حملة قيام الليل (يالله نشيل الهم والحزن من قلوبنا ونعدل حياتنا)

[ريناد1]

مشكوره حياتي وماراح انساك من دعائي وادعيلي الله يرزقني بي الذريه الصالحه امييييينننننن

 

[مارغريتا]

توني اشوف الموضوع وودي اشارك معاكم ووعسى ربي يرزقج باللي تمنينه يا صاحبة الموضوع
جزاج الله خير وبارك الله فيج

 

[قماشه]

الله يجزاك خير

بنات او شيري ابي احد يرد علي اشلون 3 ركعات

يعني الشفع والوتر او 3 ركعات قيام اللي ليش مو اربع ؟

 

[شـاهـه]

وانا بعد وياكم ^_^

 

[اعنزيه وافتخر]

الله يجزاج خير

 

[om3ziz_2020]

يزاج الله خير

 

[Cherrrry]

بنات لا تنسون ركعتين قيام الليل اليوم هذا وقتها

شكرا عالتذكير

في ميزان حسناتج ان شاء الله

انا معاج بإذن الله يا cherry عاد صج كنت محتاجة احد يشجعني ن صار لي شهرين حاطة ورقة على المراية مكتوب فيها ( قيام الليل ) عشان اتشجع بس ماكو فايدة .. إن شاء الله بكون معاكم و ربي يعطيج على قد نيتج

حياج الله و الله يتمم عليج يا رب و تستمرين .. اي وقت تبين شي تقدرين تدخلين الموضوع و تقرين الردود القدميه وتتشجعين ترا في وايد قصص وشغلات حلوه تشجع

الله يجزاك خير و الله شجعتينا
بس بغيت أضيف شغلة حلو بعد انج قبل صلاة الفجر تستغفرين على حسب الآية ما اذكرها بس فيما معناه ( المستغفرين في الأسحار) يعني الي يستغفرون قبل صلاة الفجر
و شكراااااااااااا

شكرا عالاضافه

وعدل كلامج الاستغفار بعد اثره كبير ووكان في حمله قديمه حق الاخت فلاور وايد شاركنا فيها وحطين قصص و سوالف عن الاستغفار


فعلا شي غريييييييب وعجيييب و الحمدلله الله عطانا شغلات بسيطه نقدر من خلالها نعدل حياتنا

 

[Cherrrry]

آلعود وآلبخور آلله يثبتكـ يالغلآآ

وربي آنآ آحس برآآآآآحه مرة آذذذا صليتهآآ

بس بنآت عآآدي آنآ اصليهآ قبل اذا آلفجر بوقت معين يعني مو بوقت آلسآعه ولآ 2

وآصلي قبلهآ صلآة آلوتر وآلشفع ولآ لآآزم آفصل بينهم آلوتر والقيام الليله بفترة ؟

عادي وقت قيام الليل اي وقت من بعد صلاة العشاء الى قبل اذان الفجر


وقريت ان الرسول عليه الصلاة والسلام كان يقول ان اللي يتعود على قيام الليل و فرضا صار وقت الفجر و ماكان مصليها يقدر يصليها حتى بعد ما يأذن الفجر لانه اهو متعود كل يوم عليها و دخل وقت الفجر و الوقت مثلا ماكان يمديه او شي المهم انه اللي متعود يصليها ومايبي يطوف اجرها لو مره بالغلط نسى يصليها واذن يقدر يصليها والاجر مايضيع وهذا دليل على رحمة رب العالمين في تسهيل كل شي علينا حتى الاجر مايبينا نضيعه لانه الله يحب العبد اللي ياخذ عباده معينه ماتكون فرض و يتقرب له عن طريقها ومايتركها


فالوقت الصح لها ان تصلينها اي وقت ما بين صلاة العشاء وقبل اذان الفجر

حتى لو كنتي تصلين ودخل وقت صالة الفجر تقدرين تكملينها بس تحاولين تنهينها يعني عشان تصلين وراها الفجر

و الله يتمم عليكم

 

[Cherrrry]

مششكوره واااااااااااايد وانشالله لك حسنات اضعاف مضاعفه وعسى ربي ينتقم لك من اللي ظلمك ويبرد فلبي وقلبك فوالله اني بغيت ابكي لما قريت طلبك فعلا اللي اسونا كثير الله ينتقم لنا منهم ويحقق اللي في بالك وانشالله ماراح انساك من دعائي انتي وجميع الاخوات ...
بس انا جديده وبصراحه ماادخل كثير فودي اعرف حملة سورة البقره وفضلها لاني قاعده احفظها ومابقالي شي واخلها ادعي بالثبات والهدايه

اجمعييين يا رب العفو

وانتي بعد مشكووره وايد على الدعاء


بالنسبه حق قيام الليل فضله مثل ما قريتي بالموضوع باب الرزق مفتوح

اما بالنسبه حق سورة البقره هذي سوره عظيمه

فضلها كبييييييييييير

والرسول عليه الصلاة والسلام كان يقول اخذها بركه و تركها حسره

يعني المعروف ان القرآن كله فيه بركه
بس لما الرسول يخص سورة معينه ويقول عنها اخذها بركه وتركها حسره

هذا اكبر دليل ان لهذي السوره فضل كبير في تغير حياة الانسان و طرح البركه فيها

ومن تجارب اللي لازموا في قراءتها وانا منهم الحمدلله حياتي تغيرت بشكل ما تتصورينه
حتى بعض الامور اللي ممكن لو اي احد يعرفها يقول هذي الامور بالذات مستحيل تتغير .. لكن بفضل الله تغيرت هذي الامور الصعبه ..

