ معاك اسلوب ثانى واشتكى عليك

خالد: كان بطريجه رايح الدوام لما اتصلت عليه شيماء
وكان يسمعها وساكت ومافتح حلجه بكلمه وحده لما اخلصت من كلامها قال لها
زين خلصتى كلامج ؟؟

شيماء : اى خلصت واعتقد سمعته زين

خالد : ممكن تسمعين كلامي انتى الحين

شيماء : شنو عندك قول وهى معصبه

خالد : انا ما عرفت عنج اى شى اذا انتى متزوجه ولا لاء
انا حتى اسمج ماعرفته بس اللى عرفته انى طالب القرب منج
واذا انتى ماتبينى ازعجج مره ثانيه ممكن تعطينى تلفون اهلج بالبحرين

شيماء : @@ وانت شنو تبي فى تلفون اهلى

خالد : ابي اتقدم لج منهم

شيماء : تضحك ههههههه انت مينووون

خالد : مينون من اول نظره شفتج فيها

شيماء : هذا تلفون اهلى ******** وعطته الرقم

خالد : يعنى افهم بعد ماعطيتينى رقم اهلج انج موافقه على الزواج

شيماء : تقدر تقول موافقه مبدئيه بعد ما اسمع راى اهلى
وعرف كل شى عنك

خالد : اى انا اقولج كل شى عنى

شيماء : لا ما ابى اعرف منك ابي اعرف من اهلى بعد ماتكلمهم
اهم يقولون لى

خالد : خلاص بس لازم اعرف بعدين شنو رايهم منج

شيماء : اتمنى انك ماتتصل على خل كلامك مع اهلى مو معاى انا
وانت راح تسمع ردى من اهلى

خالد : اقدر ادق عليهم الحين ؟

شيماء :تضحك ههههههههه الحين الساعه 7.20 الصبح فى احد يتصل
فى هذى الحزه لمثل هالموضوع

خالد : اى صح وياج حق

شيماء : مع السلامه وارجوك لاتسبب لى احراج خل كل شى بينك وبين اهلى
انا لاتتصل على

خالد : بس ارجوج انج ماتمسحين رقمى من عندج يمكن تحتاجين اى شى
دقي علي

شيماء : ان شاء الله ماراح امسحه وما اظن انى راح احتاج شى
يخلينى اتصل عليك

خالد : اى خليه عندج للضروره

شيماء : اوكى مع السلامه

خالد : مع السلامه

خالد وصل الدوام وبعد وصوله بساعه اتصل على امه

خالد : الووو قوه يمه

امه رقيه : الله يقويك اشلونك وصلت الدوام

خالد : اى يمه وصلت يمه شنو قلتى على موضوع البنت اللى قلت لج عليها

رقيه امه : انا قلت لك شوف البنت اول اللى شايفينها لك ويصير خير اذا ماعجبتك

خالد : ان شاء الله يمه

ويمر يوم ويومين وثلاث

شيماء : تتصل على اهلها وتسلم عليهم وكانت داقه عشان تعرف خالد دق عليهم ولا لاء
بس محد جاب لها سيره عن هذا الموضوع وسكرت التلفون
وشكت فى نفسها ان الموضوع كله كان لعبه من خالد لو كان قصده صج الزواج
جان دق على اهلها وكلمهم واهلها قالو لها السالفه ماهتمت شيماء بس عرفت ان خالد
كان يلعب

اليوم الخميس وخالد وامه راحو عشان يشوفون البنت اللى كان بينهم موعد
عشان يشوفها خالد وبالفعل طقو الباب ودخلو وقعدو يسئلون خالد
اشوية اسئله وبعدها دخلت البنت شافها خالد كانت البنت حلوه وبنت مهذبه باين عليها
بس مو اهى اللى فى بال خالد بالنهايه استأذنو وقالو نرد لكم خبر

بالسياره

امه رقيه : هاا خالد اشرايك بالبنت اعتقد ان هذى البنت اللى تستاهلك
وايد حلوه وخلوقه وموظفه يعنى لا تقعد تدرس ولا تعب نفسك جاهزه

خالد : يمه يابعد قلبى انتى صج البنت حلوه وما عليها قاصر ومحد يعيبها بشي
بس انا مالى نصيب فيها

امه رقيه : @@ وليش ؟؟

خالد : يمه انا ابي البنت اللى قلت لج عليها انا اشوف مستقبلى وحياتى معاها
ولو تزوجة غيرها راح اشوف البنت اللى قلت لج عليها في عيونها
يعنى حرام اظلم البنت معاى

