امتحااناات التوجيه .. شرايكم فيهاا ؟؟

[غلاا الرووح]

السلام عليكم..

بما إن الوزاره قررت تكون الاختباراات الفترة الرابعه تكون من التوجيه حاابه آخذ رايكم فيهاا ..

هل هي ترااعي مستوى الطلاب ؟؟

هل تراعي الفرووق الفرديه ؟؟

فيهاا حشوو معلوماات وأسئله كثيره ؟؟

هل توجد فيها أسئله مكرره ومالهاا دااعي ؟؟

جاوبوني وبرجع لكم ؟؟ بس يفج المنتدى .. آآآه منه متى نخلص من هالسالفه <<< إعااادة المحاوله :0bee2e8d89:

 

[كونتيسة]

والله انا باتكلم عن الاخطاء اللي فيها
والاخطاء حتى بورقة نموذج الاجابة
عيل بالاملاء فرع الاختصارات
الكلمة : Thurs. =................................
في نموذج الاجابة الاجابة الصحيحة هي
Thurs. = Sunday
!!!!!!!!!!!!!!!!!!!!!!!!
شرايكم ؟؟

 

[بناتي زينة حياتي]

يعطيج العافيه ,,,

بالنسبة للإبتدائي ,, ظلم ظلم ياعالم ارحموهم بنات صغار كفايه عليهم اختبار من 3 صفحات

حشووو معلومات وكل صغيره وكبيرة بالمنهج ذاكرينها بالاختبار ,,
امس كان اختبار الاسلاميه للصف الرابع عدد صفحاته 7 صفحات ليش شدعوه ,, اذا وصلوا الثانويه كم ورقه بيحلون ؟؟؟؟
وبأختبار العلوم سؤال اختياري لنفس المرحله ,,, كم تستغرق الأرض لتدور حول الشمس ؟؟ والاجابه طبعا سنه = 365 يوم ,,, والاختيارات 300 \ 365\ 500 \ 356 <<< ليش هالتعقيد ياعالم ابتدائي خافوا الله فيهم ..
والمصيبة الأدهى أن المدارس معتمده على الغش العلني الأبلة تقرأ الاختبار وتجاوب السؤال ,,, هالشيء زاد نسبة نجاح الطلبة وعيالنا اذكى طلبه ... وإحصائيات النجاح عند التوجيه تووووب وإذا أحد عارض قال وين الصعوبه والطلبه كلهم ناجحين ,,,

شفيها اذا المدرسه سوت الاختبارات عالاقل كل مدرسه عارفه مستوى طلابها بدل هالإعجاز بالأسئلة ...؟؟

وما خفي أعظم ,,,,,,,,,,,,,

 

[لؤلؤة المحيط]

السلام عليكم..

بما إن الوزاره قررت تكون الاختباراات الفترة الرابعه تكون من التوجيه حاابه آخذ رايكم فيهاا ..

هل هي ترااعي مستوى الطلاب ؟؟

هل تراعي الفرووق الفرديه ؟؟

فيهاا حشوو معلوماات وأسئله كثيره ؟؟

هل توجد فيها أسئله مكرره ومالهاا دااعي ؟؟

جاوبوني وبرجع لكم ؟؟ بس يفج المنتدى .. آآآه منه متى نخلص من هالسالفه <<< إعااادة المحاوله :0bee2e8d89:

بالنسبة للسؤال الاول اكيد تراعي مستوى الطلاب بس مو كلهم ولا دايما تهتم بالمستويات اعتقد اهم شي عندهم يحطون الاسئلة

واكيد مو بكل الامتحانات راح يراعون الفروق الفرديه لان قاعدين نشوف يا امتحان سهل يا صعب وسط مافي نهائيآ

فيه اسئله كثيره يحشونها بالاوراق عشان يغطون المنهج كله وهذا غلط المفروض الاشياء المهمة والواضحه بس

ما اعتقد ان في اسئلة مكرره دايمآ

بس ااكد لج ان في اسئله مالها داعي يعني اكملي الفراغ يحطون نفسه بس على اختاري الاجابه

بس مو دايما لمن يتعاجزون لا يدورون عن صيغ ثانية لطرح السؤال

اتمنى تكون مداخله خفيفه عليكم

تقبلوا مروري ومشاركتي :33_1185028183:

 

[غلاا الرووح]

حيااكم الله حبيبااتي .. شاكره لكم هالتفاعل .. على قولة بنااتي زينة حياتي تعقيد من قلب .. وأسئله مالهاا دااعي
والسؤاال إجاابته بالسؤاال اللي قبله <<< أهم ما غششو !!
ليش ما تكون كل مدرسة تختبر طلاابهاا أهم أدرى بمستوى طلابها ونوعية الأسئله اللي تجي بالاختبار !!
وبعدين ليش 8 صفحااات مو حراام وتعذيب ؟؟؟؟؟؟؟؟ شنو بيطلعوون بعد الاختباار عبااقرة !! أصلاا ديليت علطوووول كل اللي انحفظ
والي يزهق ويبط الجبد نموذج الإجابه يبيله نموذج إجاابه !!!!!! وبعد ما نصحح جم صف يدقون التوجيه صلحو إجابة السؤال بنموذج
الإجابه !! واااااااااااي قهر نعيد التصحيح مو عشاانهم والله عشاان هالمسكينااات اللي تعبوااا ..

