تجربتي مع رجيم دشتي لكل اللي حابين يبتدون بهذا الرجيم

[مزيونه وشقره]

ماشاء الله الله يتمم عليج

وقائمة مشترياتج حلوه


الله يتمم عليكم الرشااااقه بصحه وعاااافيه يارب




مع تحياتي يا حياتي

مزيونه وشقره​

 

[عذوبkw]

انشالله يااااااااااااااااااارب

مشكورة على المرور العسل يامزيونتنا الشقرا

 

[$$مذهلة$$]

بنات صارت لي ظروف ما قدرت ابلش بهالرجيم

منو تبدأ وياي تونسني

 

[عذوبkw]

انا ماشية على الرجيم البنات الله يسامحهم وقفوا انا بديت 1/7 بعدين وقفت
8/ 7 نزلت كيلو ونص وسويت رجيم ثاني اسمة رجيم السعريات الحرارية لان رفيجتي مبلشة فية من تاريخ 9/7 الى 13/ 7 بغيت افطس ما تحملت ولا شفت شي يجوع موت على الفاضي ..
وكاني رادة على دشتي ماكو غيره يكفي اني ما اجوع بالمرة ولا ادوخ ونومي متعدل ...
وانا ببلش اشترك بنادي يعطي مفعول اسرع
مذهلة والله ماراح تندمين ابدا وعن تجربة بس لازم تشترين فيتامينات زينة حق الشعر لانة يتأثر بالرجيم وترا موبس رجيم دشتي اللي يأثر بالشعر اي رجيم يأثر بالشعر فلااااااااااااازم فيتامينات وياه

 

[$$مذهلة$$]

انا كل مرة ابلش فيه واوقف علشان البلعه والحلو بس بصراحه بقيت انا البطة بالعايله الكل باهلي ضاعفين حييييييييييل ماشاءالله على هالرجيم بس انا ادور الاكل بس الحين توبه باجر مع اني معزومه ببلش فيه والله الشهر الياي هذا عزايم بس ببدأ ولا راح أجله بإذن الله

 

[dan]

انا سويته من قبل صح اهو يضعف وما يرد وزنج الا اذا مصختيهااااا حيييييييييل

بس اللي عانيت منه جسمي كله ذبلان و دايما دايخه و تساقط الشعر

بنات انصحكم تاخذون فيتامينات و تكثرون من شرب الماي والله يوفقكم و يصبركم انشالله

 

[عذوبkw]

حبيبتي مذهلة انشالله تشوفين نتايج حلوة مع هالرجيم


وبانتظارج ...


اختي دان مشكورة على المرور حبيبتي وبالنسبة لردج :

انا سويته من قبل صح اهو يضعف وما يرد وزنج الا اذا مصختيهااااا حيييييييييل

بس اللي عانيت منه جسمي كله ذبلان و دايما دايخه و تساقط الشعر

بنات انصحكم تاخذون فيتامينات و تكثرون من شرب الماي والله يوفقكم و يصبركم انشالله

اهو فعلا يسبب تساقط بس خفيف
والجسم يذبل !!!! مادري والله انا اي رجيم قبل كنت اسوي كان وجهي يضعف الا برجيم دشتي وجهي شحلاته

وشوفي ياقلبي اي اي رجيم الوحدة تسوية اكيد راح يسبب صدمة للشعر لان كمية الغذاء اللي كان متعود عليها تغيرت وصارت اقل مو بس برجيم دشتي بكل رجيمات العالم

والفيتامينات ضرورية اكيد لانها تعوض الشعر الغذاء اللي تفقدة من الرجيم

وبعدين انا قلت تساقط وخفيف بعد ما قلت يخلي الوحدة تقرع يعني ما منة خووف ابد

 

[$$مذهلة$$]

واااي كلما بلشت بهالرجيم يصير لي شي

مادري منو داعي علي !!

صارمعاي تشنج بريلي وشاكين إنه جلطة وأنا من الخوف ماراجعتهم مرة ثانية

واختي تقولي مايصلح لج لأنج تشكين من خاصرتج وأخاف يأثر على الكلى

شسوي ياربي بعمري

مو قادرة أمشي على أي رجيم

 

[عذوبkw]

ما تشوفين شر ان شاءلله


شوفي أختي مذهلة لا تلعبين بعمرج اللي يصلح لي وارتحت علية يمكن مايصلح لج
ويضرج ما يفيدج دامج من البداية ما ارتحتي وقفي وشوفيلج دكتور زين يسويلج تحليل يمكن خلل بالهرمونات لانها تمنع نزول الوزن ..


كل وحدة طبيعة جسمها تختلف ولا تهملين عمرج

وطمنينا عليج

 

[ام الحبيب]

يهبل رجيمه انا اتبعته ونزلت تقريبا 20 والكل يسال يحسبون عامله تحزيم معده بس صار لى سنه بديت ارجع الكيلوات على فكره الحين عنده عياده خاصه

 

[عجزت القى اسم]

ودي اسال الزيتون مسموح ولا لا ؟؟؟؟

وودي ابدي باجر صراحة شجعتوني

الله يساعدنا ونوصل للوزن المثالي.....ااامين

 

[عجزت القى اسم]

محد رد علي الله يعافيكم بديت اليوم

والفاصوليا الخضرا والحمرا والهردة والشمندر والزيتون ؟؟؟

ودي اعرف مسموح بالمرحلة الاولى؟؟

 

[عذوبkw]

يهبل رجيمه انا اتبعته ونزلت تقريبا 20 والكل يسال يحسبون عامله تحزيم معده بس صار لى سنه بديت ارجع الكيلوات على فكره الحين عنده عياده خاصه

ام حبيب هلا فيج نورتي وفعلا رجيمة كلمة روعة شوية علية

تحياتي لج ومشكورة على المرور

 

[عذوبkw]

محد رد علي الله يعافيكم بديت اليوم

والفاصوليا الخضرا والحمرا والهردة والشمندر والزيتون ؟؟؟

ودي اعرف مسموح بالمرحلة الاولى؟؟

هلا فيج اختي عجزت القى اسم في عالم اتكنز



الزيتون جم حبة بس مو تكثرين يعني 5 حبات

الشمندر مسموح


الهردة ممنوعة

بس انا كنت احط نتفة منه على السلطة وحتى الزيتون كنت احط زيتون مبشور على السلطة وما اخترب رجيمي

والفاصوليا بانواعها كلها ممنوعة في المرحلة الاولى والثانية لانها من
البقوليات



وعلى فكرة حبيبتي آنا كنت ملتزمة حيل بالرجيم اول اسبوعين

وباالسابيع الثانية اخربها على خفيف مثل :

تعرفين اجياس خلطة السلطة اللي لونها اخضر فيها سكر وشغلات ثانية ممنوعة كنت اضيفها بسلطاتي لذيذة وما شفت الرجيم اخترب حتى سلطة سيزر السوس مالة متروس شكر وما اخترب الرجيم وزني كل مالة بالنزول


اول شي صيري صاااااااااااااارمة وبعدين رخي بتشوفين وزنج كل مالة ينزل

وبتفرحين بالنتيجة الحلوة :eh_s(9):

 

[عجزت القى اسم]

مشكورة يا عذوب

وانا كنت بسالج عن صلصة السلطة من كنور لانها وايد حلوة وسريعة

والكتشب اكيد ممنوع لانه متروس شكر صح؟؟

والحمد لله انا اليوم بديت ومو حاسة بيوع عكس الرجيمات الثانية اللي من تبدين فيها تشتهين شي حلو بس الحمد لله توني ياية من الجمعية شارية اغراض الرجيم مريت يم الكاكاو جني مارة عند الحفاظات خخخخخخخخخخخخ
ما شوقني

وشرايج نشجع بعض وكل يوم ندخل الموضوع ونشوف بالسبوع جم نزلنا ترى ابي احد يشجعني؟؟

طولت عليج حبوبة

 

[عذوبkw]

افا عليج لا يقلبي احنا اهني نعين ونعاون

اي شي آنا حاضرة ..