امه رقيه : خالد انا مو موافقه على هذى البنت اللى تقول عنها
ومستحيل تتزوجها وانا عايشه

خالد : يمه انا اللى بتزوج وانا اللى بعيش ليش تحتمون على انى اعيش مع وحده انا مو راغب فيها يمه والله انا غير هذى البنت خلاص ما راح اتزوج صرفو النظر عن زواجى من بعد اليوم
يا اما البنت هذى او ما ابى اتزوج

امه رقيه : زين خلنى اكلم البنت اللى تبيها

خالد : اى يمه بعد عمرى هذا الكلام العدل
وعطى مبايله حق امه عشان تكلم شيماء

شيماء : تشوف رقم خالد يدق وما ترد وقامت تأف وتقول لازم اغير رقم تلفونى انا الغلطانه
اللى دقيت عليه وخليته يعرف تلفونى

امه رقيه : ماترد

خالد : اى اهى الظاهر عبالها انا اللى متصل عليها

امه رقيه : ليش يعنى ما ترد اهى ماتكلمك

خالد : يمه البنت مو راضيه اكلمها

امه رقيه : يعنى انت ماتكلم البنت ؟

خالد : لا ما اكلمها يمه البنت مو مالت تلفونات ولعب البنت وايد محترمه

امه رقيه : خلنى ادق عليها من تلفونى يمكن ترد

خالد : اى والله يمه هذا خوووووش حل

امه رقيه : تدق على شيماء

شيماء : تشوف التلفون وماترد وعارفه ان هذا خالد ويدق من تلفون ثانى
وقررت انها تروح تغير تلفونها

امه رقيه : ماترد احسن بعد خيره انها ما ردت يبه شوف البنت اللى شفنها والله انها خوش بنت

خالد : يمه عفيه طلبتج طلب لاتردينى

امه رقيه : شنو بعد

خالد : خطبيها من اهلها دقى عليهم تلفون

امه رقيه : انت مو تقول اهلها فى البحرين وهى وحيده فى الكويت

خالد : اى يمه ندق عليهم فى البحرين ونحدد معاهم موعد ونشوفهم
يا ان نروج لهم او اهم يجون الكويت

امه رقيه : والله انت تخربط ما خذ الزواج لعبه عبالك

خالد : تكفه يمه تكفه

امه رقيه : زين اذا الموضوع وصل الى هذا الحد لازم نشوف ابوك وناخذ رايه اول

خالد : اى صح كلامج عدل

وصلو البيت

ابو خالد عبد اللطيف : هاا شفتو البنت عسى اعجبت خالد

خالد وامه رقيه يطالعون بعض

عبد اللطيف : اشفيكم تطالعون بعض اعجبته البنت

امه رقيه : لا ما عجبته وهو شايف بنت ويبيها مايبي غيرها

عبد اللطيب : @@ ويوم شايف بنت ليش قاعد يشوف بنات الناس

امه رقيه : قالت حق عبد اللطيف كل الموضوع وطبعا ما كان عنده مانع
وقال هو حر فى حياته واذا يبيها دقى على اهلها وحددى معاهم موعد

خالد : قام حب راس امه وابوه

امه رقيه : خذت التلفون ودقت على البحرين على اهل شيماء

امه رقيه : الوووو السلام عليكم

رحيمه ام شيماء : وعليكم السلام من معى ؟؟

امه رقيه : معاج ام يوسف من الكويت ممكن اكلم ربة البيت ؟؟

رحيمه ام شيماء : خافت انا ربة البيت شنو فى بنتى شيماء فيها شي ؟؟

امه رقيه : لالا مافيها شى انا بكلمج عن بنتج شيماء اللى اهى فى الكويت عدل

رحيمه : اى شفيها شيماء

امه رقيه : بصراحــــــه













نهايـــــــة البارت


​

 

[ام حمادي309]

رد: رواية انت بحري وانا اليم بقلم الكويتيه سموره

حبايبي ياريت لو تشاركوني بردودكم وانتوا
تشجعوون الكاتبه اذا تستمر او لا

يلا ابي تعليقاتكم الله الله ما وصيكم


:eh_s(3)::eh_s(3)::eh_s(3):​

 

[om sa3ad]

رد: رواية انت بحري وانا اليم بقلم الكويتيه سموره

وااااااااااااااااااااااي تسلم ايدج عجيبه الرواية وكملي لا يوقف لا يوقف

 

