من فينا الغلطان ؟؟ عطيني رايج بسالفتي مع صديقة عمري .....

[خالده الفارس]

إذا أنتي فعلاص تعتبرينها صديقتج ...
المفروض أنج تعذرينها ,,,
احنا بنات ... ممكن فعلاً تغار ... ممكن تحسد بس مو قصدها ...
لا ننكر هالشي ... حتى لو كنا نحب اللي جدامنا ... بس هم بعد تحوشنا غيره ...
أحنا بشر ...
قوليلها .. مو قصدي كنت خايفة يعني هالأعذار اللي تبرر حق الآخرين حتى لو مو مضطرين حق جذي ...
الله يوفقج ويوفقها ويرزقها ,,,,
ويرزقنا أجمعين ,,,,

 

[unreachable]

حبيبتي البنت زعلانه مو حاسدتج حز بخاطرها موقفج

يعني رفيجات عمر ولا حتى تكلفين خاطرج وتقولين لها لو بتلفون ما ياخذ من وقتج الا جم دقيقة

كلش كلش كتبيلها بمسج

مو تتفاجأ حالها حال الغريب

 

[pretty sarona]

اهي رفيجة عمرج ,, و المفروض انكم حيل كلوز مع بعض و تدري عن اخبارج , وانج مخطوبة او يايينج ناس ,, على الاقل ,, مو شرط تدري منو هالشخص ,, مو حلوة تساوينها حال باجي البنات , و يمكن لما اهي تكلمت ما كانت تقصدج انتي ,, و الحين اللي صار صار الكلام ما ينفع , اهي لما بجت كانت مصدومه مو شرط مو فرحانه لج

 

[خالده الفارس]

للامانه كنت بقول ان انتي الغلطانه لانها رفيجه عمرج وماتقولين لها اكيد بتضايق لان صارت معاي وتضايقت الصراحه

بس اهي حظرتها كانت قايله لما اتزوج ماراح اقول الا لما املج واخلص يعني لو اهي متزوجه قبلج كانت راح تسوي نفس الشي فمالها حق تزعل تسترييييييييح
لو مو قايله رفيجتج هالكلام كنت بغلطج انتي الصراحه
انا وحده حقيره للاسف كانت رفيجه عمري وتزوجت قبلي وماقالت لي الا عقب ما ملجت وحزت بخاطري الصراحه انا رفيجه عمرها وماتقولي واهي سوت حفله محفوفه بين الاهل وماسوت عرس اوكي مو شرط تعزمني بس اقلها تقول لي انها بتملج لانها قبل لا تتزوج كانت بمشاكل مع اهلها ليش طاحوا عليها طالعه معاه الشخص الي تزوجها وحكروها وكانت كل يوم تتصل وتتشكى وكنت اهديها ويوم انخطبت ماقالت لي حزت بخاطري وايد مو شويه وعقبها بشهرين انا ملجت وعزمتها على ملجتي صرت احسن منها وقلت لها اني انخطبت وملجتي اليوم الفلاني حياج اناتي وامج وعقبها اختلفنا لموضوع ثاني وقطعنا وماعزمتها على عرسي بس درت اني سويت عرس وعقب 4 سنين رجعت علاقتنا وردينا مثل اول وكانت تشكيلي من ريلها وانها بمشاكل معاه و.....الخ ومن سنتين تهاوشنا هوشه كبيره واكتشفت حقارتها حدها مينونه ومريضه نفسيا وعبالها كل الناس تغار منها مع انها لا جمال ولا اصل ولا فلوس الله يعافي المكياج والتفصخ متحجبه ولبسها الله لا يواريج وخسرتنا انا ووحده ثانيه كانت معانا هم كانت من اعز رفيجاتها والسبب احساسها بالنقص واحنا الي تصادقنا بس ارتحنا منها ومن ينونها

اعتقد لو للصداقة مقدار عندج ... جان ما تكلمتي عليها بهالطريقة حتى لو كانت غلطانه ...:tomato2:
لو انها فعلا صديقتح وتحبينها ما تقولين عليها من حلاتها ولا لبسها ولا تفصخها
اعتقد لما كانت صديقتج كانت عاجبتج بكل شي فيها .... ولا :friends:
عين الرضا عن كل عيب كليلة ... كما أن عين السخط قد تبدي مساوياً
بس :denya:

