احب اصير كلاس واحب اصير يونيك ومابي دراريع حموله ابي شي كشخه وناعم ..تعالو شوفوا ذوقي

[om-a7madeno]

ماشالله ذوقج وااااايد عجبني و انا من الناس اللي ما احب الدراريع كلش
keep goooooooooing

 

[زيـטּ عَبْس]

ماشاء الله

والله مو مدح ولا مجاملة

بس جد جد

ذوق

اختيار موفق
للتصاميم

راقيه وكلاسك

وذربه وفخمه

وهيبه


وألوان تشوووق


بس وين الخياط اللي يضبط

اهني التحطيم


والـبلوكاااات غالي نااااااااااار

وان فصلنا بالفروانيه >>>> تسرب الموديل


( ماكو إلا نجيب لنا خياطه خاصه )




ان شاء الله بشارك في الموضوع

كنت مجمعه تصاميم وموديلات كثيرة بالفلاش

 

[زيـטּ عَبْس]

>>> داخل مزآآجي حيل هالفستان

وخآآصه عندنا عرس بعد اسبوعين

حتى التسريحه عاجبتني


تهقوون أقدر أفصله ؟؟!!

ولا خليني على الجــاهز كالعآآآده

 

[جالكسي*]

وااااااااااااو رووووعه


يسلمووو

 

[..فروحه..]

مشكوووره

 

[¨(أميرة مطير)¨]

شوفي يا الغالية انا ما اخالفج باي شي بالكلام اللي قلتيه بس بتكلم عن نفسي انا ساكنة مع اهل زرجي وعندي في البيت اخوان زوجي اثنين متزوجين وشي طبيعي نتجمع مع بعض بالكثير بعد الغدا ولا العشا فراح اتحرك اقوم واقعد مثل هالموديلات مو حلوة اذا كان في رياجيل موجودين معاج في البيت مو مريحة تصير لانج بتتحركين اتمنى انج فاهمتني يعني اوفر اذا كل يوم انا بنزل واقعد مع اهل زوجي مستحيل راح البس جذي كل يوم عكس الدراعة تكون راهية على الجسم ومريحة لا فيها خبة ولا شغلها اوفر مثل حالتي انا ما استغنى عن الدراعة وثلاث ارباع المنتدى نفس حالتي مثل هالموديلات تنلبس بالمناسبات ,,

اتمنى ماتزعلين يا الغلا ,,

 

[سلايل*عبس]

والله ياحبيبتي سلايل

أنا متشوقة كثير لباقي موضوعك

ونفسي استشيرك بشغله ع الخاص اذا ممكن

من عيوني بنوته تامرين امر حياج على الخاص حبيبتي :sfg:

 

[سلايل*عبس]

ماشااء الله تبارك الرحمن


ذوقج يهبل لا إله الا الله



انا عندي أفكار اشكثر و احب انسق الالوان بس ما اعرف افهم الخياط ما ادري يحسسونج انج طالبه منهم معجزة



يعطيج العافية حبيبتي


موضوعج رووووووعة و راقي و راااايق

حبيبتي تسلمين من ذوقج يعمري

لاماعليج منهم طلعي افكارج ونسقيها ووديله الموديل وارسمي خطوه خطوه معاه وخليه اهو اذا فهم يرسم ويشرحلج انا جذي اصير جني رايحه مرسم لوول

واذا في قصه مافهمها اخذي ورق جرايد وقصيه على القصه اللي تبين وخليه يشوفها وراح يفهم انا اسوي حذي وساعات ياخذه اهوا الباترون بعد

وعلى حسب الموديل يعني خليه يسوي شغله شغله وروحي وردي عليه لاتخلينه فتره وتشردين @@ ترا يحوس الدنيا :sfg:

وصاجه بسالفة المعجزه هذي الظاهر كلهم من ام وحده لول

بس لاتستهينين بالمخايطه الباكستانيين يطلع منهم بلااااوي - وان مليتي روحي حق فلبينيه بس تكون نفسيتها حلوه اذا منفسه ماتفيدج ترا

وطيحي عندها كل شوي جيكي اقولكم يبيلها طولة البال السالفه ...

