كثرة الغياب

[randomy]

مرحبا
















شرايكم بالمدرسة اللي تغيب وااايد ، انا اعرف وحده لازم كل اسبوع غايبة يوم او يومين !!:eh_s(4):

اترك التعليق لكم بعدين اعطيكم رايي

 

[LA TROO7]

كيفها دام مو ضارتج بشي

دعوا الخلق للخالق

يمكن عندها ظرف يجبرهاا !!

 

[randomy]

منو قال مو ضارتني بشي ، غاثتنا باحتياطاتها

وعلى فكرة انا ماتكلم على اللي عندها ظروف ،اللي عندها ظروف الله يكون بعونها

انا اتكلم عن اللي تغيب لا وتجينا ثاني يوم تقول ريحت !!مليت كل يوم اداوم !! ولا مو حابه التدريس وطاقة جبدها

كلنا تعبانين بس نضغط على نفسنا لين تخلص هالسنة على خير

 

[نونا**]

شكو فيها

الحمدالله انه الوزارة اهيا اللي تعطي المعاشات لو الرزق على المدرسات جان قطعوا برزق بعض!!

 

[أعترفلك]

اذا مريضه مرض يمنعها من الدوام هذي حرام عليها تشتغل مدرسه وتلعوز عيال الناس لازم تحول وظيفه ثانيه لان التدريس يبي صحه والله يشفيها

واما اللي تغيب مالها خلق ولا رايحه السوق الصبح ولا تتريق في مطعم هذي ماتعجبني والمعاش اللي تستلمه حرام فيها

وبعدين اللي قالت شكو مو ضارتج بشي المعاش من الوزاره اقولها اسمحيلي لو انتي مدرسه بتحسين ان غياب زميلتج يضرج ويربك وويخليج تدرسين حصصها وتاخذين احتياطها

 

[LA TROO7]

شكثر يغيبون زميلاتي لاعمري شلت صفوفهم ولا حصصهم ولا احتياطهم

الحمدلله وكل وااحد حر بحياته

ليت كل واحد يلتفت لعيوبه ويعالجها ويترك خلق الله منه

 

[randomy]

شكو فيها

الحمدالله انه الوزارة اهيا اللي تعطي المعاشات لو الرزق على المدرسات جان قطعوا برزق بعض!!

الحين انا قلت بقطع رزقها !!

احنا نناقش موضوع ازلي وهو كثرة غياب بعض المدرسات (على غير سنع ) ماقلنا اللي مريضة واللي عندها ظروف

 

[بنت حمايل2]

يا أبلات يا حبيباتي أنا أجزم إنكم تعرفون الفتوى اللي يا خذ مرضي واهو مو مريض حرااام يعني هل كم فلس للي تقولين رزقكم مو حلال أعتقد كلنا عندنا ظروف عندنا مدرسات عيالهم معاقين ومدرسات أمراض مزمنة ويدامون ومدرسات صك أعمارهم الخمسين وملتزمات ومدرسات جدا ظروفهم صعبة وتبجي بعد وملتزمات ما أقوول لا تغيبون ومالي حقٌ أقولها بعد بس بعذر مقنع وإنت وذمتج عند الله تعالى
الملخص :- الذمة ما تنشرى بفلوس ولكن تحاسبين عند الله تعالى يوم القيامة إهنيه ودج لو شريتيها بفلوس الدنيا .

