غرائب القصص الوواقعيه .. من ايدكم ..

[مهاوي البحرين]

بسولف لكم سالفه صارت عندنا بالبحرين والصراحه الديره اهتزت من هالقضيه لانه الصراحه تخوف

السالفه : كانوا اثنين سكاره سهرانيني في بيت واحد منهم ما ادري اشصار وتهاوشوا وبعدين كان واحد منهم كان لاعب جولف قام هاواحد ضرب رفيجه بلعبة الجولف ما مات بس صارت الضربه براسه اتعرفون اسوي قام وخذاه وركبه السياره اتعرفون وين وداه وداه منطقه جبليه واحذفه من الجبل وهذا الولد مات بالحال وبعدين رجع البيت وقال حق ابوه السالفه وكان في حاله هستيريه وراح الابو اشتكه على ولده والحين الولد محبوس تقريبا 12 سنه والابو مات ولا شاف ولده بس كان يحضر العزاء والشرطه معاه واقفين على راسه

والحكم مؤبد بس اهل القتيل ما كانوا راضيين على الحكم كانوا يبون اعدام

الصراحه انا من اتذكر هالسالفه اخاف لانه كنت دارسه مع وحده من خوات القاتل والحين اهل القاتل يطالبون بتخفيف الحكم

 

[جوويره]

