ديوانية شموسه ورينبو...الي ولادتها بالصيف تتفضل تقرق معانا

[nonia]

بنات شسوويتوو على كاكاو المواليد

بتشتروونه جاهز ولا بتسووينه عند وحده ولا بتسووينه بنفسج ؟؟!

أنا شكلي ناووويه أسوويه بنفسي أشتري كل شي وأعابل فيهم هالشهر

والكاكاو من لاكادو بس ماعندي أفكار للستاند ..


بولادتي بجري قطيت مبلغ على شي كنت أقدر اسووي أحلى منه

بس ما عليه الحياة تجارب على قوولت ماما

وأأأأأأأنتوووو

والله يا حبيبتي انا كل مره أسوي حق اختي بولادتها الكاكاو ويطلع اينن بس هالمره لأن حقي كنت خايفه أسويه بروحي فرحت وشريت أشياء من سنتر بوينت واختي يايبتلي من مصر شغلات وديتهم حق شوكودور اللي بالسالمية والله وحطوهم لي بطريقة اتينن بس أولد أحطهم لكم انشاءالله , وبيني وبينج افتكيت وااايد بس قلت بستلمهم أول يوم بالتاسع أحس أحسن لي أخاف يوهقوني وما اييبونهم مبجر المستشفى .

 

[nonia]

رينبو ,,, حبيبتي ترى ماكو وقت لا تكيسلين والله الوقت يركض ما تدرين شلون .

ملاك هدية ,,, ما تشوفين شر حبيبتي والله معذوره تبجين صج الله يعينج .

والله يسهل على الكل انشاءالله .

 

[فروتى]

هااااي بنات

شخبااااركم

من أمس وأنا أحاتي:eh_s(2): الفرحه السجينه وفروتي موعدهم اليوم وجنه فروتي قبل الفرحه السجينة وبعد شرووف مافي أخبار عنها ...

الله يسهل عليهم ولادتهم يارب بنات أدعوو لهم يمكن الحين فيهم الطلق
ويمكن ولدوو

شموووس الحمدلله جنج رديت مثل أول يالله مشتاقه اسوولف معاج
مثل أول بس صج خرعتيني يعني الوحدة اذا سافرت خدامتها جذي
يصير فيها :eh_s(4): ...


رينبوو

طمنتيني الحين عرفت شنو يعني أنبط جيس الماي ... الله يعينكم
ولالالالالا تحريني ما صارت لي فرصة اشووف اويشو
بس ناويه باجر أخم السووق عدل ..

هالووووووووووووووووو اوشال انا هنا لازت صامدددددددة ما ولدت للحين مشكورة يقلبى على السوال:eh_s(7):اليوم رحت للطبيبه قالتالى تعطينى اسبوع بعد لان الرحم مسكر وماكو طلق ولا شى وبعد البيبى وزنه ضعيف شوى تقولى عقب الالاسبوع بتولدنى باى طريقه:eh_s(2): الحمد لله على اى حال بس قالتالى لو حصل طلق او نزلت مويه او شى بروح على طول الله كريم

شخباركم بنوتات الله يهون عليكم وعلى ونقوم كلنا بالسلامة

الفرحه السجينة وينهاااااااااا؟؟؟؟؟ ان شاء الله تكون ولدت بالسلامة لو احد عرف عنها شى يطمنا عليها:eh_s:

 

[nonia]

فروتي ,,,

عسى الله يسهل عليج يارب واييلج الطلق من رب العالمين وما تتطرين تتحملين طلق صناعي ولا غيره , الله يسهلها عليج ويقومج بالسلامة وتبشرينا بولادتج انشاءالله وحاولي تمشين وايد .

 

[donat]

شموسة
قرت عينج على رجعة الخدامه ... صج اثارها بينت صايرة نشيطة ههه

فروتي
الله يسهل عليج يا رب

الفرحة السجينة
شخبارها جنها غطت .. ان شاء الله تكون ولدت بالسلامة

 

[أوشال]

اوشال والله انا من امس وادعيلهم الله يسهل عليهم


والكاكاو انا عندي ستاند يايبتلي اختي في ولادتي وايد شكله حلو شلت التلبيس اللي عليه وكان محطوط عليه دبدوب هم شلته ودي اوديه محل هدايا او محل كاكاو يضبطولي اياه يعني يطلع شكله يديد لان طريقته وايد حلوه بس اهو ينفع طبعا اذا ناس يولي بالبيت مو المستشفى حق المستشفى ما راح اشتري لان خواتي وريلي ما يقصرون ايبولي هالسوالف واييبولي بعد بوكيه ورد فما احاتي هالشي بصراحه من كثر الكاكاو اللي يوصلني وانا والده سلتين كاملين اخلي ريلي يوديهم دوامه وكله سوالف ذربه وراقيه


والستاند حطيته بالسياره من جم يوم وكل يوم اقول باجر ودي اسويه وافتك



اوشال اذا اتاحبين اتسوين الكاكاو بنفسج سويه ترا وناسه ماشا الله رفيجتي يوم امها يت من الحج اهي سوت الكاكاو بنفسها بس كانت تشوف افكار المحلات والله طلع شغلها راقي وجنه جاهز وارخص والكالكاو من لاكادو اهي خذت الاغراض من السرداب اللي بحولي نسيت اسمه اللي يبيع سوالف القرقيعان اللي مقابل دار الشفا

هلا رينبوو
أنا بسووي الكاكاو للبيت والمستشفى ولي اييبه ريلي واللي يزوروني
يتوزع وريلي هم ياخذ حق دوامه اذا ولا يشتري ..

