كتبت بيدك النهايه ... ورجعت بيدت باحلى بدايه قصه واقعيه مثل ماوعدتكم

[القطانيه]

احمد : يلا يباا فكري وانطرج باجر اقوول ان كشتي افجر فريجكم والله

نور: اووكي انشاءالله

واستخارت نوور يومها وبفضل الله قامت مرتااحه ومستانسه لله الحمد والمنه

دزت مسج حق احمد

المسج من نور: احمد انا موافقه

رد احمد بالمسج: على شنو اخاف دقه ماينعرفلج انتي

نور: اها نسيييت امممم

احمد: يبااا اخاف مو الموضوع الي بالي

نور: انا موافقه على الزواج

احمد: حلفي نور انا بعد سااعه ارد البيت واكلم الوالده بس يخلص الدوام رااد طيراان

نور: على خير

ووصل احمد البيت وعلى طوول تغدا وكلم امه

احمد: يماا تعالي ابييج بموضووع

ام احمد: هلا يماا امر

احمد: يما نويت اتزوج

ام احمد : يلا خووش خبر خلاص اقول حق خواتك يدوروولك

احمد: لا يماا انا اعرفهاا

ام احمد: احمد شنو تعرفها ماتخاف على خواتك

احمد: يما لا تروحين بذاك الراي لا يبا اقصد من الاهل

ام احمد: على خير منو ؟

احمد : نور .......

ام احمد : نوووور ماغيرها بنت شيخه

احمد: ايي يما مبين عليها خوش بنت

ام احمد: ايي يما ونعم فييها مافيها قصوور بس نور ارمله

احمد: ويعني يماا كفرت

ام احمد: لا يماا اخوك تزوج وتسهل امره من 15 سنه وانت فرحتي الثانيه بعد 3 بنات وخواتك نزوجو يعني انت ودي ازوجك بنت وافرح فيك

احمد: يمااا نور مالها ذنب ترى بلي صاار

ام احمد: ادري يماا خواتك كل وحده ابيت ريلها وماندري شنو يصير لهم ومايصيرلهم انا ما الووم البنت بس مو رااضيه انا على هذا الزوااج

احمد: اقول يماا انا ابي البنت

ام احمد: وانا مو راضيه تبي ندورلك غييرها بس شفتها حلوه وخلالاص ماتفكر انا بفرح فييك

وتم احمد يفكر وكل شوي تييله وحده من خواته تكلمه واهو مو قادر يقول حق نوور تعلقو ابعض مثل اول واكثر بس شنو الفايده من غير نصيب ولا امل واحد

واحمد مو عارف شلون يقوول حق نور الموضووع ولا قادر يفهم امه الوضع الان مثل ماقلت لكم الجب قبل الزواج مرفوووض عن اهل احمد وماحب يدخل نور بصووره مو حلوه على اهله بس نكمل الاحداث ونشووف شنو صاار

احمد: الووو حبي

نور: هلا هلا

احمد: عندي لج خبر خااايس

نور: الله يستر ,,,شنو

احمد: عندي دوره سنه بره الكويت

نور:ليش خايس ... هذا مستقبلك حبيبي وميخالف احنا مو قلنا بنتزوج اروح معااك شرايك مو جذي تكون الدوره حلوه

احمد: لالالالا مايصير

نور: احمد اشفييك.. ليش عصبت من قلت لك بيي معاك ..انا خبري الي يحب شخص بس يبييه حواليينه انت شفييك

احمد: لا بس اهناك طول النهار انا بره اخاف علييج بروحج

نور: احمد لا تقول جذي .. في شي صدقني

احمد : لا يبااا ماافي شي بس الدوره كدرت خاطري

واحمد كان يجذب على نور علشان يتاجل موضووع الزواج برفض امه وتم شهر واهو يحاول يقنعهاا واحمد مايبي يدخل احد من بره بيتهم علشا لحد يوصل الكلام حق نوور مر شهرين بضبط واخيييييراا وافقت ام احمد

