كل ما يهم الخريجين لمرحله ما بعد الثآنويه .. ~

[عاشقة المايسترو]

السَـلآم عليكم ورحمَـه الله وبركآتـه .. ~

ما بقى شَـي وتطلع نتآيجكم بأعلى النسب يا رب .. ~
ودعتوا المدرسه وإنتو مقبلين ألحين على حياه يديده ..

نفس هالوقت ذيك السنَـه كان فكري مشتت وكنت أسال واايد ..

عشان جذي حطيت هالموضوع حق إستفسآراتكم وعشان نوافيكم بكل شي يخص مرحله ما بعد الثنويـه ..

أي إستفسآر عن الجامعه , البعثات , التطبيقي حطوه مني وإن شاء الله ما بقصـر وياكم والأعضاء بعد ما بيقصرون .. !


حيآآكم ..

للعلم : أنا حاطه نفس هالموضوع بمنتدى ثاني ونكي فيـه al_3arbawya يعني أبداً مو منقول ..
(F)

 

[عاشقة المايسترو]

الخطة الزمنية لعملية القبول في الجامعة للفصل الدراسي الأول 2010/2011



http://reg.kuniv.edu.kw/admission/إا...ل2010-2011.pdf


نسب القبول الفوري للفصل الدراسي الأول 2010/2011


http://reg.kuniv.edu.kw/admission/نس...02010-2011.pdf



المستندات المطلوبة لقبول خريجي المرحلة الثانوية


http://reg.kuniv.edu.kw/admission/ال...02010-2011.pdf





والي مايشتغلون الروابط وياه يراجع : http://reg.kuniv.edu.kw/admission/ad...0-2011-ar.html




ملاحظه : إرتفعت نسب القبول الفوري في كليه العلوم عن السنه اللي طافت
وترى هذا قبول فوري يعني لا تخترعون اللي نسبهم أقل ينزلون أساميهم بالجرآيد ..


على فكره النسب مالت الكليات العلميه ( طب , طب مساعد , هندسه , علوم إداريه , كليه البنآت )
نسب مكافئه يعني مَـع القدرات

طريقه حسآب المعدل المكافيء لكليات الهندسَـه والعلوم الإداريه وكليه البنآت .. ~

نسبه الثآنويـه * 0.70 + نتيجه إمتحان القدرات إنقلش * 0.15 + نتيجه إمتحان القدرات ر ياضيات *0.15 = المعدل المكافيء % ..


طريقه حسآب المعدل المكافيء لكليه الطب وطب الأسنان والصيدله .. ~

نسبـه الثآنويـه * 0.65 + نتيجه إختبار القدرات إنجليزي * 0.15 + نتيجه إختبار القدرات رياضيات * 0.10 + نتيجه إختبار القدرات كيمياء *0.15 = المعدل المكافيء % ..


طريقه حساب المعدل المكافيء لكليه العلوم الطبيه المسآعده .. ~

نسبه الثآنويـه * 0.70 + نتيجه إمتحان القدرات إنقلش * 0.15 + نتيجه إمتحان القدرات ر ياضيات *0.7.5 + نتيجه إختبار القدرات في الكيمياء * 0.7.5 = المعدل المكافيء % ..

تـ ح ـيـآتـي ..

 

[عاشقة المايسترو]

كنت بتحجى عن الجامعات الخاصه , يعني اللي يبي يبتعث بعثه داخليه .. ونقيتلهم الأميز حسب ظنـي ..

Aum

جامعه حلوه أخوي يقول عندهم خوش ملعب كره بسطحهم
وإهيه بمنطقه العقيله أنا شفتهاا من بره مبناها حلو ..

تخصصاتها ..
إداره أعمال ( تسويق , إداره , موارد بشريه , محاسبه , نظم معلومات , تمويل ) ..
هندسه ( هندسه صناعيه , هندسه كمبيوتر ) ..

طبعاً كانو قايلين أن في خطه يفتحون تخصصات يديده في الهندسه وبيفتحون طب قالو أن 2010 بيبطلونهم فـ مادري للحين ما حاطين شي عنهم ..

Auk
الأدب ( إعلام , أدب إنجليزي , تصميم , دراسات دوليه , علوم إجتماعيه وسلوكيه )
إداره أعمال ( إداره , تسويق , تمويل , محاسبه )
علوم ( هندسه كمبيوتر , علوم كمبيوتر , نظم معلومات )

 

[عاشقة المايسترو]

بسم الله الرحمَـن الرحيم ..

ممكن أتحجى عن كليتي ؟

بدايه أدري أن ولا أحد منكم مفكر بالإداريه وأصلاً أغلب اللي يدشونها ما يكونون يبونها !!
بس سبحان الله يتعلقون فيهاا , يعني أنا كنت بحول وما حولت لان الكليه صج صج عجبتني .. !

