موضووع للناس الأمينين فقط! منو الدكتور التجميلي الفااشل وإللي أنصدمتي من مستواه السيء

[حبووبة 76]

مشكوره حبيبتي على الموضوع

متى قلبي سويتي عمليه الانف لانصديقتي نفس القصه بعدين تعدل


وتجربه صديقيتي وتجربتي بعد مع مركز الزهير

اطبا ماديين بدرجه اولى

دخلت بسوي تقشير ببشرتي غير العلاج لي مع السوالف والقعده 4 مرات كل شوي يقولي بجرب شي عليج واشرايج نجرب هذا واشرايج نجرب هذا وكله علاجات ب200 دينار وفوق شايفني محطه تجارب الاخ ومو عارف شغله


×××××××××××××××××××××××××××××××××××××××××××××××

softlady هلا إختي ..
وحيااج الله :33_1185028183:




وفعلا هذا مركز الزهييييييييير فاااحت ريييحتة ... :cxxxp: من مدّة ..



والدكتوور أحمد المسلم .. بعد مو وااايد بروفيشيناال .. وعندة الكثيييييير من الأخطااااء ...

وشهاادته أصلا موو جراااحة تجمييل ولا شي ! وشهاادتة أي كلاام !



آنا سااائلة عنّه شخصيا قبل جم شهر كنت ودّي أسوّي عنده .. وحده إهنييه بالمنتدى معانا إمدحته لي حيييل وشفتها صدفه برّه المنتدى بعياادة وطيّرته للسما .. وصدّقتها من سذاااجتي :cxxxp: بس يووم إستخرت وقمت أسأل عنّه إطلعت الفضاااايح عدل
..




ما أدري إشلووون يسوّوي جراحاات تجمييلية >> شهالفوضى !!!! ويين القانوون عنهم هذييله !! :jumpon:

 

[prettysoul]

أختي الفاضلة حبوبه


أنا جربت عام 2003 عند الدكتورة قنال الصايغ

كانت في أصبع يدي شامة ومخربتها
وطلبت منها الحل وقالت كي بالكهرباء
وطبعا كوت الشامه
وأنا فرحت إنها راح تختفي نهائيا
والتزمت بتعليمات الطبيبة
لكن للأسف خف لونها ومااختفت
وبعدها سافرت الأردن
ولما شافها دكتور استشاري جلدية
دعا على الدكتورة
وقال الشامة تروح بالتثليج مش بكي الكهرباء
وماقدر أسوي لك شيء لما ترجعي الكويت
روحي عند الدكتور قاسم الصالح هذا صديقي
وطبعا عطاني ورقة كتب فيها بالإنجليزي
ورحت مركزحمدللجلدية
وحوللني عند الدكتور مشعل الغريب
والدكتور مشعل قال شوفي الطباء انقسموا قسمين بخصوص الشامات وعلاجها بالليزر
في منهم يقول إنها تسبب سرطان الجلد
ومنهم يقولون لا
وأنا إن تبيني أشيلها لكي راح تترك ندبة مثل علامة الزائد وتترك ندبة
والأفضل تتركينها
لكن إن صار فيها تورم تعالي عندنا
وخلليتها
هذي تجربة فاشلة

 

[prettysoul]

وبعدين

المراكز الطبية في الكويت صايرة تجارية
ونصيحة للخوات
يتريثون مش كل طبيب
أحد تمدحه
تروحون عنده
ولوسمحتي اأختي حبوبه

إن كنتي تعرفين شلون الواحدة تعرف هذا طبيب تجميل أم لا
كيف نعرف؟؟

 

[بنفســـــج]

اوكي بقول تجربتي لكن الله يعينكم ما اعرف اختصر بالكلام

من سنة عملت شد بطني وفخوذي عند دكتوري الجار الله , لكن من وقتها فلّست وقلت باقي لي زنودي وجوانبي وصدري خليني اروح البابطين آخذ موعد