السلام عليكم شلونكم شخباركم.. في سالفه قديمه شوي صارتلنا ومو رايحه عن مخي خل اقولها لكم.. مره كنا ساكنين بشقة بالصوابر وين بالدور السادس المهم كانت الساعه 12 بالليل توني انا وريلي رايحين الغرفه نبي انام وسكرنا الييتات نبي انام عقب تذكرت ان ولدي ماعطيته المضاد الحيوي لانه مريض كان معاه سخونه بوقتها المهم قمت بسرعه من الفراش وناديت ولدي بسرعه علشان الدوا
احنا كان مطبخنا مجابل البلكونه والبلكونه فيها باب جام كبير مسكر .. ولا هالبنت اللي طبت في بلكونتنا من فوق.. ولدي شافها نزلت عندنا وتخيلو احنا بالدور السادس.. وقامت تطق الباب الجام مال البلكونه بايدها الثنتين تبي احد يفجه لها ..كل هذا وانا ماادري عنها ماشفتها ..بعدين ياني ولدي وقالي تعالي شوفي في وحده طبت بالبلكونه من فوق قالي كاهي نزلت عندنا..عاد كان صغير بوقتها قلتله منو طبت؟ قالي المره (الحرمه)..اى مره؟ قالي تعالي مره شوفيهاطبت.. اى مره امبيه.. المهم خدامتى غرفتها قريبه من البلكونه سمعتها وقامت بسرعه.. خافت اول شي وبعدين قومي وفجيلها الباب.. ودشت البنت شقتنا امبببيه تخيلو المنظررر شي يخووف بصراحه ومو صغيره بالعشرينات او قريبه من الثلاثين شكلها ..ولا اسمع صوتها تقول وين ماما وين ماما تكلم خدامتى.. دشت علي ..قلتلها منو انتى؟ صج خرعتني قالت انا يايه زياره حق الشقه اللي فوقكم وطبيت عندكم من فوق.. قلتلها وبعدين شلون دخلتي عندنا؟ قالت خدامتج او ولدج شافوني وانا قلتلهم فتحو الباب وفتحولي باب البلكونه قلتلها شسالفتج انتى ماخفتى تطيحين من البلكونه ماخفتي تموتين وشلون تدشين علينا جذيه؟ بعدين سمع الصوت ريلي وسمع صيحه صايره بالصاله لان بعده مانام توه رايح فراشه مايمديه ينام .. المهم دش ريلي الصاله وشاف البنت قالها منو انتى وشلون دشيتي علينا؟ كانت مرتبكه وقالت انا يايه زياره حق صديقتى فوق عندكم بعمارتكم ودش اخوها علينا وقام يطقنا ويكفخ فينا وانا مالقيت حل الا اني انط من البلكونه وانتو الشقه اللي تحتنا على طول وطبيت لقيت نفسي عندكم .. شكلها جذابه.. بناتي الصغار قعدو خانت حيلي وشافوها وخافو ويبجون انا هديتهم وقلتلهم شفيكم ماكو شي يخوف.. عاد ناديت ريلي وساسرته علشان ماتسمعنا قلتله ناد الشرطه خل يشوفون شسالفتها قالي ريلي اذا ناديت الشرطه بهالليل ترا بننفضح جدام الناس وبيحطون العيب فينا قالي شرطه ماتدش بيتي بهالليل لاتحاولين. وقالها طلعي بسكات والله يستر عليج بعدين شفتها مو راضيه تطلع قلتلها شفيج انتى؟تبين شي انتى؟ يالله طلعي شتنطرين .. ولا تقولي لو سمحتى انا متحجبه وابي حجاب شكلها خايفه يمكن اهلها يسالونها وين حجابج المهم تبي حجاب وتبي نعال تكرمون لانها حافيه مع العلم ان اهيا لما طبت شقتنا شسوت قطت عباتها بالبلكونه اول شي وبعدين قطت جنطتها بعدين اهيا طبت علينا يعني عباتها بايدها موجوده ليش مالبستي عباتج وريلي دش علينا واهيا بدون حجاب ولا شي حاطه على راسها جان على الاقل لما شفتى ريلي جان لبستى العبايه وتغطيتي دامج متحجبه لكن شنقول .. المهم رحت طلعت حجاب من حجاباتي حقها.. وعطيتها شحاطه من اللي عندي وقلنا الله كفيل فيج.. وقالت طلبولي تكسي ماعندى سياره توديني ..والله حاله ابتلشنا فيها. ودقينا على واحد من التكاسي قلتلها نطريه تحت الحين اييج المهم فتحنا الباب وقلنا تفضلي طلعي. طلعت بره وقعدت دقيقتين الا يوم رجعت وقالت مايه التكسي قلتلها ما يمديه تونا داقين نطريه تحت اقولج ..كنت ابيها تطلع باي طريقه ردت نزلت تحت تنطره قلت فكه راحت والله بلوه
ولا يدق علي راعي التكسي يقولي يا اختى شلون تطلبون تكسي وبعدين ماترركبون فيه؟ قلتله ليش شنو صاير؟ قالي الاخت اللي تحت قالتلي مابي تكسي خلاص روح والحين لازم تدفعون لزوم الطلب دينارين ..وليييه شهالقصه اللي مو راضيه تخلص المهم انا عصبت بالتلفون وقلتله انا بدفعلك دينارين بس افتكك من هالمصيبه ..عطيت خدامتى دينارين قلت نزلي عطي التكسي خل نفتك .. بعدين رد دق التكسي علينا قالي خلاص اختى ركبت البنت التكسي رجعت لكم الدينارين وبسسسسس ولما الحين افكر في هالسالفه اللي صارت والحمدالله طلعلنا بيت وافتكينا من الشقه صج كرهناها من عقب ذيك السالفه

 

[مرت ريلي]

وااااااااااااااااييييي قاعدة أخاف صج !!!

 

[منوووووله]

ويييييييييييييه شهلمصايب الي اتيج ونتي قاعده بالبيت هاذي صايرلها شي جايد او كانت ب.... والله يستر وستر عليكم من هلاشكال ومنطقة الصوابر اتخرع انا مره رحت اهناك عند رفيجتي باقو رقم سيارتي ؟؟ من يومها ماطبيت اهناك ومرت ريلي لاتخافين بس خذي الحذر وقفلي بيبانج عدل

 

[توت عنكبوت]

سوالفكم حلوة وفيها عبرة لمن يعتبر مشكورين

كملو

 

[lolipops]

مشكورين على قصصكم الي تبجي و تضحك و تسلم ايدكم و ان كان في شي بنشارك ان شاءالله

 

[منوووووله]

تسلموووون ويعطيكم العافيه وناطرين قصصكم

 

[توت عنكبوت]