ام احمد: احمد يمااا
احمد: هلا

ام احمد: انت يعني من صجك تبي البنت

احمد: يما ليش تحسسيني انه نور كفرت؟؟

ام احمد: يماا والله مو هذا الي ابالي بس اخاف انت ماخذه قلبك ليش حلوه تاالي تقول يريت ويريت ليش ماتنطر شوي لين ترتفع بعد رتبه

احمد: ههههه يماا انا ترى رياال ماني يااهل ؟؟ وبعين لي متى انطر لين اصير عميد
ام احمد: يارب اشووفك عميد يا يمه

احمد: لا يباا الزعييم وقطع

ام احمد: يكرهك شدخل الكره الحين

احمد: من شفتها لابسه اخضر وانا صرت عربااوي هههههههههه

ام احمد : مادري من وين تييب الحجي انت عياار

احمد: ها يمااا يلا يبااا خلصيينااا قولي مبرووك والله يمااا مالاقي مثل نور

ام احمد: باجر المغرب ادق عليهم انا

احمد: ليش مو اليوم

ام احمد: باجر يما احسن اليوم بقوول حق خواتك وابوك واخوك

احمد: خووش ,,, انا عندي لعب بعدين بروح الدوانيه

واحمد طاار من الفرحه بس قال بسوي دقه بنوور

احمد: الووو

نور: هلا حبي

احمد:نور ما بيني وبينج نصييب

نور: نعم

احمد: نعامه ,, اقصد ايي خلاص انسييني

نور: انت ماتخااف الله؟ ماعندك اهل ؟

احمد: الحمد الله اخاف الله .. واهلي موجودين بالبيت

نور: انت تستعبط انا الغلطانه ليش وثقت فييك ولا انت ماتسوى بييره
وصكت التليفون بوي احمد!!!!!!!!!!!!!!!
واحمد مات من الضحك عليها


احمد: هههههههههههه تقوول بييزه هههههههههه انتي وين وهل حجي وين يا البسكوته يحلاتهاا بااجر نشوف شنو بتقوول

وصار اليوم الثااني ونور طول اليوم واهي تبجي على حظها وبختهااا وعلى الي سوااه احمد معاهااا


ام احمد: الوو السلام علييكم ,,, من يتكلم

دلال اخت نور العوده: هلا والله هلا خاالتي معاج دلال

ام احمد: هلا حبيبتي شلونج شخبارج شلون اعييلج

دلال: بخير عسااج بخير

ام احمد: يما وين امج بغييتها شوي

دلال: على خير انشاءالله خالتي الحين انادييها لج

ام احمد: يلا يماا انطرهاا

ام نوور: هلا والله هلا بالغاليه

ام احمد: يااقلبي هلا فييج شلونكم شخبارج

ام نور: بخيير ياا عساج بخيير انتو شلونكم وابووكم شلونه والعيال بشري عنكم

ام احمد:ابد يختي بخيير ... والله يا اخيتي انا يايتج بموضووع واحنا من عمر خوات

ام نور: امرييني يا الغاليه احنا خوات افا علييج

ام احمد:والله انا داقه اطلب نوور حق احمد ولييدي

ام نور : والله لو اهي ذبيحه ماعشتج لو علي والله اييبها لكم بثياابها .. بس انتي عرفه الظرووف لازم اشووف البنت بعد الان يوخيتي من صار الي صاار واهي رافضه الزواج خير شر

ام احمد: حقهاا يماا سالييها وعطييني خبر

ام نور : على خير انشاءالله


ام نور : دلوول المرا داقه تخطب اختج حق احمد ولدهااا

دلال: أي يما خير ياطيير ,,, تبين اكلم نورو

ام نور :لالا انا اكلمها بعد شوي

وصار الليل ونور لي الحين بدارهااا!!!!