[ام حمادي309]

رد: رواية انت بحري وانا اليم بقلم الكويتيه سموره

وااااااااااااااااااااااي تسلم ايدج عجيبه الرواية وكملي لا يوقف لا يوقف

هلا والله حبيبتي

مشكووورة على التشجيع

ان شاء الله اليوم بنزل بارت بالليل
بس ناطره الردود والتعليق
​

 

[ام حمادي309]

رد: رواية انت بحري وانا اليم بقلم الكويتيه سموره

اب اب اب اب

ووووووووووين الناس ووووووين العالم

 

[Riooma]

رد: رواية انت بحري وانا اليم بقلم الكويتيه سموره

khoooooooosh shai mashalah. 7bebti kamlai

 

[بيـــشو17]

رد: رواية انت بحري وانا اليم بقلم الكويتيه سموره

روعه القصه ومشوقه :ggdw:
يسلموو ام حمادي على البارتات الحلوه :aha:
وناطرينج في بارت ثاني :e3::balo:

 

[ام حمادي309]

البارت الثالث


(( ام شيماء رحيمه بعد ماتعرفت على ام خالد وعرفت منها
ان هم يبون يخطبون بنتهم شيماء حق ولدهم خالد رحيمه ام شيماء اطلبت ان يعطونهم فرصه
عشان يردون لهم خبر بعد ان ياخذون موافقة شيماء وبعدها يحددون موعد
ليتم التعراف بينهم والنقاش فى امور الزواج ))


رحيمه ام شيماء عمرها 42 وزوجها عامر ابو شيماء عمره 64
وعندهم غير شيماء خمس بنات الكبيره علياء 25 سنه متزوجه من سنه وماعندها اطفال
وعايشه فى البحرين مع اهلها وشيماء البنت الثانيه وعمرها 21 سنه هبه عمرها 18 سنه
طالبه سعاد عمرها 14 سنه طالبه هنادى عمرها 11 سنه طالبه امل عمرها 8 سنوات
وهم ناس على قد حالهم ابوهم متزوج اكثر من مره رحيمه ام شيماء كانت اخر زوجاته
وهى الوحيده اللى على ذمته والباقين مطلقهم وعند منهم بنات وصبيان راح تعرفون عليهم
بالروايه كل واحد ومواقفه ....


رحيمه ام شيماء : اتصلت على شيماء تلفون كانت الساعه 10 بالليل
وشيماء توها كانت منسدحه على الفراش بتنام



رحيمه : الوووو شيماء اشلونج

شيماء : هلا يمه اشفيكم فى شى خرعتينى داقه هالحزه

رحيمه : لا مافينا شى شنو نايمه انتى

شيماء : لا تونى بنام

رحيمه : منو خالد وشلون عرفتي

شيماء : @@ انصدمت وصدمتها كانت مخلوطه بسعاده ..ما ما ما ادرى

رحيمه : اشفيج قمتى تقطين خيط وخيط اشلون ماتدرين

شيماء : قالت حق امها السالفه كلها وحلفت لها انها ماتربطها فى اى علاقه
ولا تعرف عنه اى شى وهى اللى عطته رقم البيت عشان تفتك منه ومن ازعاجه

رحيمه : بس هذى السالفه اكيد ما بينكم شى

شيماء : يمه انتى تعرفين بنتج

رحيمه : زين نقول مبروك يعنى موافقه

شيماء : ما ادرى يمه الشور شوركم وانا ما اطلع عن شوركم باللى تبون

رحيمه : يالعياره شورنا ومعطته رقم البيت يمه منج

شيماء : وجها يحمر وتنحرج يمــــــا كيفكم

رحيمه : زين نبي نعرف عشان ارد على امه ونضبط موعد معاهم موافقه ولا لاء

شيماء : يمه اللى دق عليكم امه مو اهو ؟؟

رحيمه : لا طبعا امه لو اهو جان زفيته شنو ماعنده اهل

شيماء : اى يمه موافقه

رحيمه : زين احنا الاسبوع الجاى على يوم الجمعه راح نكون عندج فى الكويت
ابوج يبي يكلمج قبل لايصير اى شى وبعدها نعطيهم موعد

