ابي رايكم ونصيحتكم خواتي بمشكلتي ومشكله صديقتي عساكم سالمين

[امووله المزيونه]

السلام عليكم ورحمه الله

اخواتي بدخل بالموضوع ببدي اول بقصه صديقتي وابي اعرف رايكم هل شوري لها صح او لا











طبعا صديقتي قبل سنه تقريبا تزوجت واحد لمن سالوا عليه وكل شي قالوا زين بس للاسف من اول ليله
كان جدا سيئ معها اخلاقه زفت كلامه وقح ويوريها صور خوياته وارقامهم جلست معه اسبوع كلهم عذاب بعذاب
سب واهانات لها ولشرفها وكلام قبيح مايقوله الا عيال الشوارع
بعد ماراحت لاهلها طبعا صار عندها الالام فظيعه بالرحم راحت لطبيبه قالت التهابات وناقلك مرض مو خطير بس
يسبب التهابات شديده ولازم علاج طووويل وسبب عندها انسداد بواحد من الانابيب والاثني صابه التهاب وماعد يشتغل
وصاير يكلمها ويتصل ويقولها ارجعي يابنت ... ويا ويا ويا وكلام اقبح من القبح انا طبعا قلت لها لاوم تتركينه وفورا
لو ترجعين له كل شي مع انها ماعندها شي للاسف وهو حيوان يقول مااطلق لو تموتين قدامي صديقاتي وقرايبي قالو
لاتشجعينها على الطلاق ترى يهز عرش الرحمن وانتي تاثمين سؤالي خواتي هل انا اثم بهالشي الله يعلم حالتها
بعد ماكانت ورده مفتحه كل شي ظلم فيها حتى رحمها خرب مع ملاحظه كل اهله وامه وخواته وابوه يتصلون ويسبون فيها
ولعن وسب هذي بالنسبه لصديقتي ابي ارتاح لاني كل يوم اشجعها ابيها ترتاح منه لها .....




بالنسبه لي خواتي انا ارمله وطبعا عندي عيالي وعمهم خطبني ورفضت انا طبعا صغيره بس ليه رفضت لان اللي ماارضاه
لنفسي ماارضاه لغيري بمعنى لو زوجي رحمه الله عليه عايش مستحيل ارضى انه يتزوج لو شنو وطبعا
زوجه اخو زوجي انسانه ماشفت منها الا كل خير والله يشهد بنت اجاويد واصلا فكره الزواج من ثانيه مااحبها كلش مو اني
امنع امر الله لا استغفر الله بس قناعه وعم عيالي قال عيال اخوي مايتربون عند غريب يعني يبي يعورني او يلف ذراعي
وانا قلت مو لازم بلعنه العرس كله بكون ملك لعيالي وبس شرايكم برايي واتمنى تشجعوني فديت روحكم ياااارب

 

[~.ąvȍƈaȚ.~]

استغفر الله لحظه لحظه

شنو الطلاق يهز عرش الرحمن ؟! من ويييييييييييييييين يألفووون هالحجي امووت و اعرف !! ترى التأليف بالدين عقوبته مو شوي مره ثانيه لي قالولج هالكلام قوليلهم أبغض الحلال عند الله الطلاق

و منو قال تؤثمين ؟ في قصه او حديث استغفر الله ما اذكره بالظبط المهم عن قوم لوط كان في رجل صالح بينهم بس يسبح و يستغفر بس لما كان بينزل العقاب عليهم الله امر ان يبدي العقاب على هالريال لأن سكت عن الحقو ما حاول ان يمنعه

و بعدين وين القانون ووين اهلها ما يدافعون ؟! تقدر بابسط طريقه تروح حق القاضي تقوله شنو ياها منه !! و تشتكي على اهله سب و قذف !! و مو على كيفه ما يطلق فوق شينه قوات عينه مالت بس

الله يعينها بس لا تسكت و لا تصير ظعيفه لا ياكلون حقها

اما بالنسبه لج
الله يرحمه ريلج و تشوفينه بالجنة انشالله ...و لو كنت مكانج ما اعتقد بوافق اوكي اذا كان مو متزوج يمكن يمــــــكن اوافق اذا كان خوش ريال ... بس متزوج ؟! لا والله ما ارظاها حق نفسي عشان ارظاها حق عيري