ونور وصلها مسج من احمد يقول فييه: يا الزعييييييييييييييييييييم يا الزعييييييييييييييييييم

احمد على باله انه نور درت ومثقبه الخااطر علييه وكل عاده نور احقرت احمد

ام نور : نورر يما بطلي البااب

نور : هلا يماااا

ام نور :شفييج يمااا ليش تبجيين

نور: لا يما متملله من ضغط الدوام والروتيين

ام نور: يلا في خبر حلوو ويارب يفرحج

نور: يارب عسااه خير قولي يمه

ام نور: يايينج خطاطييب

نور: ويييييه يما وشنو اليدييد
ام نور : يما لي متى يعني وانتي رافضه حتى ماتسالين منو ولا شنو يشتغل

نور : منو يعني خاطبني شييخ ولا وزيير

ام نور : لالالاهههههه ضاابط قد الدنياا

نور : ضاابط منو هذاا

ام نور : احمد ماغيره الي رحنا تخرجه الطويل المملوح

نور: ههههههههههههههه اهم شي طويل هههههههه

ام نور : أي والله امها توه دااقه شقولهم

نور: ادري يماا نطري افكر

ام نور: يعني اسمي التفكير بداية خير ؟

نور : الله كريم يمه

ودش نور داارها وتاخذ التليفون ودق على احمد واهو ميت من الضحك وتردهاا له

نور: على شنو تضحك يماا

احمد: علييج يا الفلم

نور: محد الفلم غيرك والله ,,,, اقووول انا ماا ابي اتزوج وشيل الفكره من رااسك وانا الحين بكسر الخط مالي علشان افتك منك باااي

احمد: نوور نوور شيفيييج ,,, يباا حبيت اسويها لج حركه يعني شفييج كبرتييها

نور: انا مو لعبه عندك ولا مشااعري لعبه

احمد: لا يبا محد قال جذي بس

نور: بس شنوووو تسلى وبس انت
على العمووم يلا بااي ما عندي وقت اسولف فييه مع احد باااي

وقعد بهمه احمد يوميين ويدز مسجات حق نوور ويدق كله الجهااز مغلق!!!
فقد الامل خلاص


ام نور:الووو السلام علييكم

ام احمد: هلا بالغاليه

ام نور : هلا فييج يا قلبي شخبااركم

ام احمد: بخيير ياا قلبي انتو شلوونكم

ام نور: بخيير الحمد الله

ام احمد:من طول الغيباات

ام نور: يااب الغناايم افا علييج هههههههه بشري الحمد الله ابونا موافق وبنيتنا بعد

ام احمد: الحمد الله يااارب نشووف يوم ويون الرياييل لكم بذن الله

ام نور: حيااكم الله يا قلبي البييت بيتكم

وتمت الخطبه ولي اليوم نور صاكه الجهااز عن احمد

وتم تحديد الملجه والعرس بيوم واحد وكانت نور مثل القمر نعوومه وعاشت نور واحمد احلى عيشه وتجدد الحب معاهم ويابت عمر وغاليه وشيخه الله يخلييهم لها يارب

وسامحووني بنااات حاولت اختصر الان القرار اليديد بالمنتدى يطلب هذا الشي سامحوونا على الاقصووور واتمنى ان القصه اعجبتكم

وادعولهم بتوفييق وادعوولي براحة الباال

واوعدكم بقصص جدييده وحقيقيه ​

 

[ChocoLaTe Pie]

حتى لو القوانين تبي اختصاار ,, بس مو ليه هـ الدرجه عاد والله القصه حلوه بس انتي ظلمتييها بهـ الاختصاار !

عـ العمووم ثانكيوو حبي

 

[القطانيه]

حتى لو القوانين تبي اختصاار ,, بس مو ليه هـ الدرجه عاد والله القصه حلوه بس انتي ظلمتييها بهـ الاختصاار !