 

[اميره1980]

اسبوعين ساحبة على البنت و عندج عادي؟؟؟؟؟؟؟؟؟
يعني اهيه مثل اختج و اكثر جذي تسوين فيها مهما كان عذر العياب حتى لو ما كان زواج
يعني البيت تحاتيج و جذي؟؟؟ زين ما يت بيتكم و طقت عليكم الباب تشوف وينج
لا تحاسبينها على كلمة انقالت بلحظة غضب و غفريلها اي زله الصديقة الصدوقة شي نادر هالايام ة تستاهل تنسين اي شي طلع منها من غير قصد

 

[همممت]

السلام عليكم ورحمة الله وبركاته
















بقولكم سالفتي مع صديقتي وأبي منكم رأي صريح من فينا الغلطان أنا ولا إهي؟؟

القصة ومافيها
أن صديقتي معاي من المتوسط
ودخلنا الثانوية مع بعض
وبعدين الجامعة
وبعدين اشتغلنا مع بعض في مكان واحد


واللي صار أن ياني نصيبي
وماحبيت أتكلم واسوي خبه لي بعد مااملج
لاسمح الله يطلع شي بالفحص الطبي أو يطلع الصبي عليه كلام
شلون ؟؟
أتكلم عن ولد الناس
وبعدين مايصير نصيب
ويطلع كلام علي وعلى الولد -مثل ماصار معاي في خطبة سابقة-
المهم
الحمدلله صار النصيب
وسبحان الله الأمور تسهلت لدرجة أن ملجت بعد الفحص الطبي باسبوع
والعرايس يعرفون حوووووسة العروس
تسوق
ولووويه
وتعب
وطلعة مع الريل حق الدبل

تخيلو هالحوسة تخلص باسبوع؟؟

المهم أن ماداومت إلا بعد ماملجت باسبوع
يعني اسبوعين ماشفت ولا كلمت احد
وخلالها كان جهازي مصكر لأن موفاضية أحك راسي موبعد أتكلم بالتلفون

داومت بعد اسبوعين غياب
شفت البنات بالدوام
قلت لهم أن تزوجت

الكل باركلي ومستانسين وشويه ويرقصون من الفرحه
إلا رفيجتي!!

باركتلي من غير نفس
وبعدين راحت قعدت بروحها بالسيارة!!!

رحت أشوف شفيها؟؟
ولا قاعدة تبجي !!!!!!
كأن أحد ميت
قلتلها عسى ماشر
قالتلي
أنت من متى مالجة
قلتلها اسبوع وويهي جذي

وتعطيني نفسية
قالتلي يعني ماتعرفين ترفعين السماعة وتقوليلي !!
قلتلها كنت مشغوله حيل ومافضيت
واشتغلت علي تحقيق وبالاخير قالتلي عفوا أنا مومصدقتج !!

يعني انا بجذب عليها عشان شنو مادري
بايقة ريلها انا ولا شنو؟!!

المهم قلتلها لاتصدقين وماتشوفين شر
وخليتها ومشيت ..

هذا اللي صار باختصااااار شديد

وعلى فكرة قبل شهر من السالفة
رفيجتي كانت قاعده بالدوام تسولف وقالت بالحررررررف الواااحد
أنا لما اتزوج ماراح اعلم أن مخطوبة ولا قص مهري اليوم ولااا شي
بعد مااملج واخلص راح اقول ان تزوجت
بالضبط وربي فوقي يشهد
هذا كلامها اللي قالتها بالضبط واجهتها فيه جان تتبلعم ماعرفت تتكلم..

والحين حضرتها تبي تحضر الخطبة وكتب الكتاب
ولا تبجي لما عدساتها تطيح وتقولي انت جذابه ؟؟!!