هذي سالفة وحدة اعرفها​

تزوجت العذراء المصون ومستانسة بالمعرس اللي ما عطاها وجه ولا فز فيها وكان ينتقدها من ليلة العرس وحملت منه وطاح الحمل لأسباب صحية ( الله مو كاتبه )
بعد ما طيحت قرر زوجها عدم الانجاب واذا عاجبج قعدي واذا مو عاجبج فارقي وقعدت وصبرت سنة ونص وآخرتها طردها بصريح العبارة ما ابيج وبطلقج

راحت لأهلها ما كو سبب الظاهر مجنون ما ندري الشك لعب براسها وقامت بس تسال عنه بكل مكان حتى بدوامه ليما تعرفت على السكرتيرة بدوامه وسالت عنه وقالت لها شنو صار بزواجها .امهم اكتشفت انه متزوج وحدة معاه كانت بالدوام وبالسر واهيا تنتمي لقبيلة ما يتزوجونها قبيلتهم طبعا هالحكي قبل ياخذ رفيجتي والأدهى والأمر من هذا كله اكتشفت بعد فترة ان الأثاث كله مو جديد للزوجة السرية وانه طلقها غصب عنه لأسباب قبلية.
تحطمت حرام يش جذيه يسوون ببنات الناس للعلم هي جميللة ولا ينقصها شي بي الحظ العاثر.
واجهته وطلبت منه هي الطلاق الحين او بالأصح عايرته بنسبه المخشوش واستحى على دمه وقام يطلب السماح وتعدل معاها ولا تطلقو

غريبة​

 

[توت عنكبوت]

القصة الثانية :

واحد نسونجي لعوب كل يوم مع وحدة .تعرف على ذيج الوحدة وهات يا غراميات بالتلفون وفترة طويلة محادثات وكل ما قال لها بشوفج قالت انطر شوي

وواعدته بطلعة خيالية من الصبح ليما الليل بس انطر شوي

ما تصدقون متى كان الموعد كان بيوم عرفات وطلعت معاه وراحو الشقة.

يقول النسونجي ان اللي ركبت معاها جميلة محتشمة واستغرب منها ليش اليوم بالذات المفروض نكون صيام قالت له يا طويل العمر اليوم هو اليوم الوحيد اللي أضمن ان زوجي ما يطيح علي لأنه بالحج؟

وراحو على السرير لفعل الفاحشة وبينما وهي عارية معاه دق زوجها عالنقال فترة الظهرية ومستانس انه بعرفات واللعوب متاثرة بكلامة وتقول له ادعي لي الله يهديني وهي عارية وتمثل الوعظ على الزوج والالتزام.

وسالها ليش ما ترد على تلفون البيت ادعت انها بغرفتها وتوها بتنام وقال التلفون البيت محد يرد قالت اعتقد العيال شلعو الفيشة.

المهم عادت لصاحبها اللي فتح حلجه من هول ما سمع شلون تطلب الهداية وهي عارية وتبي تزني الحين كش منها .

وحاول انه يكمل معاها للعلم كان بس مداعبات قبل اتصال الزوج حاول يكمل ما قدر
حاول وحاول ولا انتصاب قام حط الحرة بالمراة اللي معاه وطقها وطردها

مات عضوه الذكري ولا انتصب من ذاك اليوم لي اليوم هذا ولا تزوج الرجال
بالعكس التزم وترك السوالف عنه والحين لحيته شطولها.

بس ما تزوج لي هذا اليوم مع انه صار بالأربيعينات والله العالم.

نسوان

 

[منوووووله]

هذي سالفة وحدة اعرفها​

تزوجت العذراء المصون ومستانسة بالمعرس اللي ما عطاها وجه ولا فز فيها وكان ينتقدها من ليلة العرس وحملت منه وطاح الحمل لأسباب صحية ( الله مو كاتبه )
بعد ما طيحت قرر زوجها عدم الانجاب واذا عاجبج قعدي واذا مو عاجبج فارقي وقعدت وصبرت سنة ونص وآخرتها طردها بصريح العبارة ما ابيج وبطلقج