عـ العمووم ثانكيوو حبي

موبيدي حبيبتي ولا تنحذف القصه كلها وحرام في بنات يبون يعرفون النهاايه :krkrkr: على العموم سامحوني على القصوور لو بيدي اسويها مثل القصه الاولى كل يوم بيومه بس :denya:

 

[Tom ♥ Jerry]

..


يعطيج العافيه حبيبتي عالقصــه =) ..

و بآنتظآر اليديد .. :**

 

[فراشة هجر]

يعطيك العافية قلبي على القصة
وننتظر قصة جديدة

 

[&اسرار العشق&]

اهلين وسهلين وبوستين عالخدين
اقول المنتدى منور اليوم شلونج مريووم وبشرى سارو ماولدت؟ وانا كنت محرمه ادخل هالقسم صار بايخ بس القصه منوره
وتسلميييين عالقصه تهبل حلووه واسلوبج روعه بس حرام اختصرتيها وااايد يسلمووو عسولتى

 

[عاشقة^زوجها]

وااااي ونااااااااااااااااااااااااااااااااااااااااسه يارب يارب يارب الله يوفقهم ويسخر احمد لها ويحبون بعض طوووووووووووووووووول العمر ياااااااااااااااااااااااااااااارب ويخلي لهم عيالهم ياااارب


والله يرحم عبدالله ويغفر له يارب ويسكنه فسيح جناته ياربي يا كريم


ومشكووره اختي الغاليه عالقصه ولا تحرمينا من ابداعاتج .. سلمت يمناك لوول ;q~

 

[The purple]

قطون ترا انا رديت امس بس شسمه مادري وين راح

قطووونه شلونج ؟ miss u !!

القصه جميله يا حلوه ~

ونور زين سوت فيه بآخر شي .,

الله يتمم عليهم .,

 

[MeeMeeYoo_2]

عجيييبه

يسلمووو

 

[توتا كويتيه]

مشكورررررررره حبوبه خوش قصه

 

[القطانيه]

تسلمون ياااقلبي وسامحوووووووووووني اختصرت وايد بس المضمون موجوووووووووود فديتكم يااقلبي

 

[sweety_love2]

تينن القصه والله عجييييييييييييييييييبه بس حدها قصييييييييييييييييييييييره
بس احسن جذي يا القطانيه عشان ما تنحرق اعصابنا و يرتفع ضغطنا
ومشكووووره يا الغاليه

 

[sweety_love2]

مشكووووووره يا القطانيه تينن القصه

 

[so_what]

يسلمووو على القصه تييين ، بس انظلمت لان اختصرتيها ، يلا ماعليه المهم ان القصه منج

 

[القطانيه]

فديتكم ماقصرتو بس قمت احس بذنب ليش اختصرتها

 

[سارونه87]

يحلوهم
الله يهنيهم ويوفقهم يارب


مشكورة فديتج عالقصه السنعه مثلج
يلا متى دور قصتي

 

[MISS.D&G]

مشكووووووووورة القصة حلوة بس واااااايد قصيرة

 

[بيـــشو17]

الله يوفقهم يارب ويسعدهم ويخليلهم عيالهم يااااارب:dddds:
ويعطيج الف عافيه حبيبتي القطانيه ومشاء الله عليج دايما مبدعه بقصصج الروعه والله يريح بالج يارب ويسعدج:33_1185028183::blueSmCLR:
وناطرين القصه الثالثه بأذن الله:aha::balo::wqedqw:

 

[يــ عذآبيئ ــآ]

واااااااااااااااااااااااي القصه تينن .. صج انه فيها آلآم بالبدايه .. بس نهايتها تينن وعجيبه
الله يخليهم لبعض و ويوفقهم يارب ويسعدهم بـ بعض .. :ggdw:

مشكووووووره حبيبتي عالقصه

 

[*احلام*الدجى*]

القصه حلوه واسلوبج احلى بس والله حرام تستاهل اكثر من ثلاث صفحات

ما عليه ننطر يديدج يالغاليه

ومشكوره ^_*