بطني ... :"(

[فلافل وبطاط]

شلونكم كروشات ....؟

الله يسهل علي وعليكم .. ويفرحنا بشوفة عيالنا ولا يضيع تعبنا ويرزقنا الذريه الصالحه ..

ويرزق كل وحده تتمنى يارب ...

انا صارلي جم يوم ... بمووت من الحكه والتهيج اللي في بطني ...

خاصة اذا صار الليل تزيد الحكه واكره الملابس تلامس بطني ...

واحس ودي أحك حييييييييييييييل وأجرم بنفسي ..



والدكتور أقوله ويشوف بطني يقولي تغيرات عاديه ..

مع اني استخدمت كريم بالمرز بس فجأه بطني قلب خطوط بيضا وحمرا وسودا ومتهيجه احس الخطوط منتفخه ..

وما كتب لي شي يريحني ..

في وحده منكم صار معاها جذي وحطت او استخدمت شي يبرد او يريح من الحكه ..

فيدوني يزاكم الله خير ..

:eh_s(16):

 

[طير يحب سجانه]

حماتي حامل وصاده كدا

وستخدمه زبده الكاكاو

 

[لومية]

واي الحكة معانات أنا بعد حده يحكني وطالع بطني حبوب وايد حمر أمي تقول يمكن لانه مشدود حيل فيطلع جذي

 

[أم حووور81]

حبيبتي حطي زيت زيتون

 

[أشرق الأمل]

الله يعينج ..استعملي بيبي اويل او اسمع البنات يستعملون كريم من مذر كير ...الله يهون عليج مافي شي بدون ظريبة

 

[أنفاسي دخون]

رطبيه باي كريم

 

[فلافل وبطاط]

حماتي حامل وصاده كدا

وستخدمه زبده الكاكاو

ما انفعتني والله زبدة الككاو ...

 

[فلافل وبطاط]

واي الحكة معانات أنا بعد حده يحكني وطالع بطني حبوب وايد حمر أمي تقول يمكن لانه مشدود حيل فيطلع جذي

واي صج معاناة ... الله يبعدها عنكم خواتي ...

وكلام أمج نفس كلام أمي ... وتقولي خاصه لما تقرب الولاده يصير جذي ...

بس شلون أقتنع بكلامها ... !!

لان حجي الامهات واليدات مو دايما صح ...

 

[فلافل وبطاط]

حبيبتي حطي زيت زيتون

بجرب ... مع اني احس زيت الزيتون يزيد الحراره ما يبرد

 

[فلافل وبطاط]

الله يعينج ..استعملي بيبي اويل او اسمع البنات يستعملون كريم من مذر كير ...الله يهون عليج مافي شي بدون ظريبة

بيبي أويل ... وكريم جونسون باللوز ... استخدمتهم ..

الزيوت لما احطها أحس بحراره ...

وأتحسف أقوم على طول أغسل ..

بس كريم مذركير ما جربته ..

بجرب زيت الزيتون وانشالله ينفع واذا لا بطير على مذركير ...

 

[فلافل وبطاط]

رطبيه باي كريم

يااريت ينفع أرطب بأي كريم ...:eh_s(11):

 

[امووووما]

حبيبتي نصيحه كل ما تخلصين شاور وجسمج بعده رطب من الماي والحراره حطي الكريم وسوي مساج بو 5 الى 10 دقايق انا الحمدالله من بدايه حمالي والحين بالشهر الثامن واانا اسوي هالحركه والف الحمدالله ما طلعتلي حتى خطوط من تمدد البطن

 

[Australia girl]

ادهني بيبي اويل كل سبحه وبعدها بفازلين يرطب حده صج يدبق بس اريح لج

 

[غلا عيوني]

شي طبيعي حبيبتي استخدمي زيده الكاكاو من بودي شوب وان شالله تخف منج

 

[أميرة طفولتي]

اذا حكج وايد وحسيتي انه حار ييبي ثلجه صغيره ومشيها على بطنج تبرد المكان وتخفف التهيج وعقبها كمادات ماي بااااارد وبعدين حطي كريم مرطب
وانشالله يروح :eh_s(2):

 

[totah108]

اختي
انا نفسج بالضبط و بالتاسع زادت الحكة و الخطوط واااااااااااايد
لا تحاتين الكل يقول هذا شي طبيعي
و افضل شي استخدمي من جونسون بيبي اويل بعد الاستحمام قبل ما تنشفين نفسج و عقبها زيت زيتون
هذا اللي استخدمه لان مافاد معاي اي كريم ترطيب

و الله يقومج بالسلامة

 

[DoDo909]

انا فتره حملي احس بحكه بس الحمدلله بدون حبوب ولا احمرار

واستخدمي بيبي اويل احسن ويرطب الجسم

اما اذا في حبوب او احمرار مو زين انا اختي صار معاها حبوب

باخر الثامن وتنومت بالمستشفى ليمن ولدت يقولون مو زين

فاستشيري اكثر من دكتور احسن

 

[مرقووقه]

الله يعينكم يارب

 

[هيونه.المزيونه]

انا الحين اعاني من عوار بطني والحكه

مت الملابس ماني قادره اتحملهم

ومن الحكه صاير بطني خريطه

اميييي

مشكورين بنات على الردود

 

[برنسيسة 17]

والله انصحج بالزبدة العادية جيبها من الفريزر ومرريها على بطنج راح تبرد المكان وتخفف التهيج واستمري عليها وإنشاء الله الله يشفيج ماتشوفين شر يافلافل و بطاطا