تجمع بنات البحرين إلي مسوين عمليات تجميل

[أنفاس البنفسج]

نملة معصبة

آبي أطرش لج رسالة بس صندوقج فل رسايل

ما عليه تحذفين وحده عشان أطرش لج ؟

 

[دلع_البحرين]

انفاس برسل لج عالخاص رساله

 

[~ عز ~]

السلام عليكم


احم

 

[mabahrain]

هاااااااااااااي بنات شلونكم
بنات في أحد يعرف العضوة هلا بحرين
اهيه كانت عمليتها يوم الخميس بس للحين ما بينت :-(

 

[نمله معصبه]

انفاس
فضيت لج مساحه حبيبتي..,,

 

[دلع_البحرين]

هـــلا والله عـــز حيااج


ما بحرين اي والله شكلها سوت العمليه ننتظرها الله يقومها بالسلامه يااارب

 

[كلي تواضع]

السلام عليكمـ

شلونكم بناات وشخباركم ؟

في دكتور هندي نسيت اسمه ف السلمانيه حق تجميل يسوي شد والخ ؟

بنات ذكروني في اسمه نسيته وهل اهوه زين ولا لا

واذا في دكتور زين حق شد الجسم كامل في من تنصحوني ؟؟

شكرااااااااااااااااااااا

 

[mabahrain]

السلام عليكمـ

شلونكم بناات وشخباركم ؟

في دكتور هندي نسيت اسمه ف السلمانيه حق تجميل يسوي شد والخ ؟

بنات ذكروني في اسمه نسيته وهل اهوه زين ولا لا

واذا في دكتور زين حق شد الجسم كامل في من تنصحوني ؟؟

شكرااااااااااااااااااااا[/quo

عليكم السلام
حبيبتي يمكن تقصدين دكتور جانج بس اهوه طلع من السلمانية و ألحين راح ابن النفيس بس ماعرف اذا زين في الشد أولا بس دلع البحرين مسوية عندة تجميل أنف.

بس انا انصحج روحي حق دكتور ريكاردو في مستشفى نور التخصصي ترا وايد شاطر و ( هلا بحرين ) مسوية عنده شد الزنود يوم الخميس اللي فات و صديقتي بكرة عمليتها حق شد البطن بعد عند نفس الدكتور روحي له حبيبتي استشارة و خله يراويج صور اذا شفتي شغلة بتحسين ان الدكاترة اللي عندنا كلهم خرطي

 

[جمولة مزيونة]

mabahraim شدعوة عاد طنشتي اسئلتي و لا جاوبتي !!

ابي اعرف قولي لي

 

[maya2009]

mabahrain
ريونه المزيونه
دلع البحرين
نمله معصبه
مشكورين خواتي على تواصلكم معاي وعلى نصائحكم الثمينه لا خلا ولا عدم الله يجعلها في ميزان حسناتكم وان شاءالله نفيد بعض ونفيد غيرنا بتجاربنا وهذا بس من طيب قلبكم واصلكم

 

[maya2009]

دكاتره بحرنيين زينين هذا يسمونه واحد في المليون ما انصح فيهم كلش ما فلحوا في شي الا بالصدفه والشانس وفيما نذر يقولون عط الخباز لخبزه لحد يجازف في جماله على ايدهم ومن غير ذكر اسماء ما في دكاتره بحرينين فالحين في التجميل بالمره

 

[~ عز ~]

اي والله صدقتي يامايا

اهم خلهم يفلحون يشخصون الانفلونزا عدل قبل عقب يفكرون في جراحة التجميل

 

[جمولة مزيونة]

صراحة عيب عليكم تقولون جذي عن الاطباء في البحرين

ما قريتوا الجرايد امس شصاير ؟؟

واحد مبتورة ذراعة بالكامل في حادث موتر سيكل فريق طبي كامل في مستشفى السلمانية رجعوها له

