DallY ReferencE

[DALLY]

عساج عالقوة ))))

يقويج ربي حبي

 

[DALLY]

مشكوووووووووره ربي يسعدش ويعطيش الي تتمنينه ويرزقش ويرزقني بزوج يشبه (فرناندو كولونجا)....> اخ يا قلبي ومنتظرين منش خطوات ميك اب حليمه بولند0000

بعد قلبي والله

العفو هلا فيج وهلا باهل عمان كلهم


اميييين الله يسمع منج حبوبه ههههه مو شرط فرناندو

ميك اب حليمه راح يكون تطبيق مو تعليم ولا شرح لخطوات

وان شاء الله باجر اذا عيوني خفت لان صادتني حساسيه فيها

وواصلي معانا....

 

[DALLY]

دالي متى تنزلين البارت اليديد؟


ابي اشوووفه قبل عرسي!



<<< طراره والتشرط لووووووووووووول

حبي باجر بضغط على نفسي وبسوي على عيوني اليمين لان اليسار متحسسه

وعشان عرسج والله انا قلت لازم اخلص البارت هذا

والبارت اليديد راح ابلش فيه من تخلصين من شهر العسل

مو طراره على راسي والله طلباتج اوامر

 

[DALLY]

اي والله انا رايي من راي الحلوووووة

ان شاء الله اسوره

افا عليكم بس

انا مااحب اتأخر بس انا ف البدايه ذكرت ان ف الاسبوع راح انزل بارتين

واللي صاير معاي اني انشغل

وهم المنتدى حيل يعلق يعني من العصر انا قاعده ابي انزل لكم المفاجأه تو بس معتدل المنتدى

تامرون امر شوي وانزل المفاجأه الخاصه لكم

 

[DALLY]

(Report (MAC TECHNIQUE

بسم الله الرحمن....

وعدتكم بمفاجأه..وهالمفاجأه من العنوان صارت غنيه عن التعريف...راح اطرح هالتقرير الخاص بدورة MAC اللي اول مره اسجل فيها واحضرها من باب اخذ فكره مو اكثر كوني سمعت عنها حيل ومن تشجيع رفيجتي نبض قطر....

معلومات عن الدوره بشكل مختصر...

مدتها يومين
لكل يوم 4ساعات
اول ساعتين تطبيق على ويه الموديلز وشرح للمستحضرات المستخدمه
وثاني ساعتين نبلش احنا نطبق على ويهنا بمستحضراتهم اللي استخدمت وباشرافهم طبعا
اول يوم خاص لشرح وتطبيق اساس الويه كله من ناحية البشره والعين والشفاه
ثاني يوم خاص لشرح وتطبيق ميك اب العين ورسم الحواجب والشفاه ووضع الماسكرا

مميزاتها...

يتم توزيع كتالوجات مصغره كل كاتلوج فيه شغلات اساسيه من مستحضراتهم الخاصه لكل جزء ف الويه
أي سؤال ينطرح مايترددون ف الجواب عليه بشكل واضح واعطاء النصيحه
يتم تسجيل كل شغله استخدمت اثناء تطبيق وشرح الدرس لافادة كل وحده حابه تشتري مستحضر
نفس المبلغ اللي اندفع لحضور الدوره يتم الشراء فيه مستحضرات من ماركتهم عن طريق الكوبون نفسه ومدته اسبوع

مدى استفادتي....


بحكم اني ماخذه دوره قبل 4سنين ونص ومتطلعه أول بأول عالميك اب وهو من ابرز هوايتي ماكنت محتاجه حيل لتطبيق الدرس او متابعته بس حبيت اني اعرف اكثر عن مستحضراتهم لان MAC للامانه قبل ماكنت احب اشتري من عندهم غير بودرة استديو والكحل بس الحين صرت من عشاق هالماركه وصارت عندي فكره كبيره عن مستحضراتهم واكثر شي احبه عندهم الحمر تهبـــل
اقدر اقول خذت فكره كافيه عن الكوليشنات اللي تنتجها هالماركه وعن المستحضرات الاساسيه عندهم
انصح فيها للمبتدئات عشان ياخذون فكره عن الاساسيات وكونهم يطرحون معلومات مهمه وبعدها اللي تبي تطور نفسها تقدر تاخذ دورات بمعاهد واكاديميات وغيره تكون المده فيها اطول من يومين

معلومه

كل وحده حابه MAC وحابه تتعلم اكثر منهم عن الميك اب وعن شغلات ف خاطرها تقدر تروح المحل نفسه وتطلب ويعطونها على حسب الشغلات اللي حابه تتعلمهم ويحددون لها السعر


للتوضيح


الدوره نفسها تنطرح كل سنه بس كم مره ف السنه ماعندي فكره واتوقع مرتين وان شاء الله نبض قطر تكون لها طله ورد للتوضيح اكثر كونها من مدمنات MAC وحاضره دوراتهم ف قطر وف بانكوك وعلى كلامها ذكرت ف احد المواضيع ان الدوره تجاريه بس عقب ماحضرتها معاها تغييرت نظرتي هي تجاريه بنسبة 50%:eh_s(1):


(حبيت افيدكم وافيد كل وحده ماعندها فكره عن دورات MAC)

دمتم بود

 

[DALLY]

للامانه صور الوجوه من غوغل وبالضبط ماادري منو اللي مطبق عليهم شغل الميك اب بالفوتوشوب واذكر هالشي من باب حفظ الحقوق....