 

[randomy]

شكثر يغيبون زميلاتي لاعمري شلت صفوفهم ولا حصصهم ولا احتياطهم

الحمدلله وكل وااحد حر بحياته

ليت كل واحد يلتفت لعيوبه ويعالجها ويترك خلق الله منه

انتي مدرسة اي مادة ؟؟ وحصصها منو يشيلها ؟؟

 

[أعترفلك]

شكثر يغيبون زميلاتي لاعمري شلت صفوفهم ولا حصصهم ولا احتياطهم

الحمدلله وكل وااحد حر بحياته

ليت كل واحد يلتفت لعيوبه ويعالجها ويترك خلق الله منه

مستحيل تكونين مدرسه ومايعطونج احتياط _03ba:


وبعدين ليش انتي ماتشوفين ان غياب المدرسات من عيوب التعليم في الكويت ويحتاج لعلاج ؟؟؟؟؟

 

[LA TROO7]

عيوب التعليم بالكوويت آآآآآخرها غياب المعلمات

واحلف لج بالله العظيم صارلي سنه ماشلت احتياط

وانا معلمه اسلاميه ولاعمري سمعت اللي غايبه ندرس صفوفها الا في حاله اجازة طووويله او اجازة وضع

 

[randomy]

عيوب التعليم بالكوويت آآآآآخرها غياب المعلمات

واحلف لج بالله العظيم صارلي سنه ماشلت احتياط

وانا معلمه اسلاميه ولاعمري سمعت اللي غايبه ندرس صفوفها الا في حاله اجازة طووويله او اجازة وضع

مشالله انتي وين باي مدرسة علشان انقل عندكم

غريبة احنا نشيل الاحتياط لا وندرس لان خلاص لازم ننهي المنهج اسبوع الجاي:denya:

 

[LA TROO7]

الحمدلله الله يديم علي هالوضع

بس مو من حقهم يجبروني اخلص المنهج بدالها دامها مو بأجازة طوويله

 

[MoonDiamond]

خليج في نفسج.. ولا عطوج احتياط رفضيه ومثل ماتبين تناقشنا بكثرة الغياب وعيوب التعليم بالكويت وشراينا واحنا ماراح نفيدج ونشيل احتياطات عنج..

وانصحج تقعدين مع الناظره والوكيله والمدرسة الاولى وتطرحين افكارج وتناقشينهم عن ظاهرة الغياب واسباب ولا بعد ان جان فيج حماس لمحاربة هالظاهره افتحيلج مكتب زغيرون يم مكتب الناظره وسمين مكتب تحقيقات الغياب وتابعي غياب المدرسات وحده وحده وتحققي من ظروفها اذا كانت حقيقيه والا وهميه.. ولا تنسين الاستئذان بعد عمري اللي تستأذن طلعي وحده وراها تكليف تشوفها راحت نفس المكان اللي قالت عنه والا راحت ستاربكس..........


شرايج؟

على الاقل تفعلين افكارج بارض الواقع بدال ما شراينا ما راينا؟!!!!!!!

ويصير العلاج بيدج وانفع لج عشان ترتاحين نفسيا.....

مشكوره موضوعج يستحق المناقشه..

وراجعتلكم

 

[MoonDiamond]

خليج في نفسج.. ولا عطوج احتياط رفضيه ومثل ماتبين تناقشنا بكثرة الغياب وعيوب التعليم بالكويت وشراينا واحنا ماراح نفيدج ونشيل احتياطات عنج..

وانصحج تقعدين مع الناظره والوكيله والمدرسة الاولى وتطرحين افكارج وتناقشينهم عن ظاهرة الغياب واسباب ولا بعد ان جان فيج حماس لمحاربة هالظاهره افتحيلج مكتب زغيرون يم مكتب الناظره وتسمينه مكتب تحقيقات الغياب وتابعي غياب المدرسات وحده وحده وتحققي من ظروفها اذا كانت حقيقيه والا وهميه.. ولا تنسين الاستئذان بعد عمري اللي تستأذن طلعي وحده وراها تكليف تشوفها راحت نفس المكان اللي قالت عنه والا راحت ستاربكس..........


شرايج؟

على الاقل تفعلين افكارج بارض الواقع بدال ما شراينا ما راينا؟!!!!!!!

ويصير العلاج بيدج وانفع لج عشان ترتاحين نفسيا.....

مشكوره موضوعج يستحق المناقشه..

