اذا سويتي نفخ خدود او تفكرين تسوين خل نفيد بعض مشاركات

[Turquoiseya]

انا توني انتبه اني كاتبة اكليل الجبل مو الحب سوري والله
دخت مع موضوع تفخ الخدود
يعني الالم موجود بس مؤقت00 بالطقاق بتحمل كل شيء عشان الخدود

الله يعطيج الف عافية ويكثر من امثالج يارب
وماااااقصرتي يالغالية

 

[أورااااااد]

يبيله تفخ ههههههههه بس الخوف من عواقبها

وبعدين اول يوم شلون بيشوفوني الناس اكيد بيستغربون شكلي ههه

على العموم الطب كل ماله يتطور واكيد مع الايام بفكر اسويها

 

[النويره]

اب اب للغالين
نبي مشاركات الحلوين
لا تقصرون بنات

 

[ام عزيزان3]

اضم صوتي لحقن الدهون ((دهنا في مكبتنا))
انا مسويه حقن الخدود بدهون الجسم,,بس انا سويته طبيعي حيل لاني لما ضعفت ونزلت وزني خقوا خدودي وكل من شافني يحبطني شحلو ويهج قبل وين خديداتج..؟
ولان طبيعة ويهي مدور وجناتي عريضه ماحقنت وايد علشان يصير الشكل طبيعي وهذا الي انا ابيه
بس اول اسبوعين لي ثلاثة اسابيع لاتطلعين انخشي.......
بعدين تعالي شوفي الكل بينبهر فيج وشمسويه محلووه؟؟
والحين صارلي شهرين من حقنت,,وتوني من يومين حقنت ايدي بعد تدرون الدهون الي انسحبت حسافه تنقط لانهم يحتفظون فيها بالفريزر 6شهور

بس نصيحه لاتسون عند اي احد الا يكون استشاري تجميل مودكتور عادي
واخذوا من دهون الورك لانها اصعب دهون والجسم مايمتصها بسرعه

 

[@ناعمه@]

أم عزيزان ما شالله الله يهنيج فيهم

بس ما عليج أمر عند أي دكتور تفختي

 

[النويره]

تبارك الرحمن ماشاء الله الله يتمم عليج يا ام عزيزان
بس مو قبول
تشوقينا وتمشين
تعااااااااااااااااااااالي
علمينا اي دكتور؟؟

 

[Turquoiseya]

ام عزيزان

صاجة دهنا في مكبتنا
والحلو انها مالها اثار سلبية ومفعولها تقريبا دائم
مو نقعد انقط فلوس على مواد مؤقتة ويمكن لها اثار سلبية

وين سويتي خديداتج وكم كلفتج
واكليل الحب دخلت ماجد تقي بمخي
طبيعة وجهي ضعيف لاوجنات ولا خدود ومادري شنو التفخ اللي يناسبني
مابي اوفر يطلع وجهي جنه بالونه
ابي شيء طبيعي وتارس وجهي شوي

 

[ام عزيزان3]

سووري مارديت بسرعه لان بالليل ماشبكت
انا اول كنت رافضه فكرة دكتوره حرمه مادري ليش كله عبالنا الحريم فاشلين وكنت متردده,,بس صليت استخاره وعقب يوم عزمت اروح لدكاتره مع العلم اني حاطه موعد عند دكتورين2شاطرين والكل يمدحهم
بس تصدقون مارتحت ولارحتلهم..وشفت مشاركة وحده تمدح دكتوره مصريه شيرين ابوالفتوح((عاد مادري كانت دعايه ولامن صجها))
المهم تعزمت ورحتلها..قلت بتكشف جدام دكتور ومو حق شي ضروري فشله علي الاقل جدام مره
وخذت مني اول مره 300,, شفط وحقن ولان الشفط مو وايد شفطت مو الهدف الشفط المهم الحقن
وثاني مره قبل كم يوم خذت علي اليد والخطوط حوالي الفم 50,,وبس

 

[النويره]

مشكوره ام عزيران علي الافاده

 

[نموله المزيونه]

ماشا الله تبارك الله
وااااااي ونااااااااسه << عجبها الموضوع جدا ^^
الله يهني كل وجده بخدودها
ام عزيزان قلبي .. انا بسال عن تفخ الايد << ايدي ضعيفه تفشل حتى صبغ اظافر ماحط
تكفين قولي شلون سوتها لج وكم تكلف .؟؟
ضروري ردي ياحياتي

 

[ام عزيزان3]

ماشا الله تبارك الله
وااااااي ونااااااااسه << عجبها الموضوع جدا ^^
الله يهني كل وجده بخدودها
ام عزيزان قلبي .. انا بسال عن تفخ الايد << ايدي ضعيفه تفشل حتى صبغ اظافر ماحط
تكفين قولي شلون سوتها لج وكم تكلف .؟؟
ضروري ردي ياحياتي

هلا حبيبتي
شوفي انا لان دهوني مسحوبه ومفرزنه((بالفريزر)) خذت مني علي الايد 50,,بس يعتمد علي الدهون اذا في بجسمك ولا لا انا يدوب سحبت مني 400جرام,,وصافي الدهون منها100ملي يعني كثر قرشة العطر
بس اذا ماتبين تشفط دهون,,اعتقد في مواد يحقنونها باليد نفس الخدود,,بس الدهون اضمن ومامنها مضره

 

[Turquoiseya]