ومافي شي صعب على رب العالمين الحمدلله


وشغلات وايد تحسنت و كفايه الانسان ينام مرتاح و يحس انه له علاقه كبيره مع رب العالمين و انه في ارتباط واي شي يبي يلاقي الله يسهله له هذا بحد ذاته كفايه احساس الانسان برضى الله عليه
بعد رضى الله شنو يبي بالدنيا

 

[Cherrrry]

مشكوره حياتي وماراح انساك من دعائي وادعيلي الله يرزقني بي الذريه الصالحه امييييينننننن

العفو وانتي بعد مشكوووره وايد عالدعاء والله يرزقج بالذرية الصالحه و يرزق كل محروووم يا رب

 

[Cherrrry]

توني اشوف الموضوع وودي اشارك معاكم ووعسى ربي يرزقج باللي تمنينه يا صاحبة الموضوع
جزاج الله خير وبارك الله فيج

اجمعيييييين يا رب

شكرا عالدعاء وحياج الله معانا

 

[Cherrrry]

الله يجزاك خير

بنات او شيري ابي احد يرد علي اشلون 3 ركعات

يعني الشفع والوتر او 3 ركعات قيام اللي ليش مو اربع ؟

وياج حبيبتي


شوفي الثلاث ركعات انا اقولج شلن طريقتها


يعني تصلين ركمعتين نفس صلاة الفير بالضبط بس نيتج تكون انه انتي قاعده تصلين الشفع

وراها مو تقولين التشهد وتسلمين ؟

خلاص هذي صلاة الشفع خلصتيها


اما الوتر هذي ركعه وحده بس

يعني تقرين اول شي بعدها تركعين بعدها تقولين الدعاء اللي تبينه واذا تبين تقولين دعاء الوتر هم على راحتج وبعدها تسجدين مرتين وتقولين التشهد وتسلمين بهذي الطريقه تكونين خلصتي قيام الليل



اما لو تبين تصلين ركعات اكثر من 3 ركعات تقدرين بانه تضيفين عدد الركعات اللي تبينها قبل هالثلاث

مثلا تبين تصلين 4 ركعات + الشفع والوتر (3 ركعات)

فهذا اللي تسوينه بهالحاله

تصلين ركعتين و تسلمين
وتصلين ركعتين و تسلمين
وتصلين ركعتين و تسلمين (الشفع)
وتصلين ركعه و تسلمين (الوتر)


وكثر ما تبين تصلين زيدي ركعتين ركعتين بس بين كل ركعتين اتسلمين الوضع يصير كانه قاعده تكررين صلاة الفير


اذا في اي شي مو فاهمته سأليني عشان اقوله لج و اشرحه بالطريقه اللي تبينها

 

[قماشه]

اي الله يجزاج خير انا كنت فاهمة جذي الحمدلله على بالي الشفع والوتر بس

الله يقويج اختي

 

[الزهر20]

السلام عليكم كيف حالج اخت شيري الغاليه حبيت أسالج
هل يجوز قراءة سورة البقرة للحائض لأني مقبله على علاج ودي أقراها عشان الله يباركلي في
العلاج
ارجو الرد للضرورة لاني صارلي قاطعه القرايه من يومين وايد مضايقه

 

[حواء الكون]

بارك الله فيكم بنات

عليكم في هالدعاء اثناء القيام ومع البقره بإذن الله ربي ينصركم

نتيجه ساحقه بعون الله

وانا معاكم

http://q8yat.net/showthread.php?p=17086012#post17086012

كتبت الثناء الله يتقبل مني ومنكم صالح الاعمال

 

[أتعبني الحلم]

الله يرضى عليج .. ؛) بنظم لكم
الله يسعدج ياشيري ويجزاج خير عسى الله ينتقم لج من الي اقهروج
ويخلي كيد كل الي يحاول ياذيج بنحره ..

والله صلاه اخر الليل تريح .. وتنور الوجه .. ويريح البال .. وتبعد الهموم والاحزان
الدنيا يومين .. وعلامات الساعه بينت

 

[لااله الا الله.]

جزاك الله خيرا
يارب تسجيب دعائها وتفرج همها وتنصرها على من ضلمها
ااااااااااااااامين

 

[ميااوي]

جزاج الله خير ويارب يحقق لج اللي بالج ويأخذلج حقج من اللي ظلموج يارب..

ان شاء الله ناويه اصلي القيام ومن شفت الموضوع بصراحه شجعتيني..

 

[غضى]

جزاج الله خير وجعله في ميزان حسناتج
صارلي 3 ايام احس بضيق وحزن ووخاطري ابجي
وانشااله اني بقوم الليل عسى الله يثبتني تكفوون بنات ادعووولي ان الله يفرج همي ويشرح صدري

 

['Basma']

Cherrrry شنو تبينيي اقولج...

عسى الله يوفقج ويسعدج وينصرج و يرزقج كل اللي تتمنيينه بالدنيااا والاخرة :hjy5jewf:

اعترف اني كنت مقصرة بحق ربي بالفترة الاخييرة

بس موضوعج هذا صحاني من غفلتي والحمدلله الحين صار لي اسبوع اصلي قيام الليل وان شاءالله دوووم ياا رب:yaaaaaarb:

في ميزان اعمالج ان شاءالله :eh_s(7):

موضوعج اثر فيني بشكل ما تتصورينه.. غير فيني اشياء وايد

الحمدلله لقيت الرااحة اللي ادور علييها من زمااان.. كانت جدام عيني وانا غافلة عنهاا

احبج في الله :hjy5jewf: