عــــدنــــا بــقــوة ؛؛ مســـافرات أمــــريــــكـــــا 2010 ؛؛ حيــــــاكم !!

[حبة خاله]

أم خلودي بعد قلبي آنا هذيك السنه نفس حالتج كانت خالتي أم ريلي مريضه بس بصراحه أحترمت مشاعر ريلي مع اني كنت ميته على الروحه ومخططين وباقي بس نحجز بس حسيت ان موده ماراح يكون زين
ويزاه الله خير عوضني السنه الي وراها آنا أقول استخيري وانشاءالله ،الله يكتب الي فيه الخير

 

[مشاعر أمرأه]

هلا حبة خاله

وين تحرشاتكم انتي وام العيال

ترى مسوين جو للتجمع

 

[Marymary]

فهههده لحقي حاطين برنامجج المفضل على قناة(ناشيونال جيوغرافيك أبوظبي)مال الطيارات:lololoe:

قصدج انا الي احبه وبرنامجي المفضل الصراحة ';X
اي صح على قناة نايشيونال امبي يحطونه كل خميس @@ بعد شسالفة ؟؟ ولا يوم اروح بيت عمي على طوول يحطون على القناة وكل دعاية حق هالبرنامج :eh_s(4):

 

[Marymary]

مشاعر امرأة
صح كلامج يهبلوووووووووووووووون عسل عسل عسل حدهم لذيذين

 

[لوازم العائلة]

السلام عليكم و رحمة الله و بركاته
قووة بالكويتي
شحالكم بالإماراتي
وشلونكم بالسعودي
يا احلي منتدى كويتيات
يشرفني الانضمام لقافلة مسافرات أمريكا 2010
الحمد لله طلعنا الفيزا وحجزنا التذاكر على طيران الامارت
المغادرة 10\7
والعودة 8\8
رحلتنا إن شاء الله
لوس انجلوس
أورلاندو
نيويورك
برنامجي شوي مزدحم لأني ابغي أشوف أكثر من مكان لان هذه الرحلة أول سفرة لنا
أنا وزوجي وبناتي وأولادي :ioljnmlk:أنا عندي صور حلوه و حبيت أشارككم لصور أشهر شارع تسوق في العالم محط أنظار المشاهير ونجوم هوليوود
rodeo drive
وأتمنى أن تحوز الصور على إعجابكم

​

تسلم يمينج يام هاله

 

[dreamlover]

السلام عليكم بنات شخباركم اشتقت لكم ليش الموقع وايد يعلق امس كله مافتح معاي

وان عاد ماستانس الا في هالمنتدى احب الكويت واهلها عاد شسوي:q8:

غسق

شيكي دايما عالمشاركة قبل اعتمادها:krkrkr: وبالنسبة للرجيم جربي رجيم البروتين مره حلو وفعال

ام البنين
انتي مثلي حتى ولدي الكبير(14,5)بيروح معانا السفارة يوم السبت ومايدري شالسالفة قالي وين بروح قلت له البحرين:dddds: رفع حواجبه متعجب
اعجبتني سالفة اني اعلمهم بالطيارة خل اونسهم

حبة خاله
قوية انه ريلج يفاجأج ويوديج دبي بس هم اهون لايفاجأج ويوديج ابها :nocommint:

راجعة بقوة
تروحين وترجعين بالسلامة وان شاء الله اتهنون

ام جود

صح لسانج وماشاء الله شنو هالقريحة لا هنتي

روونه
زين سويتي وخلصتي الحجوزات وريحتي راسج الله يوفقكم وتروحون وتردون بالسلامة

ماري ماري
الحمد لله على سلامتج وبعدين موعلى كيفهاتحولج وتخصم راجعي احسن لان عندج عذر طبي مولعب يهال

سمبلي
قرت عينج بابوكم وانتي مثلي احب المطار والسفر مره ريلي سألني شنو بخاطرج ايبه لج هدية قلت له طيارة
بكبتنها:s141:

فهده
كل الناس فيهم الحليو وفيهم الغثيث مهي حصريه السالفه
الله خير حافظ ولاتخافين لاتنسين دعاء الخروج والسفر

ام هاله
اهلا بيج بجميع اللهجات وتروحين وترجعين بالسلامة

مفتون
تروحين وترجعين بالسلامة وجنج اياي ا قبل السفر باسبوع كل واحد بغرفته جنطه وكل ماذكرت شي حطيته
ماشاء الله 5 جناط فمااركز الله يحفظهم
ونواره وايد حلو وهي حلوه اللهيخليها لكم ويرزقكم برها

ام خلودي
شلونج شخبارج وسلامات على اختج الله يشافيها ويقومها بالسلامة وسافري اتوكلي على الله لان ريلج ماله ذنب فقير بعد والله المستعان

اماني
اشلونج من زمان ماشفناج(جني كل يوم ادخل:050103nbh_prv
وتروحون وتستانسون بالمنفى اقصد المزرعة

اشراقة الحياة الله
الله يفرج همج ويزيل كربج ويآجرج في مصيبتج ويرزقج خير منها اللهم آمبن

 

[أم أحلى جود]

اشراقه ..............ماتشوفون شر والله ياجركم بمصيبتكم

ام خلودي............ الله يشافي اختج حاسه فيج والله اكيد مالج خلق تسافرين صلي استخاره والله يكتبلج الخير

 

[أم أحلى جود]

الجو يخررررررررررررع غباااااااااااااااااااااااااااارالله يستر ويلطف

 

[Marymary]

دريم لوفر
حبيبتي شسوي لازم يحولوني ممجلس طبي عشان يشوفوني اني ما اقدر امشي وما يخصمون علي عرفتي ... " شسوي هذي تربية قطيعه

اشراقة بعد عمري ان شاءالله الله يوفقج بدنيتج ويفتح عليجج

ام خلودي
يالله ياااااارب اختج تقوم بالسلامه بأقرب وقت
وتسافرين وانتي مستانسه

 

[Marymary]

ام احلى جود اتصدقين انا قاعده داخل البيت وكل دقيقه اكح من الغبار احس الغرفة كلها غبار

 

[أم أحلى جود]

ام احلى جود اتصدقين انا قاعده داخل البيت وكل دقيقه اكح من الغبار احس الغرفة كلها غبار

اي الغبار موطبيعي وعليه اهلي بالخيران حاجزين شاليه الله يعينهم

 

[Marymary]

مساكين على حظهم " قهرررررررررر جو الكويت ماله امان لوول
لو تلاحظين كل بالويك اند يتقلب الجو جذي

 

[حبة خاله]

يا بعد جبدي ماري ماري ومشاعر والله أنتو الي لذيذين وماكو منكم مثل :hjy5jewf::hjy5jewf:

دريم لوفر والله لو يسويها جان أخلي لا ليله ليل ولا نهاره نهار:lkmnkl::lkmnkl:

 

[مشاعر أمرأه]

يا بعد جبدي ماري ماري ومشاعر والله أنتو الي لذيذين وماكو منكم مثل :hjy5jewf::hjy5jewf:

دريم لوفر والله لو يسويها جان أخلي لا ليله ليل ولا نهاره نهار:lkmnkl::lkmnkl:

تره والله صج اذا ماشفت مشاركاتكم يضيق خلقي​

 

[مشاعر أمرأه]

اماني

الله يعينج ياقلبي على هالجو

ابيه موت الغبار يضيق الخلق اكثر من الصدر

مادري ليش يتسلط علينا بالويك اند

هذا وان ايامي كلها ويك اند​

 

[مشاعر أمرأه]

اماني

الله يعينج ياقلبي على هالجو

ابيه موت الغبار يضيق الخلق اكثر من الصدر

مادري ليش يتسلط علينا بالويك اند

هذا وان ايامي كلها ويك اند​

 

[dreamlover]

الله يعينكم عالغبار حاطين تحذير بالعربية انه ماحد يطلع لانعدام الرؤية من شدته

 

[مشاعر أمرأه]

الله يعينكم عالغبار حاطين تحذير بالعربية انه ماحد يطلع لانعدام الرؤية من شدته

اي والله الله يستر ​

 

[vi-lady]

مرحبا ياحلوين عساكم بخير حبيت اشارك معاكم انا اللحين بأمريكا والجو حددددددده كول وانا تحديدا بولاية بنسلفينيا واللي متواجده بهالولايه تعلمني الصراحه اشتقت حق اهل الكويت او ودي اتعرف على بنات من ديرتي ونروح ونيي مع بعض

 

[أم أحلى جود]

حياج الله vi lady معانا مادري اذا فيه وحده ساكنه بهالولايه نطري الصيف بتشوفين الكويتيين