[ صـديقـاتي والقـدر ] روايتي الأولى والواقعيـة[ روآيه مسمُوح بهآ ]

[SaFooY]

هاي حبيبتي
اولشي احب اقولج مشكورة على الرواية الحلوة
وترى انه وثنتين من ربعي يقرون روايتج بس مب مسجلين
ونقولج كملي روايتج حلوة فديتج
يالله ننتظر شبيصير
اخاف فهد يخرب على خالد ورؤى
ان شاء الله مايصير شي
يالله نترياج لتاخرين
وجم باقي على نهاية القصة؟؟
باي متابعينج

 

[m!ss nunu]

مشكوره ياعمري على البارت

وريما ماتيوز صج بو طبيع مايوز من طبعه

العفو حبيبتي :wqedqw:

وريما دايم جذي تسوي سواياها وتندم بعدين :s

 

[m!ss nunu]

هاي حبيبتي
اولشي احب اقولج مشكورة على الرواية الحلوة
وترى انه وثنتين من ربعي يقرون روايتج بس مب مسجلين
ونقولج كملي روايتج حلوة فديتج
يالله ننتظر شبيصير
اخاف فهد يخرب على خالد ورؤى
ان شاء الله مايصير شي
يالله نترياج لتاخرين
وجم باقي على نهاية القصة؟؟
باي متابعينج

العفووو حبيبتي
ويشرفني انج تكونين متابعة لروايتي انتي وصديقاتج

وعن البارتات والله مادري .. على حسب الأحداث
باقي شوية احداث مادري جم بارت راح تاخذ
بس ماظن اني مطولة بالرواية

:eh_s(17): وتسلمين حبيبتي

 

[SaFooY]

انزين نزلي البارت الحين يالله عاد

 

[m!ss nunu]

انزين نزلي البارت الحين يالله عاد

ان شاء الله حبيبتي بس عطيني شوية وقت ماراح أطول ان شاء الله
بس قاعدة اخذ شوية احداث ناسيتها من روان

 

[m!ss nunu]

البارت الـ 12




.. قوّت رؤى قلبها وردت .. بس تمت ساكتة وفي بالها ألف سؤال



فهد: رؤى؟؟؟؟؟؟



رؤى: (ببرود) نعم؟



فهد: شلونج؟



رؤى: ليش داق؟



فهد: رؤى ابي اكلمج شوي



رؤى: من متى بيني وبينك كلام؟



فهد: من 6 سنوات وأكثر يارؤى



رؤى: اووووهـ !! تذكر عدد السنين الي قضيناها مع بعض؟؟؟؟؟؟؟؟ غريبة



فهد: رؤى لا تكلميني جذي



رؤى: خلصني فهد ليش داق



فهد: (بصوت مبحوح) رؤى سامحيني



رؤى: (بسخرية) هه داق عشان تقول لي هالكلمة بس؟



فهد: رؤى انا ندمااااان والله إني ندمان .. انا كنت خسيس ونذل .. مادري شلون قدرت اسوي جذي .. ادري اي شي بقوله ماراح يبرر الي سويته .. بس والله اني ندمان يارؤى



رؤى: خلصت كلامك؟؟؟



فهد: (يبجي) رؤى تكفيييييين ردي لي .. تكفين عطيني فرصة اصلح كل شي .. رؤى انا ما اتحمل انج تكونين لأحد غيري .. بستخف .. بمووووووووووت



رؤى: راح تتحمل .. مثل ما انا تحملت فكرة انك بحضن وحدة ثانية



فهد: (يزيد بالبجي) تكفين رؤى عطيني فرصة أخيرة .. لا تتخلين عني .. رؤى والله اني أموووت فيج والي صار غلطة .. الشيطان قص علي وخلاني اسوي الي سويته



رؤى: آسفة فهد .. انسى كل شي ولا عاد تدق علي



.. فهد: رؤى تكفــ



رؤى: الله يوفقك يافهد .. مع السلامة





.. وسكرت رؤى على طول قبل لايكمل فهد كلامه




حضنت مخدتها وبقلبها غصة .. نزلت دمعة من عينها ماتدري شنو سببها .. هل سببها العشرة الي كانت بينها وبين فهد والسنين الي قضتها معاه في الحلوة والمرة؟ والا لأنه دمعة فهد لحد هاليوم عزيزة عندها؟؟؟

ودموعها الي كانت تحرق مثل الجمر؟؟؟؟؟ والي ابد ماكانت عزيزة عنده شلون تقدر تنساها وتنسى حرارتها الي كانت تحرق قلبها قبل خدها

شلون تنسى ألمها وجرحها الي ما برى الا من دخل خالد حياتها

خالد؟؟؟؟ خالد الحين اهو احلى شي بحياتها .. ماراح تسمح لفهد او حتى لذكرياتها انها تخرب حاضرها ومستقبلها مع خالد .. راح تعتبر ان فهد مادق .. انه مابجى .. انه ماترجاها ترجع له .. راح تنسى كل شي .. عشانها .. وعشان خالد





