ديوانية شموسه ورينبو...الي ولادتها بالصيف تتفضل تقرق معانا

[rainbow_brite]

ما ي لوف ام الحمد الله الحلوين اللي معاي بخير الصغيرون اليوم سويناله حفله عيد ميلاده والحين نايم بعد عمري وولدي الكبير قاعد للحين مو نايم مو مصدق على الله اخوه نايم عشان يستولي على العابه الصاله ما فيها مكان ادوس عليه من الهدايا والالعاب وناسه


واي لا اتشوفون الصغير واهو يقول تويو ويعني هبي ربيردي ويقول هديه يمه سلم قلبه حياتي حده استانس وشكله واهوا يطفي الشموع تحفه ودج تاكلين خدوده

وحاولي تنسين الوقت على قولة ملوكه اتحسين الثامن ماله معنى وشطوله الله يهون عليج لان بالشهر التاسع اتحسين بالنطره الصجيه


وان شا الله يرجع ريلج بالسلامه وتروح الغلقه



وفعلا باتشي كاكاوهم غالي بس يشوق يالله يا ام ماي لوف اشتريه الحفيد الغالي يستاهل




وي من صجج خدامتى كيفت عليه تقول عجيب ما كو مثله

 

[rainbow_brite]

أنا بااااك


وسؤالي اذا ياج الطلق او لا سمح الله نزل عليج الماي ...

أنتي مستعده من كل النواحي للولاده ولا ؟؟؟؟؟

هالسؤال ريلي مينني فيه !!!

اوشال نطري راح ارد على سؤالج بالتفصيل

 

[أوشال]

هلا والله رينبو
شلونج وشلون الحلوين اللي عندج الله يخليهم لج يارب
اخر اخباري الحمدالله الحمال زين بس الوقت مايمشي ابي اولد بسرعه شلون ماني عارفه :eh_s(10):
وصاكتني اغلقه موطبيعيه زوجي امسافر وانا بيت اهلي مع ان وناسه حيل بيت اهلي جمعه وناسه وكل يوم طلعه بس هم ضايق خلقي ابيه
اليوم رحت باتشي لقيت عندهم كاكاو يهبل ورخيص ابيه حق حماتي بتولد هاليومين
ولقييت عندهم واحد روعه حيل شي موطبيعي بس غالي ب77وكبير حيل
قلت حق ماما بيبي يبه خليج خوش جده واشتريه له
اقول رينبو شخبار كاكاو الحلو من قدها خدامتج صار من نصيبها

هلا ماي لووف

الله يعينج صج بيت الأهل وناسه ويمعه وسوالف طوول الوقت
بس لالالالالا الريل شي ثاني عسى الله لا يفرقكم ..
أنا املغ شي على بنفاسي بعد ريلي ..والله ما احب الا اروح واطلع وازور الا معاه ...
وإن شاء الله يرجع بعلج بسلامه ..

وووين اي باتشي رحتي اليوم اي فرع يمكن شفتج ..
بس والله 77 زين كل اللي كانوو سبعينات اقل من كيلوين او كيلوين
بس مو مبين عليهم بس ديزاينتهم عجيبه حلووه ..

 

[rainbow_brite]

وييي اوشال انا بعد ريلي مينني بهالسوال وما ادري هالمره ليش يحاتي اكثر مني يمكن لان في يهال


المشكله عندي ان ريلي يقولي روحي قعدي عند اهلج من الحين وانا اشوفها تو الناس ما بي اهده من الحين ابيه لم يرجع من الدوام يلقى غداه جاهز وهدومه اول باول مغسوله وضروبه كافي عليه بالاربعين اهده واخاف ان يتبهدل خاصه ان سكنين بروحنا لو عند اهله يمكن ما احاتيه وايد


الشي الثاني انا جنطتي وكفري منزلتهم بيت امي عشان ما انزلهم من الشقه وقت الولاده بس سؤالج اذا انا مستعده



ما احس اني مستعده عدل




يعني هدوم عيالي وديتهم بيت امي اللي بيلبسونها بفترة الاربعين وخليت بالشقه شوية هدوم وكل يوم انغسلهم


وخدامتي وصيتها اتحط اغراضها بجنطه عشان اذا يتني الولاده بسرعه اتنزلهم في بيت امي


شفتي ان السالفه شكلها وهقه واتحسين نفسج متدودهه عشان جذي ريلي يقولي روحي بيت اهلج عشان اذا يتني الولاده ايكون كلشي بمكانه اليهال والخدامه بس ان ياخذني عالمستشفى بس انا رافضه هالطريقه



حتى ساعات احاتي ان اتييني الولاده وقت اللي انكون قاعدين انسوي الغدا والجدر عالجوله اقول بقلبي انزين اذا احنا نزلنا ويا اليهال والخدامه وانا رحت المستشفى منو بيغسل المواعين واحاتي الاكل يعفن امبيييه تحفه هالسوالف بس هذي الافكار تاكل مخي


