السلام عليكم ورحمة الله وبركاته
موضوعي متواضع وامس قبل لاانام سويته حقي واليوم قلت ليش مااسويه موضوع اتشارك فيه مع بنات منتداي العزيز
اول شي بقولكم شلون يتلي الفكره , الفكره يتلي من القهر والحره ومن النار اللي شابه بداخلي صارلها سنين تروح وترد
مقهوره ياناس من بعض البشر اللي للاسف محسوبين علينا , ومتعجبه ومو لاقيه تفسير حق سبب كرههم العجيب والمتوارث حق امي وظلمهم لها !! على كثر ماسوتلهم مايدش بعينهم , وقعدت ادعي عليهم على كل اللي سووه من ظلم وتشويه سمعت امي ووايد اشياء ماتنقال وفوق هذا كله يحاولون يكرهوني انا واخواني فيها ويبون يبعدونا عنها , ووانا ادعي بكل ضمير تذكرت ان امي لو تسمعني راح تزفني لانها ماترضى ادعي على احد حتى لو كان ظالمني لان مثل ماتقولي دايما ان الظلم ظلمات يوم القيامه واي احد يظلمني بتدور الايام والله بيجازيه
وقلت بما ان مجرد ذكر اسم امي جدامهم يخليهم يشبون نار , ليش مااسوي شي اخليهم ينقهرون اكثر وسميت هالشي (( عـلـمـتـنـي أمـي )) , وقصدي منه اني اعلمهم شنو علمتني امي علمتني اللي ماعلمتوني اياه , علمتني اشياء لو تستوعبونها راح تكون كافيه عشان تفهمون ليش احنا ندافع عن امي
احس جني فضفضت وضيعت موضوعي هههههههه يالله ببدي وابيكم تشاركوني وقبل لاابدي بقول حسبي الله ونعم الوكيل على كل ظالم واللهم إنهم تقّووا عليّنا بقوتهم ظلما فأرني يالله عجائب قدرتك فيهم
عـلـمـتـنـي أمـي , اني مهما كنت مظلومه ومقهوره ومتضرره من اي شخص لازم ماادعي عليه لان ربي راح ياخذ حقي منه طال الزمن او قصر
عـلـمـتـنـي أمـي ,اني مااتدخل بشؤون الناس ولاانوقل حجي او افتن او اتجسس على اي انسان , باختصار مالي شغل بالناس شنو سووا وشنو حطوا وشنو لبسوا كل واحد حر بنفسه وعنده ربه يحاسبه
عـلـمـتـنـي أمـي , اني احب الخير لغيري مثل مااحبه لنفسي واني مااضر احد مهما ضرني
عـلـمـتـنـي أمـي , شلون اكون متواضعه وقنوعه وراضيه باللي عندي واللي الله كاتبه لي وعلمتني اني مااقارن نفسي بغيري ولااقلد غيري ولااحسد احد على اي شي عنده لان هذي ارزاق وهذا شي الله كاتبه وبدال لااحسد غيري اكتفي بقول الله يباركلهم باللي عندهم والله يرزقنا مثل مارزقهم
عـلـمـتـنـي أمـي , شلون اكون صادقه مع نفسي ومع غيري وحتى لو هالشي سببلي مشاكل كافي ان هالشي اهوا الصح وهالشي يرضى ربي ويرضي ضميري ويخليني مرتاحه
عـلـمـتـنـي أمـي , شلون الواحد يحرص على صلاته ومن حرصه على صلاته حتى واهيا عليها الدوره كانت تنسى وتصلي (( ماشاءالله عليها وهالشي تعلمته بالملاحظه ))
عـلـمـتـنـي أمـي , اني اكون حقانيه وماارضى بالظلم واقول كلمه الحق وماانافق او اجامل احد على حساب احد
عـلـمـتـنـي أمـي , ان ماكو شي مستحيل وصعب على الله وكل شي ممكن يصير بالصبر والثقه بالله