وراجعتلكم

 

[أعترفلك]

خليج في نفسج.. ولا عطوج احتياط رفضيه ومثل ماتبين تناقشنا بكثرة الغياب وعيوب التعليم بالكويت وشراينا واحنا ماراح نفيدج ونشيل احتياطات عنج..

وانصحج تقعدين مع الناظره والوكيله والمدرسة الاولى وتطرحين افكارج وتناقشينهم عن ظاهرة الغياب واسباب ولا بعد ان جان فيج حماس لمحاربة هالظاهره افتحيلج مكتب زغيرون يم مكتب الناظره وتسمينه مكتب تحقيقات الغياب وتابعي غياب المدرسات وحده وحده وتحققي من ظروفها اذا كانت حقيقيه والا وهميه.. ولا تنسين الاستئذان بعد عمري اللي تستأذن طلعي وحده وراها تكليف تشوفها راحت نفس المكان اللي قالت عنه والا راحت ستاربكس..........


شرايج؟

على الاقل تفعلين افكارج بارض الواقع بدال ما شراينا ما راينا؟!!!!!!!

ويصير العلاج بيدج وانفع لج عشان ترتاحين نفسيا.....



مشكوره موضوعج يستحق المناقشه..

وراجعتلكم

عيب في اسلوب للرد احسن من جذيه والبنت تناقش مشكله يعانون منها المدرسات بس


رجاءا اللي مو مدرسه لاتدخل وتتحلطم

وحبيبتي صاحبة الموضوع لاتعورين قلبج اللي تغيب راح تدخل وتعصب عليج وترد رد مو حلو

 

[جبروت امرأة]

طبعا الغياب الكثير يؤثر على الطلبه وايضا المعلمات الاخريات

من خلال الاحتياطات

لكن إذا المعلمه عندها ضروف قاهره لاحول ولا قوه إلا بالله شتسوي الوحده

مهنه التدريس موسهله هي مسؤوليه كبيره تمس مستقبل اجيال


​

 

[أحلى^حياه]

كيفها اختي

وبعدين اذا هالكثر حارتج انتي غيبي بعد عندج 15 يوم
وخليها اهي تاخذ الاحتياطات علشان ترتاحين

 

[احلى عروووس]

متى نرتقي بمستوى التفكيرر ..

وكل وحده تفكر بنفسها وتحاسب نفسها هي وبس
ومالها شغل بغيرهاا

غابت
داومت
تأخرت
حضرت
استأذنت
حملت
تزوجت
زعلانه
كلت
ماكلت
طلعت
..

الخ الخ الخ


شوفو نفسكم انشغلو بعمرك ..

واااي


ناس فاضيه

صج حريم


عمرنا ماسكعنا شكوى من مدرسين

كلش ولا لهم منتدى حتى

ولا خبه دروس نموذجيه ولا اي سوالف

مانشووف سوالف الحريم الا بالمدارس

الله لا يشغلنا الا بطــــــــــــــاعته يـــــــــــــــارب

 

[@ الرسامة @]

من صجكم هذا رايكم


شلون مالها شغل
اهي تكلمت عن فئة معينة من المدرسات
وانتو تعرفونها عدل


ماتكلمت عن المريضة

وعن اللي عندها ظروف







انا على مدى السنوات اللي عشتها بالتربية شفت وايد مدرسات موهامها احد لا طلبة ولا منهج ولا حضور ولاغياب وتغيب عادي ماهمها حتى تحلل معاشها وفعلا هذا شي يقهر
وولاسف بعضهم ياخذون الامتياز من غير تعب ويتساوون مع مدرسات ملتزمين ويداومون حتى على حساب صحتهم وتعبهم


صج ان مانقدر نسويلهم شي لان الشي هذا ينبع من ضمير المعلم لان اللي يخاف ربه وبالفلوس اللي يوكل عياله منها مستحيل انه ياخذ طبية ويروح العمرة










صح والا لاء