شوفي انا اذا نزل علي ماي ما في مجال اتاخر عن المستشفى بس دايما افكر اذا طلق راح يمديني انطر واشيل عيالي



وي الله يعين قلبي على هالمحاتاة والله يسهل امورنا وولادتنا



يعني انا مستعده شكليا بس نفسيا مو مستعده بالمره

 

[donat]

اي والله ملوكه اليوم يعني اول يوم اجازه ما دري شعندي قاعده من صباح الله خير:eh_s(16): ولم ييت بنام عالتسع ونص الصغير قعد عطيته طاف محترم سويت روحي ما اسمع :eh_s(3):جان يرد ينام مسكين حبيبي عاد اليوم عيد ميلاده والعصر عنده تطعيم يكسر خاطري:eh_s(2): بس اشوه بعد ما يضيق خلقه من الابره نعوضه بالعيد ميلاد :eh_s(9):


دونات عيل نفس حالتنا اجازه وملل انا عاد ما احب اخذ اجازه واقعد في بالبيت قبل اخذ لم نسافر او لم ناخذ انا وريلي مع بعض الله يعيني باجازة الامومه نوعي بسرعه امل
اتصدقين انا نفسج ما كنت حاسبه حساب التاسع وعلى اساس بولد باوله على كيفي السابع كنت ماخذه اجازه بعدين تحسفت والحين ماخذه اجازه لي 1-8 حرقت الرصيد على هالحمال هذا غير المرضيات والاذونات


ان شا الله دونات راح تاخذين امومه ؟؟؟؟:eh_s(10):

والله مادري عن الامومة انا كله جذيه اقول ماني ماخذه امومة و من اخلص الوضع احس اني بعد ابي اجازة فاقرر اخذ امومة .....:eh_s(10):

 

[أوشال]

ااااااي رينبو انا نفسج بس شكليا صاجه
ولا نفسيا لا كلش احاتي وايد
اخر مره رحت فيها المراجعه وفحصتني الدكتورة
وسويت التخطيط ..

لاعت جبدي وكله عندي أكتئاب ..حتى يوم اقرا الديوانيه احس مالي خلق ارد
وكله منسدحه بداري ..واذا ما طلعت لا تشوفيني ..
علشان جذي ريلي ماخذ اجازه ومجابلني ...

 

[rainbow_brite]

والله مادري عن الامومة انا كله جذيه اقول ماني ماخذه امومة و من اخلص الوضع احس اني بعد ابي اجازة فاقرر اخذ امومة .....:eh_s(10):

اي اتحسين البيبي يحتاج منج انج تقعدين معاه اكثر مع ان نوعي امل وصعبه الوحده اداوم بعد الوضع على طول انا نوعي ارضع عيالي طبيعي فتشوفيني غصبن علي اخذ

 

[rainbow_brite]

وي الفرحه السجينه شكلج ما راح اتخلينا انام عاد اليوم اشكثر قريت قصص ولادات اللي نزلتهم اوشال بس عن جد جد نبي قصص بنات الديوانيه اللي انعرفهم ايشوقون اكثر يالله الحين بقرا قصة ولادتج

 

[أوشال]

السلام عليكم ورحمة الله وبركاته


انا قاعده اكتب لكم بسرعه لان الولد اكيد بيبجي كالعاده هذي حزته

بس بسألكم ولدي كله يرجع ...صج عادي ان المولود يرجع باليوم ؟؟؟

الحمدلله على سلامتج فروحه

انا بنتي كنت ارضعها طبيعي وكانت اول اسبوعين ترجع كل اللي
ترضعه مني !!! ما أدري ليش

سألت الدكتور واشكثر بنات وحريم كبار من عايلتنا كلهم يقولون طبيعي..

لا تحاتين شي طبيعي ..ومافيه الا العافيه إن شاء الله ...

 

[بنت المليونير]

رينبو كل عام وحمودي بخير وعقبال 100انشالله
شوقتيني اشوفه ياحلاته الله يخليه لج
الله وناسه يعني انشالله باذن الله بعد سنه وشهر ونص اسوي حق بيبيي يوم ميلاد انشالله يارب

 

[بنت المليونير]

هلا والله اوشال
شلونج وشلون قطوتج ياحلايها
اشبتجيبين لها انشالله اخت او اخو
انا كنت باتشي اللي بالجهرا
وشفت اللي ب77روووووووووعه موطبيعي

 

[rainbow_brite]