ورحت شهر 3 أخذت موعد عند الدكتورة صابرين لأني خلاص ما ابي رجل يسوي لي صدري , كانت راقية بالتعامل وحبوبة كإنها اخت كبيرة وناصحة صراحة , بس قالت انهم ما يسوون عملتين بوقت واحد اختار مكان يسوونه وبعدين احط موعد للمكان الثاني , طلبت موعد لزنودي لأنها الاهم عندي , وعلى شهر 1 اتصلت الدكتورة قال لي عمليتج عقب باجر ,, المهم دخلت قبل العملية بيوم ==>> ما ادري ليش بس تعطيل

وكان الواضح ان الدكتورة صابرين معاها دكتور اسمه حلمي هم يسوونها مع بعض ==>> يعني ما ابي رجل

يوم العملية ماشفت اي دكتور منهم ابد , واستغربت ان مافي احد حضر يخطط زنودي , خذوني للعمليات وجا دكتور البنج سأل ما خططوها ( طبعا هالكلام مو لي للسستر بالإنجليزي ) ردت عليه قالت يقولون مو ضروري ؟!؟!؟!
المهم تبنّجت ولا شفت دكتور منهم ولا احد قال لي شنو راح يسووون !!! كنت ناوية اقول لهم يسوون جوانبي الي تحت الابط مع زنودي لأن كل دكتور رحت له قال هذه مع الذنود تتسوى لكن للأسف ماشفت احد حتى اقول له .

صحيت من البنج وحسّيت الموووووت جدامي ,, هذه مو اول مرة ادخل عملية ( باي باص + منظار للركبة + شد للبطن والفخوذ ) لكن اقسم بالله اني ما شفت الم في حياتي مثل المها , ما ادي شفيهم بخلاء بالمسكنات !
البابطين ما يتعامل الا مع شركة وحده بس للكورسيهات وهااشركة الي المفروض تجيب لي الكورسيه قبل العملية ما جابته لأن الموظفة الي مسؤولة عن التوصيل يومها بإجازة ومو فااااضية ترد على المكالمات ولا هم عندهم احد يسعفني بالكورسيه قبل العملية
تخيلوا صحيت من البنج اشوف ايدي كلها مجبسينها من فوق ليما اصابعي كلها والله الضباب كان جبس مو ضباب عادي لأني ما لبست الكورسيه بالعملية
كنت اطق راسي طق طق بالمخدة واصرخ من الألم اترجى يعطوني مسكن لكن لا حياة لمن تنادي الله يسامحهم كابوس كل ما اذكره اختنق وابجي , مع اني كنت معروفة ما اخاف من العمليات لكن عقدوني
أطلب منهم مسكن تخيلوا شنو يعطوني !!!!!!!!!!!! بنادووووووول والله عطوني بندول لا وحبة مو اثنين !!!!
الحين مر اول يومين وانا على امل النتيجة تخفف إلي فيني , ولما جابوا الكورسيه اخيراً والدكتورة قالت نشيل الضباب ونلبسج الكورسيه قلت فرجت وراح اشوف النتيجة إلي تنسيني الألم ( ترهلي كان كبير كبير حيل )
هنيه الصدمة , فتحوا الكورسيه والا أشوف الترهل نصّه موجود !!! لي الحين ايدي فيها جوانح ! وفوق هذا والمشكلة الثانية في خسفة فوق الكوع بإيدي الشمال شكلها غريب ومشوّه صارت ايدي طبقتين .
انا من الصدمة ما فتحت حلجي بكلمة , الدكتورة شكلها انصدم بس سكتت , الممرضة انصدمت لكن تلاحقت نفسها قالت هذا تورم لا تخافين اكيد راح يخف مع الكورسيه !!! هنيه رجع لي الأمل وقلت يمكن صج
مر اسبوع اثنين ثلاث والترهل على حاله والخسفة ما راحت ,,, وقتها رحت للدكتورة قلت لها انا منبطة جبدي من هالخسفة , قالت حتى انا منبطة جبدي منها هذا جلدج شد من نفسه بهالمنطقة اكثر من اللازم ! قلت اوكي والترهل !!! قالت احنا نخاف نشد كامل لا يفتح معاج الجرح بعدين تشتكين علينا !!!!!!!!!!!!!!!!!
عاد هذا كلام !!! جان قالوا لي من الاول , ومو لهالدرجة يخلون ترهل ( لكن انا افهم هم بالاساس انصدموا من درجة الترهل لكن الموضوع اكيد له دخل بالتخطيط قبل العملية والا خلال العملية شلون يعرفون درجة الترهل وانا نايمة مو قاعده على حيلي !!)
نسيت اقول لكم انا اكتشفت ان مو بس الدكتورة صابرين سوت العملية لي كان معاها الدكتور حلمي , هو استلم زند وهي زند والدليل انهم لما يبون يشيلون الغرز شالت هي لي غرز ايدي الشمال وقال الدكتور حلمي يشيل غرز اليمين لأنه هو خيطها !! حتى شكل الخياط والجرح مختلف بين الزندين
بعدها قالت لي لا تحاتين راح يخف بالكورسيه خلال شهرين ومر شهرين ما خف ولا شعرة , رحت لها قلت الحل قالت عملية ثانية لكن ننطر سنة او 8 شهور ؟؟؟؟؟؟؟؟؟؟؟؟؟!!!!!!!!!!!!!!!!!!!!!!!!!!!!!!!!!!
هنيه طبعا كرهت حياتي خاصة لما تخيلت اتعرض للألم هذا مرة ثانية ,, ما قلت شي ,,هذه مواعيدهم ما اقدر أتحكم فيها وانا بالاساس ما ابي اسوي عندهم خلاص ,, صحيح هم حريصين ومهتمين بالمريض لكن بالخاص غير , لكن شنو حدّك على المر
طلعت منها ورحت لكذا دكتور استيشره بالحل , كلهم اجمعوا وقالوا ايديج مرهلة كثير لازم عملية شد ثانية هذه ولا كإنها موجودة !! ومنهم دكاتره بالبابطين رحت لهم بالخاص
وطبعاً ماكان عندي المبلغ لكن التزمت صلاة الليل والاستغفار وربي فتحها علي بسلفة من البنك اخذتها ورحت للدكتور عبد الناصر وقلت بسوي كل شي باقي كل مرة وحده ما اقدر ادخل هالعذاب مرة ثانية , وانا كل ليلة ابكي من الخوف من اني ارجع اشوف الألم الي شفته اول مرة والله صارت فيني عقدة الحين اكتب والعبره خانقتني لأني تذكرت درجة الألم .

