احب اصير كلاس واحب اصير يونيك ومابي دراريع حموله ابي شي كشخه وناعم ..تعالو شوفوا ذوقي

[سلايل*عبس]

السلام عليكم

حبيباتي موضوعي رااااايق حده حق وحده راااايقه وراااقيه

باختصار احب البس واحب اكشخ مثل كل البنات .. بس مابي دراريع .. عندي اسباب كثيره

منها :

موساكنه عند حمولتي

احس الدراعه ماتكرر هالكثر

تكبرني وتزيد من عمري

تحبطني حيييييل تعطيني اكبر من حجمي مهما اختلفت قصاتها وحددت الجسم

تخليني اكسل وما اباري جسمي شوي شوي ازيد وماحس وفي باطن تفكيري >> الدراعه تخفي

طبعا اذا كل ماروح لحمولتي والا لاهلي بألبس بدله واوفر الناس بتمل مني وقبلهم انا بمل من نفسي

مع اني احب البس اللي يعجبني ومالي شغل باللي حولي لبيسه والا لأ

مومعناته اني مالبس دراريع كلش لا الدراريع لها وقتها اكيد

ومن جذي حطيت في بالي درارع ناعمه للفطور والا غير رمضان للغدا وبس

البدل اللي اتكلم عنها مو شرط بدله والا جم قطعه لا على طريقة فساتين وغيرها راح تفهون قصدي اكثر بالصور

صدقوني الشيفونات البيور سيلك الساده والمشيره روووعه على اللبس وتعطي منظر بدون جهد وتعطيج اطلاله كلااااس وذوق

وفي خامات متنوعه غير الشيفونات هم تعطيج نعومه اهم شي تركب على الموديل مو شرط تعجبني الخامه اهم شي تناسب موديلي وتناسب شيب جسمي يتحمل هالنوع والا لأ وكذلك الموديل

ادري طولت عليكم بس حبيتكم تفهون فكرتي والصور بتوضح الموديلات مو ككل لا فيها افكار وبعضها كلها ذرب

اترككم مع الصور

 

[سلايل*عبس]

نكمل


















يتبع

 

[انواروه]

كملي رووووعه

 

[سلايل*عبس]

هالموديلات حيل حلوووه ناااعمه جدا تحطين الالوان اللي نبين وتقدرين تحطين درجتين قراب من بعض والا تدخلين شي مشير القصه اللي على الخصر موذاك الزود تعجبني الا ناااادرا جدا ومو على اي موديل عشان جذي اذا عجبني موديل بهالقصه

يا اما ارفعا ليمن تحت الصدر

او اذا امكن انزلها على الهيب

او الغيها موليه

بالنسبه للشغل عادة ماتقيد بشغل موديل اشوفه لازم اغير يعني موشرط يكون مكان التطريز تطريز لا اقدر احط

تركيبات

قصاصات كلف

احجار

مرايا مكسره

هدب

ريش

جيبير

شرايط المخمل حيل تعجبني

وغيرهم...

واقدر اجمع شغله منهم او ثنتين او اكثر اهم شي ابتكاري وتكون التركيبات ككل بحس فني مو قط والسلام .. يعطي فرق كبيررررر

ساعات مايفهمني الخياط .. اقوله اوكي خل مكان الشغل فاضي اخذها عندي بالبيت اركبها على ملكان (عندي لاستعمالي الشخصي بالبيت

بدبابيس واوديهم لها تثبتهم

والحين اترككم مع باقي الصور


























في بعد بس ان شاءالله باجر اكملكم

ماقولكم انه موضوعي متجدد بس ان شاءالله اذا في بالي شي احطه

ان شاءالله عجبكم ذوقي وان ربي اراد اقدر احطلكم تصاميم من قبل عندي وبعدسة كامرتي ..

 

[سلايل*عبس]

كملي رووووعه

انتي الروعه تسلمين حبيبتي

 

[بنت سيفين ونخلة]

ماشاءالله عليك ذويقة مرا الله لا يضرك

بس انا بصراحة اخاف اجازف وودي اشوف تطبيقاتك مع الصورة الاصلية للموديل عشان احس الموديلات صعبة ومو عارفة كيف اشرحها للخياط


ياليت تعطيني موديلات لتنفع لبيت الحمولة وللحوامل وتكون للعيد الله يعافيك


لاتحرميني من ذوقك الروعة

 

[دنيا غريبه]

حيــــــــــل حيـــــــــــل عجبني
والباقي بعد يهبلون كملي يالغاليه

لاهنتي على هيــــكـ موضوع

 

[omy nour 3any]

يسلمو حبوبه

 

[دانه_83]

حلوين الصراح بس احس مو عملى

 

[سلايل*عبس]

ماشاءالله عليك ذويقة مرا الله لا يضرك

بس انا بصراحة اخاف اجازف وودي اشوف تطبيقاتك مع الصورة الاصلية للموديل عشان احس الموديلات صعبة ومو عارفة كيف اشرحها للخياط


