الادوات الواجب توافرها أثناء السفر مع الأطفال ...حياج فيدينا بخبرتج !!

[توووتة برية]

مرحبـــــــــــــا خواتي ...........

حبيت نستفيد من بعض بحكم خبراتنا بالحياه ...

كل وحدة تذكر شنو الشي المهم ونحتاجه للسفر مع عيالنا ... اتقولنا عنه

سواء بالطيارة أو أثناء السفر ..


انا بنتي عمرها سنتين و8شهور بحط لها جنطة صغيرة فيها الاشياء اللي اتحبها عشان اتسليها بالطيارة والمطار بحكم طول المسافة لما ماليزيا اللي حتى الكبير يمل مثل كراسة وألوان - Ipod يكون اغاني بارني وغيرها - الحلويات اللي اتحبها عشان اتشدينها انها تقعد وما اتأذيج


اما أثناء السفر : نبدي بالملابس مثل بيجامة النوم ولبس الطلعة ( انا عن نفسي بحط لها كله اقطان عشان ترتاح يعني بدال الجينز بحط ليغنز اريح لها بما ان راح انكون كله طالعين ) الملابس الداخلية والجواتي والمشط والفوطة والشباصات والبودر والكريم والشامبو والاهم تكرمون الحفاظات وأدوات الاظافر وكلينكس المعطر وكلينكس ديتول وايد مهم والعربانه ما نقدر نستغنا عنها :eh_s(6):


هذا اللي استحضره واللي عنها شي اضافي ياريت ما تبخل علينا بحيث نكون تذكرنا كل شي


شكــــــــــــــــــــــــرا

 

[Sunshine888]

لازم معاج أدوية لأا سمح الله, خافض حرارة , ميزان حرارة, واقي شمس , كريم تشميس , واذا راح تسبح وايد كريم بعد الشمس ..... وسلامتج

 

[توووتة برية]

صح نسينا الادوية نقطة مهمة ومشكورة أختي على هالمعلومة ....

 

[um 3li]

ايييييييييي والله اهم شي الأدوية

ان شاء الله ما عليهم الا العافيه بس هم الاحتياط واجب وانتي ما تعرفين ادويتهم هناك

اخذي ميزان الحرارة - ادول - ميبو - تحاميل الحرارة - دوا كحة بروسبان - محلول الخشم ماي البحر - دوا الترجيع موتيليوم - تحاميل الامساك لأن ساعات مع تغيير الجو اليهال يصير فيهم امساك
اخذي المغذي البودر عشان اذا لا سمح الله صار في اليهال اسهال
فيكس
تحاميل البلغم بروسبان

والأشياء الي قلتيها

بس حطيلها شي ثقيل حق مرتفعات جنتنج وحق الطيارة

وانا احب آخذ حق عيالي دي في دي صغير وآخذلهم السي ديات الي يحبونها الصراحه واااايد عملي و يلهي اليهال

اذا بنتج من النوع الي تحب تركض وتحوس اخذيلها من مذركير الحبل الي تقضبين فيه الياهل

اخذيلها طفاحات على الشخصية الي تحبها حق الصن واي لاجون

واذا تذكرت شي اقولج

 

[شيوم]

تقريبا قلتو كل شي الله يعطيكم العافيه انا زياده عليكم ولدي ما يستغني عن الدي اس ويحب النودلز اللي تكون بقواطي بس تصبين عليها ماي حار وجبه خفيفه

 

[توووتة برية]

هلا والله اختي ام علي .. حلوة المعلومة ناخذ شي ثقيل حق جنتغ لان الجو اشوي بارد

شيوم حبيبتي شاكرة مرورج ...

 

[& بنت أبومتعب&]

بسالكم حبوبات انا ان شاء الله مسافرة لماليزيا وعندي بنت عمرها 3 سنوات حركه الله يصلحها ومن النوع اللي يمل يعني بالسيارة تقعد تصيح ابي ارجع البيت فمابلكم بالطيارة وفكرت اخذ معي دي في دي بس هو يشتغل ع الشحن يعني كم ساعه ويطفي ولا بطاريات اقدر اغيرها تكفون افيدوني قبل مااروح اشتري

 

[توووتة برية]