شيماء : الله وناسه صج بتيون الكويت

رحيمه : والله ما ندرى الوناسه على ان احنى بني الكويت ولا على زواجج

شيماء : يمه اشفيج عاد وتضحك ههههههههه وسلمو على بعض وسكرو التلفون

شيماء : اسرحت فى فارس احلامها وعرفت صدق نوايه ولاول مره تحس بداخلها بشعور
موعارفه شنو اهو شعور غريب عليها كان الشعور شعورها بالحب
وهى سرحانه وهيمانه فى التفكير
يوصل لها مسج

شيماء : خير شنو هذا المسج الساعه 11.40 بالليل عسى اهلى مافيهم شى
خذت التلفون وفتحت المسج وشافت الشعور اللى حست فيه مسج من خالد
(( احـــبـــج ))

هذى الكلمه كانت نفس الصخره طايحه على شيماء اول مره تسمعها من شخص غريب عليها
وهى تبادله نفس الحب

شيماء : وبدون شعور ردت على المسج بنفس الكلمه (( احـــبـــك ))

خالد : وصله مسج شيماء وماكان متوقع ان يكون فى المسج كلمة (( احـــبـــك ))
لما شاف المسج قام يقرأ الكلمه ويتهجاها وكأن ما يعرف يقرأ او اول مره تمر عليه هذا الكلمه
على طول رفع التلفون وتصل على شيماء

شيماء : تشوف التلفون يدق ومتردده ترد عليه وقلبها ملهوف انها ترد بس كانت خايفه
وماتعرف شنو تقول قامت تطالع التلفون لما سكت

خالد : يطرش مسج وهو عرف اسمها من امه المسج
(( حبيبتى شيماء ممكن اكلمج باجر الصبح اذا تعبانه الحين))

شيماء : ترد على المسج (( اوكيه خالد ))

خالد : طااااااااااااااار من الفرحه

والاثنين نامو وهم يفكرون باجر

الصبح الساعه 7.15

خالد يتصل على شيماء وهو بطريجه لدوام

شيماء : ترددت وايد انها ترد على التلفووووووون مع انها كانت ناطره الصبح عشان المكالمه هذى سكت التلفون وهى ماردت

خالد : توقع انها نايمه واخذله ربع ساعه ورد اتصل مره ثانيه

شيماء : خافت يتسكر التلفون وهى ناطره هذا التلفون على طول ومن اول دقه ردت على التلفون
الوووو وهى حدها منحرجه ومو عارفه تتكلم

خالد : صباح الخير لايكون قعدتج من نومج ؟

شيماء : بصوت خفيف لا قاعده

خالد : اشلونج

شيماء : زينه انت اشلونك

خالد : انا اليوم احسن من كل يوم كلمتى اهلج ؟

شيماء : اى اتصلو على امس بالليل

خالد : شنو قالو لج

شيماء : مستحيه وسكتت

خالد : موافقه عمتى يقصد ام شيماء قالت انهم موافقين بس يبون ردج انتى

شيماء : ساكته

خالد : يعنى اعتبر السكوت علامة الرضا

شيماء : تضحك ههههه اى

خالد : منو قدى اليوم مو عايش بوناسه اليوم كثرى

شيماء : يمكن انا

خالد : شيومه صج انتى بعد مستانسه

شيماء : وايـــــد انت رجال صادق ووفي فى كلمتك

وقامو يسولفون وكل واحد يقول حق الثانى احساسه اتجاه الثانى ويتعرفون على بعض اكثر
وخذتهم السوالف لما خالد وصل دوامه

خالد : شيومه ممكن ادق عليج فى اى وقت

شيماء : تدرى خالد والله انا بعمرى ما كلمت اى رجال بس حسيت انك انت غير
جنى من زمان اعرفك اتصل فى اى وقت

خالد : يابعد عمرى انتى وسكرو التلفون

يدخل الدوام والكل يلاحظ ان اهو متغير والوجه مبتسم وبشوش
والكل يقوله اشفيك اليوم شكلك طاير من الفرحه ....

خالد : اليوم ريوقكم على عازمكم كلكم وعلى الريوق راح اقولكم

الكل ربعه بدوام خير ان شاء الله اكيد الشي كبير هذا اللى مونسك ومخليك تعزمنا على الريوق
شنو فيه ؟؟

وعلى الريوق خالد يا جماعه ان شاء الله جم يوم واكون عريس خلاص بودع العزوبيه وبدخل
قفص الزوجيه