و مو من حقه يقول عيال اخوي ما يتربون عند غريب حتى لو ما كنتي ناويه عالزواج بس بالنهاية انتي لج الحق انج تتزوجين

والله يوفقكم

 

[مطيرية والعزليه]

فديت قلبج اختي

ماشاء الله عليج عاقله وكامله الله يرزقج باللي يسرج ويارب يبلغج بعيالج ..
جزاج الله خير على اج عملتي حساب لعشرة مرة حماج واثمر فيج الطيب ..

وبخصوص رفيجتج انا لو مكانج بنصحها مثل نصيحتج خل تفك عمرها قبل لاينقلها ايدز والا بلوى والا تحمل منه هذه عايله رايحه فيها​

 

[مطيرية والعزليه]

فديت قلبج اختي

ماشاء الله عليج عاقله وكامله الله يرزقج باللي يسرج ويارب يبلغج بعيالج ..
جزاج الله خير على اج عملتي حساب لعشرة مرة حماج واثمر فيج الطيب ..

وبخصوص رفيجتج انا لو مكانج بنصحها مثل نصيحتج خل تفك عمرها قبل لاينقلها ايدز والا بلوى والا تحمل منه هذه عايله رايحه فيها

 

[امووله المزيونه]

اختي الغاليه الا الطلاق ابغض الحلال عند الله صحيح ولكن يهز عرش الرحمن وارجعي للمراجع او شيخ وتاكدي فديت قلبك لكن بهالحاله
لازم منه وهذا اللي اقوله انا
اما بالنسبه للقضاء هي سنه تراكض ورى القاضي وحولها لمؤسسه الاصلاح الزوجي يعني اهي وزوجها مع مشرف اجتماعي اهي ماتبي لا صلح ولا شي والقاضي يماطل فيها مسكينه وهذا يحضر جلسه وجلسات لا الله يعين بس وفوق هذا رفضوا الفحوصات الطبيه لانها من مستشفى خااص قالوا مانضمن يمكن دافعين للاسف مافكرت بالحكومي هذاك الوقت لانها كانت تعبانه نفسيا اصلا وتبي بسرعه الالم يخف

وربي يسعدكم خواتي

 

[حروف من ذهب*]

وين اهل رفيجتج ؟؟ ليش ساكتين عن بنتهم ؟؟

الله يرحم زوجج ويسكنه في جناته هذا قرارج واكيد المره ماترضي زوجها يتزوج عليها الله يطرح البركه بعيالج

 

[امووله المزيونه]

حروف من ذهب فديتك والله اهلها مايقصرون ومراكض بالمحاكم بس يماطلون هالقاضي حتى حاطين لها محامي
بس راحت الشهور الى متى وهي كذا ومثل ماقلت قبل هو قال والله مااطلق عشان يبيها ترجع المهر والمهر كثيييير وماعندها صرفته وابوها مايقدر فهمتي عشان كذا اقولها لاتتنازلين ابد ابد لو نجمع شوي شوي المهم لاترجعييييييين

اما بالنسبه لي اي انا عند رايي ولا اتنازل ولا ابي اتزوج لكن سؤالي هل العم بالشرع ياخذ العيال من امهم ؟؟

 

[@البتووول@]

لاياقلبي ماياخذهم بقانون الكويت مو بالشرع وحتى لي تزوجتي يصيرون العيال عند أمج وإذا الأم مو موجوده لاسمح الله الخاله وتكون مو متزوجه جنه المهم من أهل الأم هذا اللي أعرفه

 

[Daleela]

صباح الورد
بالنسبة لرفيجتج خل تفكر بصحتها وكرامتها ووين قاعدين يوريها صور رفيجاته والله اللي اختشو ماتو على قوله المصريين
خل يستريح ويدور له على مره مثله
وعمهم يمكن كلامه صح ان مايبي يتربون عند غريب بس يمكن هالغريب يحن عليهم ويخاف عليهم مثل عياله
بس لو اانا انحط بمكانج ما اتزوج المره تقدر تعيش وتظل ارملة طول عمرها بس الريال ما اعتقد
وهم عيالج ما اظن العم يقدر ياخذهم بس هم تأكدي
وانشالله اكون فدتج حبيبتي