لكن الحمد لله رجعت سويتها وصحيت من البنج والألم مُحتمل ولا حتى اقول بسببه آي الف الحمد لله والشكر ,, حمدت ربي وشكرته على النعمه الي رزقني اياها ان الألم ماكان ولا ربع المرة الأولى
حتى خواتي لما دخلوني الغرفة كانوا مرعوبين لا يشوفوني مثل حالي بالانهيار الأولى لكن دخلت اضحك معاهم , ووحده فيهم هربانه للحمام ما تقدر تشوفني جان تناديها الصغيرة تقول لا تعالي قاعده تضحك

الف الحمد لله الذي لا يحمد على مكروه سواه , زندي الحين تصلّح والترهل راح نهائي , والخسفة راح منها 80% الحمد لله طبعا ما اقدر اقول اني اطلب اكثر من هذا لأني واقعية والدكتور كان يصّلح إلي عمله غيره .
هذه تجربتي
ما احط اللوم على الدكتورة صابرين بالخفسة إلي بإيدي لكن احط اللوم عليهم بالترهل الكبير إلي تركوه لأنهم خايفين من فكرة يفتح الجرح واشتكي !!! خوفهم ضيّعني

 

[softlady]

والله يا بنفسج قريت قصتج سطر سطر

شقووووووووووووول!!!!!

