خريج كلية التكنولوجيا

[Golden]

اي ما عليج بس قوليلهم من طرف قولدن والكل بيوافق >>> شخصيه

لا تنطرين موافقتهم ضبطيلج واسطه بالديوان يجدمونج وانتي عندهم وطبعا يكون عندج كتاب الترشيح وتتوظفين وبس يرد الدور مثل ماكان وتضبط السالفه ومحد يحس

 

[بابا سنفور]

اي ما عليج بس قوليلهم من طرف قولدن والكل بيوافق >>> شخصيه

لا تنطرين موافقتهم ضبطيلج واسطه بالديوان يجدمونج وانتي عندهم وطبعا يكون عندج كتاب الترشيح وتتوظفين وبس يرد الدور مثل ماكان وتضبط السالفه ومحد يحس

والله عليج حركاات تصدقين اليوم قلت لابوي عن تقديم كتاب للترشيح اني اقدر اقدم كتاب اذا كان رقمي من 1لي10 قال لي مو معقوله مايصير والله ايست حديييي
المشكله ترتيبي 7 ولا مره نزل اسمي وما ادري اسوي كتاب والا لا ؟؟ اذا ما عليكم امر ابي رقم الديوان بدق عليهم ​

 

[ياعيون مغليك]

بابا سنفور

رقمهم 22333333
كلمي البداله يعطيج رقم قسم التوظيف
انا اليوم كله ادق عليهم مايردون

حتى اخوي اقوله ادق علبنات راح يوافقون
قالو منو اللي بيعطيج ارقام البنات عشان تدقين؟؟؟

وبنطر الدفعه الحايه انشالله احنا معاهم

 

[Golden]

لا شوفيلج واسطه بالديوان
وواسطه بالوزاره اللي تبينها عشان كتاب الترشيح

واخذي الكتاب وروحي الديوان ينزلون رقمج ويرشحونج وخلصناا

 

[Lady-_-fushia]

الله واسطتنا ان شاء الله


صراحه احلى جمله قريتها بالموضوع لووول

يعطيج العافيه عالملتقى المفروض يثبتونه مثل الباجي

المهم
انا خريجه شهر 7 اللي فات ماصارلي سنه من تخرجت
واعتقد في جم وحده من البنات اهني كاناو معاي

تخصص هندسه الكترونيه
طبعا حالي حال الكل ناطره و ماشفت احد توظف من تخصصنا عالديوان
قدمت بعد على شركات خاصه و ناطره الكل
مع اني توقعت اني اتوظف بسرعه ! بس شي غريب صراحه بس ترا وقت الي تخرجت كان توه مسكر الديوان
ومافتح توظيف الا بشهر 10 مادري 9 لوووول زهايمر سوري
فقدمت عليه و توني قدمت على بدل البطاله الشهر اللي فات

مادري جم معاشاتنا
بس اللي الاتصالات مسماهم فني مثل ماقالوا و التكنولوجيا مساعد مهندس
لان اهما هناك شهادتهم اقل تعتبر اذا ماني غلطانه زوجي متخرج من الاتصالات عاد بس تخصص غير طبعا
عاد ان شاء الله نشوف احد متوظف
صج شتسون بالعطله الطويله هذي اللي ماخذينها احنا غصب لوووول
احس قـــــــــــــــــــــــــــــــمه الملل
!!؟؟

 

[Lady-_-fushia]

بعدين شغله الكتاب والترتيب مال الترشيح اللي تقول عنها ما اتمنى انكم تسوونها !!!

يعني شلون تجدمون ترتيباتكم حرام و اللي ناطره مثلكم بترتيبها شلون!

شرايكم ان انا بعد ترتيبي بل1-10 بعد

و جدامي كان 8 مرفوضين و لازم انطرهم يتوظفون
والحين صاروا 9

بس والله يعني اذا احد ارتفع ترتيبه بياخذ ترتيب غيره ما الكل ناطر و صراحه حرام والله
يعني بتقولون محد بيحس! اكيد اللي خذتي دورها بترد تحت و بتحس ان دورها صار من مثلا قولي 7 الى 8
فيعني قهر

وسوري اذا حبطتج بس حرام يعني ماترضينها عليج لا ترضينها لغيرج انا هذي فكرتي و بس
ان شاء الله بطل عليكم اذا ماني ثقيله كل شوي واتابع ردودكم

شكرااا عالملتقى صراحه كنت من زمان احاول اسويلنا ملتقى والكل مطنش
حلو صار لنا واحد

 

[Golden]

لا عمري الشغله اللي فيها ظلم اكيد محد يرضاها
انا مو قاعده اقول تاخذ رقم وتنطر دور ويوظفونها مكان وحده غيرها
اللي قلته اذا عندها واسطه خل تاخذ كتاب ترشيح وتروح الديوان بنفس الووقت ينزلون رقمها ويوظفونها
ويرد الدور مثل ما اهوه يعني مراح يضر احد الدور مثل ما اهوه بيتم

احنا واسطتنا ربنا...
بس اللي عندها خل تتحرك يمعوده الديره كلها واسطات الحين ولا انها تطحس بالسنه والسنتين على ما ينزل اسمها :\

الواسطه بكبرها شي غلط هذا حال الديره للأسف

حبيبتي بالعكس حشى والله ما ثقلتي علينا بالعكس حلوه المناقشه واختلاف الآراء عشان الكل يستفيد
وعاد لا تقاطعينا نبي نشوف ردودج الحلوه مو بس متابعه :*

 

[8yoona]

ليدي فووشية حي الله الربع ههههههههههههه انا مخلصة قبلج بكوورس وللحين قااعدة ~ ياعيون مغليك لا اسفة ماا ارضى << نحييييسة لوووووووول ~ بناات شنو بدل بطاالة انا رحت وماعطتني شي قالتلي لازم اقدم عالخااص وماله شغل بالديوان انا رحت اعادة الهيكلة وطلعت مابي خااص

 

[Golden]

بدل بطاله ينزلج عقب ما تسجلين بالديوان او الهيكله بـ 6 اشهر
يعني اللي سجلوو شهر 3 ينطرون لي شهر 9 عقب يروحون يقدمون على بدل بطاله
بس اتوقع دام انتي سجلتي بالهيكله الديوان ماله شغل
روحي الهيكله وقدمي عليها اذا صارلج 6 اشهر >> اول دقي عليهم استفسري قبل لا تتعنين

وان شاء الله البنات يفيدونج اكثر =)

 

[تــوتــه]

يا حلو البطاليه شلووونكم

كلكم تخصص هندسة كمبيوتر بالتكنلوجيا ولا في تخصصات ثانيه

بنات استغلوا قعدتكم بالبيت واخذوا دورات تفيدكم .... انجليزي + كمبيوتر

 

[Golden]

يا حلو البطاليه شلووونكم

كلكم تخصص هندسة كمبيوتر بالتكنلوجيا ولا في تخصصات ثانيه

بنات استغلوا قعدتكم بالبيت واخذوا دورات تفيدكم .... انجليزي + كمبيوتر

انا كان تخصصي هندسة كمبيوتر
والتجمع حق كل التخصصات اللي بالكليه :ggdw:

منوووره بالتجمع ولا تقاطعين خل نشوفج حبوبه :eh_s(22):

 

[Golden]

وعن الدورات اللي تفيد
بسألج بخصوص تخصصنا نتحتاج دورة ال icdl ولا لأ ؟؟
لان احنا بمادة حاسبات دارسين اللي بالدوره اعتقد !!

وشنو الدورات اللي تفيدنا حق الوظيفه ؟؟

 

[ياعيون مغليك]

قولدن
بتباشرين عمل والا رفضتيها؟؟؟؟

وعن الواسطات وهذا للعلم فقط ترا ثلاث بنات كانت ارقامهم وراي ووصااارو موظفات الحين يعني اذا بسوي شي بدووون لاتدرون راح اتوظف

بس اللي عنده ذمه مايسويها

 

[بابا سنفور]

قولدن
بتباشرين عمل والا رفضتيها؟؟؟؟

وعن الواسطات وهذا للعلم فقط ترا ثلاث بنات كانت ارقامهم وراي ووصااارو موظفات الحين يعني اذا بسوي شي بدووون لاتدرون راح اتوظف

بس اللي عنده ذمه مايسويها

يا عيون مغليك اشلون عرفتي عن البنات اللي وراج ؟؟

 

[Golden]

لا برفض انا
لان كل من يقولي لا تشتغلين بالتربيه
انا قايله بشوف لي اخر يوم واقرر لوووول

شرايكم انتو بالتربيه ؟؟

وعن اللي ما عنده ذمه ياوخيتي الحين الكل ضبطني واضبطك
بصراحه انا شايفه ان الموضوع مافيه مضره
عندها كتاب ترشيح بس لازم تنطر الديوان يتكرم وينزل رقمها اي ميخالف دام الجهه موافقه خل تتوظف ولا انها تنطر !
بالاخير هاذي مو وظيفه وحده من البنات وماخذتها منها لا اهيا راحت وتعنت وخذت موافقه من الجهه

