^^ سلي طفلج بشي ينفعج ^^ طريقه لــ معرفه قدر الام و الاب عند الطفل

[SeLf^CoNfiDeNce]

السلام عليكم


حبيت اعطيكم طريقه اتعلمون فيها الطفل شلون اذا كبر ما ينسى فضل الام و الابو



اذا انتوا متعودين تقولون حق الياهل قصه قبل ما ينام
حاولوا تقولوله قصص عن نيمو و عن القصص الخياليه الي دايمن تعودنا نقولها حق الاطفال
او
تقولينله قصص من الواقع او خيال بس فيها عضه و عبره حقه
يعني مو بس تعمتدين على القصص الي تنمي خياله
لكن توجهي الي شي يعلمه من الواقع او يعتبر منه
مثلا
خل اقولكم قصه من القصص الي تزرع فيه معنى سامي او تخليه يعتبر و يتجنب الخطأ :
في مره ولد كان يدرس و شاطر و ياب نسبه و نسبته حلوه تخلي يسير دكتور برا البلد الي اهوا فيه
و امه وابوه ما كان عندهم غيره يربونه و كبروا و كل فلوسهم اسرفوها على دراسته و نفقته برا البلد
و لما قعد هناك و درس 6 سنوات
تزوج و رجع حق بلده و و ما راح حق امه و ابوه
قعد ابيت بروحه و مع مرته و ولده
و الام و الابو نطروا رجعته و ما رد
و مره من المرات سمعوا ان في دكتور بنفس اسم ولدهم
و بعدين الام و الابو طلبوا عنوانهم من المرضى الي يتعالجون عنده
و بالغصب طلعوه
و لما الام و الابو راحوا حق الولد
طقوا الجرس
الولد طل عليهم من فوق جان يعرفهم
دز عليهم ولده وقاله قولهم ابوي مو بالبيت اذا طلبوني
ولد الدكتور تحير : و قال منو هذيل
قال الابو : ما تعرفهم بس روح قولهم ماكو احد بالبيت
المهم لما قالهم مافي احد بالبيت
ظلوا عند عتبه باب البيت ينطرونه بالساعات مع العلم ان اهوا داخل
و طق المطر : و شافهم ولدهم من فوق
و دز ولده يودي لهم كمبل ( قطعه قماش ) عشان يتنبون المطر
عاد الولد درا ان هذيل امه و ابوه من نقاشه مع زوجته
و قطع القماش لقطعتين
تحير الابو و سألته شلي تسويه
قاله هذي بوديها حق امك و ابوك
و الثانيه بخليها حقك و حق امي اذا كبرتوا
!!!

طبعا ما راح تقولوله كما تدين تدان لان الياهل ما يفهم هالمصطلحات الصعبه
قولولهم ان الام و الابو اكثر ناس بالدنيا يخافون على عيالهم و ان الله ما يرضى اي طفل يعصب على ابوه و امه و يرفع صوته عليهم و كلامك المؤثر بعيالكم



اتمنى اكون فدت كل الامهات بقصه تأثر بالطفل
ادعوولي بليييز اكمل دراستي بالجامعه بدون صعوبات
الله يسهل عليكم تربيه اطفالكم
و يرزق المحرومه


العبره من الموضوع ::
1- تسليه الطفل قبل ما يينام
2 - معرفه قدر الام و الاب عنده
3 - الاستفاده من اخطاء الغير

 

[عبث طفله]

جزاج الله خير على هالموضوع

مفييييد

 

[مستقبل]

حلوة فكرة تأليف القصص حسب احتياج الطفل أو الخبرة المراد توصيلها بس لازم تناسب عمر الياهل مشكوره

 

[توته سعوديه]

يعطيك العافيه
الله يتمم علي بخير واقول قصص وافلام هههههههه

 

[SeLf^CoNfiDeNce]

جزاج الله خير على هالموضوع

مفييييد

مشكوره ع الدعوه حبيبتي
مرورج اسعدني =)

 

[SeLf^CoNfiDeNce]

حلوة فكرة تأليف القصص حسب احتياج الطفل أو الخبرة المراد توصيلها بس لازم تناسب عمر الياهل مشكوره

مرورج الاحلى حبيبتي =)

 

[SeLf^CoNfiDeNce]

يعطيك العافيه
الله يتمم علي بخير واقول قصص وافلام هههههههه

الله يعافيج
مرورج اسعدني

 

[SeLf^CoNfiDeNce]