رؤى: يارب ساعدني اني أتخطى فهد وابعده عن طريجي يااااااااارب





.. ومرت عطلة الصيف على البنات بشكل ممل شوي .. وقرب وقت التسجيل في الجامعات .. وكل وحدة من البنات اختارت الجامعة الي ودها تدرس فيها والتخصص الي تبيه





.. في بيت روان




روان: انا بتخصص جرافيك ديزاين



banking عليا: وانا



ريما: وانا ادارة نظم المعلومات



.. لمياء ورؤى ساكتين



روان: وانتو شنو قررتو؟؟؟



لمياء: انا محتارة



رؤى: وانا بعد



عليا: لازم تقررون ترى ماكو وقت



لمياء: (وهي تطالع رؤى) اظن بختار تسويق



رؤى: امممممممم .. ريمو تخصصج زين؟



ريما: اي حبيبتي وااااااايد زين .. بس ترى صعب



رؤى: بس زين؟



ريما: اي الكل يمدحه



رؤى: خلاص انا بتخصص نفس ريموو



عليا: والله سريعين انتي وياها .. بسرعة قررتو ههههههههههههه



لمياء: الحياة سهلة .. انتو الي تصعبونها



رؤى: اي والله كل شي صعب عندهم






.. ابتدى التسجيل في الجامعات .. وروان وعليا وريما سجلو بجامعات خاصة بس كل وحدة بجامعة غير عن الثانية .. اما لمياء ورؤى سجلو مع بعض بجامعة حكومة



الجامعات الخاصة ماتحتاج لإمتحان قبول .. عكس الجامعات الحكومية الي تعتمد على درجاتك بإمتحان القبول .. يعني فيها نجاح وفيها رسوب






قدمو لمياء ورؤى امتحان القبول .. وبعدها بفترة طلعت النتايج



.. يوم النتايج


كانو لمياء ورؤى مع بعض يدورون على اساميهم في النت بموقع الجامعة




رؤى: لمووي أسامينا مو موجودة



لمياء: فال الله ولا فالج .. دوري عدل



رؤى: والله ماكو لموي



لمياء: رؤى شنو يعني؟ ما انقبلنا؟؟؟؟؟؟؟؟



رؤى: هذا الي تشوفينه



لمياء: وي رؤى شنسوي الحين؟؟ نقعد في البيت يعني؟



رؤى: عيل شنسوي لموي .. شوفة عينج ما قبلونا .. الجامعة تتطلب مهارات انجليزية عالية .. يعني ماتقبل اي مستوى





لمياء: ضاق خلقي رؤوي .. انا مابي اقعد في البيت .. أحس روحي فاشلة



رؤى: اكو تسجيل للكورس الثاني .. خل ننطر ونجرب حظنا مرة ثانية



لمياء: اساسا ماكو خيار ثاني .. الحمد لله على كل حال





.. بعد فترة من هالأحداث .. وفي بيت روان تحديداً



.. روان كانت توها داخلة البيت راجعة من برة ، وكانت مرت ابوها قاعدة بالصالة



روان: سلام خالتي



رجاء(مرت أبوها) (واهي مرتبكة) :هلا روان .. وعليكم السلام





.. روان استغربت من مرت ابوها .. كأنها مسوية شي ومرتبكة ، بس روان طنشت وصعدت دارها





.. وأول ماصعدت فوق بتروح دارها



.. انصدمت ان الكراسي الي بدارها محطوطين بالصالة الي فوق



.. وفهمت ليش مرت ابوها ارتبكت لما شافتها



.. روان دمها قام يغلي .. بس كانت تحاول تمسك اعصابها عشان ماتتسبب في مشاكل لها أول مالها تالي



روان: سنتيااااااااااااا .. ياسنتيااااااااااااااااااا



.. يات سنتيا (خدامتهم) ركض



yes rwan :سنتيا




روان:

what happend, why you bring the chairs out of my room?

( شصاير؟؟ ليش طلعتي الكراسي برة الغرفة؟ )



سنتيا:

sory but madam told me to do that!!

( آسفة ، بس المدام قالت لي اسوي جذي)



روان:

Ok, put them insaid my room pls and if she ask U

tell her that I told U to do that



( اوكي ، حطيهم بغرفتي لو سمحتي واذا سألتج قوليلها اني قلت لج تسوين جذي)



سنتيا: ok



وردّت سنتيا الكراسي لدار روان ورتبتهم مثل ماكانو وطلعت



.. روان كانت ميتة من القهر على تصرفات مرت ابوها .. وكانت تبي تفضفض وتطلع حرتها .. وماطرت عليها حزتها الا لمياء

.. خذت تلفونها ودقت عليها ..



روان (بصوت عالي): لمووووي



لمياء: بسم الله .. شفيج تصرخين بطيتي اذني



روان: انا محترررررررررة لموي



لمياء: بسم الله عليج من القهر .. ليش حبيبتي شصاير؟؟؟؟



روان: مرررررررررت ابوي



لمياء: ردينا لمرت ابوج .. شمسوية هالمرة



وروان قالت للمياء الي صار



لمياء: هذي شفيها؟ حاطة دوبها ودوبج انتي شمسوية فيها ؟ ليكون ماكلة حلالها عشان تسوي فيج جذي؟



روان: لموي هذي مو اول مرة ترى .. تتصرف بكل شي بالبيت بدون ماتاخذ رايي وراي أبوي .. تسوي كل شي على كيفها



لمياء: انزين هالكراسي اساسا كانو بالصالة الصغيرة الي فوق؟؟



روان: اي .. وهذي مايسمونها صالة بعد لأنها حيل صغيرة .. هذي مجرد قعدة .. والله لموي محد يقعد فوق واهي ماتطب فوووق كلش كلش وانا ماخذتهم وحطيتهم بداري الا لما شفت ان محد يستخدمهم



لمياء: عيل هذي تبي تسوي مشاكل وبس .. وانتي لمتى بتظلين جذي ساكتة ومأكول حقج؟



روان: ملّيت يالمياء .. ملّيت وانا آكل بروحي وأسكت



لمياء: كلميها .. هذي قاعدة تتمادى .. باجر تلاقين اغراضج بالشارع



روان: تخسي .. لكن انا اوريها ماراح اسكت عنها



لمياء: شراح تسوين؟



روان: اول بدق على ابوي وبسأله الكراسي من الي شاريهم .. أخاف يطلعون كراسيها وبعدين مالي حق اتكلم



لمياء: اي صح .. تأكدي بالأول



روان: اوكي.. يلا سكري بدق على ابوي



لمياء: اوكي وخبريني عقب شيصير معاج



روان: اوكي باي



.. سكرت روان من عند لمياء وعلى طول دقت على ابوها ..



روان: قوة يبه

أبو روان: هلا يبه

روان: يبه بسألك سؤال

أبو روان: آمري حبيبتي

روان: الكراسي الي محطونين بالقعدة الي فوق .. انت شاريهم والا رجاء؟

أبو روان: أنا الي شاريهم .. بس ليش السؤال

روان: بعدين افهمك .. يلا يبه مع السلامة

أبو روان (مستغرب) : مع السلامة



سكرت روان من عند ابوها .. وكانت تفكر انها تدز مسج لمرت ابوها تقول لها كل الي في خاطرها .. ولما يات بتكتب .. وصلها مسج .. وانصدمت لما فتحته انه من مرت ابوها

.. وكانت كاتبة فيه ......




تتوقعون شنو كان بالمسج وشنو صار بين رجاء وروان؟



ناطرة ردودكم





وسووووري حبيباتي ماتدرون انا من متى قاعدة انطر روان عشان اخذ منها الأحداث بخصوص هالموضوع .. لكنها مشغولة وماترد علي .. وانا حدي تعبانة وفيني النوم



بس لأني وعدتكم انزل لكم بارت .. فكتبت لكم الي اقدر عليه



سووووووري ​

 

[غلاهالكون]

يعطيج العافيه حبيبتي

البارت مشوووووق
و الله ما ادري شبيكون بالمسج!!!!!!!!!

و نوووووم العوافي ان شاء الله
كمليها بليز ناطرينج

 

[Miss.blue berry]

رد : [ صـديقـاتي والقـدر ] روايتي الأولى والواقعيـة[ روآيه مسمُوح بهآ ]

ثييييينكيوووو حبيبتي على البارت الحلووووووو ~~~و زييين سوت رؤى لا ترد حق فهد ~~و الله يوفقهم اهيا و خااالد ~
وييتنق البارت الياي على نااار ~~

 

[so_what]

يسلمووو على البارت

 

[rayona]

tesLmeen b3ad galbi 3La iLpart .. Na6riniich

 

[Riooma]

alaaaaaaaaaaaaaaaaaaaaaaaah b3ad abi part ... wanasa radetai takteben

 

[DALLY]

عجبتي ردة فعل رؤى

اما مرت ابو روان متسببه صراحه


يعطيج العافيه وناطرينج

 

[سارووونه22]

الله يستر من المسج ومشكووووووووورة على بارت حرام لموي ورؤى مادشو الجامعه

 

[ام بشبش]

مشكوره على البارت بس وايد صغيرررررر

واعتقد المسج تتعذر منها ماادري ليش احس يايبه احد وقاعده معاه ونست اترد الكراسي عشان جذي ارتبكت اول ماشافتها

 

[بيـــشو17]

نبي بارت بلييز

 

[kl al5jal]

البارت روووووووعه كمليهاااااا

 

[ملكية للابد]

رد : [ صـديقـاتي والقـدر ] روايتي الأولى والواقعيـة[ روآيه مسمُوح بهآ ]

عجيبة الروااااااية
يسلموو يسلموووو
،،
بس يالطيبة يالغالية ياحجية نبي باااااااااااااااارت نبي بااااااااااااارت بليز لاتطولين خااتون

 

[SaFooY]

يالله ننطرج وايد قصير

ننطرج حبي
اتوقع تتعذر

 

[**منال**]

يسلمؤؤؤؤ

نبي بآآآآآآرت

 

[Miss.blue berry]

رد : [ صـديقـاتي والقـدر ] روايتي الأولى والواقعيـة[ روآيه مسمُوح بهآ ]

نبي بارت