هلا والله اختي بنت بو متعب

انتي نفس وضعي انا بعد بنتي اتمل عاد تبين الصراحة منو فينا مايمل 7ساعات حتى الكبير يتعب ويمل
انا باخذ لها دفتر تلوين مع الالوان ودي في دي وباخذ لها الايبود احط لها اغاني الاطفال اللي تحبها بحيث اذا ملت
من شي تلعب بالثاني طبعا مع الحلويات اللي تحبها .والله كريم .:blueSmCLR:

 

[0ام الحلا0]

الله يسهل ويوفق

 

[nafnaf.87]

:bbbiu:حبيباتي انا ان شالله بروح اخر الشهر وباخذ عيالي 4سنوات و3سنوات وصراحه حيييييل احاتي الطريج طويل 8ساعات وعيالي حيل ملولين يعني بسرعه يملون من اي شي والله هالموضوع شاغلني شنو اسوي طبعا ما اقدر اخليهم لانهم مشاغبين لابعد الدرجات:bbbiu:

 

[nafnaf.87]

حبيباتي انا ان شالله بروح اخر الشهر وباخذ عيالي 4سنوات و3سنوات وصراحه حيييييل احاتي الطريج طويل 8ساعات وعيالي حيل ملولين يعني بسرعه يملون من اي شي والله هالموضوع شاغلني شنو اسوي طبعا ما اقدر اخليهم لانهم مشاغبين لابعد الدرجات

 

[نور الدنييا]

الاهم انج تكونين مسهرتهم واحنا طيارتنا الساعه 1 بالليل احسن ينامون لو نص الوقت

 

[-مذهلهـ-]

تصدقين والله انا احاتي
اول مره اخذ ولدي معاي واخاف انسى شي له
وكل يوم اكتب شي وشكلي بروح مو ماخذه ولا شي خخخخخخخخخخخخخخخ
الادويه من مخفض حراراه الى اخره
عربة الاطفال
شامبو +صابون + فوطه
دي في دي
ملابس خفيفه وملابس ثقيله
بطانيه صغيره للعربه اذا نام لبى قلبه
شنطه صغيره لاغراضه للرحلات الخارجيه
بسكوت وعصير وكروسان وماي >>> حشا مهاجرين
ديتول ضرووووووري
وبس اذا تذكرت شي رجعت

 

[... May ))]

تقريبا قلتو كل شي الله يعطيكم العافيه انا زياده عليكم ولدي ما يستغني عن الدي اس ويحب النودلز اللي تكون بقواطي بس تصبين عليها ماي حار وجبه خفيفه

لا كل شي ولا النودلز شيوم ، ياهل حرام ياكل الاشياء هذي مو مفيدة كلش... خصوصا انه بطور نمو ، لو احنا ناكل هالسوالف تنبلع بس الياهل مو زين عليه ..
انا اشيل معاي دايمن يوم بنتي صغيرة ، توست مع عسل ، والتوست في ماليزيا حيل لذيذ غير نمونة لو تاكلينه بروحه يهبل ، مع عسل ، مربى ، جبن كرافت > جبن كرافت نادر تلاقينه في ماليزيا ، انا دايم اخذه معاي من الكويت خخخخخخ أساسي عندنا الجبن

:bbbiu:حبيباتي انا ان شالله بروح اخر الشهر وباخذ عيالي 4سنوات و3سنوات وصراحه حيييييل احاتي الطريج طويل 8ساعات وعيالي حيل ملولين يعني بسرعه يملون من اي شي والله هالموضوع شاغلني شنو اسوي طبعا ما اقدر اخليهم لانهم مشاغبين لابعد الدرجات:bbbiu:

أحسن شي تخيلنهم ما ينامون ، انا احرص ان بناتي ما ينامون تخيلي نطب ترانزيت دبي واتمشى معاهم بالسوق وهما دايخين بس ما اخليهم ينامون ابد ابد ،،، الى ان نركب الطيارة اللي رايحة كوالالمبور حياتي اللا اهما كلش ينامون على طوووول ومايحسون بشي ،،،

حبيباتي انا ان شالله بروح اخر الشهر وباخذ عيالي 4سنوات و3سنوات وصراحه حيييييل احاتي الطريج طويل 8ساعات وعيالي حيل ملولين يعني بسرعه يملون من اي شي والله هالموضوع شاغلني شنو اسوي طبعا ما اقدر اخليهم لانهم مشاغبين لابعد الدرجات