وشنو الشي اللي انا مجذبة فيه مادري وحياتكم

وياريت تعطوني رايكم منو الغلطان؟؟؟ أنا ولا هي؟؟
وتوافقوني ان موقف صديقتي سببه الحسد الله يكافينا الشر ولا لأ؟؟


:33_1185028183:
:33_1185028183:

:33_1185028183:​

عزيزتي ايه
اولا
الف مبروك على الزواج حبوبه ويا رب تتهنين

ثانيا عزيزتي
بقولج شي عن الصداقه
الصداقه هي ان تتمني لصديقتج ما تتمنينه لنفسك في الصداقه لا وجود لحسد لغيره لعدم التقدير

الصداقه, حب, احترام ,عطاء ,.. اخلاص .........
وهذا ما لا اراه في علاقتك مع رفيقه دربك بالفعل هي رفيقه درب ليست الا
واكبر دليل على صدق ظني انج قدرتي تستغنين عنها بمجرد ما لقيتي بديل وهو الزوج الذي شغل الوقت لديك لاتقولين ما عندي وقت لا كان يوجد وقت لكنك لم تريدي عزيزتي خوفك من الحسد فانتي لاتؤمنين بمحبتها لكي لذلك لم تخبريها وعذرك انها هي من بادرت لهذا القول ممكن انها فكرت كذلك في مجال العمل وامام زميلات العمل ولكن لم تبادر فعليا انتي من بادرتي وليست هي

وبعدين اسبوعين انتي مصكره موبايلك عيل اشلون تتواصلين مع زوجج الا اذا في رقم ثاني عموما مو هذا الموضوع

بعدين انظري الى عباراتك نحوها "بايقه ريلها ولا شنو" هذه عبارتج مو جذي مثل هذه العبارات لا تقال بين الاصدقاء

اللي ابي اوصله ان العلاقه بينكم ليست صداقه ولا تمت لها بصله
انتم لا تدركون معنى الصداقه الحقيقي

واذا اردتي رأي الخطأيقع عليك بالمقام الاول ولكي تعرفي هذا ضعي نفسك مكانها سوف تدركين مدى الالم الذي سببتيه لها
عموما اذا كنتي حابه انج تتواصلين معاها صلحي الخطأ بالاعتذار وانا لو كنت مكانها ما سامحتك ابد

ارجو ان يكون رأيي لم يضايقج وارجو ان تتقبليه بصدر رحب
ومبروك مره اخرى على الزواج حبوبه​

​

​

 

[عهود الحب]

تبين الصج

انتي الغلطانة

لأنج بلغتي الكل معاها

يعني صارت حالها حال زميلات الدوام

وما اكتشفتي انها حاسدتج الا عقب زواجج ؟

انتوا مع بعض سنين و سنين

و السنوات والعشرة ما تهون حتى عالكافر

 

[•°أنـــفْــِـاسِ اَلِــــوُرَدِ°•]

لاحرام لاتقولين حسد
هذا يمكن عشان انتم عشره حزت بخاطرها توقعت تقولين لها لأنكم من عمر مع بعض فاأنصدمت غير عن الكل عشان هالشئ شئ طبيعي كلهم باركو عادي لأن مابينك وبينهم عشره نفس صديقتك هي بعد مستانسه لك بس أنه حاز بخاطرها عشان كذا شفتي أنه هم باركو وهي لأ
أتوقع هذا السبب أنه عشره بينكم , والله أعلم بالنوايا ’

 

[بدويـــة مودرن]

**

اسمحيلي انتي غلطآنه
انتـي معقولـه مآ فضيتي بهآلأسبوعـين تكلمين صديقه عمرج وتقولين لهآ
حتى لو مآ تبين تطلعين كلآم على زوجج عادي كلميها بس قوليلهآ اسمه فلان وبس مو لازم اسم العائله وووو..... صح !


واذا مآ صآر نصيب عادي اهي شبتسوي مآرآح تسوي شي ..


حآولي تكسبينهآ ترى نآدر تلآقين صديقآت عمر بزمننآ هذآ


والله يهدي النفوس ..
​

****

 

[ķăyąn..}]

انتي الغلطآنة ولآ فيهآ مشآور؟

والغلط رآكبك من رآسك الىأ رجولك ؟؟

وتقولين بعد صديقتي من المتوسط ؟

مع احترامي لك آنتي ماتعرفين الصداقة !؟

ع الأقل كلمي البنت بعد ما طلع كل شي آوك وقولي لهآ

يافلآنة انا آنخطبت وملكتي مثلآ هالأسبوع ؟

يعني صديقتك مادرت الآ لمآ دآومتي وعلمتي كل الي معك ؟

وهي مسكينة حالهآ من حال هالناس توهآ تدري ؟

والله قوووووووية صديقة عمري تغيب فجاءة وبعدهآ تجي تقولي

آنآ تملكت ؟ لآتقولييين موب فاضية وكنت مشغولة هذا موب عذر مع احترامي لك

لو فعلآ انتي مقدرتهآ ولهآ معزة في قلبك آقلهآ ارسلي لهآ مسج وقولي لهآ

او مكآلمة 10 دقآيق قولي لهآ فيه الموضوع بااختصار ..

