عيالج على قلبج ولا؟؟؟؟؟

[iron women]

صباح الخير بنات
شلكونكم انشاء الله بخير








بنات في شغلة صايرة وحبيت اخذ رايكم فيها امس يتني رفيجتي وكانت معصبة حدها فعرفت انها متناجرة مع

زوجها المشكلة مو هاذي اهيا كانت محترة من بنتها اللي عمرها 10سنين بسبب ان بنتها دايمن تصف مع ابوها

بكل الحالات وتقول لمن تكون متناجرين انا وبوها تروح تقعد عنده وتلعب وياه وتاخذ بخاطره ليما يرضا

بس ماتروح لامها مع ان الشهادة لله انا شايفة بعيني ان امها اهيا اللي قايمة فيها وتشريلها واطلعها معاها


ووايد حنونة عليها بس البنت قلبها على قلب ابوها وغير جذيه اى شي ايصير راحت تركض اتقول لبوها حتى لو

انها عارفة ان ابوها بيعصب على امها بسبب اللي قالته وعلى فكرة هالموقف دايمن يتكرر يعني مومرة ولا مرتين


وانا احيانا تصير هالشغلة مع اعيالي بعد وتضايقني لمن تصير مع ان مانتخانق انا وريلي جدامهم بس

لمن ايكون في سوء تفاهم ايحسون واهني يبدى العجاف حق ابوهم:lkmnkl:

انتو شرايكم بهالسالفة تصير معاكم ؟ وشلون تتصرفون بهالموقف:gr4uu:

 

[الصعيريه]

لحد الحين ماصارت لي هالمواقف لانه عياالي صغار
بنتي عمرها سنه و8 شهور وولدي 3 شهور

بس مرات لما نتغشمر انا وزجي ويطقني بأي شي
تدااافع عني وتروح تطق ابوهاا
يماا فديتهاا

 

[iron women]

الله ايحفظهم لج يارب ومشكورة حبيبتي عالرد

 

[بطة رشيقة]

الله يهدى هالعيال ويرزقنا برهم .. ويحفظنا ويبعد عنا المشاااكل ..

 

[ناتشوو]

انا نفس الصعيرية بنتي صغيرة بس دايما توقف معاي لما تشوفنا نلعب طق ( خوش لعب )
ولما اكون انا المنتصرة تستانس
الله يستر لي كبرت
الله يرزقني برهم يااارب

 

[الدلوعه2008]

والله ما ادري شقولج خلاص ادام البنت مع ابوها خلي امها لا تشتري لها خنشوف ابوها شلون يشتري عشان تعرف منو للي يشتري لها لعابها امها ولا ابوها

والله اليهال ما ادري شلون صايرين وانا امس بالطبيب وفوق هذا البنت ما ادري جم عمرها جن 8 تقول ما تبي ابره وفوق هذا ابوها يكلمها بسلوب حلو ورقي وتقول مابي مابي انا مو ورعه انا مره يمه مره وليش مو متحجبه جن يدخلها غرفه الحريم عشان يعطونها ابراا وفوق هذا ما ادري شسالفه الحريم والرياجيل هل الجيلي شكثر يدلعون عيالهم واخرتها شنو بتستفيدين

والله يا قلبي اذا انتي تبين تتهوشين ويه رجالج قولي له بليلي لا تتهوش معاي جدام عيالك واذا في هوشه ومعصب مسك نفسك ونتفهم اخر ليلي بهدوواء وجذي ينحل ما راح يبين هوشتكم عند عيالكم

 

[1-2-3-4-5-6]

البنت دايما تصف مع ابوها لين تكبر ياالله تحس بأمها

 

[شووكولاته]

عاد انا بنتتي كل بصفي وحتى انا موملاحظه زوجي ملاحظ وشكله محتر ههههه وهو الي قايلي

بس انا اقوله لا عادي هي تحبك اكثر مع ان ادري تحبني انا اكثر

 

[نور78]

دااايما البنات بصف الابو والصبيااان مع الام ولازم رفيجتج اذا صارت مشكله بينها وبين زوووجها تكون بعيده عن عيااالهم مو جدااامهم

 

[هنـــــد]

امبيــــــــــــــــه !!
وربي بنيتها لعينــه @@ هذي لو بنتي غسلت شراعها
الحين انا اللي اداريها واشتريلها واطلعها واجابلها اكثر من ابوها وتوقف وياه ضدي وجنها تتشفّى فيني @@

لا لا اكيد العرج له علاقه بالموضوع .. من ناحيه ابوها وعماتها <<< شوف تفكير الحريم الخبلات خخخخخ


ربي يوسع صدرها من خبال بنتها
وعسى يهدي البنيه لامها


وربي كاسره خاطري

 

[iron women]

تسلموووووووووووووووووووون حبيباتي على الردود وماقصرتو ويارب ايسخرلنا عيالنا

 

[BARBI]

حبيبتي البنت دايمن توقف بصف ابوها وهذا شي عادي بس لي وصل انها قاعد تعلمه على شغلات تدري انه الابو بيتضايق منها ..
هنيه انا لو بمكانها امسك بنتي واحاورها واقولها ان انا امج واختج ورفيجتج وعلمها شنو اللي ممكن تقوله عند ابوها وشنو اللي مو مسموح ..
مو بس مره لا عالطول اذكرها وبجذيه ان شاء الله الله يهدي بنتها وتفهمها ..

 

[q8hadaya]

شى طبيعى الى يصير
بس صدقينى البنت تحب امها اكثر والولد يحب امه اكثر بعد
وهالكلام انا مجربته مع انى اشوفهم يلعبون مع ابوهم يوقفون معاه
بس تلقينهم يحبونى اكثر

 

[iron women]

حبيبتي البنت دايمن توقف بصف ابوها وهذا شي عادي بس لي وصل انها قاعد تعلمه على شغلات تدري انه الابو بيتضايق منها ..
هنيه انا لو بمكانها امسك بنتي واحاورها واقولها ان انا امج واختج ورفيجتج وعلمها شنو اللي ممكن تقوله عند ابوها وشنو اللي مو مسموح ..
مو بس مره لا عالطول اذكرها وبجذيه ان شاء الله الله يهدي بنتها وتفهمها ..

والله عيزت تفهمها تصدقين تقول لبوها ماما قالتلي ماعلمك على شي ابييه خلتها تستخف

وبيني وبينج انا قمت ماحب بنتي تخالط بنتها وايد اخاف تعلمها على هالحركات لان بنتي عندها استعداد

هم تموووت على ابوها وهاذا شي زين انها تحب ابوها بس مابيها تسوي نفس بنت رفيجتي مع ان حرام رفيجتي

حيل كاسرة خاطري احس انها صج محترة

وتسلمين حبيبتي على الرد

 

[opera]

حتى بالهواش تدخلون اليهال !!

 

[iron women]

حتى بالهواش تدخلون اليهال !!

لا طبعا انا ضد هالشي تماما بس تدرين اليهال ايحسون لمن الام والابو بينهم مشكلة او مايتحاجون

وتسلمين على الرد

 

[ام ساره 4]

أنا بناتي إسم الله عليهم دايما يوقفون معاي وإذا شافوا أبوهم شد معاي بالكلام يقولوله إشفيك على أمي بعد عمري فديتهم وعسى الله يخليهم لي

 

[رنين]

لا يبا المشكله مو في بنتها ..

كل فتاة بابيها معجبة

المشكله بعلاقتها مع زوجها لازم يتفقون على منهج تربيه ما يخلونها تلعب عالحبلين الياهل لحصله يرمح له رمحه بيرمح
البنت تشوف ان امها ضامنتها لكن الابو مفقود تبي تجذبة
لكن انها توصيها هذا لا تقولينه لابوج غلط لازم تتفق مع الريال شنو تنقل لك نتفاهم بينا و بين بعض لكن جدامها تنهرها و ما تسمح لها

 

[iron women]

أنا بناتي إسم الله عليهم دايما يوقفون معاي وإذا شافوا أبوهم شد معاي بالكلام يقولوله إشفيك على أمي بعد عمري فديتهم وعسى الله يخليهم لي

الله ايباركلج فيهم وايخليهم لج حبيبتي

 

[iron women]

لا يبا المشكله مو في بنتها ..

كل فتاة بابيها معجبة

المشكله بعلاقتها مع زوجها لازم يتفقون على منهج تربيه ما يخلونها تلعب عالحبلين الياهل لحصله يرمح له رمحه بيرمح
البنت تشوف ان امها ضامنتها لكن الابو مفقود تبي تجذبة
لكن انها توصيها هذا لا تقولينه لابوج غلط لازم تتفق مع الريال شنو تنقل لك نتفاهم بينا و بين بعض لكن جدامها تنهرها و ما تسمح لها

عدل كلامج اختي انا معاج وتسلمين على الرد