كان في العملية : استشاري جراحة العظام والكسور بمجمع السلمانية الطبي محمد بقالي استشاري جراحة الاوعية الدموية صادق عبدالله و اختصاصي جراحة التجميل عقيل حسن و فريق من اطباء جراحة العظام و طبيب التخدير سالم حسن

اللي انقذوا حياة هالشاب و رجعوا له يده المبتورة في عملية تعد من اصعب العمليات في العالم و اكثرها تعقيدا لانها عبارة عن اعادة جزء مبتور بصورة بليغة لان الجرح يكون غير منتظم و كثير من الاجزاء مهشمة فصعب اعادة وصلها

و الدكتور نايف من قبل مسوي ثلاث عمليات اعادة زرع اعضاء مبتورة و كلها نجحت و هذي اظن عمليات اصع و معقدة اكثر بوايد و لا تتقارن بعمليات الشفط و النفخ مالتكم اللي خايفين منها

يعني عيب صراحة هالناس اللي تتعب و تشقى و تكرف ليل نهار و يبون شكر و تقدير منكم و انتوا تتحلطمون و تذمون فيهم !!!

بس انتوا لان فكركم محدود بمسلسلات التلفزيون و الافلام و عندكم الاجانب يعني التوب و العرب خايبين و مافي ثقة باطباء الديرة مع ان مشهود لهم في الكفاءة في كل مكان

و يا عمري مافي طبيب يشتغل في البحرين الا و عنده زمالة من جامعات عالمية يعني موثقه كفائته ان بمستوى غيره من الاطباء العالميين

هذا الاوادم يروحون علاج تايلند و غيره و يرجعون مسدحين على ظهورهم ميتين و السبب مافي ثقة و لو تموا في البحرين و تعالجوا كانوا صاروا احسن و ما خسروا حياتهم

انتوا بتصيرون احسن من الملك حمد !!! اكاهو ما يسافر الا معاه الدكتور حسام طبيب بحريني في المستشفى العسكري و هو طبيب الملك الخاص و دكتورة الثاني طارق حميد !!

ليش ما قال مثلكم مابي دكاترة بحرينين بس اهوا مخة اكبر من هالتفاهات و التخريف الي لازم دكتوري اسمه جون و لا ستيف عشان اوثق فيه

شهالتفكير !! هذا حد تفكيركم !!

انتوا لو تعرفون شيصير في المستشفيات كنتوا ما قلتوا هالكلام اللي بلا معنى

الله يهيدكم بس

و تحية شكر و تقدير لكل اطباء البحرين اللي شرفونا و اللي مشهود لهم بالكفاءة و التفوق

 

[دلووعة بابا]

بنات ترى السعر يختلف من شخص لشخص جميله انتي من صجج لو بتروح له وحده وزنها 90 بيشفط لها ب 350 مستحيييييييل انا دكتور جانج مع ان بطني صغير ومايحتاج شفط قال لي 800 دينار وانا ادري ان جانج غالي عالعموم اهو مب كل دكتور يضبط عملياته واكبر دليل خشمي سويته عند دكتور جانج وعجبتني النتيجه الحمد لله وانا توني شهر والعضوه اللي معانه مايا سوته عند مثل الدكتور ماخف خشمها وتبي تعيد العمليه ثاني شي دكتور ريكاردو انا شفت صور عملياته ايهبلوووون وشغله مرتب مرتب ولو بسوي شفط لبطني مابفكر الا ارووح له لاني ماحب شغل البحرينيين احس شغلهم مب نظيف وفي عضوه ويانه ورتني صور بطنها مسويته عند الدكتور عبد الشهيد فضل مع ان الكل يمدح فيه وانا اول وحده لاني شفت وحده مسويه عنده سواها غزال لكن هالعضوه يوم ورتني الصور كسرت خاطري لانه الخياط مب مرتب وحرام غالي على الفاضي


غرووور آيه عليج لو على خاطري حطيته بالمنتدى بس احس بنعرف وشغلي فضيحه خخخخ بس وريته جم وحده ويانه بالمنتدى والحمد لله عجبهم نموووله معصبه شافته وما بحرين وانشاء الله ادعي لي بس يصير احلى واحلى

دلع _ انا بعد بشووووف تكفييييييييييييييييييييين :eh_s(16):
انا صارلي سنتين ادور دكتور يعجبني شغله وكل ما استقريت على دكتور القى احد يذمة
من جذي لما اشوف بعيني احسن بوايد واقدر اقرر .. ما تدرين شكثر راح تساعديني
واذا خايفة احد يعرفج فديتج غطي ويهج وطلعي بس خشمج مثل البنات الي حاطين صورهم ومستحيل احد راح يعرفج
على العموم انتي براحتج اذا وريتينا راح تساعديني وتساعدين غيري وااااايد واذا لا هم يسلم راسج وما قصرتي حبيبتي

 

[mabahrain]

mabahraim شدعوة عاد طنشتي اسئلتي و لا جاوبتي !!

ابي اعرف قولي لي

بالنسبة لتقسيم العمليات انتي فهمتي قصدي

و الشي اليديد اللي وايد ضحكني ان صديقتي راحت تبي شد بطن و قالها العملية بتاخذ خمس ساعات و اهيه سوتها أمس عند الدكتور ريكاردو في ساعتين هههههههه و اليوم رحت شفتها في المستشفى بطنها اينن و لما بدلو لها الدريسينغ اللي على الجرح شفت الخياطة ناعمة و مرتبة.
شفتي الفرق!!!!!!! و عرفتي ليش نفضل الدكتور الأجنبي على الدكتور البحريني خاصة في مجال التجميل سواء كان تنفيخ و لا تصغير و لا شد ترا كل هذي الاشياء يبيلها فن و خبرة و ذكاء يعني مو شي سهل و الوحدة مو المفروض تقط روحه عند أي دكتور

 

[mabahrain]

mabahraim شدعوة عاد طنشتي اسئلتي و لا جاوبتي !!

ابي اعرف قولي لي

بالنسبة لتقسيم العمليات انتي فهمتي قصدي

و الشي اليديد اللي وايد ضحكني ان صديقتي راحت تبي شد بطن و قالها العملية بتاخذ خمس ساعات و اهيه سوتها أمس عند الدكتور ريكاردو في ساعتين هههههههه و اليوم رحت شفتها في المستشفى بطنها اينن و لما بدلو لها الدريسينغ اللي على الجرح شفت الخياطة ناعمة و مرتبة.
شفتي الفرق!!!!!!! و عرفتي ليش نفضل الدكتور الأجنبي على الدكتور البحريني خاصة في مجال التجميل سواء كان تنفيخ و لا تصغير و لا شد ترا كل هذي الاشياء يبيلها فن و خبرة و ذكاء يعني مو شي سهل و الوحدة مو المفروض تقط روحه عند أي دكتور

 

[صعبة المنال]

بنات في احد سوى تكبير صدر فالبحرين

او تعرفون احد مسوي

ابي اعرف الاسعار ومن الدكتورة

انا سمعت عن عبير الكبيسي شرايكم؟؟

 

[جمولة مزيونة]

ام صديقة صديقتج متى سوت العملية ؟؟ و الحين شلونها صارت زينة و لا للحين تعبانة ؟؟ و شنهو اللي صار لها بالضبط مضاعفات و لا التهاب و لا شنو ؟؟

بالنسبة لكم لتر انا متاكدة مليون بالمية ان هالكلام مو صحيح و الدكتور يشيل بالسبعة لتر على فكره مو مصدقة روحي المستشفى العسكري و طالعي الفايلات

يقسم الشغل ؟؟ ما فهمت هالنقطة ممكن تفسرينها لي ,, اللي اعرفه يسوي شد و شفط مع بعض شلون يعني يقسم اذا حالة المريضة تستدعي اكيد بيقسم !!

