اف من عيسى غثيث وايد شايف روحه انشالله ينقرص عدل عشان يصير ريال مالت عليه
وحنين ليش ماتقول حق امه عن الي صار صج صعب بس على الاقل تقدر تتصرف
وعادل احسه خوش واحد
اما ليال شكلها بتنصدم بناصر
يسلمو على البارت
هااااااي دندوش شلونج؟
تسلم ايدج عالبارتات
حنين يا حبيبتي ردي على فواز
الله يستر شراح يسوي ناصر؟
وعيسى متى بيتعدل؟؟ خلاص بعد صارت زوجته
وألف مبروك على حمال جود والله يتمم عليها
ولمياء عاد مو لهالدرجة انها تحاول الانتحار!!
يلا حبي ناطرينج
دانيا ما قدرت تنزل الباارت كتبته وعطتني وتوني قدرت انزله
تفضلووو
البارت 20
ناصر : شرايج نتمشى بأي مكان ملينا من المطعم
ليال : لالا اخاف احد يشوفنا
ناصر : يالله عاد محد بيشوفنا خل نطلع
ليال : اوكي بس شوي
ناصر : اوكي
طلعوا ناصر وليال يتمشون ..
ناصر : ليال مو مصدق هذا اخر يوم بشوفج فيه
ليال : نصور بس لا تبجيني عاد
ناصر : شنو شنو قلتي ؟ نصور ؟
ليال : هههههه بالغلط اطلعت لا تخاف
ناصر : اوف يا كرهج لما تسوين جذي
ليال: ههههههههه كيفي
ناصر : كانت هذا الايام احلى ايام حياتي
ليال : صج ؟
ناصر : أي صج والله
ليال : انا بعد
ناصر : أحبج
ليال : ..
ناصر : احبج فدييت اللي يستحون
ليال : بس نصور يالله خنرد تأخرنا
ناصر : يالله
واهمه بالطرييج لي السياره . شافوا جدامهم عيسى ..
..
حنين توها راده من الجامعه واول ما دخلت البيت كانت امها قاعده مع خالتها ام فواز ..
حنين : السلام علييكم
ام فواز : هلا ببنيتي شلونج حنون؟
حنين : الحمدالله انتي شلونج خالتي
ام فواز : بخير شالقطيعه ما نشوفج
حنين : شسوي لهيت من الجامعه
ام فواز : الله يوفقج حبيبتي .. تعالي قعدي معانا
حنين : لا خاله مره ثانيه
مريم : أي خليها خليها .. لأني موجوده اهيه ما تبي تقعد
حنين : يمه شالكلام
مريم : الحين صرت امج ؟ لو تستحين على ويهج ما عاملتيني جذي
ام فواز : هدي يا مريم شفيج عليها
مريم : ما شفتيها شلون تعاملني كل هذا لأني تزوجت
حنين : انتي من متى دريتي عني .. قبل تلهين مع الدوام والحين مع عادل .. وانا ويني بحياتج ؟!
مريم : انتي بنتي وانا مستحيل انساج .. بس ما يصير تعامليني جذي
حنين : الكلام ما ينفه انا بصعد عن اذنكم
مريم : تنحاشين هاا
حنين صعدت غرفتها .. حاسه انها مخنوقه .. بس ما ودها تبجي
...
في شقه حمد وجود ..
حمد : مادري ليش ما احسهم متزوجين
جود : وانت شفيك عليهم كيفهم
حمد : لا حاس ان الموضوع وراه شي
جود : شلون يعني ؟
حمد : تصرفاتهم مو كأنهم متزوجين
جود : عادي يبي لهم جم شهر ويتعودون
حمد : أي يمكن
جود : الظاهر اخوك مثلك
حمد : شقصدج ؟
جود : انت ادرى
حمد : جود شالكلام عيب اللي تقولينه
جود : شدراني عنك ! حاط بالك على اخوك .. الواحد لازم يشوف نفسه قبل لا يشوف الناس
حمد : احترمي نفسج
جود : اووه انا اقوم احسن
خلته ودشت الغرفه .. حمد منصدم اول مره جود تكلمه جذي !
..
نرد حق ليال وناصر ..
عيسى : كنت متوقع
ليال : عيسسى !
عيسى : صارلي جم يوم الحقج وتوقعت هذا اللي تسوينه
ليال : عيسى انت فاهم غلط
عيسى : عن الفضايح وصعدي السياره بسرعه َ!
ليال : عيسسى اسمعني
عيسى : شوفي انا ميود اعصابي .. بتصعدين والا لا
ليال : زين
صعدت ليال السياره .. وتم عيسى يكلم ناصر ..
ما كانت ليال تردي شنو صاير بينهم .. كانت تشوفهم من بعيد بس مبين ان عيسى معصب ويكلم ناصر بعصبيه ..
وبعد دقايق يه عيسى وصعد السياره ..
ليال : عيسـ ..
عيسى : جب .. ولا كلمه بعد لج عين تتكلمين
ليال : عيسى تكفى اسمعني انت فاهم غلط
عيسى : ما يحتاي فهمت كل شي ودريت بكل شي سكتي بس
كانت ليال منصدمه .. مو منصدمه من شوفه عيسى لها .. بس انصدمت من رده فعله .. توقعت ان يطقها او يطق ناصر او يسوي مشكله اكبر .. بس كل هذا ما صار ..
وصلوا البيت ..
ليال : بتقول حق ابوي ؟
عيسى : نزلي فكيني
ليال : تكفى عيسى انت فاهم غلط
عيسى : باجر بتذلفين وبتسافرين .. ماله داعي اقول حق ابوي
ليال : صجج ما راح تققول
عيسى : لا يالله نزلي انا مستعيل
ليال : اوكي
نزلت ليال كانت مستانسه ان عيسى ما راح يفضحها .. بس بنفس الوقت منصدمه من برود عيسى وتصرفه معاها ..
صعدت ليال غرفتها بسرعه وخذت موبايلها ودقت على ناصر ..
ليال : الوو ناصر
ناصر : هلا ليال قاعد احاتيج شصارر ؟
ليال : ما صار شي
ناصر : ها ؟! اخوج ما قال لج شي ؟
ليال : لا عادي قالي انتي باجر بتسافرين خلاص
ناصر : غريبه
ليال : ايي المهم شنو قالك
ناصر : قالي ما نبي فضايح تحبيها وتبيها كلم ابوي
ليال : امم صح كلامه
ناصر : شنو صح؟
ليال : ليش ما تكلم ابوي ؟
ناصر : اكلمه شقول له
ليال : انت تسعتبط ؟! تقوله انك تبيني
ناصر : لا ليال مو الحين
ليال : عالاقل بس تكلم ابوي شفيك ناصر ليش خايف
ناصر : انا مو خايف بس ماله داعي
ليال : أي قول ما تبيني
ناصر : لو ما ابيج ما تعبت عشان اوصلج
ليال : لو تبيني تسوي المستحيل عشاني
ناصر: والله ابيج
ليال : انا غلطانه يالله باي
ناصر : تعالي ليال لا تسوين جذي تكفين
ليال : صدمني موقفك
تصار : ماقدر اكلم ابوج افهميني
ليال : كيفك باي
سكرت الخط .. وسكرت موبايلها .. وقامت ترتب اغراضها حق السفر ..
ليال : يمه شفيج لا تبجين عااد
سلوى : والله ماقدر على فراقج
ليال : يمه لا تخليني اهون
سلوى : لا يمه توكلي على الله والله يوفقج يارب
ليال : مابي شي غير دعواتج
سلوى : زين عندي لج مفاجأه
ليال : شنو
سلوى : نطري
اطلعت سلوى من الغرفه وبعد شوي يت ومعاها لمياء ..
ليال : لمياء !
لمياء ( ابتسمت ) ولموا بعض ..
ليال : بتوحشينيي
لمياء : وانتي اكثر
ليال : سامحيني لموي على كل شي
لمياء : انتي اختج مسامحتج
ليال: حبيبتي والله ممكن طلب؟
لمياء : آمري
ليال : نامي عندي الليله
لمياء : ما طلبتي شي ولا يهمج
كانت سلوى تالطعهم وعيونها تدمع .. مستانسه ببناتها انهم ردوا احسن من قبل
وكانت راشد يم الباب يشوفهم وهم مستانس ..
ليال التفت لأبوها : يبه من متى انت هني
راشد : من زماان
ليال : هههههههه حياك يبه
راشد : ابيكم مله جذي مع بعض وقلوبكم على بعض ..
ليال : إن شاء الله يبه من عيوني ..
...
عيسى رد من بره وشاف هنادي منسدحه بالصاله وتشوف تلفزيون
هنادي : هلا حبيبي
عيسى : شتبين
هنادي : ولاشي ممنوع اسلم على حبيبي
عيسى : الحمدالله والشكر ماكو كرامه
هنادي قربت يمه .. وحطت يدها على رقبته ..
هنادي : ما ولهت علي
عيسى : اممممم
هنادي : لا تكابر ادري تحبني وولهت علي
عيسى : تعالي ..
ودشواغرفه النوم ..
..
جود : حمد ابي اروح بيت اهلي ولهت عليهم
حمد : مو الحين
جود : ابي اروح حمد مليت من هني
حمد : انا مشغول بعدين
جود : اف اف شالملل !!
حمد : شتبين اسوي لج
جود : ياليتني ما تزوجت .. لو انا باقيه في بيت اهلي احسنلي
حمد : جود مو جنج وايد تغلطين من امس وانا ساكت عنج
جود : انا مليت منك ومن برودك .. ما احس اني متزوجه .. عبالي اذا تزوجت راح استانس ..
حمد : شكلج فاهمه الزواج غلط
قام حمد وطلع وخلاها ..
جود كانت تحسب الزواج طلعات وروحات ودلع ووناسه ..
بس انصدمت بالواقع ..!
..
وباليوم الثاني كان الكل مع ليال بالمطار يودعها ..
كانت تبجي لما شافتهم جذي وما تبي تسافر .. بس هذا القرار اهيه اللي قررته ولازم تتحمل ..
واهيه تودع اهلها لفت وشافت من بعيد ناصر واقف يطالعها ..
كان ناصر بعينه الدموع ..
حست ليال بتأنيب الضمير .. وددها تكلمه .. ودها تسولف معاه .. ودها تقول له ابيك وما ودي اسافر واخليك ..
بس هالكلام فات وقته ..
كلها ساعات واسافر واحمل هموم وعنايا
وابتعد مكسور خاطر لأن حبيبي مو معايا
ما طرى يوم في بالي عنك انا ابعد يا غالي
حطمت قلبي الليالي .. فرقتنا في النهايه ..
كلها ساعات واسافر واحمل هموم وعنايا
*
كييف راح اصبر بدونك وعيني تبعد عن عيونك
وانا كل ما ينظرونك تزيد ناري في حشايا
انحرم ليه من حنانك وعمري ضيعته عشانك
يا فرح والا زمانك وانطوت احلى روايه
كلها ساعات واسافر واحمل هموم وعنايا
*
يا حبيبي في بعادي روحي تصرخ لك تنادي
صوتي ضايع وسط وادي وادري ما ينفع رجايا
منهو لي يطفي لي ناري يشعر بهمي ومراري
ليلي ابعد عن نهاري شمس غابت عن سماي
كلها ساعات واسافر واحمل هموم وعنايا .
..
صار وقت اللي لازم تمشي فيه ليال .. مشت ليال .. كانت عيونها على ناصر ..