وبعدين اي حسسسسسد واي خرابيط يعني علشانهآ بكت صارت حآسدتك

آو غيرانة منك ؟ للحين فيه ناس تفكر كذا ؟

ترى كل الناس تتزوج وتنخطب وش هالتفكير غيرانة لاني تزوجت قبلهآ

صديقتك تبكي من القهر ع العمر الي ضيعته معك ؟ وانهآ توهآ تعرفك الحين ؟

مسكينة ماتحملت الصدمة ..؟ صديقة عمري مادري عنهآ انهآ آنخطبت الآ بعد ماتزوجت

وبعدهآ بفترة تقولي حالي حال الناس الثانية ؟

انتي الغلطآنة ولو انآ مكان صديقتك حتى لو اعتذرت لي بتحز في خآطري

وبتتغير صدآقتنآ ..

الله يصبر قلبك صديقتك ويفرحهآ قلبهآ بزوج يسعدهآ وترد لك هالشي

علشان تعرفيييين اذا هو شي يضايق ولآ يزعل ؟

غريب صراحة موقفك ؟ مااظن آنتي خبيتي عنهآ من باب انك مشغووولة ولآتعذرين بهآلشي لانه موب عذر حلوة انشغلت ومافضيت
آقولهآ ؟

خبيتي لآنك خايفة تحسسسدك ولآ ربي بعد ماتقولين لهآ مايتمم لك ع خير ..

بس هالشي آكبر غلط ؟ آن تفكيرك يكون كذا صحيح الحسسسسد شي واقع

بس لآ توسوسيييين آن آقرب الناس لك ممكن يحسسسدك ؟ هنآ يكون هالشي مرض وسواس ..!



والله يعيييين صديقتك ..

 

[أعترفلك]

انتي الغلطانه تزوجين وماتقولين لرفيجتج مالومها لو تبجي اكيد حست انج خشيتي عليها خايفه من العين مثلا ولا مو واثقه فيها

 

[Heaven Light]

الحين تبين تفهميني انج ما لقيتي دقيقتين تقول لرفيجتج انج ملجتي ؟؟

اهي رفيجتج حيل يعني مو زمالة انا حتى لو خطبة وما صارت اقولها لرفيجتي وان ما صار عادي يعني نصيب ..

رفيجتج معاها حق تزعل ولما قالت الكلام انها ما راح تعلم الا لما تملج اكيد تقصد الغير ما تقصدج ..

وبالنهاية الله يوفقج ..


​

 

[الحــــياة]

لاحرام رفيجتي معاي من المتوسط ما اقولها هالخبر واسبوع مطنشتها بأخير شي انا ملجة
تحزز بالخاطر؟؟!!!!

 

[الحــــياة]

اعتقد لو للصداقة مقدار عندج ... جان ما تكلمتي عليها بهالطريقة حتى لو كانت غلطانه ...:tomato2:
لو انها فعلا صديقتح وتحبينها ما تقولين عليها من حلاتها ولا لبسها ولا تفصخها
اعتقد لما كانت صديقتج كانت عاجبتج بكل شي فيها .... ولا :friends:
عين الرضا عن كل عيب كليلة ... كما أن عين السخط قد تبدي مساوياً
بس :denya:

كلامج حلوووو والله

وصآآجة..

 

[Stylista_Q8]

بصراحة وبدون زعل

اكيييييد انتي الغلطاآنه ! يمكن اهيه زودتها يوم بجت عليج

بس رفيجتي حيل ومن عمر وماتقولي انها تزوجت الا بعد زواجها بعد اسبوووع جني وحده من النآس عآدي !