 

[*ريما*]

بالنسبة لرفيجتك
الطلاق اهم الحل الوحيد في حالتها
هاذا رجال يخوف في امراض

وبالنسبة لك
الله يوفقك وتفكيرك حلو

 

[نواااال]

انا بنسبه لرفيجتج اهي ابخص تستمر معاه يمكن الله يهديه ويصلحه لها وتقدر تغير فيه
اما بنسبه لج نصيحتي لج خلاص لاتفكرين بزواج وريال عيشي لعيالج وربيهم احسن تربيه وسبحان الله تري بالاخره الله يجمع المراه
معا اخر ازواجها يعني اذا بغيتي زوجج الله يرحمه لاتزوجين عقبه وحطي في بالج انه الله راح يجمعك فيه بالاخره وبنسبه لعم عيالج طمنيه انج ماراح تزوجين وبتربينهم احسن تربيه وانه اهو مثل السند لهم يستندون عليه متا ماحتاجووه

 

[امووله المزيونه]

لاياقلبي ماياخذهم بقانون الكويت مو بالشرع وحتى لي تزوجتي يصيرون العيال عند أمج وإذا الأم مو موجوده لاسمح الله الخاله وتكون مو متزوجه جنه المهم من أهل الأم هذا اللي أعرفه

ديت قلبك يالغاليه وتسلمين على المرور والتعليق والافاده :eh_s(21):

صباح الورد
بالنسبة لرفيجتج خل تفكر بصحتها وكرامتها ووين قاعدين يوريها صور رفيجاته والله اللي اختشو ماتو على قوله المصريين
خل يستريح ويدور له على مره مثله
وعمهم يمكن كلامه صح ان مايبي يتربون عند غريب بس يمكن هالغريب يحن عليهم ويخاف عليهم مثل عياله
بس لو اانا انحط بمكانج ما اتزوج المره تقدر تعيش وتظل ارملة طول عمرها بس الريال ما اعتقد
وهم عيالج ما اظن العم يقدر ياخذهم بس هم تأكدي
وانشالله اكون فدتج حبيبتي

نورتي ياقلبي وصح كلامك صحتها وكرامتها اهم شي للانسان وهذا والله كلامي
بالنسبه لي شورك زين والحمدلله انا قادره اعيش حياه كريمه :eh_s(21):

بالنسبة لرفيجتك
الطلاق اهم الحل الوحيد في حالتها
هاذا رجال يخوف في امراض

وبالنسبة لك
الله يوفقك وتفكيرك حلو

تسلمين ياعسل وفعلا الله يسمع منك وتفتك منه والقاضي يعجل بالقضيه :eh_s(21):

انا بنسبه لرفيجتج اهي ابخص تستمر معاه يمكن الله يهديه ويصلحه لها وتقدر تغير فيه
اما بنسبه لج نصيحتي لج خلاص لاتفكرين بزواج وريال عيشي لعيالج وربيهم احسن تربيه وسبحان الله تري بالاخره الله يجمع المراه
معا اخر ازواجها يعني اذا بغيتي زوجج الله يرحمه لاتزوجين عقبه وحطي في بالج انه الله راح يجمعك فيه بالاخره وبنسبه لعم عيالج طمنيه انج ماراح تزوجين وبتربينهم احسن تربيه وانه اهو مثل السند لهم يستندون عليه متا ماحتاجووه

نوااال حبيبتي انتي لو شايفه حالتها وصحتها اول والحين تقولين شنو ابخص وتستمر اصلا ماعاشت معه الوقت
اللي تفهمه فيه كله بلاوي ومصايب حتى الدوره الشهريه ماقامت تجي الا كل شهرين مره بعد ماكانت منتظمه
حسبي الله عليه

وبالنسبه لرايك لي والله راي مقنع وجزاك الله خير وان شاء الله ربي يجمعني فيه بجنات النعيم وكل مسلم يااارب:eh_s(21):