بنات في مشكله فيني لازم القى لها حل قبل ماغلط

[سليله من نماجدي]

انا مشكلتي ماني مقتنعه بالزواج التقليدي بتاتااا ومادري شسوي يعني لما اسولف مع نفسي مافي مجال اقنع نفسي وخصوصا ان انا ماعندي خوات اخليهم يقنعووني واخاف اغلط ابي احد يقنعني تكفووووووووووووووووووووووون انا زهقت من نفسي ماكو فايده لانخطبت يضيق صدري وارفض بدون تفكير حتى ما استخير والسبه المشاكل الي اقراها بالمنتدى واشوفها حولي اخاف تقدرون تقولون خلاص تعقدت عفيه بنات قولولي شسوي ؟ والله الي تقنعني لدعيلها بالي تبي بس تفكني من هالتفكير انا اخاف يضيع عمري وانا للحين متمسكه بالهالشغله

 

[ســكره ورديه]

يعني تبين زواج عن حب.....؟

الزواج زواج حبيبتي مافي واحد فوق بين النجوم وواحد في الجحيم لا والف لااا

على بالك اذا تزوجتي ماتحبينه لا اذا ربي كاتب لك يعني عندك ملكه طولي فيها مثل ماتحبين وراح تحبينه

يعني اشوفها مثل العلاقات بس حلال يعني انتي بتشوفين واحد على طول بتحبينه.....؟

ولافتره على بال ماتحبينه مكالمات ويفهمني وافهمه وغزل ومن هالكلام...

هذا هو الزواج

يعني بعد الملكه بيكلمك وتفهمينه ويفهمك وتحبينه ويحبك

مو يخطبك وخلاص صرتي في بيته بدون لااحم ولادستور

اذا جاك نصيبك استخيري ربك ادرى بمصلحتك مو انا ولا انتي او اي احد

وبعدها الحب يجي :eh_s(3):



والله يسعدك ان شاء الله

 

[اشتياق]

لا اللي تزوجوا عن حب مرتاحين

ولا اللي تزوجوا تقليدي مستانسين


كلها قسمه ونصيب وسهالات من رب العالمين ..

 

[درة أهل الطولات]

صدقتوا بناات:ch12:

 

[ام زاكي]

المحبه من الله

والحب يجي من بعد الزواج لا تحاتين الله سبحانه وتعالى ماقل في القران وجعلنا بينهم موده ورحمه عبث

الا كل الامور تمشي من بعد الزواج

انتي خليها على الله وكل شي يصير تمام

 

[& لمة وداااع &]

انا نفسج قبل مااتزوج كنت اعيي على اني صغيره ولما خطبني زووجي وعمري21 ماقدرت عيي لانه اهلي صاادوني قالوا طلعيلنا في عيب واحد لابشكله ولا اخلاقه ولا منصبه ولا باهله فاستخرت وافقت وكنت نفس كلامج ماابي اتزوج الا عن حب بس وين تلقين الا لما اتنازلين عن سمعتج ولا اخلاقج واتكلمين واحد ويمكن ماايكون اميين.
بس الحمدالله لما يسرت امري لله بعد الملجه وكلمت زوجي الا يقولي انا 3 سنين وانتي ببالي وخفت ياخذج غييري وانا ولا ادري عنه بس مره شفته بسفر ونسيته واهو حطني بباله..
فاوكلي امرج لله

 

[osos 2008]

طيب بقولك شي ربي خالقنا وعارف بنفسياتنا اكثر منا ولو كان الطريقه هذي غلط ماكانت هي المشروعه لكن اذا تحبين بالحلال (اقصد حب عفيف )وناوي يتزوجك او عندك خبر يبي يتزوجك بالعككس هذا مو حرام بالعكس اهم شي تكون مقتنعه بالشخص وفكري واستخيريقبل الرفض

 

[om Firas]

الله يوفقج

 

[قلبين وسهم]

انتي استخيري لما يتقدملج احد ولاترفضين خلي اللي ربج كاتبه يصير

عسى ربي يقسملج الخيره وين ماكانت
آمـــــين

 

[مخدوشة الوريد]

شوفي حبوبه انا تفكيري مثلج ماؤمن بالزواج التقليدي افضل اخذ شخص احبه
واكون عارفته قبل الزواج يعني احب ابني حياتي معآهـ مثل مايقولون على اساس الحب
الان من طبعي مااعرف امثل بمشاعري ولا اعرف اعطي الا من قلبي ..
بس هذا مومعناته اني الغي النوع الثاني من الزواج او اوقف حياتي على شي ممكن يصير وممكن لا ..
خليني اسألج سؤال .. هل الحب يي بطقة اصعب ؟! يعني قلتي بحب هذا راح تحبينه ؟!
لا طبعاً .. الحب ياقلبي يي بروحه لا شعورياً .. شخص ماتعرفينه ولا يعرفج
القدر يقربكم من بعض وتحبينه من مواقف عشتيها معاهـ من اسلوبه من شخصيته ..
شي مهما كان فيه صغير او كبير اهو الي حببج فيه ويعلقج فيه ..
هذا كله واقف على اذا كنتي حالياً تحبين !!! لو عندج شخص تحبينه بقولج
اوك تمسكي فيه واخذيه ولا ترضين بغيرهـ الان القلب يحب مره وحدهـ ..
بس لو للحين ماتحبين ليش تعيشين روحج بوهــم وتوقفين نصيبج ..
اذا يالج ريال يخاف الله استخيري فيه ربج ونظرهـ الشرعيه قبل الزواج حـلال
اطلبي هذا حقج هون بتعرفين اذا ارتحتي له ولالا ؟!
بعدها عندج الملجـه خووو بتكلمينه وبتصير بينكم اخذ واعطـى بالحجي
ودام انج من البدايه ارتحتي له مع الوقت بتحبينه الان اصلاً طبع الانثى عاطفي
لم تعرف ان هالريال لها ملكها بروحها راح تحبه تعشقه للاخير ..
وترى اجمل اللحظات اهيا هاللحظات الخطبه الملجـه التجهيز لليوم الأهم بينج وبينه
بتكون ايامج غير واحساسج غير .. بس هذا واقف على اذا انتي مرتاحه ومقتنعـه فيه سعيد الحظ ..
والله يرزقج بالي تمنين .. ان شاءالله اكون غيرة فكرتج لو شويااات ..