شالساااالفة ليش رفيجآت عيل ؟


ورفيجتج صج قايلة هالحجي بس ما تدرين انها بتسويه ولا لا يعني يمكن تقولج انها انخطبت!

وماعتقد حسد ،، !!

يعني مادري اشوف انه ما فييها شي اذا واحد خطبني واقول حق رفيجتي حيل بس في نآس خآطبيني

ولا صار نصيب ابلغ الكل والسلام !

خو ما بتقولين لها اسم الولد ولا شي عشان يسير احرآج

سوري بس اعذارج لج عليهم ..

وحرام صداقه من عمر تروح على هالشي !

 

[بدووورة]

ممممممممممم

مادري يعني موضوع يهالو

يعني صج لو مكانها يحز بخاطري لانها تحبج حيل ونفس اختها

بس باجر حتى لو تتزوج هيا انتو راح تلهون حيل عن بعض

بس الله يوفقج ويوفقها

 

[miss alreem]

الي قالو انج لازم تقولين لما انخطبتي وليش انا بقعد اقول كل ما انخطبت لا بهاذي انتو غلطانين

بس اهي حز بخاطرها انها بعد اسبوع تقوليلها لو على الأقل لما حددتوها قلتيلها

 

[Chocalate]

رايي مفروض اللي بينكم اكبر من كده يبتقولين اهي الي كبر الموضوع صح انا سارلي نفس الموقف صديقة روحي ملكت وما قالتلي لظروف معينة وجاني الخبرتاني يوم سبحان الله صدفة وانا بالدوام اقللك احساسها عارفة شنو اختك تتزوج وانتي ما تدري كنه قلبك بيتنزع منك انا متزوجة رحت اتصل عليها لين ما ردت حدي سمعت صوتها نسيت كل شي رغم انه ظروفها ما اقنعتني بس لانها حبيبتي بلعتها بس ما جلست في بطني نسيتها من يوميها.........سوري قصة حياتي بس صدج كلميها تاني وقوليها كنت متلخبطة في دي الايام وصدقيني انك على بالي مو تلومينها وتقوليلها انك قلتي انك تسوي نفس السواة معنى كلامك انك مو انشغلتي زي ما قلتيلنا انت محضرة مسبق لها الموضوع ساممحيني اني قاسية عليكي بس انتي تبي الحل والحل بايدك اما مسألة حسد وما حسد لي ايش دعوة انتي ما تعرفين رفيقتك....تقبلي مرووري

 

[cute-g]

ذكرتني بسالفتي مع صديقتي انا كنت قايله لها اني مخطوبه واستنى نتيجة الفحص
وبعد ماطلعت النتيجه تملكت بسرعه وربي يشهد مادريت الا قبل الملكه بفتره وانشغلت وبعد الملكه
بساعه قلت لها وزعلت وماعذرتني وقلت كل شي صار بسرعه بس هي خذت بخاطرها وبعدها ماكلمتني لحد
الآن لي سبع اشهوررررررررر
وربي اعزها واغليها وقلت لها كل شي صار معي بس ما قتنعت

 

[missdreamer]

انا استغرب من البنات الي يخشون موضوع زواجهم عن اقرب الناس لهم لين يتم شدعووووووووووووووووووووووووووووووووووووووووه شصاير يعني ,, خير يا طير شنو يعني الزواج اخر الدنيا ؟؟؟

معاج حق انج ما تعلمين الغرب لكن رفيجتج !!!! قووووووووووووووووووووووووووووويه !!! وبعدين سالفه انج ما فضيتي تدقين عليها مو عذر انتي خفتي تقولين لها عشان لا تحسدج ؟؟ ليش بالله ؟؟ بنت حالها حالج واكيد بيي يوم تتزوج وحطي في بالج كل شي نصييييييييييييييييب يعني لا هي ولا غيرها بيوقف نصيبج


هي ما بجت الا اكيد انصدمت انج ما علمتيها
والحجي الي قالته انها ما تبي تعلم اكيد ما كان يشملج انتي
كان قصدها الغرب
الله يسامحج علمتيها حالها حال زميلاتج ولا جنه بينكم شي سبيشل
والصداقه عمرها ما كانت جذي
واحنا نكلمج بصراحه ولا تزعلين