 

[ليالي نجد]

كلها اخطاااااء خليها على الله

 

[miley]

سوووري بس بدش عرض بالموضوع انا طالبة 12 أدبي
بالنسبة للأبتدائي حرام عليهم يمتحنون كل الكمية من زين المعلومات عاد يدرسونها للفترة وللفاينل
وبالنسبة للمتوسط والثنوي بشكل خااص ( الثنوي)
اتمنى اللي يحط الامتحان مدرس مو موجه يكون فاهم مستوى الطالب وامكانياته وقدراته
ويكون مبطل الكتاب ويطلع منه الاسئلة واقصد كتاب المدرسة مو كتب ومراجع اول ما اكتشفو العلوم بأنواعها
ويتذكرون ان احنا ما عندنا قدرات وقوات خارقة لأسوار الطبيعة عشان يفبركون الاسئلة
ترى صج صج قهر ندرس للامتحان اكثر من يوم وتعب في تعب واخر شي بس 5 % من اللي درسناه يجي بالامتحان
ادري طولت السالفة واهي قصيرة والسموحة

 

[james546613]

يعطيج العافيه ,,,

بالنسبة للإبتدائي ,, ظلم ظلم ياعالم ارحموهم بنات صغار كفايه عليهم اختبار من 3 صفحات

حشووو معلومات وكل صغيره وكبيرة بالمنهج ذاكرينها بالاختبار ,,
امس كان اختبار الاسلاميه للصف الرابع عدد صفحاته 7 صفحات ليش شدعوه ,, اذا وصلوا الثانويه كم ورقه بيحلون ؟؟؟؟
وبأختبار العلوم سؤال اختياري لنفس المرحله ,,, كم تستغرق الأرض لتدور حول الشمس ؟؟ والاجابه طبعا سنه = 365 يوم ,,, والاختيارات 300 \ 365\ 500 \ 356 <<< ليش هالتعقيد ياعالم ابتدائي خافوا الله فيهم ..
والمصيبة الأدهى أن المدارس معتمده على الغش العلني الأبلة تقرأ الاختبار وتجاوب السؤال ,,, هالشيء زاد نسبة نجاح الطلبة وعيالنا اذكى طلبه ... وإحصائيات النجاح عند التوجيه تووووب وإذا أحد عارض قال وين الصعوبه والطلبه كلهم ناجحين ,,,

شفيها اذا المدرسه سوت الاختبارات عالاقل كل مدرسه عارفه مستوى طلابها بدل هالإعجاز بالأسئلة ...؟؟

وما خفي أعظم ,,,,,,,,,,,,,

الشي الي يوجع القلب ان السماح لمسألة الغش في الكويت ,,,,,, تخضع لأمزجة الملاحظين وانت وحظك ...... بالنسبة للاسئلة المتوسط امدحوا الاسئلة والثانوي مامدحوها لصعوبتها

 

[LA TROO7]

عن نفسي اسلاميه متووسط

طبعااا الصف السابع صار غلط بسؤالهم لقينا ورقه كامله محلوله

وحطووا هالفضيحه بجريده الوطن

بس الاختبارات سهله جداااااااااا اسهل من اللي كانوا الابلات يسوونهاا

 

[درة أهل الطولات]

حلوة وتناسب مستوى الطلبة

واهم شي مريحتنااااااااااااااااااااااااااااااااااااااااا

 

[LA TROO7]

من قال الغش مسمووح !!!!!!!!

ووين قاعدين يعني هالابله ماتخاف ربهاا ماعندهااا ضمير !!

 

[^ حـلـــــوى و رهـــــش ^]

شوفي حياتي المستوى زيـن .. غالبا ..
يعني امتحـان أو امتحانيـن يالكثيـر اللي كان شوي صعـب خاصه بالنسبه لرابع ابتدائي


بس انا بتكلم عن الاخطــــــــــــــــــاء ..

امتحان جاي من التوجيـه .. ومتراجع مليووون مرة .. وعلى مستوى منطقة الفروانيه التعليمية كلها
و يجيج الامتحان كله اخطـاء ..:eh_s(14):

أولا .. الامتحان أغلب اسئلته من فصل واحد .. أو عندنا بالانجليزي من يونت واحد ..
( وهذه جريمه اذا سويناها )

ثانيـا .. الاجابات موجوده ضمـن الامتحان .. وواضحـه ..

ثالثـا .. كاتبـين راس السؤال .. ( صح وخطأ ) والسؤال أساسا توصيل .. والاجابات صارت صح وخطأ

رابعا .. التعبير .. مرقميـن الفراغات .. والصبيان متعوديـن على كتابه القصـه ..
يعني مفروووض مافي فراغات ..
اضطرينا نشطب الارقام .. ونخلي الصبيان يكتبون على الشي المتعودين عليه

يعني امتحان ومن التوجيـه ..
وجذي أخطـائـه ..
واحنا يعلوون قلبج على الامتحان اللي تسوينـه ..
ويردوونـه لج فووق عشر مرات عشان تصلحيـن فيـه ..


عيب بصراحه ..
لو مسوينه بمدرستنا أبرك ..

 

[أبلة كويتية]

الصراحة ممكن نتقاضى عن كل شي ...بس الأخطاء الإملائية الواحد ما يتقاضى عنها

يعني إمتحان على مستوى المنطقة طالع من الموجهين وفيه أخطاء إملائية ..بصراحة قوية

شلون تمر هالأخطاء عليهم ...وشلون إييهم سؤال وإجابته بالسؤال إللي بعده

وشلون تيي الأسئلة من التقويم ..copy و paste

هذي الأخطاء دايما ينبهونا عليها ..والحين يطيحون فيها

بصراحة فشلللللة بحق التوجيه

7

7

والشي الثاني عدد الصفحات للإبتدائي .,, مو حرام عليهم الإمتحان من 6 أو 5 صفحات

ليش التعذيب ..شالسالفة ..تراهم أطفال والله أطفال ..بنت برابعة إبتدائي تحل إمتحان من 6 صفحات

والله يا جماعة يعورون القلب ..آنا قاعدة أشوف البنات طول فترة الإمتحانات والله والله يكسروووون الخااااطر

أحس إنه كل إللي قاعد يصير فوق مستواهم ..صج صج صج الله يعينهم


ومشكووورة على الموضوع الحلو

وإن شاء الله التواجيه الفنية يطلعون على الموضوع عشان يشوفون رأي أهل الميدان

لان أهل الميدان بمثابة المرآة إللي تشوف إللي أهما ما يشوفونه


7

7

 

[PRADA]

بصرااااااااحه توجيه سكه ... توني اكتشف انا احنا يالمدرسااات مستوانا اعلى منهم بمليون مررره اللي معتلين هالكراسي ومسوين نفسهم فناتك ... انا اتكلم طبعا عن توجيه الانجليزي بمنطقة الاحمدي .... ولا امتحاااان سااادس الاسئله غير مبااااشره واغلبها فوووق مستوى الطالب .... غير الاخطاء الاملائيه اللي مترووسه بالامتحان غير توزيع الدرجات اللي كله غلط... وموضوع تعبير سااادس اللي حطه صراااحه مجرم ولا تبي سااادس يذكرون كلمة desalination plant اللي من الفصل الاول ويكتبونها ما اقووول الا مالت عليكم والله يستر من امتحان ساااابع والله منبطه جبدي منهم بس ما اقوول الا حسبي الله ونعم الوكيل​

 

[Queen of Roses]

امتحانتهم مليااااااااااانة أخطاء

السؤال مكتوب درجته 12 بس لما تجمعين الأفرع تلقين المجموع 15 هذا تاسع الورقة الأولى

شلون؟؟؟؟؟؟؟؟؟؟؟؟؟

و إلا تعبير الانجليزي سادس من مواضيع الكورس الأول مو حرام عليهم

يعني البنات شيذكرهم فيه؟؟؟؟؟

غير الأخطاء الاملائية الموجودة

التوجيه حاطين كلمات الاملاء بورقة و مأكدين إنها مهمة و ان كلمات الامتحان منها

امتحان تاسع الانجليزي حاطين لهم جملة الكلمتين اللي فيها كلش مو بالورقة !!!!!!!!!!!!!!!!

و علامات الترقيم مكتوب انهم أربع علامات كل وحدة بدرجة بس اللي بالامتحان 3 يعني التوجيه حال وحدة منهم بالغلط

فشلون بنحسب 3 علامات ترقيم ب 4 درجات؟؟؟؟؟؟؟؟؟؟؟؟؟؟؟؟؟؟؟

 

[غلاا الرووح]

وهذاا دليل آخر على سوووء اختبارات التوجيه !!!!!


