مجربه ابر الفيلر حق منطقه تحت العين؟ تعالي ابيج شوي{دمج موضوعين تعبئة تحت العين}

[بدبودة]

تري اللي تحط مكياج علي طول تحتاج هالجلسات الفليرز والبوتكس والمساجات للوجه والعين كل هذي تفيد لان انا سمعت دكتور لبناني اسمة عزيز عون يقول حتي لو راح مفعول الابرة مايرد نفس اول بالعكس مو مثل مايعتقدون البعض انه يصير اردي من الاول

والله انا عن نفسي ودي اسوي لاني اعرف وحده شخصيا مسوية حاليا تطلع بدون مكياج بس حماية وجلوس وماسكرا ماشالله ويهها صار فرش
بس للاسف بلبنان

ان شالله الاقي دكتور زين وابلغج

وناااااسه عاد انا بروح لبنان انشالله بس بغيت اعرف اسم الدكتور بليييز وابجم سوالها؟

 

[نورالدنيا***]

اسم الدكتور عزيز عون حطوه بصباح الخير ياعرب بام بي سي حتي الخشم يطقله فليرز من تحت الارنبة عشان يرتفع امبية برفيشنال

 

[حبيبي سهلي]

مرحبا بنات امس رحت للدكتورة نورة الصليلي وزوجها الدكتور ماجد تقي سويت فلير لتحت العين وبوتكس شكلى كأني داشة حلبة مكلاكمة ومطقوقة طق وجهي ازرق منتفخ بس احس بعد الانتفاخ اللي يبي ياخذ لة كم يوم راح يطلع شكلي غير لانها حييييييييييييييل فهمتني شنو يبي يصير ووايد ريحتني صج دفعت 490 دينار بس على قلبي حلوين لان قطيتهم على نفسي ليمتى على البيت وتصليح السيارة خل اصلح بروحي شوي
وخاصة اني تعديت 37 سنة فلازم ابدا بتعديل وترميم مافعل الزمان بي خخخخخخخخخخخخخخخخخ لا تتحسفون على شي وفلير على كلام الدكتور افضل مادة عالمياً سألوا وسوا سيرج بالنت واتكلوا على الله واتموا اعمالكم بالكتمان وشوفوا النتيجة بعيون الاخرين

 

[عذب القوافي$]

الدكتور إلي يقول فلير تحت العين هذا مجرم

يمكن شوية بوتكس بس حوالين العين عشان يشد المنطقه ولازم لازم الطبيب يكون متمرس ويدة خفيفة والا راح تكون النتيجة غير ساره بالمره وراح تصير عين اصغر من عين

للسواد حل الكريمات او الليزر بس إذا وراثة شوية زحمه

وانا افضل عمليه جراجية لشد المنطقة احسن من كل 4 شهور ابره

 

[كيوت_25]

للرفع حتى انا ودي بس خايفه

 

[شموع & دافئه]

الدكتور إلي يقول فلير تحت العين هذا مجرم

يمكن شوية بوتكس بس حوالين العين عشان يشد المنطقه ولازم لازم الطبيب يكون متمرس ويدة خفيفة والا راح تكون النتيجة غير ساره بالمره وراح تصير عين اصغر من عين

للسواد حل الكريمات او الليزر بس إذا وراثة شوية زحمه

وانا افضل عمليه جراجية لشد المنطقة احسن من كل 4 شهور ابره

هذا اللى اعرفه

صح كلامج

 

[دنيا جديده]

اختي سوتها عند نوره الصليلي تعبئه تحت العين بس صار تحت عينها أزرق لمدة شهرر تخرع بس بعدين صار اوكي وأمتلئت بس مشكلتها الزراااااق يخرررع

 

[PINK37]

اب اب اب

منو احسن دكتور فيها

 

[كيوت_25]

اوووووله شهر كامل ازرق !!!! لا بالله كدينا خيير

 

[دلوول 2006]

والله ابتلشنا بعمرنا
ما ندري شنسوي
والا وين نروح
آنا قاعده أشوف عجايز
أكبر من أمي شزيتهم
بس لو بتسألين ما تقولج شمسويه
نحس الله يكافينا الشر

 

[otroja]

بنات عفيه اصار عليكم في وحده عزت الابره تحت عينها انا ناصحاني الدكتوره تعبئه تحت عيني واخذت موعد بس ما رحت خفت بصراحه ياريت الي حربت تقول اصار عليها

 

[um bader81]

الفيلر ما في منا خوف والحين الهيالورونيك اسيد افضل شي لانا ما ايضل على طول من ست اشهر ليسنه لكن الدكتور مهم والفيلر المستخدم مهم لازم تسالين على الفيلر شنو اسما وين مصنعيته ترا الدكاترة يستخدمون شي رخيص و مو كل الدكاترة يستخدمون الغالي افضل فيلر اسما dermafill فرنسي وما راح اتلاقونا عندكل الدكاترة لانا غالي انصحكم فيه اطلبو ترا الدكتور ممكن ايفرة لكم اذا طلبتوه . ,وافضل دكاترة بس اشوي غاليين دكتور نيشو بالسيف دكتور عاطف علام في بو حمرا الدكتور زوران في بلوومينج موجد في حولي على طرق المغرب والدكتورة صابرين الزامل وترا الدكتورة صابرين رائعه لنا اذا شافت انك ما تحتاجين الفلر راح اتقولتش انك ماما تحتاجين اي شي. وسلامتكم.

SBS-MED Science for Beauty and Safety​

[/IMG]

 

[عتوقة]

قالي الدكتوز انها تخفي الخفقه الي تحت عيني وانها تفتح لون الهالات

بس قالي انها تآلم وايد وايد ، خفت اسويها قلت لين تشجعت بجرب