 

[سلايل*عبس]

:edbf4317b9:


حبايبي نورتوا موضوعي .. وردودكم اثلجت صدري والله

شاكره لكم مروركم وتقديركم

اعذروني على التأخير بس اكيد الكل نفسي المنتدى معلق معاه

انتهت الويكند وانتهى التعليق :yaaaaaarb:

عقب مارد عليكم ان شاءالله بنكمل ولو اني ماودي اقول بكمل عشان لايعلق نفس المره اللي طافت وماكمل :ssssso:

بس انا املي بالله كبير ان شاءالله :balo:

 

[Ṧђę5άţ 7ɭάά]

اهنيج على ذوقج التصاميم كلمة روعه شويه عليهم

تسلمين على النقل الجميل

 

[سلايل*عبس]

حلويييييييييييييييين

تسلمين انتي احلى :sfg:

 

[سلايل*عبس]

رومنسيه ..شووقه ..مغيب شمس .. االاميره انا .. قلب صخر .. نورتوني ياهلا

انتظروا الجديد ولو اني ماراح اطول عليكم بس حبيت ارد على اللي شاركو اول

نبض قطر .. امج ذويقه ياحظج فيها موديل ناعم وانيق لام عروس وودج ام العروس تكون انيقه هاديه وواثقه من نفسها بعرس بنتها العيون كلها عليها احسنت الاختيار واللون اللي مختارته جدا جدا انيق وانا عن نفسي لبسته على البيور سيلك رااااااااااااقي وفخم وناعم بنفس الوقت ..

العين الكحيله ييااااااافديت اهلي والله .. انتي الروعه

حظرت سموي .. بريتي .. منورين يالغاليين

مظلومه ياناس .. ماعليج زود حبيبتي

دلوعة المنتدى .. تسلمين

الجادل الصعب .. ياهلا منورتي .. ان شاءالله بكمل انتظريني

 

[سلايل*عبس]

اناستيزيا ..غااااده .. ان شاءالله بيكون في نفس الرمادي واحلى

 

[سلايل*عبس]

ام احمدينو انتي روعه حبيبتي منورتني ..

زيونه زيونه زيونه منورتني والله .. ومشكوره وادري فيج حقانيه وماتجاملين والحمدلله انه ذوقي اعجبج

اي والله سوي نفسي

بالنسبه للموديل اللي انتي حاطته حلوووو والله ونعوم

سوي نفسه ..وتدرين شنو تسوين عشان تزيدين فخامته حق عرس

استخدمي خام البيور سيلك .. او الترينكل .. او اللاميه على الحرير هم حلو

من تحت قصة التور خليه درابيهات طوليه صغيرررره يم بعضليمن نص الفخذ وبعدين نتزل انسيابيه ناعمه وممكن تحطينه طبقتين واللي فوق

تكون درابيه طولي واللي تحت ساديه ممكن من نفس اللون وممكن اذا حابه درجه ثانيه من نفس اللون تكون قريبه منه تعطيج اطلاله حلو خصوصا انها توحي بتدرج اللون من تحت

الشفاف اللي على البطن .. حطي عليه جيبيرات واهم شيء التنسيق ثم التنسيق لازم يكون في وحي فني بالشغل انتي ركبي معاه لايركب من كيفه ..وخليها ممتده من البطن وتكمل عن قوس الصدر ع قصه الموديل نفسه بس ها تكون جبيرات عنوووونه مكمله ليمن قطع تحطينها على الكتف .. طبعا الجيبيرات احجام وانتي تنسيقنها على حسب المكان ويمها احجار او اي مواد ثانيه تشوفينها مناسبه

الكم مثل ما اهوا بس من تحت الكوع خلي النفشه اكبر

لاتخلين الكتف طالع لا خليه يركبلج تور شفاف يبين جنه جلدج وركبي عليه قطع جيبيرات راح تصير جنها نقش على ايدج وطبعا على الاكتاف نفسها حطي قطعة او اكثر جيبير تكون فرنسيه طبعا لانها ناعمه على الخام الاساس - ونسقي يمهم - سواء فوق او تحت - احجار ناعمه واهم شي تكون مميزه تعطي لوك حلو ماتخرب وتكون بارزه حيل ومومشكله تحطين ستراس بسيط اذا تبين مظهر لماع لايدج - يبين حلو بعد من بعيد
وانا عندي لج راي صوب التور الشفاف شيليه بالمره حليه كامل من الخام وبدال التور الشفاف بالضبط حطيلج مثل القطعه الكبيره اللي توحي جنها حزام من الدرابيه من نفس الخام مثل


ومكان الظهر خليه مبطل سبعه كبيره خصوصا انج تبين تسوين تسرحه مرتفعه و بس طبعا ماراح يكون الجلد طالع لا يكون تور شفاف لااااصق نفس الجلد عشان تفنتقين وتنسقين الجيبر على الظهر بطريقه فنيه استوحي من اي شي من نقشات الحنه مثلا ونسقي ويمهم احجار بسيطه وبجذي يكون الشغل على الظهر وعلى اليد والاكتاف فقط ومن جدام حدج ناااااااااااااعمه

والله شبيهه بفكرة بدله سويتها حق عرس عندنا سالي الدلوعه عنه كنت حامل وابي شي ناعم اذا ربي اراد ورديت اوريهم لج زيونه ولايهمج بس ان شاءالله ارد قبل عرسكم
(الجيبيرات اللي اقول عنها ستايلها اوربي وتحصلينها عند المنجد بلوك 2 اشكال والوان بس ياااي جد روعه وماتملين منها ..

بالنسبه للتسريحه حلوه والله بس يعتمد على لون الشعر بعد اعتقد احلى مالها الاسود ولايقه على الموديل بعد

زيديها بالبدايه صوب الجبه مكان القذله تحديدا >>> ماجلان

بهالمكان سوي القذله ويفي مايل على الجبهه شوي وصاعد على اول الراس بسيط وناعم

و اذا جسمج نعوم وضعيف مثل ما انا عارفه سوي نفسها بالضبط بس مكان الكبه الثانيه لاتخلينها كبه لا فليه نفس العنقوص ويكون فير ستريت الشعر حلو بعد هذا اذا ماخترتي الشغل ورا
ونورتينا زيونه بس اهم شي تكونين فهمتي مصيبه اذا مافهمتي عقب ماراح صوتي

 

[سلايل*عبس]

شوفي يا الغالية انا ما اخالفج باي شي بالكلام اللي قلتيه بس بتكلم عن نفسي انا ساكنة مع اهل زرجي وعندي في البيت اخوان زوجي اثنين متزوجين وشي طبيعي نتجمع مع بعض بالكثير بعد الغدا ولا العشا فراح اتحرك اقوم واقعد مثل هالموديلات مو حلوة اذا كان في رياجيل موجودين معاج في البيت مو مريحة تصير لانج بتتحركين اتمنى انج فاهمتني يعني اوفر اذا كل يوم انا بنزل واقعد مع اهل زوجي مستحيل راح البس جذي كل يوم عكس الدراعة تكون راهية على الجسم ومريحة لا فيها خبة ولا شغلها اوفر مثل حالتي انا ما استغنى عن الدراعة وثلاث ارباع المنتدى نفس حالتي مثل هالموديلات تنلبس بالمناسبات ,,

اتمنى ماتزعلين يا الغلا ,,

لااشدعوه ليش ازعل حبيبتي - انتي مو تقولين انتي تكلمين عن نفسج ؟ خلاص شيزعلني

شغله ثانيه

الموضوع ارد واكرر واقول اني حطيته لوحددددددده راااااااااااااااااااااااااااااااااااايييقه مثلي وعندها بال تجابل خياط وتبي تميز ثانيا انا ذكرت بموضوعي اني ساكنه بروحي روحتي لحمولتي تكون زياره واحب البس فيها شي ذرب وناعم
----ومو اوفر ---- ابيها شي ناعم مجرد العب بالخام شغلات ناعمه وبيور سيلك وين الاوفر فيه؟ كله انوثه ونعومه كل اللي سويته حطيت عليه شغل بسيط قطع ناعمه وغيرت القصه الىنوع الخام وا لقصة فستان وبس !!

وفعلا حبيبتي في نفس حالتج مايستغنون عن دراريع الحموله صاجه ماتستوي الكفتين ابد وكلن له لبسه

عندج انتي تنلبس هالموديلات بالمناسبات عند غيرج لأ فموصحيح حبيبتي تقولين مثل هالموديلات تنلبس بالمناسبات لازم تراعين انه في ناس ذوقها غير ذوقج صح والا انا غلطانه ؟؟

يمكن انا حسيت من كلامج انه لبسج من النوع العملي هل يجوز اقول هالنوع من اللبس ينلبس بالدوام بس او في بيت اهلج والا حزة غدا والا والا ! اكيد مايجوز اقول جذي تدرين ليش لانه ذوقي غير ذوقج ..في ناس مثلج وفي ناس مثلي والناس اذوااااااااااق ..

 

[ذوق بوتيك]

روووعه الموديلات
يعطيج العافيه

 

[عمري الكويت]

صراحه مشكوره على هذي الموديلات الحلوه واحد احلا من الثاني صراحه فعلاً راقيه في ذوقك كلك ذوق

 

[سلايل*عبس]

نكمل....


من الخلف

 

[سلايل*عبس]

نكمل....


من الخلف

 

[سلايل*عبس]

وكاهو على العارضه اوضح واحلى








وهذا اللي على اليمين





اللي على اليسار نااعم