انا ضد الواسطات اللي يكون فيها ظلم
بس انا اشوف اذا عطيت فرصه حق غيري وانا مو منضره عادي يعني ما فيها شي :\

بالاخير انا حالي حالكم راح انطر لا عندي واسطه عشان لا تقولون ادافع عن عمرها لوووول
بس اكيد ان صارلي هالموقف والبنيه دقت علي والله مراح ارفض الواحد يحب الخير للناس بعد مو لنفسه بس
هاذي وجهه نظري وان شاء الله تتقبلونها =)

بالأخير
إختلاف الرأى لايفسد للود قضيه ;*

 

[رشيديه وافتخر]

مرحبااااا

حبيبااتي شلونكم؟,,

انا ان شاءالله خريجه
والله يجمع شمل بنات التكنولوجيا عالخير

بس بغيت طلب منكم

اللي تعرف موقع م.طلال الزنكي
اللي يحط فيه امتحاناته وكوزاته
لاني محتاجته ضروري

اللي تعرفه تساعدني,,

ومشكووورين

 

[Lady-_-fushia]

قولدن
حبيبتي والله :* صح
اكيد الاختلاف لا يفسد للود قضيه
مادري عن التربيه زين ولا لا
بس ترا الكل يقولولي اذا انقبلتي لا ترفضين روحي و نقلي بعدين
بس لان الرفض يخسبق السالفه و يصير تاخيرات زياده و يوقفون بدل البطاله اذا ينزلج
ادعوا بنات الله يوفقنا ان شاء الله و نتوظف

ايووونا

الله يحييييييج لووووول خوش شي والله هاالملتقى وناسه
بس ترا البدل عادي قوليلهم تبين شركات خاصه بس جذي مو الزامي يعني مو الا تروحين اذا نادوج للخاص
وترا الخاص يطول ساعات اكثر
اانا قلت لها مقدمه على شركات خاصه لاني قدمت قبل لا اروحلهم عالنفط
بس نزلولي اول بدل توهم حدي استانست لوووول بس مادري ليش بس 110؟؟!! المفروض 150

بابا سنفور شدراج ؟ ان اللي وراج توظفو؟

 

[بابا سنفور]

قولدن
حبيبتي والله :* صح
اكيد الاختلاف لا يفسد للود قضيه
مادري عن التربيه زين ولا لا
بس ترا الكل يقولولي اذا انقبلتي لا ترفضين روحي و نقلي بعدين
بس لان الرفض يخسبق السالفه و يصير تاخيرات زياده و يوقفون بدل البطاله اذا ينزلج
ادعوا بنات الله يوفقنا ان شاء الله و نتوظف

ايووونا

الله يحييييييج لووووول خوش شي والله هاالملتقى وناسه
بس ترا البدل عادي قوليلهم تبين شركات خاصه بس جذي مو الزامي يعني مو الا تروحين اذا نادوج للخاص
وترا الخاص يطول ساعات اكثر
اانا قلت لها مقدمه على شركات خاصه لاني قدمت قبل لا اروحلهم عالنفط
بس نزلولي اول بدل توهم حدي استانست لوووول بس مادري ليش بس 110؟؟!! المفروض 150

بابا سنفور شدراج ؟ ان اللي وراج توظفو؟

انا كنت اسال يا عيون مغليك اهي اللي تدري انه فيه بنات توظفوا وراهاا

 

[Golden]

http://www.q8eecs.com/vb/

هذا منتدى يديد حق طلبة كلية التكنولوجيا قسم الهندسة الالكترونية
يعني تخصص هندسة كمبيوتر , الكترونيات اتصالات

وحبيبتي اذا رفضت 3 مرات عقب الثالثه ما ينزل البدل بطاله
بس سالفة انه يأخرون ترشيحي توني اعرف بهالسالفه :\

ويالرشيديه راح احاول ادورلج ياه بس ما اضنملج لان من زمان ماخذه عنده
انتي شوفي بمنتدى التكنولوجيا اللي حطيته اتوقع يفيدونج اكثر الطلبه
وانا اذا لقيته راح احطه بالتجمع

 

[Lady-_-fushia]

والله مادري عيل :|؟
عالعموم الله كريم يالله ترزقنا يارب الشغله اللي نبيها و نتمناها امين ان شاء الله