مشكورة يام عزيزان

الحين اطلعت لنا سالفة ثانية واهي ان بعض البنات يقولون ان ممكن الدهون تنزل تحت الحنج بعد كم سنة ويصير عندج نفس اللغلوب
امبيه احس حاشني احباط حده

 

[إكليل الحب]

لووول ماعليج منهم كاه رفيجتي 8 سنين مسويه وجنتين يهببببببببببببببببببببل ما شاءالله وبس ظالين الوجنتين مهما تضعف الوجنتين موجودين


سوري وتوكلي على الله واستانسي وان طلع لغلوب شفطي لوووول لا تحاتين

 

[نموله المزيونه]

تسلمين ام عزيزان ياقلبي ..
بس حبيت اسال << مصختها بالاسئله ... عند منو مسويتها ووين مكانهم ؟

 

[@ناعمه@]

أم عزيزان حبيبتي لمن تفختي

اشلون كان ويهج عفيه قولي بالتفصيل

يعني يبين ويهج متفوخ ... ما تقدرين اطلعين ..

ومتى بين طبيعي ..

 

[Turquoiseya]

وان طلع لغلوب شفطي لوووول لا تحاتين

اكليل الحب
الله يخس ابليسج ماقدرت امسك نفسي من الضحك
نعبي مني ونشفط مني :dddds:

 

[ام عزيزان3]

مشكورة يام عزيزان

الحين اطلعت لنا سالفة ثانية واهي ان بعض البنات يقولون ان ممكن الدهون تنزل تحت الحنج بعد كم سنة ويصير عندج نفس اللغلوب
امبيه احس حاشني احباط حده

ماعليج من البنات كل ساع طالعين بطلعه,,وانا سألت الدكتوره عن هالسالفه مع اني مو مقتنعه انها تنزل باللغلوب
اهو الفكره بالدهون اول ماتنزرع((لاحظي تنزرع))تمتص اول يومين20%منها ويبيلها ثلاثة اسابيع لين تثبت نفسها بالجسم وتغذيها الدوره الدمويه من يد ويديد لان الدهن عباره عن خلايا حيه موسائل تشوفينها مثل دوائر صغار
وعقب فتره من شهر الي شهرين خلاص تثبت عدل وتكون حالها حال اي خليه دهنيه بجسمك,,مااعتقد بتحرك وتنزل
وتتأثر بحاله وحده بالمتن والضعف اذا ضعفتي يخفون واذا متنتي يزيدون

 

[ام عزيزان3]

تسلمين ام عزيزان ياقلبي ..
بس حبيت اسال << مصختها بالاسئله ... عند منو مسويتها ووين مكانهم ؟

عادي حبيبنتي سألي الي تبين,,انا ذكرت بمشاركتي الي قبل اني سويتها عند شيرين ابو الفتوح اهي استشاري جراحة تجميل
بعيادة علاج كلينك مالت دلال التركيت,,مكانهم بالسالميه نهاية الدائري الرابع صفة فرجينيا كلينك وبوحمره

 

[ام عزيزان3]

أم عزيزان حبيبتي لمن تفختي

اشلون كان ويهج عفيه قولي بالتفصيل

يعني يبين ويهج متفوخ ... ما تقدرين اطلعين ..

ومتى بين طبيعي ..

هلا حبيبتي
لما تفخت لوووووووووووووووول يخرع ويهي اول شي انا اخترعت منه
حتي ولدي الصغير يقولي ماما ويهج مو ويهج الصجيييييييي,,,شوفي اول عشرة ايام لي اسبوعين ماطلعت بالبيت عقب يصير حلو تقدرين تطلعين بس مبين اوفر لان بعد مامتصه عدل يعني اذا ماتبين احد يدري عنج لاتروحين حق احد ولاتسيرين الاعقب شهر.. بالفتره يصير ويهج جنا متنانه فريش
ولاتسوين نفسي انا سويتها بفترة دوامات وغبت مرضيه اسبوعين وعقب مادوامت شكلي كان مفضوح مبين مسويه شي
ويكون اول الايام مطقق ومزورق وتصك فيج الدنيا لما تشوفين المنظره,,وعلي قولة الدكاتره اول اسبوعين تدعين علي الدكتور الي سوالج وعقب الاسبوعين تدعين له

 

[ام عزيزان3]

أم عزيزان حبيبتي لمن تفختي

اشلون كان ويهج عفيه قولي بالتفصيل

يعني يبين ويهج متفوخ ... ما تقدرين اطلعين ..

ومتى بين طبيعي ..

هلا حبيبتي
لما تفخت لوووووووووووووووول يخرع ويهي اول شي انا اخترعت منه
حتي ولدي الصغير يقولي ماما ويهج مو ويهج الصجيييييييي,,,شوفي اول عشرة ايام لي اسبوعين ماطلعت بالبيت عقب يصير حلو تقدرين تطلعين بس مبين اوفر لان بعد مامتصه عدل يعني اذا ماتبين احد يدري عنج لاتروحين حق احد ولاتسيرين الاعقب شهر.. بالفتره يصير ويهج جنا متنانه فريش
ولاتسوين نفسي انا سويتها بفترة دوامات وغبت مرضيه اسبوعين وعقب مادوامت شكلي كان مفضوح مبين مسويه شي
ويكون اول الايام مطقق ومزورق وتصك فيج الدنيا لما تشوفين المنظره,,وعلي قولة الدكاتره اول اسبوعين تدعين علي الدكتور الي سوالج وعقب الاسبوعين تدعين له