عـلـمـتـنـي أمـي , شلون اكون مؤدبه ومحترمه وين ماكنت ولو مع منو ماكنت لانها احرصت على العنايه بالجذور اللي اهوا اساس كل شي
عـلـمـتـنـي أمـي , شلون احافظ على نفسي وعلى سمعتي بثقتها فيني
عـلـمـتـنـي أمـي , شلون أحس بتأنيب الضمير اذا سويت شي غلط
عـلـمـتـنـي أمـي , الحنيه شلون اكون حنونه وعطوفه عالناس ( تذكرت مثال من الامثله اللي بحياتي مره بعز الصيفي كان فيه عربانه برد تحوس بالشارع حسيت انها مسويه زحمه علقت عليها جان تقولي حرام مسكين الله يعينه متحمل هالحر عشان يترزق حسيت بتأنيب الضمير لاني علقت عليه ومن هالمواقف اللي مثل هالموقف عرفت شلون اتعاطف مع الناس )
عـلـمـتـنـي أمـي , اني احب كل الناس وانسى شي اسمه غيره لدرجه اني مستعده احلف عالقران ان وانا صغيره عمري بحياتي ماغرت من ياهل او من اي احد , وانتوا تعرفون ان الياهل لازم يغار لكن الحمدلله علمتني شلون احب كل الناس ومااغار من احد والحمدلله هالشي كبر معاي
هذا نقطه من البحر اللي علمتني اياه امي اكتفي فيه الحين , واذا تذكرت شي بكمل وطبعا ماحطيت هالموضوع الا لاني ابيكم تشاركوني وابي كل وحده تدش تقرا الموضوع على الاقل تكتبلي شغله وحده علمتها اياها امها
ابي هالموضوع ماينزل ابد , هذا اقل شي نجازي فيه امهاتنا
والله يخليلي امي ويحفظها ويخليلكم امهاتكم ويحفظهم قولوا آمين
ويالله قولولي شـنـو تـعـلـمـتـوا مـن أمـهاتـكـم ؟!
وعسى يطلع مكان موضوعي صح :dddds:
موضوعي متواضع وامس قبل لاانام سويته حقي واليوم قلت ليش مااسويه موضوع اتشارك فيه مع بنات منتداي العزيز
اول شي بقولكم شلون يتلي الفكره , الفكره يتلي من القهر والحره ومن النار اللي شابه بداخلي صارلها سنين تروح وترد
مقهوره ياناس من بعض البشر اللي للاسف محسوبين علينا , ومتعجبه ومو لاقيه تفسير حق سبب كرههم العجيب والمتوارث حق امي وظلمهم لها !! على كثر ماسوتلهم مايدش بعينهم , وقعدت ادعي عليهم على كل اللي سووه من ظلم وتشويه سمعت امي ووايد اشياء ماتنقال وفوق هذا كله يحاولون يكرهوني انا واخواني فيها ويبون يبعدونا عنها , ووانا ادعي بكل ضمير تذكرت ان امي لو تسمعني راح تزفني لانها ماترضى ادعي على احد حتى لو كان ظالمني لان مثل ماتقولي دايما ان الظلم ظلمات يوم القيامه واي احد يظلمني بتدور الايام والله بيجازيه
وقلت بما ان مجرد ذكر اسم امي جدامهم يخليهم يشبون نار , ليش مااسوي شي اخليهم ينقهرون اكثر وسميت هالشي (( عـلـمـتـنـي أمـي )) , وقصدي منه اني اعلمهم شنو علمتني امي علمتني اللي ماعلمتوني اياه , علمتني اشياء لو تستوعبونها راح تكون كافيه عشان تفهمون ليش احنا ندافع عن امي
احس جني فضفضت وضيعت موضوعي هههههههه يالله ببدي وابيكم تشاركوني وقبل لاابدي بقول حسبي الله ونعم الوكيل على كل ظالم واللهم إنهم تقّووا عليّنا بقوتهم ظلما فأرني يالله عجائب قدرتك فيهم
