اشلون التعامل مع الريال البااااااااااااااااااااااااااااااااارد واي بيذبحني

[ليمتى بصبر]

السلام عليكم بنات











اللي عندي بيذبحني ابروده موقادره اتحمل بروده مع اني واثقه ثقه عميه انه يموت فيني الحمدالله وانا بعد اموت فيه
بس مادري فارق العمر بيني وبينه اهو السبب ولاشنو بالضبط
اهو يغار ومرات انا اتعمد اخليه يغار عشان احس اشوه انه حار لانه بارد معاي بتصرفاته والكل يقولي السبب لانه العمر
الحين نيي حق حرة قلبي
بنات انا حاره وعصبيه وحساسه اي شي يجرحني اعترف واهو العكس بارد وعصبي بس وايد هادي يعصب على شي كبير على حسب تفكيره يعني اعطيكم مثال وانا صج حساسه بس ياربي هالشي يزعل اي احد موعشان انا حساسه
تخيلو اهو عنده شغل بديره ويبي يسافر لها 5 ايام او 4 ايام حلو
انا زعلت على حركه بايخه ىمنه كالعاده بنظره على سبب تافه ليش انه سافر ومادق علي يسلم قبل لايسافر ياربي كل الناس لماتسافر يسلمون على اهلهم الاخ يقولي كنت لاهي ومشغول وانتي كنتي بالداوم اخاف ادق واسلم تبجين ويقولي انتي تدرين اني بسافر ليش الزعل واي يابروده بموت
قمت وحولت تليفوني مغلق اعناد فيه ودق علي اهناك مرتين وجهازي محول مغلق خق يستاهل لانه بااااااااااااااااااااااااااااااااط جبدي بط ياعله البط من بروده استغفرالله
جان ادزله مسج انا زينه بس متضايقه منك وايد يالبارد
جان يقولي انا اشسويت بعد !! .. المهم انا حبيت اطمن عليج حبي .. >>> ولاهامه يعرف السبب
جان اقوله تسافر ولاتدق تودعني وتسلم طبعا ولارد عالمسج >> اهو من عرفته يقولي الكلام اللي ادزينه وفيه نجره ومايعجبني مارد عليه
وبس هذا ويه الضيف واليوم ثاني يوم له لادق ولادز مسج وانا مستحيل ادق لان اهو يدري انا وياد طيبه وبسرعه ارضا بس هالمره بقلب عليه وبعلمه ان الطيب اذا ماقدرته يندم على طيبته معاك
اخ ياحرتي اهو بالاربعينات وانا بالعشرينات واحس انه اهو بالعشرينات وانا بالاميااااااااااات



بنات انا حدي محتره حدي اشلون اتعامل مع هالبارد اشلون
ادري قرقت عليكم بس عذروني محتره منه هالبارد

 

[ليمتى بصبر]

اشلون اطنش
مرات الطناش ماتصلح لبعض الامور
ماتسوا علي اقعد اطنش لين ايب على راسي وحده



ابي طريقه اتعامل معاه فيها ابيه يتغير بطبعه البايخ والله صايره كل ابجي من حركاته واهو يصالحني ويراضيني ويرد يسوي سوالفه البايخه مايتعب واقوله انت بارد يقولي ليش عشان اتصرف بحكمه >>> ابوحكمه طل

 

[حلوه ولمآحه]

بعد قلبي ضحكت منج والله يالحااره حشى نااار عااد،،
حبيبتي حمدي ربج عندج واحد باارد لو انه حااار ويهاوش ويعصب بتكرهين دنيااج ونفسج بعد،
كل شي بالمساايس،، يمكن كان مشغول وماقدر يتصل اتصلي انتي عادي خلي السالفه فري،،
ماله داعي هذا كله،،
هذا طبعه ،،،شوي شوي عليه لاتطيرين الرياال بنجره ،،
هو بار انتي خليج باارده وخذي امورج بالهداوه نفس مايسوي ،

 

[sowsan]

يحليله
بالعكس جذي احسله لاييب الضغط ولا السكري ولا القلب حق عمره خليه بارد وشباب على طول
ويخليه لج ويسخره لج يارب

 

[ليمتى بصبر]

حلوه

عسى ماتفارقج الضحكه
ادري كلامي اشوي يضحك بس والله هذا اسلوبي حتى اهلي خاصتن خالاتي لماافضفض يموتون ضحك
والله حاولت اصير مثله تخيلي يوم ونص حدي واهو ذكي ذكي الناس تكبر وطخ واهو يصير ذكي اكثر خصتن يصير ذكي اشلون يحر قلبي

امي تقول اهو يسوي جذي لانه يحبني ويخاف عشان اهو كبير وانتي اصغيره فيسوي جذي عشان يتطمن
اقولها يمه انا لساني كله غزل معاه وربي الشاهد واهو بعد يقولي السانج كله حجي حلو وعمري ماسمعت منج الا الكلام الحلو
بس ليش مايريحني البرود ذبحني

 

[ليمتى بصبر]

يحليله
بالعكس جذي احسله لاييب الضغط ولا السكري ولا القلب حق عمره خليه بارد وشباب على طول
ويخليه لج ويسخره لج يارب

الله يسلمج ياوخيتي
بس انا اللي بيني المرض من بروده

 

[سنيوره قمر]

والله مثل بروووووود زوجي ولا يفكر ولايهتم
تخيلي انا ذاك اليوم سقطت وفي المستشفى ماله نيى يجيني
يقول بروح الدوام لتاخر<<<والله فشيله قدام اهلي بس خليته يجي غصب عشان مايقولون اهلي ليه ماجى
من كثر بروده والله اطنش لاني اوجع قلبي بس وهو ولا ع باله<<<ترا فرق السن بيني وبينه 4سنوات انا 23 وهو27
يعني العمر ماله دخل<<<والي قاهرني جايه سكر منين مادري

 

[ليمتى بصبر]

حبيبتي والله
هالرياييل عليهم عقول مومثل اعقولنا ابي شكلي شكل انثى وعقلي عقل ريال والله كل اتمنى هالشي ابي اشوف اشلون يفكرون

 

[حلوه ولمآحه]

حبيبتي هالنووع نوع عقلاني ويفكر بالعقل والمنطق،، >>بس
مايهمه المقدمات ومادري شنو ولما يسوي حركه تعثج انتي ،، هو يفكر فيها انه عادي ماراح تغثه هو ،، فعلى باله انج مثله،، عاادي

 

[@البتووول@]

عادي عادي البرود صفه بأغلب الرياييل وصح ماله شغل العمر أنا ريلي ببداية الثلاثينات وبااااااااااااااارد ثلجه تمشي عالأرض وإهو جذي من عرفته وكان عمره 27 شفتي ماله شغل العمر إنتي هدي لا يحوشج الضغط إسم الله عليج والسالفه تزعل بس عاد مو لي هالدرجه وبس عادي طوفي

 

[شمس 20]

ليش حياتي جم عمرج انتي وعمره ؟؟؟

 

[ليمتى بصبر]

والله وايد اطوف وابلع واحط الحره بالداوم
خل اقولكم
والله العظيم ان الكل يعطيني نسبه بالجمال 90 ومرات 100 بالاميه من ويه وجسم
واولهم ريلي يشهد بهشي وهذا اللي يهمني لان جماله حقه
وعلى قولته جمال بداوي على هندي على ايراني تعالي فججيها
مادري احاول اني اصير مثله موقادر


زهور
والله في عمر بيني وبينه 15 سنه
اهو 42 وانا 27
الحمدالله اهو وايد طيب معاي ومومقصر ولوتساليني منو متهني ومرتاح اكثر من الثاني طبعا وبكل جداره اقولج اهو حده مرتاح وانا المستخفه

 

[ليمتى بصبر]

حبيبتي هالنووع نوع عقلاني ويفكر بالعقل والمنطق،، >>بس
مايهمه المقدمات ومادري شنو ولما يسوي حركه تعثج انتي ،، هو يفكر فيها انه عادي ماراح تغثه هو ،، فعلى باله انج مثله،، عاادي

8
8
8
8
8
8


كلامي الماما والبابا
انزين اشلون اتعامل معاه ابي ارتاح مرات افكر اتطلق منه

 

[@ام ضاري@]

حبيبتي انتي قلتيها فارق العمر والرجال بها العمر يكون بارد في بعض الامور

عادي والله ياقلبي اريح لج انتي حاره وهو حار ماتصير ياقلبي خلى واحد فيكم بارد وافضل انه اهو يكون بارد

احنا يا الحريم لو ع عيالنا نشب نار وهم عادي عندهم اكثر الرياجيل فيهم برود بسولف البيت

 

[ليمتى بصبر]

ياحريم ابي حل
ادري ان انا السبب وحرارتي الزايده اهي السبب
ابي ارتاح مت شنو الحل شسوي معاه اشلون اتعامل معاه

 

[قمر وربي امر]

^

^

^

نسااج الموووت وهدي اعصابج :ggdw:


................


وجه نظري ولاتزعلين


لاتحرين نفسج هالكثر مب زين اظاهر انتي مثل اختي مايمر اسبوع مطلعه قرون ريلها وتزعل باشياء تافهه

وريلها نفس الشي بارد بس لاعصب مايرحمها لانه هي تمصخها ...

حتى لمن هي تعصب مرات هو تلقينه يضحك ويتغشمر نار على نار مايصيرر بصير دمار عقب :eh_s(4):





بالعكس ماشوف انها مشكله ..

وليش تتطلقين منه مب على كيفج ( حلوه ها ههههه )


مدام انه ما ماذيج الريال في حريم ليل ونهار متلتهين مع ريايلهم وصابرين

وانتي الحمدالله مشكلتج بسيطه ومب قادره تحملين .. قعدي وتفاهمي معاه انج مضايقه من اشياء معينه وان شاء الله يتغير


الله يبرد قلبج ويسعدج معاااه ويخليكم لبعض

والسمووحه

 

[مشغول وشاغلنى]

والله احنا يالحريم اذا صار الرجال باااااااارد زعلنا

واذا صار حاااااااار زعلنا

شالسالفة والله انا اللي تعبت من كثر ماتشكوووووووووووووون بس خلااااااااااااص

احمدوا الله علي النعمة تري غيرنا والله يتمناها

موقصدي ياوخيتي انتقدج بس والله حرام اكلنا لحوم هالرجاجيل من كثر الذم فيهم

امنتيتي اعرف هم لما يجتمعون مع بعض شنو يقولون عنااااااااااا!!!!؟؟؟؟

 

[حلوه ولمآحه]

حبيبتي >>تعااملي معااه عاادي الي تبينه منه اخذيه وسويه ،،
واذا ناقشيه بموضوع وماقتنع،، حاولي معاه وبرود ،،مو تشبين ناار،،
وحركاته الي تغثج طوفيهاا عاادي،،>>دامه يحبج وشاريج ليه تسوين مشاكل،،
طوفي عادي ولا كان شي صار اتصلي عليه وتدلعي وسولفي وخليه يعطيج هديه معه من السفره>>مصلحه هههههههه،،
هذا احسن طريقه تتعاملين معاه فيهاا،،

 

[ماريا ابنة الحي]

لوووووووووووووووووووووووووول
ياحلات اسلوبج بالكلام

الله يعينج صج البارديين العيشه معاهم صعبه وبذات اذا كنتي عصبيه وحساسه

تدري شلون اذا ماقدرتي تغيرينه
غيري نفسك بأنج تصيرين بارده مثله

بس انا اتوقع فرق العمر الكبير بينكم له دور بالموضوع

ع العموم حاولي تكونين قريبه منه اكثر
علشان تفهمينه اكثر

 

[الــفــجــرالــبــعــيــد]

ذكرتيني بهنااء وجميييل


مادري حبيبتي ماعندي لج حل بس ماحبيت اطلع من غير شي

حبيت ادعي لج ان ربي يعدل حاله ويخليه نفس ما انتي تبييييين (يغار ويسأل عنج 24 ساعه ولازق فييييييج ومايروح مكان الا ومعطيج خبر وماينام الا ع ريحتج) امين يارب العالمين