أولاً : من ناحيه المبنى فهي من أرقى المباني في جامعه الكويت !!
ثانياً : من ناحيه الدكاتره الدكاتره جيدين جداً .. !

بعطيكم معلومه بدايه ..

كليه العلوم الإداريه الكليه الوحيده الحاصله على الإعتماد الأكاديمي أي أنها معترف بها دولياً ..
وحصلت على هالإعتماد سنه 2005 وهالسنه تجدد الإعتماد لما وصلت له من تطور ..

تخصصات الكليه ( محاسبه , تسويق , إداره أعمال , نظم معلومات , تمويل , إقتصاد , تحليل كمي )

بالنسبه للمستقبل مستقبل الكليه مضمون 100% والدليل أن كل الجامعات الخاصه قع تبطل هالتخصصات
لأن سوق العمل محتاج من هالتخصصات !!

إن شاء الله إذا قدرت بوفر لكم صور حق الكليه ..

أي إستفسار يخص الكليه أنا حاضر ..

عالهامش : ترى مو بس اللي يدشون هندسه وطب ينجزون ويكون عندهم طموح لأن في وااايد شباب رفعو إسم الكويت بتسيدهم على وظايف عالميه في البزنس .. ,

بالنهايه طموحكم وين يوديكم روحو .. والله يوفقكم

وأي سؤال يخص الكليه أو أي كليه ثانيه أنا حاضره .. ~

 

[عاشقة المايسترو]

بسم الله الرحمن الرحيم

نسبة البعثات .. ~

كندا
90 % طب اسنان - طب بشري
85 % علاج النطق - محاسبة - ادارة نظم المعلومات - ادارة اعمال - اقتصاد - تسويق

المملكة المتحدة
85 % طب اسنان - طب بشري - صيدلة - تكنلوجيا الاسنان
80 % تكنلوجيا الاشعة - علم الاحياء - علم الامراض
75 % علم الارصاد الجوية - هندسة ( ميكانيكية ، مدنية ، كيميائية ، بحرية ، الكترونات طبية ) - علوم الزراعة

الجمهورية الايرلندية
90 % طب اسنان - طب بشري - صيدلة - هندسة التصميم والتصنيع -
80 % علاج طبيعي - علم الوراثة والمعلومات الحيوية - التغذية البشرية - تكنلوجيا حيوية - هندسة كهربائية والكترونية - تكنلوجيا عملية النقل - صحة البيئة
75 % ادارة الرياضة والتدريب

استراليا
80 % تمريض - صيدلة - علوم نووية وتكنلوجيا اشعاع طبي
75 % الاطراف الصناعية - علوم تغذية - هندسة بكافة تخصصاتها - امراض الدم ونقل الدم ... الخ ووايد تخصصات

نيوزلندا
80 % صيدلة
75 % هندسة بكافة تخصصاتها - صحة بيئية - علوم الكمبيوتر - علم الاشعة الطبية - علاج مهني - علاج النطق

مالطا
85 % طب اسنان - طب بشري - صيدلة
80 % علوم الكمبيوتر
75 % هندسة معمارية + ميكانيكية


الشروط
1- تقديم شهادة الثانوية الاصلية لحديثي التخرج
2- ضرورة حضور ولي الامر وتقديم البطاقة المدنية الاصلية للطالب وولي الامر ونسختين من كل بطاقة

وعلى امتحان التوفل والايتلز ،، مو شرط .. يدزرنك سنة كاملة لغة !

ملاحظة
يجب على الطلبة المقبولين في طب اسنان والطب البشري في المملكة المتحدة اجتياز اختبار ( UKCAT) الالزامي .. ويمكن التسجيل من خلال الموقع الالكتروني
www.ukcat.ac.uk

 

[عاشقة المايسترو]

هَـذي بعـض الصـور لكليآت جآمعَـه الكويت .. ~



مركَـز العلـوم الطبيـه ..

كليـه الهندسَـه والبترول ..

كليَـه العلوم الإداريه ..

كليَـه الآداب ..

كليـه التربيَـه ..

كليـه الشريعَـه والدرآسات الإسلآميَـه ..

كليه البنآت ..

..

 

[عاشقة المايسترو]

بعَـض الصور للجآمعَـآت الخآصَـه .. ~


جآمعَـه الخليـج .. GUST

AUK ..

الجَآمعَـه العربيَـه المفتوحه ..

هذا اللي قدرت أحصله .. :/


بعَـض الكليآت التآبعه للهيئه العآمَـه للتعليـم التطبيقـي والتدريب ..