 

[om MaRyooM]

معاج حق تخافين وتتعقدين .. بس هذي اهيا الدنيا فيها الشين وفيها الزين

ولازم الوحدة تكمل نصها الثاني .. نصيحة كثري من الاستغفار واقري دعاء تيسير الزواج كل يوم

واذا تقدملج نصيب سوي استخارة ..

 

[حبـ admant ـك]

صدقيني كله قسمه ونصيب
خلج على الحلال احسن
ولا تمشين مع اللي يقولون لج زواج الحب حلو
كل زواج له سلبياته وايجابياته
موفقه

 

[سارووه الاموره]

نعم اختي مو مقتنعه بالزواج التقليدي .. وي عشتووو تبين اتدورين ريال وتحبينه تالي تقعدين ع ما ايي يطلب ايدج و تتزوجينه :krkrkr:؟؟؟!! هاذا اذا مالعب فيج وجذب عليج وقطج مثل اللعبه الي يلعب فيها ويخلص ويحذفها ويرووح وبعدين تعالي قووليلنا مو مقتنعه بزواج التقليدي .. اي شي بصراحااا


ياحلاات التقليدي بس ريال ايي مو انا اناديه اهوو اييلي ويخطبني من بيت اهلي وتالي انا افكر اممم ابيه ولا ما ابيه يعني بنزل من نفسه علشاني

واذا تزوجنا ياا حلات حياتنا عصافير مانعرف بعض :tongue22: وكل يوم نستكشف شي يديد بشخصياتنا وتمر سنه واحنا تونا كتاكيت ماعرفنا بعض عدل .. مو عن زواج حب يعرفني وخابزني من تمر سنه مل مني ..

وعووه انا كلللش ضد فكرت زواج الحب والله احسها كلش مافيها امان :eh_s(4): ... ((وجهت نظري))​

 

[ورد وردي]

رد : بنات في مشكله فيني لازم القى لها حل قبل ماغلط

المشاكل الي تقرينها بالمنتدى مو لان زواج تقليدي شكثر بنات كتبوا مشاكل انهم تزوجوا عن حب وانه تغير عن قبل او او او .......الخ مشاكل ماتخلص

هذا الشيطان يبي يدخل لج بهالمدخل لان ما منه فكة .......اقري قصص البنات الي حبوا يا اهلها مو راضين يا اهلة هذا اذا صاج لان انا ملاحظة دايما القصص الولد امة مو راضية او ابوة او سالفة قبايل واصل .........يعني لازم يحط عذر والريال بالصج لي بغى ياخذ حتى من برة الديرة ويحط اهلة جدام الواقع

ليش ادخلين نفسج بهالدوامة وباجر يخطبج واحد سنع وتقولين قلبي مع الي اكلمة ................مارتحتي للي خطبوج شي طبيعي لان ماصار نصيب

الله يهديج ويكتب لج الخير

 

[noo7a]

التوفيق و المحبه من الله
مو شرط زواج حب ولا تقليدي

 

[ام بديير]

لا اللي تزوجوا عن حب مرتاحين

ولا اللي تزوجوا تقليدي مستانسين


كلها قسمه ونصيب وسهالات من رب العالمين ..

معاها

 

[afesa]

مادري انا اشوف ماكو علاقه بين طريقه الزواج وبين التوفيق فيه او المشاكل واهنيه بالكويت اغلب الناس تزوج بناتها بالطريقه التقليديه العاديه واذا ما اقتنعتي بهالطريقه بالله اشلون بتزوجين ؟؟؟انتي بتدورين وتتعرفين على شباب وتدرسين افكارهم والا شنو؟؟؟مادري انا اقول ما عندج سالفه وشيلي هالفكره من بالك واذا ياك واحد زين ارضي بنصيبك ...وكل شي بالنهايه قسمه من رب العالمين

 

[ياشوقي للجوري]

رد : بنات في مشكله فيني لازم القى لها حل قبل ماغلط

ليش فية زواج عن حب؟؟؟؟

دايما قصص الحب تنهي بالفشل بدون زواج واقري القصص المكتوبه بالمنتديات وتحمد ربها اذا انتهت بدون فضيحة

والتوافيق بيد الله

 

[حجيه هيونه]

الزواج التقليدي احسن من الحب

لانه الي يقعدون يحبون بعض مادري كم سنه يكونون خلاص عرفوا عن بعض كل شي


التقليدي كل يوم يعرفون شي جديد


الاحلى انهم يتوالمون والحب يجي بعد الزواج يكون احلى واقوى

 

[عيش و مرق]

شوفى حبيبتى
الى الله كاتبه بيصير ؟؟

والتوافيج من الله لاحب ولادب يخلى الزواج يعمر