لاتعليق

والله اخنقتني العبره

 

[prettysoul]

ياااه اختي بنفسج الله يعينك
حبيبتي ليش تبررين لهم؟
الدكتور إذا ماراح يسوي العملية ويخلليها تضبط أحسن مايسويها
×××××××××××××××××××××××
×××××××××××××××
×××××××××
المشكلة موفي جسمك المشكلة في الطبيبة والطبيب
اسمحي لي شكلهم قعدوا يتعلمون في جسمك
لاتزعلي منى

 

[فديته]

الله يعييينج اختي بنفسج,, صج قصتج الم في الم,, ذكرتيني بقصت ولادتي بمستشفى الصباح هم مارضوا يعطوني مسكن!!!
المهم

انا سويت شفايفي عند الدكتور منذرر العجمي ونفخت خدودي,, بصراحه الدكتور مايصلح للشفايف
انا حطيت موضوع بالقسم عن اللي صار لي ,, تورمت الشفه اللي فوق لدرجه واصله خشمي,, قالي عادي يوم او يومين تخيلوا اكثر من شهر!!!!

واروحله يعصر فيهم ليما يطلع المادة يمكن رحتله اكثرر من اربع مرات,, وعطاني مضااد لانه التهب,, وقالي لج ابره مجانيه,, قعدت اضحك قلت من صجك لايحوشك مابي منك شي.. والدكتور انف واذن وحنجره وتجميل وجه,, بس المواد المستخدمه مو شي كلش

ويعطيج العافيه صاحبه الموضوع,,

 

[اوووفه]

بالله بنات عفيه قولوا تجاربكم الفاشله مع الدكاتره عشان نستفيد و ما نكرر الغلط الي طحتوا فيه ونستبعد هالدكاتره الغشاشين الي مدري من وين جابو شهايدهم

 

[اوووفه]

عفيه بنات انا بسوي شفط وشد للبطن مع ولادتي لان ولادتي قيصريه فالي تعرف دكتور شاطر قولولي أو تعرفون أذا في احد سوي نفس الي ابي اسويه شفط مع القيصريه عفيه علموني ومشكورين يا احلي خوات

 

[اوووفه]

اب اب

 

[عسووووولة]

رد : موضووع للناس الأمينين فقط! منو الدكتور التجميلي الفااشل وإللي أنصدمتي من مستواه

اب اب اب

 

[متى ارتاح]

يا بنات حأتكلم بصدق لانو الدكتور الفاشل لازم ينعرف حتا ما يخبص كمان بالناس

انا لي تجربة فاشلة مع الدكتور ادهم منصور السوري في الشام و محروق قلبي منو

ساوالي شفط و ما زبطت العملية

و انتفخ بطني زيادة و صار في تعرجات و لما صحيت ما لقيت الدكتور و لا قبلو يورجوني الدهن المشفوط

و صرت كلما اتصل في او ارحلو للعيادة يتهرب و يخترعلي حجج و كلام فارغ

يمكن حاقنلي مادة غريبة تحت الجلد مسببة انتفاخ و الله لهلأ ما بعرف شو مخبص ببطني

و بنت عمي ساوت نفخ شفاه و تجميل انف عندو كمان فااشل فاااشل و صار معها مضاعفات و اشياء طويلة

و لا حصلنا على اي نتيجة مرضية

 

[زبدة_كويتية]

هاي بنوتات

انا متابعة لكم من بعيد لبعيد لاني قليل ما ادش النت

المهم
انا سويت عملية ماراح احدد نوعها حاليا .. لان مو هذا الموضوع

ولاني للحين ما شفت النتيجة او بالاحرى النتايج ...ولمن اشوف النتيجة وربي شاهد فوقي راح اقول بكل صدق تجربتي معاه

لكن بصراحة

.. صار لي تقريبا 3 ايام ما انام من صدمتي فيه فعلا طاح من عيني ما هقيت هالشي وثبت كلام بعض الخوات عنه

....بنات طيروووووووووووووه لسابع سما وفئة قليلة نقدته ........... عن نفسي ما احكم على الناس من زاوية وحدة فرحت له
وسويت خيرة وتوكلت على الله

و اختي بنفسج . فعلا اكن لها اكبر احترام وتقدير لانها ما طيرته ولا ذمته قالت انه صلح عمليتها السابقة والحمدلله تمام . والنتيجة مرضية
وللحينها تقول انه صلح عمليتها السابقة وما رفعت ولا نزلت فيه . (( بعد العملية ومراجعاتج معاه ما لاحظت انه معاملته صارت غير ؟؟))

المهم

تم الاتفاق مع هالدكتوووووووووووووووووووووور ذو الانامل السحرية

بعد وطبعا ضارب بالسعر بالاعالي وشغل ايدي والمشدات والسيلكون وزاد من قيمة المبلغ لاخر لحظة

عاد مو مهم الفلوس مو مهم سمعه الدكتور المهم اخلاقه وشغل ايده

صار لي 4 ايام ما انام بصراحه قلبي يعورني ومصدومه باخلاقه ..

رحتله عشان يشوف اثار العملية والغرز ويبدلي الضمادات..

الصدمة كالتالي :-

احاجيه وهو قاط عمره عالنت قط .(( بنات قالوا انه يدش هني والظاهر كلامهم صح ))
احاول احاجيه عن حالتي وعن الاشياء المضايقتني .. ( عمج اصمخ )
ومعصب مادري شفيه

كانه وده يخلص وبس مو جني دافعه اللي حق شغله وتعبه و
كانه وده ماراجع عنده ليش ؟؟؟


دشيت ابدل الضمادات ..
والله ما كان دكتوري الكويتي بعمليتي الاولي جذي كان يحاول يراعي الالم
تخيلوا هالدكتور يبدل الضمادات ويحك الجرح حيل وصار صوب الجروح احمرار وحكة وعوار . كانه هيج الجلد حويلين الجروح !!
وهالحجي حيل روح يمسح بالجرح ولاكاني ادميه جني حيوانه

اقوله شوي شوي .. يقول ماعملتش حاجه ((!!))

يلصق الضماادات اي كلام واي شي ..

يعني عيزانه اشتري كريمات وابدل الضمادات بالبيت
مو عيزانه ..

يعني لهدرجة يبي الفكة وخلاص لهدرجة ماكو تفاني بالعمل

كل ما دشين عليه حاط قران .. ما خاف الله وراعا الله في شغله كلكم مسؤول عن رعيته .. وانت للحين جدام الله محاسب علي لحد ما يغدي شري ...

السسترات يراعون اكثر منك !!

لا بعد خر مني دم ويقول ما كو شي

قعدت ابس استفسر عن جم شغله ؟!
ولا كاني موجودة يتحجى كان كلامي مو مهم واسالتي مو مهمة ؟؟

شنو هالدكتور اللامبالي
اشكره واضحه (( مراجعتي ببلاش ،، وقبض فلوسه )) قاعده اضيع وقته بنظره


والله شماته وربي فعلا كلام بنات هني صحيح لكن شغل ايده ما احكم لمن اشوف راح اقول الصج ..
وابشركم كان الاتفاق بشغله حضرته شاف شي ثاني وما سواه . ويقول لا ماكان يحتاج والله العظيم تأكدت من كلام بنات هني عنه

بس فعلا هقيت انه انسان مهتم بمرضاه طلعت السالفة مادة بمادة
للاسف سمعة واكتسبها وخلاص ومو هامة ​

 

[امورةالدوحة]

انا سبق وذكرت تجربتي
انا من قطر سويت قيلر حق ويهي من سنة وشي والمادة تكورت بويهي كورة في الخد اليمين والثانية باليسار
الي فاليمين وااااااااااضحة ومستوية جنها بقعة
المهم الدكتور يعله السلال شكله حاقني بمادة رخيصة>>>>>هذا كلام دكاترة رحتلهم استشارة
والحرامي يستهبل لمن رحتله يقولي يمكن صار جذي بسبب هرمونات الحمل لاحظوا اني حملت بعد الحقن ب 6شهور واصلا المادة بعد4شهور تبدا تذوب وصلا الحمل ماله دخل
ولمن رحتله قالي بشفطلج المادة بالابرة والله ان الكورة برزت اكثر والتهبت والدكاترة قالولي ان حل الابرة غلط ومامنه فايدة
ولمن فشلته وقتله عن هشي قالي خلاص جراحة من داخل الفم والله احس انه كان بيلعب فيني ومايدري شسالفة
وخايفة اسوي الجراحة وحاااااليتي حالة
الله ينتقم منه
الدكتور اسمه احمد سيف مكي
من مركز جراحة التجميل في قطر
ادعولي بنات ان الله يشفي وجهي وتختفي الكور وتذووب

 

[بنفســـــج]

و اختي بنفسج . فعلا اكن لها اكبر احترام وتقدير لانها ما طيرته ولا ذمته قالت انه صلح عمليتها السابقة والحمدلله تمام . والنتيجة مرضية
وللحينها تقول انه صلح عمليتها السابقة وما رفعت ولا نزلت فيه . (( بعد العملية ومراجعاتج معاه ما لاحظت انه معاملته صارت غير ؟؟))​

هلا حبيبتي
من ناحيتي لا والله ما تغيرت معاملته معاي , وحتى بعد آخر زيارة , وعلى فكرة انا خلصت كل شي عنده من شد وفيلر وليزر لأثر الشد كلهم الحمد لله خلصت منهم
وفي نقطة مهمه حبيبتي هو مو بس صلّح علمية زنودي لكن هو أعاد العملية من يد ويديد ,, ومعاها شد صدري وجوانبي والحمد لله انا راضية ,ولا مستفيدة من اي شي اقوله إيجابي او سلبي عنه .

 

[دلوول 2006]

بنفسج
حمد الله على سلامتج
والحمدالله اللي نجاج من مصلخ البابطين
وعسى الله يمتعج بالصحه والعافية
بغيت أعرف شلون الفلر معاج نتيجته حلوه ؟؟ و بجم سوالج ؟؟

 

[بنفســـــج]

بنفسج
حمد الله على سلامتج
والحمدالله اللي نجاج من مصلخ البابطين
وعسى الله يمتعج بالصحه والعافية
بغيت أعرف شلون الفلر معاج نتيجته حلوه ؟؟ و بجم سوالج ؟؟

مع انه مو موضوعنا لكن تمونين :eh_s(22): الفيلر معاي الحمد لله حلو وطبيعي وكلفني 400 دينار لأن وجهي محتاج , وبصراحة احسن محتاجه اكثر لكن ما افكر كافي النتيجة الحالية

 

[خباري مطر]

رد : موضووع للناس الأمينين فقط! منو الدكتور التجميلي الفااشل وإللي أنصدمتي من مستواه

بنفسج يابنفسج ياحلوة يابنفسج تبارك الله الله يتم عليج بصحة وعافية بس شلون الليزر علي الزند لان افكر اسوي البراميييييل اللي اسمهم زنود اللهم لك الحمد وشلون الاثر

 

[q8y-moon]

اول تجربه بقولها لكم عن امي والي بغت تموت بسبه ××××× دكتورها ولو تشوفون ملفي الشخصي تشوفون موضوع قبل سنه عنها اطلب من البنات يدعولها
ماراح اقول التفاصيل بس دكتورها نيشو وبغت تموت والبطن انحفر حفر ولي الحين مشوه لازم يتصلح
وتجربتي انا بالفلر عند منذر العجمي
فاشله خد غير عن الثااااني وباسبوع الوجه فش الا منطفه وحده بالخد ظلت وارمه كانه ضرس وارم
الحمدالله الحين فش كله وفتكييت بجرب طيبه كلينك والله يستر

 

[بنفســـــج]

رد: رد : موضووع للناس الأمينين فقط! منو الدكتور التجميلي الفااشل وإللي أنصدمتي من مست

بنفسج يابنفسج ياحلوة يابنفسج تبارك الله الله يتم عليج بصحة وعافية بس شلون الليزر علي الزند لان افكر اسوي البراميييييل اللي اسمهم زنود اللهم لك الحمد وشلون الاثر

شفيكم خربطنا موضوع البنت :eh_s(22)::eh_s(22)::eh_s(22):
ما اقدر احكم على النتيجة الا بعد اسبوعين لأن توني من اسبوع مخلصة الجلسة الرابعة والأخيرة ولازم يطيب الجرح ويتقشّر وقتها اقدر احكم ,وعلى العموم الدكتور اساساً قال لي انه متوقع يخف 40 أو 50% مو أكثر