الرؤيه-الرواد-التكامل-الابداع-الحياة ابي شوووركم شسوي

[barbie girl]

السلام عليكم

يا امهات يا عسووولات ابي شوركم


انا حدي محتاره وين ادخل ولدي
حكومه ولا خاص



انا بيتي بالسره ولدي بيدش الروضه بس انا ودي ادخله مدارس خاصه بس مو عشان فشخره و مظاهر

لا انا مدرسه و سبق وشفت بلاوي وسلوكيات سيييئه منها انحرافات و تحرشات جنسيه بالمدارس بين الصبيان فماودي ولدي يختلط بناس جذي ويخترب

انا بناتي بمدارس حكوميه بس الولد ينخاااف عليه اكثر و البنت تخاف و اشطر من الولد





انا اقرب شي لي اجيال والرواد اللي بالفروانيه بس ماني عارفه نظامهم

ابي مدرسه تعزز الاخلااااااااااااااااااااق والدييييييييييييين ما همني الانجليزي ولا هالخرابيط لان انا واهلي كلنا شهادات وشطار ان شاءالله يطلع علي خخخ لا تقولون انتي تعلمينه الدين والاخلاق حبايبي هالزمن غيييررررر اهة بيقعد من الصبح لي الساعة 2 بالمدرسه اشدراني قعد مع منو

ودي بالرؤيه بس يبيلها واااسطه على حجي الناس ولد عمي فيها ومناهجهم شوي صعبه وعمي منصب كبير اتوقع قابلين الولد عشانه بس انا ريلي مو منصب ولا انا لوووول

التكامل الابداع الحياة ودي فيهم بس صعب القبول وهم بعاد علي

ابي اللي جربت هالمدارس صج صعب القبول ؟؟ وايهو احسن

انا ماكو الا الرواد ورسومها مو هينه نفس غيرها فمابي اتحسف اذا دخلته الرواد فودي اعرف اهم شنو نظامهم نفس الرؤيه ؟ وروض الصالحين ؟؟ ابي الولد خلوووق وابيه يختلط مع ناس زينه

ابي ادارة صارمه ودي بمدرسة يخلون الطلبه يصلون و مابي سوالف هياته وتهريب من الحصص وتدعس بالحمامات و زقاير


ابي كل وحده تقول سلبيات مدرسة عيالها الخاصه بكل اماااااااااااااااااااااااااااااانه تكفووون هذا مستقبل الولد مو لعبه


ابي اعرف منو اللي ماسك الرواد ؟
التكامل ؟
روض الصالحين

الابداع

ابي الخليفي والثويني وطارق سويدان شنو ماسكين بالضبط ؟

وهل ممكن انطر عالويتنق و ما يقبلون الولد

 

[barbie girl]

على فكرة انا على طرق المعاش ويا ريلي بس بضغط على روحي

ريلي ضد فكرة المدارس الخاصه برايه ان الحكومه بتطلعه ريال بس انا مشكلتي احاتي هالولد واااايد حتى صاير الولد مو اجتماعي و متعلق فيني واااااااااااايد لانه ياني عقب بناااات فدلعته وللأسف خربته فمو قادره اتخيل ولدي يصير ضحية وينصدم بمجتمع وحوش وصبيان متوحشين بمدارس الحكومه وممكن ينطق من المدرسين ويتعقد ولا احد يتحرش فيه لوووول حدي مينونه بس انا انسانه قلقه باستمراااااار يعني لو اقرا مشكلة صارت او جريمة او شفت شي اقعد افكر واخترع واحس بيصير لعيالي واسوووي فيلم براسي و تنزل دموعي

محد فاهمني حتى اخواني يضحكون علي يقولون بتخربين ولدج وبيطلع ترف اسم الله عليه الله لا يقوله


ابي شوركم يا امهات الصبيان

 

[ورد وردي]

حبيبتي موضوعج وايد مهم وانتي نفس تفكيري ابي شي يطلع ولدي خلوق وعالدين مو الخاص الي يطلعة امريكي .....الرؤية وايد يمدحونها بهالناحية .....روض الصالحين ماعرف عنها شي ....... الرواد اعرف ناس ماشاء الله رطنة احسها قويه حيل بس مادري من ناحية الاسلامية والدين ياليت احد يفيدنا

 

[كويتية صغيرة]

علشان ترتاحين

حرصي على نقطتين منذ الصغر:
1. تأسيس قيم الدين منذ الصغر (من صلاة و غيرة )
2. الصحبة الصالحة اذا كبر


و نقطة مهمة خذيتها من استشاري تربوي مشهور بالكويت
اكثر المشاكل الجنسية و الانحلال و التمرد على الدين و العلاقات المثلية (بنات واولاد) ..... يأتى من المدارس الأجنبية (خصوصا فترة المراهقة يعنى بالضبط من 10 سنوات و طالع) .....بالتالي نصيحة من اخت وخري عنهم حتى لو غير مختلطة
+
لازم يفهمون اولادنا و بناتنا .....ان الحياة ليست مغلقة بالسكر ....و الناس اشكال و ألوان في الزين و في الشين ..... و الشاطر اللي يختار الأصدقاء الزينيين

+

نقطة اخيرة لكل ام

ليست المدرسة التى تربي ...... الأم هي التى تربي ...... الأم ثم الأم ثم الأم
يعنى مثال بسيط:
اغلب الأمهات تضع عيالها في احسن المدارس و اكثرها انضباطا و قوانين
و في البيت ..... تروح الأم تشتريله لاب توب ..... حق الولد بروحه او البنت ..... و ياخذه و يدش داره و يقفل على روحه و يدخل على المواقع اللي يبي على كيفه ......

و تروح تشتريله موبايل علشان يكلم اللي يبي بدون ما الأم و الابو يدرون شنو يستخدمه و شنو الفيدوات اللو موجودة بتلفونه لانه يبي بلوتوث او يكلم بنات باسم اولاد او بويات او غيره ...... يعنى الخراب من البيت

يعنى شنو فايدة المدرسة
اذا الخراب بالبيت وصار باسم التطور و الحضارة !!!!!!!!!

صدقيني انا عيالي في سن المراهقة و في مدارس حكومية
صدقينى اقولها لك

الأم هي الأساس و هي اللي تزرع القيم و هي الي تربي
+
حرصي على الصحبة صالحة و كل مكان فيه الخير و الشر

 

[barbie girl]

مشكورين بنات

اختي كويتيه صغيره كلامج صحححح بس هذاك اول لما المدرسه كانت تربيه قبل تعليم

الحين الطالب من الساعه 7 الصبح لي الساعه 2 ما يسمع غير اترزع على قولة المصاروى ويا حمار ويا غبي ويا متخلفين قبل المدرسه كنا نعتبرها امنا الثانيه ونحترمها حتى بالبيت نرد اهلنا ما يدرسونا احنا ندرس بروحنا لان المعلومه مترسخه باذهانا الحين مدرسين خصوصيين ومو ملحقين والاهل الحين شهادات و متعلمين ومو عارفين يدرسون ولا فاهمين المناهج


وانا قلت لكم انا مدرسه وشايفه مشاكل تحرش جنسي بين الصبيان حتى بالمدرسات يتحرشون عيال خوامس يتحرشون بالصغار الحين انحرافات وبلاوي شلون ادخل ولدي صغييير ويحتك بصبيان كسالى وكبااار بعضهم عايد السنه اقصد عيال خوامس وحتى لما تصير هالمشاكل المدرسه ما تسوي شي وتضبط الطلبه


انا اقصد ان المدارس الحكوميه ما فيها رقابه وانضباط الحمامات يتدعسون فيها وزقاير وتلفونات واشرطه وتهريب من الحصص والالفاظ موليه والابلاات يمشون الطلبه وينجحونهم يبون الفكه منهم


الطفل مثل العجينه البيئه اهي اللي تشكله وانا مابي اظلم ولدي ويخترب هذا هدية من رب العالمين حرام اظلمه في بيئه مو زينه


وترى البيت والام ما عاد تلحق عالتربيه نفس اول احنا دوامات وظروف الحياة و تدريس اليهال والاشغال اليوميه واليهال ما يردون الا متأخر وين بتلحقين

 

[barbie girl]

بس اختلف معاج بان المشاكل الجنسيه من المدارس الخاصه اكثر

انا ابي مدارس اسلاميه


وبعدين المشاكل والفضايح الجنسيه للي صارت كلها كانت بمدارس حكوميه حتى الوزيره قالت بتحط كاميرات مراقبه

المدارس الخاصه في مشرفين ورقابه عالممرات والحمامات والصفوف ناكو فلتان نفس الحكومه

 

[توتاتوتا]

الله يعين انا نفس الشي ابي شي ديني يحفظ القران

 

[كويتية صغيرة]

بس اختلف معاج بان المشاكل الجنسيه من المدارس الخاصه اكثر

انا ابي مدارس اسلاميه


وبعدين المشاكل والفضايح الجنسيه للي صارت كلها كانت بمدارس حكوميه حتى الوزيره قالت بتحط كاميرات مراقبه

المدارس الخاصه في مشرفين ورقابه عالممرات والحمامات والصفوف ناكو فلتان نفس الحكومه

اختى انا اقصد المدارس الأجنبية
وليست الإسلامية بدون ذكر تفاصيل الإحصائيات لان بدأت تظهر مخرجات التعليم من الجيل الحالي من هذه المدارس بدون ذكر تفاصيل

بالعكس المدارس الاسلامية يركزون على الدين اكثر من اي شي ثاني و هذا الشي وايد حلو

واللي اقصده بالتربية ان الأم هي الأساس يمكن 60 % الى 70% دور الأم في التربية اذا تتكلمين عن التربية و تقدرين تقولين 40% على المدرسة ..... اما اذا الأم مو حريصة و ماتدري عن عيالها راح يكون 100% متربي من المدرسة

و الله يحفظ عيالنا و عيالكم من اصحاب السوء
و يوفق ولدك و يجعله من الذرية الصالحة ان شاء الله
و ان شاء الله الخوات يفيدونك

 

[barbie girl]

uppppppppppppppppppppp

 

[ملاك ^ الحب]

حبيبتي انا اقولج عن تجربتي بالابداع

على فكره انا نفس تفكيرج انا الله رزقني بنوته بعد 7 سنوات من زواجي

اول شي انا بصباح السالم دخلت بنتي الابداع لان خواتي كلهم دخلوا عيالهم بس من زمان من قبل 7 سنوات المهم ما اجذب عليج واقولج ان تدريسهم مو حلو بصراحه انا ماشفت مهم تدريس بس الي اسمعه ان تدريسهم وايد حلو

اول ما سجلت بنتي قالولي راح ندرسها وقالولي شنو راح يعطونها قلت اوكي بس مارتحت حق الحضانه وبنتي بس تبجي قالو عادي لان متعلقه فيني وايد ومره وحده اهدها بروحها شي طبيعي بتبجي

خليتها تقريبا شهر بس مو كل يوم اوديها صارت عندي ظروف المهم

البنت صارت عدوانيه بشكل ما تتصورينه تمشي وتطق وتسب عمرها اسم الله عليها سنه و9 شهور واذا فلت لها يلا نامي باجر حضانه تقعد تبجي وتخيلي قاطينها مع يهال يحبون ولا عطوها ولا شي والله

وطبعا الاكل علي والاكل سالفته سالفه اودي اكل حق بنتي مثلا ( توست- لبنه الصغار- مربى - تفاحه - برتقاله - عنب - خياره ) لان مادري شنو تاكل انوع لها المهم يردولي الجنطه فاضيه شسالفه مستحيل بنتي كلت كل هذا رحت لهم وكلمتهم وين الاكل الي احطهحق بنتي تخيلي يطلعون اكلهم كلهم ويوزعونه على الكل حتى الي مو يايب زين انا شلون اعرف بنتي شنو كلت والكميه الي كلتها

قلت خلاص لاعت جبدي منهم والله ورحت وسحبت اوراقها ودخلتها الحضانه البريطانيه بصباح السالم تخيلي وديتها اسبوع بجت بس شوي بعدين اهي تقولي ماما ابي حضانه حدي استانست لان تعاملهم زين مع اليهال وشنو الحلو فيهم ان كل خميس ييلج تقرير مثل الشهاده اكله زين ولا لا يشارك ولا لا كل شي تقرير كامل والله ارتحت وايد وبدت تتعلم شغلات وانا من زمان اعلمها بالبيت بس هالحضان وايد زينه

وسامحيني قرقت وايد بس حبيت انقل تجرتي بكل امانه

 

[حلم الطفولة]

ملاك^ الحب .. انتي تقصدين حضانة الإبداع اللي بصباح السالم وهي تقصد أكاديمية الإبداع الأمريكيه << المدرسه .
حضانة الإبداع في صباح السالم مالها أي علاقه بالمدرسه مو مالتهم ولا تابعه لهم.

أختي صاحبة الموضوع .. دام طلبج جذيه نصيحه حاولي واسطه أو اي أحد يساعدج وديه الرؤيه أو الرساله بالمهبوله.
والحياة مدحوها بعض الخوات أيضا وهي ماسكها الخليفي ..
روض الصالحين حلاتهم روضتهم قويه حيل حيل حيل الروضه روعه وماسكينها غنيمه سنان وعبدالرحمن العليان
التكامل والإبداع أصحابها الوزان

واي ماتكون المدرسه فالحمدلله إن ولدج توّه صغير , وقت تودينه أي مكان ومايعجبج تقدرين بعد لروضه تنقلينه.

وسلامتج

 

[أ.س.م.ا.ء]

هذا رابط تجمع اولياء امور طلبة مدرسة الرواد ثنائية اللغة
http://www.q8yat.net/showthread.php?t=462560&highlight=%C7%E1%D1%E6%C7%CF