الكل بالمبارك ويباركون له

شيماء : تتصل على امها
الوووو يمه اشلونج وشلون ابوى

رحيمه : الكل بخير الحمد لله انتى شلونج

شيماء : يمه بقولج شى

رحيمه : خير شنو فيه ؟؟

شيماء : يمه ترى انا كلمت خالد

رحيمه : @@ وانتى على اى اساس تكلمينه وللحين ماصار بينكم شى

شيماء : يمه اهو اتصل على وانا ما حبيت اخش عنج شى

رحيمه : لا اذا جذى السالفه انا بدق على امه الحين وقولها ولدج لا يكلم
بنتنا للحين ما صار بينهم شى عشان يقعد يتصل عليها

شيماء : لا يمه عفيه لاء خلاص ما اكلمه مره ثانيه بس لا تتصلين

رحيمه : ما راح اتصل بس راح اكلم ابوج ان انيج باجر ما راح ننطر لين يوم الجمعه
قبل لايتمادى وكل يوم وثاني يدق عليج على الاقل يدق لما يصير شى

شيماء : حبيبتى انتى يمه اى حاولو انكم تيون باجر

رحيمه : خلاص اكلم ابوج وارد لج خبر

رحيمه : سكرت التلفون من شيماء وقالت حق ابوها ان يمشون باجر الكويت
عامر ابو شيماء ماكان عنده مانع وحجزو تذاكر طيارتهم الساعه 4 العصر

رحيمه : اتصلت على شيماء وقالت لها باجر الساعه 4 العصر تنطرهم فى المطار


شيماء : طاااااااااااااااارت من الفرحه

خالد : يتصل على شيماء

شيماء : ماترد لان اوعدت امها نها ماتكلم خالد
طرشت مسج حق خالد وقالتله اللى صار وان اهلها باجر بيون الكويت
وان اهى ماتقدر تكلمه لانها اوعدت امها انها ماتكلمه

خالد : يقرأ المسج وتكبر بعينه شيماء ويعتز فى اخلاقها
ورد عليها بمسج بانتظار تلفون منج عن وصول اهلج

اليوم الثلاثاء الساعه 4 العصر

شيماء : راحت المطار تنتظر وصول طيارة اهلها

وبالفعل الساعه 4.20 طلعو اهلها من بوابة المطار
وشافتهم شيماء وراحت لهم تركض واستقبلتهم
بكل شوووووووووووووق

فى السكن فى بيت شيماء

عامر ابو شيماء : يكلم شيماء ويقول لها انتى راضيه ومفكره عدل فى اختيارج
ويبدا يكلمها انها راح تعيش بعيده عن اهلها وان راح تكون بعيده عن ديرتها
ومن هذا الكلام عشان لايكون فى شى طايف عليها ونبها بكل شى
وقعد معاها حوالى ساعتين يكلمها


شيماء : يبه والله ما قصرت وادرى انكم تبون مصلحتى
انا موافقه على الزواج

عامر ابو شيماء : رحيمه اتصلى على اهل خالد وحددى معاهم موعد

شيماء : طاااااااااااااااااااااااارت من الفرحه

رحيمه : اتصلت على بيت اهل خالد
الووووووووو السلام عليكم

امه رقيه ترفع السماعه الوووو من معاى ؟؟


رحيمه : انا ام شيماء













نهاية البارت







​

 

[ام حمادي309]

رد: رواية انت بحري وانا اليم بقلم الكويتيه سموره

khoooooooosh shai mashalah. 7bebti kamlai

هلا حبيبتي

حياج منوره الروايه

ان شااااء الله بكمل​

 

[ام حمادي309]

رد: رواية انت بحري وانا اليم بقلم الكويتيه سموره

روعه القصه ومشوقه :ggdw:
يسلموو ام حمادي على البارتات الحلوه :aha:
وناطرينج في بارت ثاني :e3::balo:

هلا و غلا حبيبتي

الله يسلمج من كل شررر

ان شاء الله مواصله معاكم​

 

[MeeMeeYoo_2]

يعطيج العافيه

 

[مـ سهله ـو]

حلووووووووه الروايه يالله انا متابعتج بعد

 

[أكابر بشوفك]

حبيبتي مــــــــــشكوره وايد ع القصه

لكن حرام عليج مندمجه وايد بالقصه وافجج اعيوني ع الشاشه واتابع لدرجه انه بنت اختي لصغيره تقولي خالتي ليش وانت ع النت تبتسمين قلتلها منسجمه بالقصه

ياريت تكملينها ارجوووووووووووووووووووووووووووووووووووووووج

وتحياتي لج

 

[ام حمادي309]

يعطيج العافيه

الله يعافيج غلاتي