واي الفرحه السجينه مواقفج اتضحك وحلوه هذي حطو ام بي سي اكشن وسالفة العوره احلى بعد خخخخخخ يالله زين الخروع ياب نتيجه وحمد الله على سلامتج والله يعينج على اكتئاب الاربعين وتطلعين من باجي الشر بالسلامه وتشوفين ولدج معرس



انا في بجري ما عطوني الصباح كمام في ولادتي الثانيه عطوني ما صدقت على الله شميته شم مو طبيعي حتى لم يكون ما في طلق اشمه والسستر تقولي شيليه بس لم اييج الطلقه بس انا ملصقته بويهي وفعلا الكمام يخفف وايد من آلام الولاده


وبالنسبه حق الترجيع والله شي طبيعي الياهل يرجع اول الايام حتى لو كان يرضع طبيعي الله يعينج على السهر ويعينج على تربيته ويجعله من الذرية الصالحه

 

[rainbow_brite]

ماي لوف وانتي بخير وصحه وسلامه عاد اسم الله علية صج يشوق دبدوبي حمودي لا اتشوفينه لم يرقص على اغنية نانسي عجرم مالت اليهال شاطر شاطر وكلش لا يقول بنوتة واااااي ياخذ القلب ما شا الله عليه



وان شا الله تولدين بالسلامه وتسوين حق البيبي كل اللي بخاطرج فيه وتشوفينه معرس

 

[ملاك هدية]

هاي بنات
مراسلتكم من مستشفى العدان تتحدث
طبعا انا قاعده من 3ونص من ازعاج الممرضات
قمت وصليت وبعدها شبكت
بنات راسي مصدع مشتاقه لمخدتي وسريري
نسيت ابشركم مامي بترد اليوم على طيارة الساعه 7 ونص الليل كلوووووووووووووووش
طبعا كلمتها اللي مشت مسكينه ماتحملت انا تكون بعيده عني بعد عمري ومخليه ابوي بروحه
ابوي دق علي ويقول لي امج ترا احجزت وبتيج اقوله لا لاتجي يقولي اسكتي لا اجي انا براسي <<<<<قاعد يحاتيني ونسى عمره
حبيبي باباتي فديته
الحين حاطين لي جهاز حساب وتنظيم دقات القلب حطوه امس وبيشيلونه باجر بنات الجهاز يزهق حده بس شسوي بعد السكر تعدل بس فقر الدم وصل لمستوى خطير
دش علي دكتور يقول لي ابي اسوي لج منظار للمعده
عاد اهنيه انا قعدت ابجي وقول لا تكفى اجله لما اولد
وخلوها على الله اليوم يبين شنو طلع معاهم
اكتشفت ان الارق وقلت النوم اللي انا فيها بسبب فقر الدم والحكه بعد شفو شلون ياثر يابنات ديربالكم
نصيحة اخت اكلو عدل

 

[ملاك هدية]

الديوانية حاشها فايروس من يديد وينج ملوكه تعالي اقري عليها خخخخخ

افا عليج انا بس طليت انحاس الفايروس شفتي لي هيبه
لووووووووووووووووووووووول

 

[rainbow_brite]

بنات تصبحون على خير بنام وباجر اشوفكم على خير



بنات ترا توني مبلشه الاجازه ولاحظو كل مالي اتمادى بالسهر امس نمت عقب صلاة الفير والحين بنام الساعه 5 وباجر شكلي عالسبع وكل يوم ازيد عاد متى اقعد من النوم اذا جذيه ما حب ريلي يرد من الدوام ويلقاني نايمه وي فشله


الله كريم




يالله باي

 

[ملاك هدية]

ماي لوف
تسلمين ياقلبي والشر ما يجيج انشالله
ويهون عليج الولاده

 

[ملاك هدية]

اوشال
اعجبتي المصريه
جني اطالع فلم ابيض واسود

 

[ملاك هدية]

الفرحه السجينه
اعجبتني قصه
بس اهم شي خلق الله كلهم يشوفون عورتج بس اهم شي اختج لا مايصير
لوووووووووووووووول
حمدلله على السلامه

 

[ام حمووودي]

صباح الخير طويلات العمر شلوووووونكم ؟؟؟

شعندكم سهرانين من ورااااي هااااااااه :eh_s(14):

حسافه طافتني يمعتكم الحلوه بس شسوي هاليومين النومه صايره خرابيييييييط :eh_s(16):

رينبو كل عام وحمودي بخير ....

ملوكه الله يردلج امج بالسلامه انشالله ....

الفرحه السجينه انتم السابقون ونحن اللاحقوووووون ....

اوشاااااااال اخاف اقرا هالقصص واتعقد لحد الحين ماقريت شي

ماي لوف ... ترا 77 زييين بالنسبه حق الاسعار اللي قاعدين نشوفها الحين انا حماتي سوتلي ستاند الاغراض ملوته بس طلعو عليها قريب الاميه والباجي كله شغل ايدينها