 

[عز النفس يغنيني]

يعطيييييييييييييج العافيه حبيبتي على تقريرج عن دوره ماك ..

شوفي يا قلبي >> بدت تتفلسف :d ..

الحمدالله يعني إحنا اللحين بعصر التكنلوجيا وسهل إن ناخذ دروس بالنت .. والله يعافي اليوتيوب متروس دورس وسهله وواضحه ..

ومكياج الاجانب أشوفه يتميز بشغله وحده إنهم يهتمون للاساسيات وطريقه توزيع الفاونديشن والكونتور ..

أما المكياج وخطه الايد العربيات أو الخليجيات بالاخص رسمتهم للعيون والحاجب حيل بروفيشنال .. حتى الخبير العالمي ما يقدر يضبط الرسمه ..

والشيء الحلو إللي ذكرتيه عن دوره ماك إنج تشترين أغراض بالمبلغ . . :d ..

ويعطيج العافيه

 

[DALLY]

الله يعافيج حبي

انا معاج ف كل كلمه قلتيها وعلى قلبي فلسفتج

لا خلا ولا عدم....

 

[al7lwa` `]

حبي باجر بضغط على نفسي وبسوي على عيوني اليمين لان اليسار متحسسه

وعشان عرسج والله انا قلت لازم اخلص البارت هذا

والبارت اليديد راح ابلش فيه من تخلصين من شهر العسل

مو طراره على راسي والله طلباتج اوامر

<<<:$


يسلم راااسج حـــبــــــــــــي

 

[DALLY]

حبيبتي والله الحلوه....

 

[كويتية وكيفي]

يسلمو على البوست حبي
عاد لي فترة مسجلة أسمي عند ماك انظر الدورة لاني مو خبيرة بحط المكياج انا اعرف اساسيات وشغلي وايد ناعم واحب اعتمد على النو ميكب

 

[أسيرة_أحزاني]

داليييييي الله يعطيج الف عافيييييه

 

[DALLY]

كويتيه وكيفي

الله يسلمج عسوله

الدوره تنفع اكثر للي مايعرفون الاساسيات
اما اللي عندها فكره بسيطه راح تستفيد من ناحية المعلومات اللي يطرحونها
يعني مستحيل تصيرين بروفيشنال من هالدوره الا اذا طورتي من نفسج بعدها راح تكون هي مجرد اضافه لخبرتج



وحيااااج دووووم

 

[DALLY]

يعافيج ربي اسورررره

 

[foshia girl]

وناااااسه ايهبل التقرير ياعسسل

مشكوووره على التقرير ,, آنا مثلج اول ماكنت احب ماك بس ادخل اخذلي بودرة استيديو فكس واخذ الفل كوفرج بس انقطع حساااافه بس يوم جربت حمرهم ادماااااااااااااااااااااااااااااااااااااااان يعني لازم كل شهر رايحه ماخذتلي وحده على الاقل
ويعطيج الف عافيه المهم انج رحتي وخذيتي فكره عن المنتجااات اللي اهناك بس ماقلتي ياقلبي شنو خذيتي منهم بعد الدوره ؟؟



ناطرينج ياجميل :*

 

[DALLY]

مرورج اللي يهبل حبي

تدرين عاد انا ادمان على حمرهم ولازم ف الشهر عالاقل اشتري وحده

امممم شنو شريت من عندهم ....الوعد ف بارت 2 ان شاء الله (احب اشوقكم) لوووول


نورتي

 

[عمان نبض واحد]

كل الي يجي منش حلو سلامتش ما تشوفين شر في بربرا موري ولا فيش ( يا ربي اغار منها ) اهم شي سلامة عيونش يابعد قلبي واكيد بتواصل وياش دامش موجوده

 

[Alia]

:blueSmCLR::blueSmCLR::blueSmCLR:

 

[.:SuGar^GirL:.]

عساج عالقوه حبيبتي
وبانتظار الجزء الثاني

 

[DALLY]

كل الي يجي منش حلو سلامتش ما تشوفين شر في بربرا موري ولا فيش ( يا ربي اغار منها ) اهم شي سلامة عيونش يابعد قلبي واكيد بتواصل وياش دامش موجوده

يابعد عمري ولله

الله يسلمج حياتي


ولايهمكم الوعد باجر ويسعدني تواصلين متابعتج وكلج ذوق ياقمر