<<======اهلا بك في عالم كيرفز لرشاقه Curves======>>

[وردة النرجس]

والله بصراحة إختي انا مشتركة الي بالسالمية

وايد مرتاحة فيه

ولعبت بعد جم مره الي بدسكفري مول هم حليو

يعني شوفي إنتي وين الي أقربلج

وموفقه

ويلا عروسه اهم شي تشدين حيلج بالرياضة علشان الجسم يرجع سمبيتك من بعد الولادة

أو على الأقل حتى لوتاكلين وتخربطين تحرقينه وتحافظين على جسمج بالرياضة

 

[meen_ana]

انا مفكرة اشترك في ناادي كيرفس شراايكم بناات فيه خصووصا توني والده وماعندي وقت وهذا خووش شي ياخذ بس نص ساعه تقزر ومفكرة اروح فرع السالميه

 

[meen_ana]

انتي نفسي بالضبط هم قبل لا اتزوج كنت 48
واخر شي وصلت له 69
بس الحمد الله الحين صرت 59
مع اني من زمان مو رايحه النادي مسويه حادث
والحلو انه جسمي ما ترهل
كل ما ادش مكان يقولون لي جنج اول ما تزوجتي :dddds:احسن اني صرت ضعييييييفه ليش قطيت 10 كيلوات والحين بس باقي لي 4 كيلوات قمت البس ميديم اهم شي
احس الفرحه مش سيعاني هههههههههههههههههههه

شنو نوع الرجيم للي تستخدمينه يا حيااتي

 

[حبوبة 88]

والله انا توني داشه النادي وصارلي اسبوعين لما الحين مابين شي

 

[وردة النرجس]

اى حبيبتي مايبين الحين بعد شهر إنشالله راح يبين وتلاحظين فرق

بس أهم شي تخففين أكلج وايد

وإختي مين أنا زين تسوين خصوصا احنا الي عندنا يهال صغار ومانبي نخليهم وايد فوايد يساعدنا هذا

على الأقل احسن من لاشي تهدين نفسج جذي وموقاعده تتحركين

لا بالعكس أنا أشجعج

 

[شندوخه]

بنات بجم الاشتراك الشهري عندهم ؟؟

 

[وردة النرجس]

ماعندهم شهر أقل شي 3 شهور وتقريبا 112

 

[meen_ana]

والله حده يبيله ناادي بناات ابي اتشجع اسجل مكان في بنات اعرفهم

 

[جوجو.]

مشكوره دارين عالموضوع الروعه
طبعا اللي قالو وع واللي قالو حلو ترى يفرق من جس لي جسم سبحان الله في ناس تضعف وناس لا
أما عني آنا فودي أشترك بس
أدري بروحي يومين حدي وبعدها بس ابط بط واقعد بالبيت
ماينفع البيتوتيات
موفقين حبايبي

 

[جوجو.]

مشكوره دارين عالموضوع الروعه
طبعا اللي قالو وع واللي قالو حلو ترى يفرق من جسم لي جسم سبحان الله في ناس تضعف وناس لا
أما عني آنا فودي أشترك بس
أدري بروحي يومين حدي وبعدها بس ابط بط واقعد بالبيت
ماينفع البيتوتيات
موفقين حبايبي

 

[داريني]

لازم اشتراك ثلاث اشهر
بجرب شهر واذا عجبني بسجل سنه خخخخ راهيه
بس شالشرط الكريه اول ما فتح دقيت عليهم كان شهر ب 30 والحين غيرو نظاهم ليش؟

 

[ارتيكازا]

مرحبا ...

انا مشتركة بالنادي صارلي 3 اسابيع و الصراحة وايد حلو و فكرته حلوه حق الناس اللي ما عندهم وقت و ينسق الجسم و انا احس نفسي وايد خفيفة و ايعطونج اول شي اسبوع تجربه فري و بعدها اشتركت سنة اب 299 دينار ...

و انا ناوية اخلي هذا النادي روتيني اليومي و ما اقطعه عشان ما يرد جسمي , و ياخذون قياساتج اول ما تشتركين و بعدين عقب 25 مرا تيين ياخذون قياساج مرا ثانية ...

و بعدين برد على كل اللي قالو انه يلوع الجيد و صغير و قمته و ماكو حمام سباحة او مساج ابي اقولهم ان هذا النادي فكرته غير مو مثل النوادي الباجي و حق الناس المشغولة اللي ما عندها وقت و ياخذ من سن 18 و فوق و اهوه لو مو ناجح جان ما صار فرانشايز يعني وكالة ماخذينه و في منه بكل انحاء العالم و اقروا المقدمة اللي اكتبتها اختنا صاحبة الموضوع عنه ..

شكرا ...

 

[وردة النرجس]

انا أتفق مع كلام إختي

أتريكازا

وانا مثلج بعد ماأفكر أهد النادي علشان لا يرجع جسمي يخترب ويمتن مثل أول وبخليه من روتيني الإسبوعي خصوصا أني العب 3 مرات بالإسبوع

 

[tooti2]

السلام عليكم خواتي
للبيع قسيمه في صباح السالم شارع وسكه 3 أدوار للاستفسار اكثر عن السعر والتفاصيل يرجى الاتصال على 99914949

 

[وردة النرجس]

شسالفة هذا فاصل إعلاني ولا شنو بالضبط

 

[Glamour_85]

لوووول انا امس مشاركه بهالموضوع والحين ادور ما ألقاه
المم انا بنت خالي مشتركه اللي بالجابريه ومشالله افرقت وتمدحه بس تقول المدربات نفسيتهم مو حلوه
بس الحين راحت حق نادي من نفس الطقه هم موجود بالجابريه اسمه ( شيبس فور وومن ) واشتراكم 3 شهور 125 دينار
صاير بعمارة بفلوز كافيه اعلانه لونه سلفر بازرق وتقول واي حليوين المدربات ومجابلينج مجابل وشكلها صج فرق مشالله
منو مجرب كيرفز اللي بالجابريه وشيبس فور وومن اللي بالجابريه
وشولنهم منو احسن برايكم ودي اشترك بس محتاره

 

[q8tya 3asaal]

بنات منو احسن كيرفز الجابريه ولا الشعب ؟؟

 

[مشاعر أمرأه]

تسلمين عالموضوع

 

[وردة النرجس]

انا بصراحة ماجربت الجابريه

بس الشعب أشرح والسالمية هم حلو واهم شي المدربات بالعكس كلهم حلوين ومتعاونين وياج خصوصا أن كنت مشتركة يديدة فراح يكونون معاج خطوة بخطوة

والقدامي عارفين الشغل والنوع فمايحتاى يعني يكونون على راسج كل الوقت

 

[حبة خاله]

هلا والله بالجميع
آنا مشتركه بفرع دسكفري
من 17/10 وايد وايد وايد بعد وايد مرتاحه والحمدلله
وآنا مسويه رجيم والحمدلله نزلت وايد أحس بعد يبيلي سباحه أو أي رياضه ثانيه لأن الجسم الله لا يراوييج صار خرايط مو خريطه
بس والله وايد مرتاحه فيه مع العلم اني أروحله كل يوم يخلص دوامي وعلى طول أروح له ما أحس انه ياخذ من وقتي ولا شي لأن صار جزء من دوامي اليومي
وأنصحكم فيه
بس والله الي عندها وقت فراغ متقاعده مثلا أو ما عندها يهال بصراحه تروح نادي متكامل وايد أحسن