وبداية موفقة لج

وبالنسبة للكشب ممنووووووووووع بعدي عنة بس المايونيز عادي بس جيكي على المحتويات مايكن فية سكر وايد وخلطة كنور مال السلطة هذي اللي اقصدها بجيس اخضر

اهي عادي تاخذينها بس مو الحين

حاولي اول اسبوعين تشدين على نفسج ما تخربين الرجيم بعدين تضيفينها عادي





اذا اشتهيتي اي شي حلو بنصحج بشغلة حلوة ولذيذة

في بالجمعية فينتو دايت لذيييييييذ انا احطة بقلاص واثلجة واخلية نفس البرد
حلو للصيف وطعم حالي وما يخرب الرجيم لان يحتوي على سكر الفركتوز
المسموح برجيم دشتي

وهم في حلاو وعلج دايت مال الرجيم خالي من السكر تلاقينهم بالجمعية كنت سألة دشتي عنهم وقالي أخذهم عادي ما يضر بس بحدود


واحب اقولج اني :

انا كنت ماشية على الرجيم بديت 1/7 بعدين وقفت بتاريخ
8/ 7 نزلت كيلو ونص وسويت رجيم ثاني اسمة رجيم السعريات الحرارية بلشت فيه مع رفيجتي علبونه تغييييييييير يعني من تاريخ 9/7 الى 13/ 7 ما تحملت الدوخة والتجويييييييع ولا شفت ربع غرام نازل ..
ورديت على رجيم دشتي بتاريخ 17/7 كان ودي اشترك بنادي بس للاسف ظروفي ماتسمح تخيلي نازلت كيلو بس ب 6 ايام

اهم شي البداية صح اول اسبوعين شدي على نفسج

وموفقة انشالله انا كل مرة انشالله بدش نشد ازر بعض

 

[عجزت القى اسم]

مشكورة يالغالية

 

[MiSs . Q8]

مبروك

 

[عجزت القى اسم]

اليوم سويت لي اكلة عالغدا مو طبيعية وما حسيت اني مو مسوية رجيم

وقلت خنفيد حبيباتي عشان يتشجعون :eh_s(17):

المقادير
بيديانة وحدة مقطعة شرايح بالطول ومقشرة

كوسا وحدة او ثنتين مقطع شرايح بالطول ومقشرة

لحم مفروم انا حمستة مع بصل وثوم وبهارات وحطيت عليه عصير طماط ( مو معجون) وسويت كمية من امس و خليتها بالثلاجة اسرع

جبن موزاريلا وجبن سلايس....وكريما حمرا شوي يمكن استكانة

الطريقة

انا عندي الشواية التيفال المخططة الشواية السب

امسحها بزيت زيتون واصف البيديان وارش علية ملح وفلفل اسود واسكرها

لي يستوي ويتحمر ونفس الشي للكوسا وقلبيها وسكري الشواية مرة ثانية

ييبي البايركس انا حطيت بايركس مربع على قدي وطفيت البيديان كلة تحت

وحطيت علية من خلطة الحم المفروم وبعدين قفشتين كريما وجبنة سلايس

وحدة قطعتها ووزعتها عشوائي وعقبها صفيت الكوسا المشوية وعليها اللحم

المفروم ورشيت جبن برميزان ما البيتزا عجيب

ودخلتها الفرنمن تحت وفوق ..واللله انها خيالية جربوها وقولو رايكم...ترا

الطبخة من تأليفي:eh_s(9):

 

[عجزت القى اسم]

شفيكم بنات ماكو احد بالموضوع اكيد ضعفتوا وما قمتو تدخلون قسم الرجيم

خخخخخخخخخخخخخخخخخخ






:eh_s(17)::eh_s(17)::eh_s(17)::eh_s(17)::eh_s(17):