اب اب اب للأفاده

 

[Gipsy Queen]

woooow

ee ilq9a twee ilmst7eel 9ajaa

thanx
mwfeqaa

 

[ماءالقمر]

يعطيك الف الف عافيه

 

[ورد و ريحان]

هههههههه انتي حالج من حالي
كل يوم اخترع قصه لبنتي
من الاشياء اللي سوتها خلال اليوم
اذا زينه تمدحها واذا مو زينه نقولها عاقبوها
بس عندنا البطله دوم هي ما تتغير قمر الزمان ريومه<<<<حدها مغروره بنتي
مشكووووره عالموضوع

 

[ام ريان3]

جزاج الله خير على هالموضوع

 

[حروف من ذهب*]

الله يعطيج العافيه

 

[om Firas]

يعطيج الف عااافيه

 

[om Firas]

يعطيج الف عااافيه

 

[مـيـراس]

انا طاح حظي قصصي كلها الام والاب ماتو لان ولدهم ما يطيع الكلام


قصصي
في مرة ولد طلع بالشارع بغت تدعمه سيارة وامه جت ودزته ودعمتها السيارة وماتت وصار ما عنده ام

في مرة ولد طق امه قعدت تبجي لين ما ماتت وصار ما عنده ام

في مرة ولد ازعج امه ما خلاها تنام راحت للطبيب ونومها عندها ليين ما ماتت وصار ماعنده ام

في مرة ولد اكل غذاه وامه جت من الدوام وتبي تاكل غداها وازعجها وغصت وماتت وصار ما عنده ام

وووو ووووو و وووووووووووو و ووووووووووووووووووو ووووووووووووووو وصار ما عنده ام



وين العبرة الحين


خخخخخخخخخخخخخخخخخخخخخخخخخخخخخخخخخخخخخخخخخخخخخخخ ما اقول صار ما عنده ام الا اقووول امحق ام

 

[SeLf^CoNfiDeNce]

مروركم اسعدني

 

[SeLf^CoNfiDeNce]

ميراس
لووووووووووول

سلمو ع المرور
و اتمنى انج استفدتي عشان تفيدين عيالج حبوبه ^_^

 

[بناتي زينة حياتي]

يعطيكم العافيه ,,, انا دايم اقص لبنتي قصة البنت اللي ماسمعت كلام امها وتطلع بالشارع تنطر راعي البرد <<< غرام بنتي
وجاها رجال قالها شنو تسوين برى قالت انطر البرد قالها عندي بسيارتي بررد وااجد وخطفها وقالها بقطع رجولج لانج وقفتي بالشارع بروحج وبالاخير يدورونها ويلقونها اهلها وتوعدهم البنت ماتطلع بروحها ,,,

اللي بوصله لها ,,, البنت ماتطلع للشارع بروحها خوفا عليها من الحراميه ومن السيارات

هذي القصه المفضله عند بنتي تموت على الاكشنات وغيرها ليلى والذيب ولازم ندخل سالفة ماسمعت كلام امها وجاها الذيب ,,, بنتي عنيده نوعا ما مو بالسهوله تسمع الكلام فدايم قصصنا عن هالنوع

والله يخليلكم عيالكم يار ب

 

[مـيـراس]

اما انا قصتي لعيالي اللي يحبونها قصة العاصفة وما يطلبونها بكثرة الا اذا كنا بالبر

كان في ام (انا) ووابو(زوجي) وبنت وولد(بنتي وولدي) ابوهم شرالهم خيمة وقال اذا ما نمتوا تجي العاصفة تطير خيمتنا وقالو اوكي<<حلوة اوكي

ويوم جا الليل قال الابو يالله خنام عشان ما تجي العاصفة ونامو الام والاب الا العيال ما نامو فجت العاصفة طلت على اول خيمة (اهم شي المؤثرات الصوتية) ما لقت احد قاعد
وثاني خيمة كلهم نايمين
وجت خيمتهم ولقتهم قاعدين (مع مؤثر صوتي للعاصفة وبقوة تنفخ على الخيمة وتطيرها) وراحت الخيمة وقعد االابو يبجي يقول انا قلت نامو ما نمتوا عقاب لكم نبي نر لبيتنا قالو العيال لا لا لا اسفين وراح اشترالهم خيمة ثانية وبالليل جتهم العاصفة لقتهم نايمين وما طيرت خيمتهم خخخخخخخخخخخخخخخخخخخخخخخخخ