كليَـه الدرآسات التجآريَـه ..

كليَـه العلوم الصحيَـه ..

معهَـد الإتصالات والملآحَـه ..

أي إضافه الموضوع موضوعكم ..​

 

[عاشقة المايسترو]

بالنسبه للبعثات الخآرجيه .. ~

يبدا تسجيل البعثات 21/6 طبعاً هالشي حق خريجين السنه اللي طافت والمدآرس الخآصـه
وإنتو بس تتخرجون إخذو موعد وبس تطلع شهايدكم روحو .. !
12/7 تسكر أبواب التسجيل !

المطلوب : شهادات الثآنويه الأصليه يبونها مترجمه باللغه الإنجليزيه ويبون شهاده تاسع :| , نسخه للبطاقه المدنيه , نسخه من بطاقه المدنيه لولي الأمر , حضور ولي الأمر ..
الموقع : المنطقه الحره وزاره التعليم العالي مبنى 1 الدور الأرضي
طريقه أخذ الموعد : الموعد تاخذونه من الويب سايت مال التعليم العالي
تحديد التخصص : لمن تقدمون لكم حق تسجلون 8 تخصصات !

المقاعد 1800 مقعد للبعثات
1429 منها للتخصصات العلميه
129 منها للتخصصات الأدبيه
100 ومادري جم منها حق التخصصات المشتركه

المعاش : في أمريكا المعاشات 1800 دولآر
وكل دوله تختلف عن الثآنيـه , وبيزيدون المعاشات 25%

نسب القبول : 75% فـما فوق .. على حسب التخصص والدوله طبعاً

رآح تسوون فحص طبي شامل قبل لا تروحون وفي جم تطعيم


يلاا موفقيـن (f) ..

 

[عاشقة المايسترو]

شفت إعلان حق الجامعه الأمريكيه فـي الكويت AUK
بس للأسف دورته شكثر وما لقيته فـ قلت أكتبلكم اللي مكتوب فيـه ..

إعلان عن خطه البعثات الداخليه للفصل الدراسي الأول 2010 / 2011 ..

الفتره .. من 4-15 يوليو 2010 .. ( طلبات الإلتحاق ببرامج البكالوريوس من خريجي الثانويه , طلبات التحويل إلى برامج الباكالوريوس ضمن البعثات الداخلية ) ..

التخصصات المتاحه ..
1- ( بكالوريوس إداره أعمال : إداره المحاسبه - إقتصاد - تمويل - تسويق )
2- ( بكالوريوس الآداب : وسائل إعلاميه , تصميم جرافيكي , لغه إنجليزيه , علوم إجتماعيه وسلوكيه , الدراسات الدوليه ) ..
3- ( بكالوريوس الكمبيوتر : علوم الكمبيوتر [ علمي فقط ] , نظم معلومات ) ..
4- ( بكالوريوس الهندسه : هندسه كمبيوتر [ علمي فقط ] ) ..

الحد الأدنى لنسبة الشهاده الثانويه للتقدم للبعثه ..
1- القسم العلمي : برامج الهندسه : 74% .. البرامج الأخرى 70% ..
2- القسم الأدبي : 74% ..
3- ذوي الإحتياجات الخاصه :
أ- القسم العلمي : برامج الهندسه 64% , البرامح الأخرى 60%
ب- القسم الأدبي : 64%

الشروط والقواعدد العامه :
1) أن يكون الطالب كويتي الجنسيه أو من أبناء الكويتيات ..
2) ألا يكون قد سبق إيفاده وانتهت بعثته بإلغاء أو بالإنسحاب وألا يكون موظفاً فـي أي جهه حكوميًـه أو مجازاً دراسياً مبعوثاً من جهه أخرى ..
3) يكون قبول الطالب مشروطاً بدراسته فـي الفصل الذي قبل فيـه ويلغى قبوله إذا لم يراجع الجهه المقبول فيها للتسجيل وتقديم اختبارات القدرات ..
4) أن يلتزم الطالب بكل ما يصدره مجلس الجامعات الخاصه من قرارات وان يلتزم بعدم تغيير التخصص المقبول فيـه إلا بعد موافقه الجامعه ولجنه المنح والبعثات الداخليه بمجلس الجامعات الخاصه ..
5) تغطي المنحه الرسوم الدراسيه ولا يشمل ذلك رسوم التسجيل المتأخر ورسوم المقررات الدراسيه التي ينسحب منها الطالب بعد إنتهاء فتره السماح المقرره فـي الجامعه من مراعاة ألا تقل الواحدات الدراسيه بعد الإنسحاب عن العبء الدراسي الكامل ( 12 وحده دراسيه كحد أدنى ) ..
6) أولويه القبول للطلاب الحاصلين على اعلى المعدلات في حدود ما هو متاح من مقاعد لكل تخصص على حده ..
7) على جميع الطلبه إجراء إمتحان تحديد المستوى للغه الإنجليزيه فـي الجامعًه أو إجتياز IELTS أو TOEFL ..
8) أن يلتزم الطالب بالتسجيل لعبء دراسي كامل ما عدا الفصل الصيفي ..