الدكتورة عبير شنهو سوت حق رفيجتج ؟

مشكورة فديتج

mabahrain

فديتج انا هذي كانت اسئلتي ما جاوبتيها !!!

ما شاء الله ريكاردو يسوي العملية في اقل من الوقت القياسي العالمي !! في العالم عملية شد و شفط تاخذ بين 3 الى 6 ساعات و خصوصا ان الدكتور نايف يسوي شفط حق الخواصر و بعدين يشد عشان ينحت الجسم

ترى بقولج الدكتور و غيره من الدكاترة البحرينين عندهم مرضى وايد و الحمد لله محد مات و لا صادته عاهه

دكتور ريكاردو يسوي كل شي في ساعتين !! ما شاء الله !! ترى يجوز لكن في التجميل اهم شي الواحد يكون متأني و يسوي كل شي على سعه عشان ما يغلط

يبي لي زياره لهالدكتور اشوف طريقة شغله صراحة شوقتيني !! وين يسوي عملياته بعد في مستشفى النور ؟؟ افكر اروح احظر وحدة من العمليات خاطري اشوف شلون يشتغل

 

[دلع_البحرين]

اميه جميله اشفيج مب راضيه على دكتور لووري ترى سألت عنه طلع صج بغى يذبح وحده مو اشاعه على فكره ريكاردو مو مجامله بس من رحت له وشفت نتايج عملياته صج فنان ينحت الجسم


نصــــــــيحه رووحي شوفي شغله عشان تعرفين الفرق بين عمليات الدكاتره البحرينيين والاجانب واكبر دليل غزوه آيه عليها مسكينه لو تشوفون اشصار لها من الدكتور البحريني شوه بطنها مسكينه مع انها مب متينه ولا شي جسمها حلو وعندي بطنها قبل العمليه اهون بوايد



up up up

 

[غرور بحرينيه]

سلام عليكم


اشفيكم بنات راح تنقلب حرب بين مؤيد ومعارض شكلها ههههههههههههه


كل واحد ورايه والاراء لاتفسد بالود قضيه <<<<< اشعندها


المهم الدكتاره بكل انحاء العالم فيهم الشين والزين بس دكاترة العرب شينهم اكثر من زينهم وانا جربت افضل دكتور تقويم بالبحرين وطلعت النتيجه كلش مو راضيه عنها هذا غير خرب لي اللثه وخلاني الحين سنتين وانا اتعالج عنها والموضوع مطول


يعني اخت جميله النقاش مايجي بهالطريقه اذا انتي مجربه دكتور وطلع شاطر مومعناتها كل الباقي شطار والحق يقال صج دكاترتنا دارسين وعندهم تصديق من برا بس للاسف ماقاعديين نشوف شي يرضينا

الوالده تعاني من فتحه بالمعده وراحت عن اكبر الدكاتره الموجودين وكل شخص يقولها حجي غير عن الثاني لين اخرها واحد قالها يمكن ينتج عن هالفتحه اللي فيج مرض السرطان الله يبعده عنا وعنكم بالله هذا شي ينقال ولمن راحت لدكتور ثاني قالها ماله داعي هالحجي اصلا


المهم


<<<تبعد شوي عن جو الدكاتره وتقولكم قصه ثانيه

اختي لمن عرفت اني بسوي شفط بالليزر او بتنقية زيرونا بما نه جسمي مو وايد متين بس تكتل في الافخاذ الله لايبلانا صايره كبيره متينه والبطن شوي طالع لبرا قالت لي انه اخت صديقتها سوت وتغير جسمها بس 1 سنتيم من البطن

اهني احبطتني شوي بعمري ففكرت اسالكم نحت الجسم اهو نفسه شفط الجسم ولا غير

واذا ابي اسوي بس حاليا الفخوذ شفط اقدر اسويها بمخدر موضعي واطلع بنفس اليوم ولا شلون