مستجدات الحقوق ،، "هام بخصوص المقابلة الشخصية" ،، حياكم حقوقيات ..

[L a w y e R]

حبيبتي وايد فرق بين العلوم السياسية والحقوق

سو مافي ادنى مجال للمقارنة

اذا حابه الحقوق حولي

واذا ماشي حالج بالعلوم السياسية خلج هناك

عموما موفقة وين ماكنتي والله يكتب لج اللي فيه الخير انشالله

 

[Lawyer22]

لوير ذكرتيني بالمقابله السنه الي طافت

ماشالله بسرعه مرت السنه

امبي كنـــت متأزمه واذكر كان رمضان بالعشر الاواخر وطالعه انا من صباح الله خير لي الظهر

طبعـــا كنت متصرقعه وحدي خايفه دشيت من الخوف قعدت اضحك لووووووووول

قابلوني الدكتور فيصل الفهد والهندياني

طبعا الفهد فشلني سألني متى حطوا الدستور

وجاوبت غلط لوووووول اشوه بسرعه تدارك الموقف وصححلي المعلومه

بس الحق ينقال كل شي كان سهالات ومنظم وبنات الجمعيه فديتهم ماقصروا معانا

تعبوا معانا طول السنه رايتهم بيضه الله يوفقهم دايما :*

 

[a3la_mgam]

ابشركم انقبلت .,



يعطيج العافيه حبيبتي لوير ..



انا والله قلبي يعورني حييييييل حيييل



خايفه واحاتي المقابله .. ياربي الله يستر



واحس حدي متوهقه بكل شي ماادري عن ولا شي ... احس اني ضايعه !!

 

[L a w y e R]

لوير ، حياج حبيبتي

وصاجة .. ماشالله سهالات

.
.

اعلى مقام

الف مبروك حبيبتي

ومنها لاعلى انشالله

لاتحاتين ياقلبي ، ترى والله كلها اجراءات شكلية مووو اكثر

بس تحتاجين اي شي لايردج الا لسانج ، اخيتج موجودة

انتي وباجي المستجدات

 

[fdeetni]

امبيه انا اتذكر قالي يالله مع السلامه انتي مو مقبوله لووووول لعب باعصاااابي

 

[L a w y e R]

لووول بدعوا الدكاترة

 

[miss_mazajyh]

وانا بعد مستجدة بالحقوق والله يستر من المقابله ..

وااي يماا لو يقولي طلعي انتي مو مقبوله << ابجي ..

 

[L a w y e R]

لووول مبروك حبيبتي

الله لايييب ذاك اليوم انشالله

 

[عز النفس يغنيني]

يعطييييييج العافيه حبيبتي ...

بس عندي سؤال راح يكون زحمه ..؟؟ وفي شباب ولا بس بنات ..؟؟

والامهات لهم مكان يقعدون فيه ... ولي جم الساعه شغالين مقابلات .؟؟

وما قصرتي حبيبتي

 

[L a w y e R]

يعطييييييج العافيه حبيبتي ...

بس عندي سؤال راح يكون زحمه ..؟؟ وفي شباب ولا بس بنات ..؟؟

والامهات لهم مكان يقعدون فيه ... ولي جم الساعه شغالين مقابلات .؟؟

وما قصرتي حبيبتي

هلا حبيبتي

شور راح يكون زحمة لان الكل بنفس اليوم ، والبنات والشباب بيكونون موجودين بس مفصولين ، كل 1 بمبنى

والامهات شور لهم مكان ..

ومقابلاتكم من الساعة 9 لين يقابلون اخر بنية بالدفعة

روحي مبجر ، وبس تخلصين مقابلتج تمشين ماتنطرين احد

 

[L a w y e R]

هام وعاجل للمستجدات بنات دفعة 2009 :

تواريخ تهمكم ، سيفوها بموبايلاتكم عشان لا تنسوون


* يوم الاثنين 28-9-2009
مقابلتكم الشخصية ، س 9 ، بس روحوا ابجر


* يوم الاربعا 30-9-2009
اللقاء التنويري ، س10 ، وكالعادة بالمسرح ، بس هم روحوا أبجر


* يوم الخميس 1-10-2009
تسجيلكم ، وودوا بطاقاتكم المدنية معاكم ضرووري


* يوم الاحد 4-10-2009
دوامكم الرسمي


.
.


موفقيييين انشالله

واذا تبون اي شي انا موجودة ، وخواتكم بنات القائمة المستقلة ماراح يقصرون معاكم

ولاهانوا بنات متحدون

 

[محاميه المستقبل]

السلام عليكم

شلونكم بنات

اول شي يعطيكم العافيه على هالموضوع والله فدتونا حيييل

وثاني شي بغيت اسألكم

بالنسبه للمقابله
انا جاني مسج ان راح يقابلوني
د. يوسف العلي
د. حسين الرشيدي

شرايكم بهالدكاتره ؟؟
يعني يوترون ؟؟ ولا اوكي

والمقابله باجر صح ؟؟

انا لجنتي رقمها 19 .. متى اروح بالضبط ؟
ووين المقابله ؟ باي مكان بالضبط ؟؟


ادري اسألتي كثيره بس والله مالي غيركم هني اسأله ويساعدني
وادري ما راح تقصرون معاي بشي

 

[L a w y e R]

حبيبتي لاتحاتين مثل ماقلنا ونعيد

المقابلة شكلية ، والدكاترة انشالله زينين

انا باجر بكون موجودة معاكم انشالله ، اللي تبي اي شي لايردها الا لسانها

حتى لو تبي تدز لي رقمها عالخاص ونتشاوف

 

[احلاا بنيه:)]

رد : مستجدات الحقوق ،، "هام بخصوص المقابلة الشخصية" ،، حياكم حقوقيات ..

انا توني خريجه بس بغيت اسأل انا نسبتي 84 يقبلوني؟؟((ادبي))
وشنو نوع الميداني اهم ينقونا ولا انا انقي وين ابي؟؟

 

[اصيلة]

لوير عسى الله يبرد على قلبج بالدنيا و الآخرة



و صج عرفت معلومات مهمة ما كنت عارفتها و يعل عيني ما تبجيج :eh_s(9):

 

[L a w y e R]

رد : مستجدات الحقوق ،، "هام بخصوص المقابلة الشخصية" ،، حياكم حقوقيات ..

انا توني خريجه بس بغيت اسأل انا نسبتي 84 يقبلوني؟؟((ادبي))
وشنو نوع الميداني اهم ينقونا ولا انا انقي وين ابي؟؟

حياج الله حبيبتي

بالنسبة للنسبة ماقدر افيدج الصراحة لاني ماني عارفة الحد الادنى للقبول شكثر

بس انشالله تنقبلين والله يكتب لج اللي فيه الخير

بخصوص التدريب العملي او الميداني ، تحطين رغباتج وتنقبلين بالاماكن اللي تبينها على حسب اللود اللي عليها

وهم على حسب المعدل العام

 

[L a w y e R]

رد : مستجدات الحقوق ،، "هام بخصوص المقابلة الشخصية" ،، حياكم حقوقيات ..

لوير عسى الله يبرد على قلبج بالدنيا و الآخرة



و صج عرفت معلومات مهمة ما كنت عارفتها و يعل عيني ما تبجيج :eh_s(9):

حبيبتي مشكورة عالدعوة الحلوة

واجمعين يارب :**

موفقة انشالله

 

[رووعـه]

رد : مستجدات الحقوق ،، "هام بخصوص المقابلة الشخصية" ،، حياكم حقوقيات ..

مشكوووورة اختي

صج فدتينا وان شاء الله ننطر القبووووووول


ويعطيييج الف عافيه

 

[L a w y e R]

رد : مستجدات الحقوق ،، "هام بخصوص المقابلة الشخصية" ،، حياكم حقوقيات ..

موفقة انشالله

حياج الله اختي

 

[miss disaster]

مشكوره حبيبتي وما قصرتي