أسئلة تعجيزية في اختبار التربية الوطنية بالخامس الابتدائي




(Alwatan)







كتب عبدالعزيز الفضلي:

فوجئ طلبة الصف الخامس الابتدائي بأسئلة تعجيزية في اختبار التربية الوطنية حيث يطالبهم السؤال السادس بتعريف معنى العصيان المدني وتحديد أهداف الهيئة العامة للصناعة والهيئة العامة للشباب والرياضة وجهود الحكومة الكويتية لتنمية القطاع الصناعي وتنمية الثروة الحيوانية، وتعجبت مصادر في وزارة التربية من صعوبة الأسئلة التي قدمت لأطفال صغار وكأنهم خبراء في مجال الصناعة والزراعة ونقابيين في مجال التحركات الشعبية، مشيرة الى أن الامتحان تطرق لأمور تفوق القدرات العقلية والفكرية لطلبة هذه المرحلة، الأمر الذي أعجز هؤلاء الطلبة عن الإجابة على اختباراتهم بالصورة المطلوبة، مستغربة من سياسة الوزارة في وضع الاختبارات بهذا الشكل التعجيزي والمبالغ فيه.
واشارت المصادر الى أن هذه المعلومات قد تكون موجودة في المقرر، إلا أن صياغة الأسئلة جاءت وكأنها تخاطب طلبة الثانوية العامة.

 

[روح عاشقها]

خليها على الله ولا امتحان اسلامية مال رابع 7 صفحات
وين قاعدين؟؟

 

[سفيرة العشق]

بصراحة ما تراعي الفروق الفردية كلش وكل موجه يحط الامتحان على كيفة

وبالنسبة لمادتي لغة عربية متوسط
امتحان سابع بمنطقة حولي التعليمية شقاقي مساكين الطالبات قعدوا طول الامتحان يبجون ويقولون والله الامتحان خارج المنهج والسؤال كلش مو مباشر كل الأسئلة لف ودوران
او بالاحرى هالموجهة الظالمة اللي حطت هالامتحان قاعدة تفرد عضلاتها وقدراتها على هالطالبات المساكين
حتى المدرسات قعدوا نص ساعة بس عشان يعرفون شلون يوضحون السؤال للبنات بذمتكم موظلم

حسبي الله عليهم من توجيه دايخ ....

 

[لؤلؤة المحيط]

وهذاا دليل آخر على سوووء اختبارات التوجيه !!!!!


أسئلة تعجيزية في اختبار التربية الوطنية بالخامس الابتدائي




(alwatan)







كتب عبدالعزيز الفضلي:

فوجئ طلبة الصف الخامس الابتدائي بأسئلة تعجيزية في اختبار التربية الوطنية حيث يطالبهم السؤال السادس بتعريف معنى العصيان المدني وتحديد أهداف الهيئة العامة للصناعة والهيئة العامة للشباب والرياضة وجهود الحكومة الكويتية لتنمية القطاع الصناعي وتنمية الثروة الحيوانية، وتعجبت مصادر في وزارة التربية من صعوبة الأسئلة التي قدمت لأطفال صغار وكأنهم خبراء في مجال الصناعة والزراعة ونقابيين في مجال التحركات الشعبية، مشيرة الى أن الامتحان تطرق لأمور تفوق القدرات العقلية والفكرية لطلبة هذه المرحلة، الأمر الذي أعجز هؤلاء الطلبة عن الإجابة على اختباراتهم بالصورة المطلوبة، مستغربة من سياسة الوزارة في وضع الاختبارات بهذا الشكل التعجيزي والمبالغ فيه.
واشارت المصادر الى أن هذه المعلومات قد تكون موجودة في المقرر، إلا أن صياغة الأسئلة جاءت وكأنها تخاطب طلبة الثانوية العامة.

اختي بالنسبه للاسئله لماده الوطنيه اللي يقولون عنها تعجيزيه كلهم بالكتاب وبالمراجعه اللي المدرسه موزعتها عالطلبه

 

[بنت حمايل2]

والله برايي سواء تعجيزي ولا مو تعجيزي

موجود ولا مو موجود

حشو ولا مو حشو

إخطاء ولا مو اخطاء

صفحات ولا مو صفحات

خش ولا مو خش

مستوى الطلبة ولا مو مستوى الطلبة

كله ما يهم لأني بصيريح العبارة الإبتدائي ما يمتحنووووون لإختبارات فصلية

حتى في الدول الغربية ما يصير هالشي هذا يكون الامتحان من صفحة وحده فقط مو فصلية بل طوال العام كل درس امتحان والأسئلة عامة ما فيها تدقيق للمعلومات

إحنا نطبق من الغرب غلط وهذا عقلية العربي

الملخص :- المسألة من أولها فاشلة بس فشلتونا