ياليت تعطيني موديلات لتنفع لبيت الحمولة وللحوامل وتكون للعيد الله يعافيك


لاتحرميني من ذوقك الروعة

التطبيق حاليا صعبه لعدة اسباب اولها اني مو بالديره

وبالنسبه للموديلات ابشري وماطلبتي شي .. بس نطري علي شوي ويكون طلبج جاهز

 

[سلايل*عبس]

حيــــــــــل حيـــــــــــل عجبني
والباقي بعد يهبلون كملي يالغاليه

لاهنتي على هيــــكـ موضوع

حبيبتي تسلمين

 

[سلايل*عبس]

يسلمو حبوبه

يسلم عمرج حبيبتي

 

[ّحور الجنانّّ]

من جد ذوووووووووووووووووووووووووووووووووق

والله رووعه وحده احلى من الثانيه
يعطيج العافيه

 

[سلايل*عبس]

حلوين الصراح بس احس مو عملى

اي حبيبتي اكيد مو عملي .. انا كاتبه للي تحب تكون رايقه وراقيه وانا ماحب اكون عمليه كللللش خصوصا بزواراتي وغيره

احس العملي للدوام والسوق وهالطقه بس

اسعدني مرورج وحلت ايامج

 

[عقــد منثور]

حلووين هالستايلات .. الخياط يبيلة ناس رايقة وذوق .. واهم شئ خياط شاطر ..
انا اخيط واتففن بالكلف .. بس مو على طوول .. بالمناسبات والاعياد

بس هم مالنا غنى عن الدرايع .. مريحة ولها طلة ورزهـ..~

 

["الفجر"]

يعطيك العافيه
كملي رووعه

 

[سلايل*عبس]

بنت سيفين ونخله .. هلابج يابنت بومتعب هذا هو طلبج وان شاءالله يعجيج .. على السريع ..



كل اللي تحتاجينه بهلموديل وخصوصا انج من النوع اللي مايعرف يشرح حسيته سهل عليج

نسقي عليه جموم (اكمام) تناسبه ومكان

ومكان الشغل على القصات ممكن تركبين حركه الحبال العريضه تعقدينها بطريق فنيه وتلفينها وبنهايتها تحطين الهدب الوان وبكل عقده دائرية تحطين المرايا اللي تناسب الوانج وذوقج

وعندج هالموديل



طبعا هالموديل حيل ناعم لاتعتقدينه خبه بالعكس ينلف على الجسم (اذا كان خامج ناعم حيل وطايح يضبط ارقى)

مكان الورد الموجود لاتعبين روحج حطي مكانه قطع جيبير نفس اللي عند المنجد (اللي بالديره يعرفونه البنات)

ركبيها بطريقه منسقه ويمها احجار تناسبها

ركبي عليه جوليه مو شرط تكملين جمومه مثل هالجوليه



بس طبعا الخام يكون هم شيفون او اي خام ناعم وطايح ويتناسب مع الفستان والجموم سويهم وساع قصتهم فرنسيه لاتخلينهم ضيجين

الموديل الثالث ايزي حده



سوي نفسه بالضبط مكان الشغل هم استخدمي شرايط الجيبير الناعم حطي اكمام سيمبل وبسيطه ناعمه على اليد -كلتا اليدين (الاكمام) مكان الكتف حطي قطعة جيبير تكون بيضاوية الشكل ونت تحتها ابدي بخط من التطريز او من شريط اسود واصل الى نهاية الكم حاولي تضيفين حركة الحبل المشدود بالنهايه تعطيه اقفال روعه للكم

اقصد بحركة الخيط المشدود مثل هذي اللي بهالموديل على الجانب الايمن بس لاتطولين الخيط بالنهاية خليه بسيط يدوب ينربط ولاتممسينه حيل (لاتشدرينه حيل)

الحركه هذي جدا روعه تبين ساعتج واساورج باللبس تعطيه انوثه لايدج وذرابه لحركة ايدج



حاولي تختارين لون يتناسق معاه الاسود كشغل يعني انا احس اللون اللحمي الوردي اذا كنتي تبين اطلاله ناعمه لهلموديل و اذا تبين اطلاله بارزه اختاري الكرزي المايل الى التوتي شوي او اي لون يلبجلج انتي تعرفين شنو يناسبج اكيد

موفقه يالغاليه باختيار تصاميمج اللي تميزج ان شاء الله

هذا اللي يحضرني حاليا

تابعيني عقب الويكند بحط كوليكشن جديده وفيها قصات حوامل كثييييييره بتعجبج ان شاءالله

 

[دلال كول]

يعطيج العافيه

 

[cat_women]

حلووووين

يسلمو حبوبه

 

[سلايل*عبس]

حور الجنان انتي الروعه حبيبتي تسلمين

عقد منثور اكيد الدراعه لها رزتها ماختلفنا ومثل ماقلت هم انا البسها بس لها وقتها بالنسبه لي وكل واحد سبحان الله يناسبه شي

بعض الموديلات تطبق على دراعه بس يبيلها تخفيف بسيط ان شاءالله يكون عجبج شي

الفجر ان شاءالله بكمل حمستوني والله شاكره مرورج حبيبتي