عـلـمـتـنـي أمـي , اني مهما كنت مظلومه ومقهوره ومتضرره من اي شخص لازم ماادعي عليه لان ربي راح ياخذ حقي منه طال الزمن او قصر
عـلـمـتـنـي أمـي ,اني مااتدخل بشؤون الناس ولاانوقل حجي او افتن او اتجسس على اي انسان , باختصار مالي شغل بالناس شنو سووا وشنو حطوا وشنو لبسوا كل واحد حر بنفسه وعنده ربه يحاسبه
عـلـمـتـنـي أمـي , اني احب الخير لغيري مثل مااحبه لنفسي واني مااضر احد مهما ضرني
عـلـمـتـنـي أمـي , شلون اكون متواضعه وقنوعه وراضيه باللي عندي واللي الله كاتبه لي وعلمتني اني مااقارن نفسي بغيري ولااقلد غيري ولااحسد احد على اي شي عنده لان هذي ارزاق وهذا شي الله كاتبه وبدال لااحسد غيري اكتفي بقول الله يباركلهم باللي عندهم والله يرزقنا مثل مارزقهم
عـلـمـتـنـي أمـي , شلون اكون صادقه مع نفسي ومع غيري وحتى لو هالشي سببلي مشاكل كافي ان هالشي اهوا الصح وهالشي يرضى ربي ويرضي ضميري ويخليني مرتاحه
عـلـمـتـنـي أمـي , شلون الواحد يحرص على صلاته ومن حرصه على صلاته حتى واهيا عليها الدوره كانت تنسى وتصلي (( ماشاءالله عليها وهالشي تعلمته بالملاحظه ))
عـلـمـتـنـي أمـي , اني اكون حقانيه وماارضى بالظلم واقول كلمه الحق وماانافق او اجامل احد على حساب احد
عـلـمـتـنـي أمـي , ان ماكو شي مستحيل وصعب على الله وكل شي ممكن يصير بالصبر والثقه بالله
عـلـمـتـنـي أمـي , شلون اكون مؤدبه ومحترمه وين ماكنت ولو مع منو ماكنت لانها احرصت على العنايه بالجذور اللي اهوا اساس كل شي
عـلـمـتـنـي أمـي , شلون احافظ على نفسي وعلى سمعتي بثقتها فيني
عـلـمـتـنـي أمـي , شلون أحس بتأنيب الضمير اذا سويت شي غلط
عـلـمـتـنـي أمـي , الحنيه شلون اكون حنونه وعطوفه عالناس ( تذكرت مثال من الامثله اللي بحياتي مره بعز الصيفي كان فيه عربانه برد تحوس بالشارع حسيت انها مسويه زحمه علقت عليها جان تقولي حرام مسكين الله يعينه متحمل هالحر عشان يترزق حسيت بتأنيب الضمير لاني علقت عليه ومن هالمواقف اللي مثل هالموقف عرفت شلون اتعاطف مع الناس )
عـلـمـتـنـي أمـي , اني احب كل الناس وانسى شي اسمه غيره لدرجه اني مستعده احلف عالقران ان وانا صغيره عمري بحياتي ماغرت من ياهل او من اي احد , وانتوا تعرفون ان الياهل لازم يغار لكن الحمدلله علمتني شلون احب كل الناس ومااغار من احد والحمدلله هالشي كبر معاي
هذا نقطه من البحر اللي علمتني اياه امي اكتفي فيه الحين , واذا تذكرت شي بكمل وطبعا ماحطيت هالموضوع الا لاني ابيكم تشاركوني وابي كل وحده تدش تقرا الموضوع على الاقل تكتبلي شغله وحده علمتها اياها امها
ابي هالموضوع ماينزل ابد , هذا اقل شي نجازي فيه امهاتنا
والله يخليلي امي ويحفظها ويخليلكم امهاتكم ويحفظهم قولوا آمين
ويالله قولولي شـنـو تـعـلـمـتـوا مـن أمـهاتـكـم ؟!
وعسى يطلع مكان موضوعي صح :dddds:
