زل لسانه واحنا مع بعض؟؟؟؟

[حجيه هيونه]

صح يمكن وحده مشهوره او سامع فيها

ترا مو شرط

وياما بنات زلوا باسماء بطل قصه ولا ممثل وكانو راح يروحون فيها


تجاوزي شوي وطوفيها

 

[*^^حرم الدكتور^^*]

لا تفكرين بهالاشيا و اذا ظليتي تدققين بحيااتكم و بكل كلمة او نظرة بتتعبين و الله صدقيني ..

صارلي نفس الموقف تقريبا بسس كنا بنهاية شهر العسل تخيلي ،، و احنا بطريجنا للمطار قالي (ها حبيبتي فلانة نشالله استانستي)!! طبعااااااااااا انا انصعقت وقتها لأنه قال اسم مو اسمي حتى اهو مسكين ارتبك .. و الاسم اللي قاله اسم وحدة تشتغل معاه يعني انا اعرفها و ما حبها لأن عليها حركات و مرات تتعمد تسوي حركاتها لما يكون يكلمني بالتلفون و اهو بالدوام .. بس قالها زلة لسااااااااااااان جداااااااااا عاااادي .. و من وقت هالزلة للحين و كل ما نذكرها نضحك ضحك مووووووووووو طبيعي

و الله يحبب ريلج فيج و يحببج فيه ياااارب

 

[LiPss]

يقلبي تعوذي من ابلييس عااادي
تخيلي انا مره كنت اقعده من النوم وانا توني قاااااعده كنت اقووووله خالد خالد خالد ياللله قووووم!!!!!!!!!!!!!1
واهو مو اسمه خالد
ومافيه خالد لا ببيت اهلي ولا ببيت اهله!!
يعني هالاسم من وين طلع مااااا ادري
تصير والله تصير
حتى اهو لمن قعد قاللي منو خالد
قلتله شدراني ماحسيت بنفسي واهو عصب بس انا وضحتله واهو صدقني لان يبين اللي يجذب ويبين اللي يرقع
ههههههههههههههههههه
ههههههههههههههههههههههه


فطبيعي انه يكون غلطان يلبي تعوذي من ابليس ومالكم شر انشالله

 

[LiPss]

صج نسيت لا اقووولج

يمكن اهو حاب اسم فطوم عليج

لان انا زوجي مره قاللي تمنيت اسمج تهاني مو ليبس!!

فيمكن هذا اهو السبب

 

[DooLy88]

اهو صج يعني
ترا السالفة تحر
بس بعد تعوذي من ابليس

والله لو انا منج
حتى بحزة النومة وال.. اسأله
ويت - من هاذي فطوم ؟؟؟؟؟؟؟؟؟؟؟؟؟؟ علشان لاتبرد السالفة وبعدين ينكر ويقول اني اتوهم

 

[ام شموخ]

تعوذي من ابليس

 

[حبيبة ابو ناصر]

تعوذي من ابليس

عااادي ترى جل من لايسهو

انا اموت بأبو ناصر مرات اغلط واناديه باسم ثاني عااااااادي

لاتكبرين السالفة .

متى تسوين قضية اذا صار شي كبير لاقدر الله

 

[noo7a]

تعوذي من ابليس حبيبتي
احنا وايد نغلط بالاسامي

 

[ريماس77]

يمكن غلط موقاصدها ويمكن ماضي طاف دامج موشاكه فيه وتعرفينه خلاص[/size]

 

[ريتااجي]

حبيبتي ولاتحطي في بالج

على قولتج زلة لسان

 

[*قـمـر*]

شوفي ياقلبي اقري صورة البقره كل يوم لو فيه شي مخشوش راح يطلع سبحان الله السوره هذي فيها سر عظيم
والحمدالله يت على أسم انا رفيجة زوجي داقه علي تبشرني ان زوجي يحاجيها معن قبل ما ياخذني ما كان يحاجي ولا بعد متزوجه واكبر منه وعندها ولد

ادري طولتها بس لان حاسه بمشاعرج الحين

بس الله يهدي سركم ويقربكم لبعض

والله انج صاجة..صورة ا لبقرة تطلع كل مخشوش
والله ياجرج بمصيبتج خير



ولصاحبة الموضوع
.حتى لو جد هو قالها..يمكن مجرد فكره مرت على باله مالها اي معنى خطير مثل ما تتصورين؟
والله يعينج حبيبتي بشرينا عنج

 

[جذابه بنت ذيابه]

تعوووذي من ابليس وحاولي تتقربين منه


ولاتخلين لحد مجاال يا غلاي ..



وطوفي خلي المركب يمشي ..

 

[جـــواهر]

ويـــــــــــــه لاتضااايقين عمرج انا داااااااايم ازل بأسم زوجي والله ويعصب وانا والله موقصدي والله
لين تعود ع الوضع .. بس والله موقصدي ابد لان ايمه ع وزن اسامي مشهوره ف اغلط بأسمه

 

[al-musk]

لا طبعا المشكلة مو تافهة انتي بشر لحم ودم..الله يعينج ويسهلج الخير ويرضيج فيه

 

[شامبو]

لا تخلين الشيطان يدخل بينكم

 

[سرقت النوم]

انزين منو فطوم ؟

منو فطوووووووم


منو فطوووم ؟؟



حطيت نفسي مكانج و صراحه مت من القهر

والله لو اسمع زوجي يقول غير اسمي و حزة النومه بعد و الله اطربقها على راسه لو قايلها مثلا يبي مني شي او قاعدين مثلا يمكن اعذره بالموضفات بالمراجعات باي شي لكن بالفراش!!! وين تترقع

قوليله لو انا اقولك مثلا يا حياتي يا فهد و لا ياحياتي يا عبدالرحمن او يا قلبي يا سعود بتسكت !!! بتطنش !!!!

حبيبتي فطوم هاذي ما قال اسمها و الا يعرفها بنات البنت تبي تعرف الحقيقه ما تبي احد يطبطب عليها تبي حل

بنات لا تقولون طنشي شنو اتطنش

انتو حطو نفسكم مكانها قبل لا تعدونها على خير ..


المفروض ما تسكتين واول ما سمعتي هالاسم انتفضتي و قمتي على طول مو تعدينها على بو نايمين مع بعض و لمن تخلصون تقوليله !!!

انتي هونتيها من اول السالفه خلاص اهو طوفها لأن عرف انه عادي يناديج بإسم غير اسمج !

 

[سرقت النوم]

اهو صج يعني
ترا السالفة تحر
بس بعد تعوذي من ابليس

والله لو انا منج
حتى بحزة النومة وال.. اسأله
ويت - من هاذي فطوم ؟؟؟؟؟؟؟؟؟؟؟؟؟؟ علشان لاتبرد السالفة وبعدين ينكر ويقول اني اتوهم

هذا اهو التصرف الصحيح انتي غلطتي لمن طوفتي الاسم بمزاجج !!!

 

[مجنونة بس عاقلة]

الله يسخره لج ان شاء الله

يمكن مايقصد شي

 

[LA TROO7]

والله زله قوووويه

مادري شراح اسوي لو كنت مكانج !!

 

[روووح ابوها]

حبيبتي ... السالفه ماتسوى ودامج واثقه هالكثر .. لا تكبرينها بمخج وصدقيني عادي زله ..