راحت لأهلها ما كو سبب الظاهر مجنون ما ندري الشك لعب براسها وقامت بس تسال عنه بكل مكان حتى بدوامه ليما تعرفت على السكرتيرة بدوامه وسالت عنه وقالت لها شنو صار بزواجها .امهم اكتشفت انه متزوج وحدة معاه كانت بالدوام وبالسر واهيا تنتمي لقبيلة ما يتزوجونها قبيلتهم طبعا هالحكي قبل ياخذ رفيجتي والأدهى والأمر من هذا كله اكتشفت بعد فترة ان الأثاث كله مو جديد للزوجة السرية وانه طلقها غصب عنه لأسباب قبلية.
تحطمت حرام يش جذيه يسوون ببنات الناس للعلم هي جميللة ولا ينقصها شي بي الحظ العاثر.
واجهته وطلبت منه هي الطلاق الحين او بالأصح عايرته بنسبه المخشوش واستحى على دمه وقام يطلب السماح وتعدل معاها ولا تطلقو

غريبة​

اي والله غريبه :eh_s(14):

 

[منوووووله]

القصة الثانية :

واحد نسونجي لعوب كل يوم مع وحدة .تعرف على ذيج الوحدة وهات يا غراميات بالتلفون وفترة طويلة محادثات وكل ما قال لها بشوفج قالت انطر شوي

وواعدته بطلعة خيالية من الصبح ليما الليل بس انطر شوي

ما تصدقون متى كان الموعد كان بيوم عرفات وطلعت معاه وراحو الشقة.

يقول النسونجي ان اللي ركبت معاها جميلة محتشمة واستغرب منها ليش اليوم بالذات المفروض نكون صيام قالت له يا طويل العمر اليوم هو اليوم الوحيد اللي أضمن ان زوجي ما يطيح علي لأنه بالحج؟

وراحو على السرير لفعل الفاحشة وبينما وهي عارية معاه دق زوجها عالنقال فترة الظهرية ومستانس انه بعرفات واللعوب متاثرة بكلامة وتقول له ادعي لي الله يهديني وهي عارية وتمثل الوعظ على الزوج والالتزام.

وسالها ليش ما ترد على تلفون البيت ادعت انها بغرفتها وتوها بتنام وقال التلفون البيت محد يرد قالت اعتقد العيال شلعو الفيشة.

المهم عادت لصاحبها اللي فتح حلجه من هول ما سمع شلون تطلب الهداية وهي عارية وتبي تزني الحين كش منها .

وحاول انه يكمل معاها للعلم كان بس مداعبات قبل اتصال الزوج حاول يكمل ما قدر
حاول وحاول ولا انتصاب قام حط الحرة بالمراة اللي معاه وطقها وطردها

مات عضوه الذكري ولا انتصب من ذاك اليوم لي اليوم هذا ولا تزوج الرجال
بالعكس التزم وترك السوالف عنه والحين لحيته شطولها.

بس ما تزوج لي هذا اليوم مع انه صار بالأربيعينات والله العالم.

نسوان

شهلمره هاذي استغفر الله لهدرجه ؟؟ لاحول الله

 

[ضوى العيون]

صج دنيا العجايب بس قصصكم ماتنمل

 

[منوووووله]

اي والله صرنا عايشين بعالم
الخيال كل شي جايز ماتعرفين الزين من الشين ؟؟

 

[الحب الخالد]

الموضوع وايد حلو وقصصكم قمة في الروعه

توت عنكبوت امبيه شنو هذا المستوى قمة القذاره والله قلبي عورني على زوجها
وشوفي سبحان الله الهداية صارت للريال مو لها
اعوذ بالله

 

[عهود الحب]

مشكورين خواتي عالقصص الواقعيه


كلها عبر ودروس

 

[منوووووله]

العفووو حبيباتي وناطرين مشاركاتكم

 

[سويتي الحلوه]

موضوع حلو
والقصص فيها وايد عبر


يسلمو علي الموضوع

 

[منوووووله]

الله يسلمج حبيبتي

يسلموووو عالردووود

 

[توت عنكبوت]

وينكم

 

[لانا]

يلا اندمجنا مع القصص كملواااااااا.....
اذا تذكرت قصه بكتبها....
مشكوره منووووله على الموضوع الحلو والشيق....