سهريهم:friends:
ونوما هنييئا لأطفالكم

 

[الحــــلوه]

رفع
رفع

 

[توووتة برية]

مرحباااا بنات


صج ان اليهال مزعجين بالسفر بس شنسوي ملزومين فيهم

ولما تكون الرحلة بالليل احسن يكون وقت نوم الطفل البيولوجي وتلاقينه تلقائي ينام على الاقل نص الر حلة اما لما تكون الرحلة بالنهار لا طبعا ما ينام ويأذي بعد ونصيحة بنات اللي لما الحين ما حجزوا وبياخذون عيالهم معاهم حجزوا الرحلة بالليل خصوصا للدول البعيدة .

 

[نم نم]

انا بعد باخذ ولدي الله يحفظه عمره 3 سنوات ... والله يستر من الطياره هم هو ملووووووول
بس انا حاسبة حسابي باخذ معاي الجيم بوي مالته مع البي اس بي علشان لا خلص شحن الاوله يلقي الثانية ههههههههههه
وباخذ الوان ودفاتر تلوين ... وبعد باخذ الdvd وبعد بروح بو 100 فلس وبلقط له كم لعبة صغيرة علشان يغير
واشوه ان طيارتي بالليل الساعه 12 فاغلب الوقت بيكون نايم الله يحفظه

اما بالنسبة للاغراض فاول شيء من ناحية الملابس ...
ملابس داخلية كاملة + ملابس قطنية خفيفة لان الجو رطب وحار نوعا ما + ملابس زينه علشان لا رحنا المطارات الداخلية او المولات + ملابس سباحة مع فوطها + دلاغات + كابات عن الحر + ملابس كم طويل مع جاكيت لجنتنج لان يقولون باردة شوي + جاكيت مطري ( نايلون شفاف عند ب 100 ) علشان عن المطر احسن من المظلة + الخيط الي احطة بايدة عند مذر كير علشان اخاف يركض وما الحق عليه خصوصا في الزحمة + جواتي ( كرمكم الله ) رياضي وصندل وزنوبة للسباحة + بيجامات للنوم وطبعا فوط للسبوح وللوجه + شرشف ووجه مخده >>> موسوسه

اما الاغراض الشخصية

حفاظات + كلينكسات مرطبة + سودا كريم + فازلين + كريم للجسم + شامبوا + صابون للجسم + فرشاة ومعجون للاسنان + مشط
+ عربانة اخاف يتعب من المشي
بالنسبة للادوية

باخذ معاي بندول + مقياس حراره + مضاد حيوي ( الي دايم اعطية اياه ) لان زوجي طالب طب ويعرف بهالسوالف + دوا الكحه + قطرة للعين والانف والاذن + كريم الحروق واللسعات + فيتامينات + شاش ولزاق جروح + الكمام وادويتة ( لان ولدي ساعات يتنك صدره )

هذي تقريبا اغلب الاغراض الي باخذها لولدي >>>> شبقه ههههههههههههههههههه

وان شالله نستفيد من بعض

 

[توووتة برية]

شاكرة مرورج اختي نم نم بس متى سفرتج لان نفس وقت سفرتي الساعه 12 بالليل واكيد على الكويتية
انا سفرتي 4/7

 

[نووووونا]

لايللى يحاتون اليهال بالطياره

حسب الطيران احنا كنا عالاماراتيه فيها اللعاب وشاشه يتسلون فيها غيمز وبلايستيشن واذا ملوا حطوا قناه كرتون

او ام خماس ومره يوزعون وجبه ومره يطفون الليتات المهم لا تحاتون الوقت بيمر ان شاءالله

اهم شى واقى الشمس حق حمام السباحه لا يحترقون من الحراره وياذونج , واخذى معاج بالجنطه شويه حلاو او علوج حق الطياره

عشان اذونهم وضغط الهواء , وكلينكس مرطب حق المطاعم ,

ورحله موفقه

 

[نم نم]

شاكرة مرورج اختي نم نم بس متى سفرتج لان نفس وقت سفرتي الساعه 12 بالليل واكيد على الكويتية
انا سفرتي 4/7

هلا والله
لا حبيبتي انا قبلج انا بتايخ 23 / 6 ان شالله وعلى الكويتية

ويالله الله يعينا ان شالله ....:weight_lift: