بتسافرين النمسا والمانيا هالصيف؟؟!! حياج بتجمعنا صيف 2010

[^^ام ميمي^^]

ام كشه حبيبتي نصيحة الطريج من زيلامسي الى سويسرا 6 ساعات واشوي يعني وايد تعب

اذا رغبتي استخدام القطارات :
اجعلي رحلتك الذهاب زيورخ والعودة من باريس ( لسويسرا وفرنسا )
اجعلي الذهاب فيينا والعودة من ميونخ الالمانية ( للتمسا و المانيا )



اذا رغبتي تاجير سيارة وهو الافضل والامتع دون جدال :
اجعلي ذهابك من جنيف والعودة من باريس ( لسويسرا وفرنسا )
اجعلي ذهابك من فيينا والعودة ميونخ ( للنمسا والمانيا )



هذا كلام ناس خبراء باوروبا ؟؟

شوفي بالمرفقات خريطة اوروبا علشان تتوضح عندج الصورة وتعرفين شنو المناطق الاحسن و الاسهل المرور بها


وانا الصراحة حسيت من كلامج ان زوجج ممكن ماعنده خبره وايد باوروبا لان مختار (( اسبوع ميووونخ ويومين زلمسي و ويومين لونا بارك وسويسرا 5 ايام ))

ميونخ الاقامة فيها ما تتعدى 4 ايام زيلامسي الاقامة فيها من 4 الى اسبوع تقريبا لونا بارك اول مره اسمع فيها سويسرا باي منطقة بالضبط ؟؟ واذا تبين سويسرا لازم تختمينها بميونخ علشان تكون المسافة اقرب

 

[^^ام ميمي^^]

يالله الله يوفقكم واي تاريخ انشالله؟

ان شاء الله تاريخ 24/6 بليل الساعه 11 بليل والعودة 9/7 الصبح الساعه 9 ونص

اي زوجي اتفق مع الموظفة مالت السفريات قالها اذا دقيتي علي عشان ادفع التذكره ابيج تسوين لنا الفيزا مره وحده وقالت فيزتهم يسوونها عن طريق السفاره الاسبانيه لانها اسهل سفاره بالتعامل

ويك اند بسألج ريلج من وين طلع الرخصه الدوليه؟

وي شنو الرخصة الدولية بعد ؟؟؟؟؟

 

[ام مهاوش]

ام ميمي كفيتي ووفيتي ماشاءالله عليج من وين يبتي هالمعلومات

 

[ام مهاوش]

الرخصه الدوليه ليسن حق اللي بأجرون سياره

 

[ام مهاوش]

اب اب لعيون الزلمسيات

 

[^^ام ميمي^^]

ام ميمي كفيتي ووفيتي ماشاءالله عليج من وين يبتي هالمعلومات

الله يسلمج هذا حصيلي من كثرة الفراره بالنت والبحث لان انا الحمدلله قبل لا افكر بالرحله وايد بحثت ودورت وسألت

 

[^^ام ميمي^^]

اهاااا يعني ما احتاج ان شاء الله الرخصه الدوليه

 

[ام مهاوش]

نفس حالتي احسن اني سافرت ورديت من كثر ماشفت ودورت

 

[^^ام ميمي^^]

نفس حالتي احسن اني سافرت ورديت من كثر ماشفت ودورت

اي والله صاجة يا ام مهاوش ومن كثر ما شفت الصور يمكن اللحين حفظت رحلة قمة كابرون والزحليقة الصيفيه وغيرهم


وحتى فندق نيو بوست من كثر ما اشوف صور اعضاء تصويرهم الشخصي ومن داخل وبره احس اني حفظتهم

 

[ام مهاوش]

والله محتاره لي الحين مارسينا على فنادق بخاطري الشقه اليديده اللي بزلمسي حلوه وسعرها زين بس اول يومين محجوزه ودي احجز اول يومين فندق بعدين اروحلها وبنفس الوقت اخاف لما اروح اتوهق بسعر غير لانه هالسعر بدون الضرايب
ماتدرين جم اسعار الضرايب الي تنضاف على الفندق
توني حطيت استفسار بالعرب المسافرون وناطره

 

[^^ام ميمي^^]

حبيبتي ام مهاوش الضرايب سألت عنهم بالعرب المسافرون وعلى فكره هناك نكي مثل اهني يعني مثلج <<< صايدتج


وقالولي ان الضرايب ماتفرق وايد يعني ممكن ما تنذكر و انا بسأل بالسفريات عن شقق زيل سيتي و بشوف اسعارهم

 

[^^ام ميمي^^]

جربي يومين سكني بسي فيلا وايد شكله حلوو ورومانسي و الصراحة انا بعد خاطري فيه

 

[ام مهاوش]

لووووووووووووووووووووووول اهم شي انج صايدتني هههههههههههه
انزين جم تتوقعين يعني
السي فيلا حده المكان اينن دقيت على السفريات بس ماعندهم حجز ومافي ببوكنق

 

[^^ام ميمي^^]

مادري والله حبيبتي جربي دقي على سفريات المستقبل او شوفي مكاتب السفريات اللي بس مخصصين لحجز الفنادق جربي فندق فشرويرز اعتقد هذا اسمه او كاتبته غلط بس قريب من هالاسم

 

[ام مهاوش]

اسمه فيشرويرت

 

[غروب79]

مرحبا ام مهاوش احنا حجزنا عالقطرية من 3/7 الى 1/8 كان الحجز مبجر من شهر فبراير عشان جذي الحجز طلع علينا ارخص واحنا هذي السنة الثالثة عالتوالي ماغيرنا المانيا .النمسا.سويسرا بس هالسنه خايفه حيل وترددت وكل هذا بسبة الاخبار اللي ضيقت خلقي اول شي الماسح الضوئي بالمطارات وقرار فرنسا بمنع لبس النقاب انتوا اشرايكم

 

[^^ام ميمي^^]

شنوووووو الماسح الضوئي ؟؟؟

 

[غروب79]

هلا اختي ام ميمي الماسح الضوئي سلمج الله هذا جهاز انحط بمطارات اوروبا يمر عليه الواحد يطلع عريان ربي كما خلقتني حسبي الله عليهم بس المانيا رفضت

 

[ام مهاوش]

بناااااااااااااااااااات حجزت من بوكنق
ام ميمي حجزت ابارتمنت هاوس بس مادري حجزي صح ولا غلط لانه قايلين ينخصم 30% من القيمه ومانخصم والله مادري مخترعه

 

[الحلا^^مبتليني]

ام مهاوش حجزت انا وزوجي من بوكنج فندق في زيوريخ سعر 193 اخصمو من الفيزا 200 مادري ليش؟؟؟؟؟؟

معقوله تكون مع التاكسس 200