الوثائق المطلوبه لجميع الفئات :
- صوره البطاقه المدنيه للطالب ( الاصل المطابقه ) ..
- عدد 2 صور شخصيه حديثه وملونه ..
- صوره عن البطاقه الأمنيه ( الأصل المطابقه ) لأبناء الكويتيات من غير محددي الجنسيه ..

رقمهم : 1802040 أو 22248399 داخلي 313. 312. 310. 206 ..

هذا كل الإعلان بس تعبت

وترى موجود بجريده القبس صفحه الجامعه والتطبيقي .. أمس ..

إن شاء الله أكون أفدتكم بشي .. ~

 

[Mo7aSbChia]

كنت بتحجى عن الجامعات الخاصه , يعني اللي يبي يبتعث بعثه داخليه .. ونقيتلهم الأميز حسب ظنـي ..

Aum

جامعه حلوه أخوي يقول عندهم خوش ملعب كره بسطحهم
وإهيه بمنطقه العقيله أنا شفتهاا من بره مبناها حلو ..

تخصصاتها ..
إداره أعمال ( تسويق , إداره , موارد بشريه , محاسبه , نظم معلومات , تمويل ) ..
هندسه ( هندسه صناعيه , هندسه كمبيوتر ) ..

طبعاً كانو قايلين أن في خطه يفتحون تخصصات يديده في الهندسه وبيفتحون طب قالو أن 2010 بيبطلونهم فـ مادري للحين ما حاطين شي عنهم ..

Auk
الأدب ( إعلام , أدب إنجليزي , تصميم , دراسات دوليه , علوم إجتماعيه وسلوكيه )
إداره أعمال ( إداره , تسويق , تمويل , محاسبه , اقتصاد)
علوم ( هندسه كمبيوتر , علوم كمبيوتر , نظم معلومات )

يعطيج العافيه حبيبتي عالموضوع و زدت تخصص اقتصاد :*

 

[عاشقة المايسترو]

^^

الله يعافيج حبيبتي :*
حياج الله ..

 

[قَلبيْ صُويبكْ !]

,


تسلمين وآلله , موضوع بيفيد آلكل كيد
لآإهنتي يآحيآتي , وأن شآء لله لي رجعه بعد آلنتآيج ~

 

[Mo7aSbChia]

اعلان البعثات الداخلية

 

[Mo7aSbChia]

اعلان البعثات الداخلية

 

[Betty]

موضوع اكثر من رائع قواج الله عالجهد الطيب

 

[ضي76]

مرحبا بنات انا متخرجه 73.5وابي اخذ بعثه داخليه وابي تخصص اتوظف فيه في مدرسه ابي بكالوريوس اداره مثلا مخازن

الي عندها فكره تفيدني وشاكرة لكم

 

[الغلا غلاي]

بنات شرايكم بكلية العلوم الاجتماعية .,,,
لها مستقبل ولا لا ..,,
بليز ردو علي انا محتاره بين تربية مدرسة اجتماعيات او
اخصائيه اجتماعية ..
او اذا ما دخلت الجامعه الله لا يقوله ؟؟..!!! راح ادخل رياض اطفال ..
ها شراايكم ؟؟؟؟؟

 

[ألايانفس......]

اولا اخت الغلا غلاي المدرسة شغلها حيل متعب وكل المدرسات اللي اعرفهم انقلوا من مدرسات الى اداريات لانهم ملوا وطكت اجبودهم
والاخصائية الاجتماعية زادوا كوادرهم هالسنة يعني تقعدين بمكتبج مرتاحة وتعطلين مع الناس وشغلتهم موحيل متعبة نفس التدريس وكلية العلوم الاجتماعية تخصصاتها وايد حلوة ومستقبلها حلووكل مكان يقبلونج فيه حتى البنوك يبونج وبس أتمنى اني اكون افدتج

 

[معبوجة]

ماشالله موضوعج وااايد حلو ومبين تعبانة عليه
يعطيج الف عافية :*

 

[الـجـادل]

ماقصري اختي

انزين بنت خالتي نسبتها 72

وتبي شنو الجامعات والكليات الي تقبلها
ابي هل تستحق البعثات الداخليه..؟؟

لانها تقولي الجامعه الامريكيه تقبل نسبة 74