بس أهم شي الكاكاو مال المولود تدرين لازم يكون مميز اشوي
مو مثل الكاكاو اللي جاهز بدون شغل وأنا خاطري يكون مثل لون
كفري ولوون الورد ..

ما أدري بشووف شنو في أفكار بالمحلات والمواقع .. بس ما أدري خاطري
اسوي حقي شي مميز مدام أني فاضيه واقدر اتحكم بميزانيتي ..

 

[أوشال]

والله يا حبيبتي انا كل مره أسوي حق اختي بولادتها الكاكاو ويطلع اينن بس هالمره لأن حقي كنت خايفه أسويه بروحي فرحت وشريت أشياء من سنتر بوينت واختي يايبتلي من مصر شغلات وديتهم حق شوكودور اللي بالسالمية والله وحطوهم لي بطريقة اتينن بس أولد أحطهم لكم انشاءالله , وبيني وبينج افتكيت وااايد بس قلت بستلمهم أول يوم بالتاسع أحس أحسن لي أخاف يوهقوني وما اييبونهم مبجر المستشفى .

هلا نونيا

دام عندج خبرة ساعديني بأفكار حلووة ومنوو كنتي تشترين شغل التزين
أنا ما اعرف الا المكان اللي قالت عنه رينبو مجمع منيرة مقابل دار الشفا
ومحتارة بالستاند

 

[أوشال]

هالووووووووووووووووو اوشال انا هنا لازت صامدددددددة ما ولدت للحين مشكورة يقلبى على السوال:eh_s(7):اليوم رحت للطبيبه قالتالى تعطينى اسبوع بعد لان الرحم مسكر وماكو طلق ولا شى وبعد البيبى وزنه ضعيف شوى تقولى عقب الالاسبوع بتولدنى باى طريقه:eh_s(2): الحمد لله على اى حال بس قالتالى لو حصل طلق او نزلت مويه او شى بروح على طول الله كريم

شخباركم بنوتات الله يهون عليكم وعلى ونقوم كلنا بالسلامة

الفرحه السجينة وينهاااااااااا؟؟؟؟؟ ان شاء الله تكون ولدت بالسلامة لو احد عرف عنها شى يطمنا عليها:eh_s:

هلا فرووتي الله يسهل عليج هاليومين وتولدين بالسلامه
بس عليج الحين بدعاء واقري قران ..
تصدقين من لهيت ببنيتي وأمتحاناتي قصرت ما قعدت اقرا اقران خير شر
مع الويه مجابله النت ووبس .. قلت اليوم اقرا قرأن بعد صلاة الفير بأذن الله
ولا تنسين تبشرينا عنج ولالالالازم تسولفين عن ولادتج :eh_s(2): جنه بجري !!

 

[ملاك هدية]

هاااااااااااااااااااااااااااااااااااااااااااااااااااااااااااااااااااي
وبس
تعبانه ماقدر ارد بس
بقول لكم شي
حدي اشتاق لكم
طمنوني على الفرحة السجينه وفروتي اوكي
بااااااااااااااااااااي

 

[donat]

السلام
بنات من امس وانا احس بعوار فوق الحدة و ظهري شاب علي مثل الفلفل لما انسدح يروح و يرد اذا قعدت حتى لو ما مشيت بس قاعده على الفراش ومجابلة الكمبيوتر هم يعورني اول مرة يحوشني جذيه...
تكفون طنوني ..انا عندي مراجعه يوم الاحد 1-7-2007
انا الحين بالاسبوع 26 و 4 ايام

 

[rainbow_brite]

لا اوشال ما اقصد تاخذين السله جاهزه بالكاكاو اقصد الكاكاو بس بالحبه يبيعونه ويكون فيه شغل يعني انا الستاند اللي عندي بوديه محل هدايا يغلفونه ويسوون فيه شغل نفس لون كفري والكاكاو اشتري بالحبه تطلع الحبه بنص دينار او 750 مو الكاكاو الساده في بجري سويت سله عند وحده فلبينيه سوتلي اياها مضبوطه والكاكاو بالجابريه نسيت اسم المحل بس شغل مرتب وذرب وراقي اطلعت الحبه بدينار سويت خمسين حبه بخمسين دينار


اتصدقين اوشال اموت على كاكاو الياهل لم يكون لونه بيج احس راقي عيالي الاثنين كاكاوهم بيج ما ادري احس ان الازرق ما يطلع حلو



شنو لون كفرج

 

[rainbow_brite]

دونات 26 اسبوع يعني اي شهر وسلامات ما تشوفين شر

 

[rainbow_brite]

دونات ساعات ترا حتى لو منسدحين بس اخاف انتي نفسي ترا قعده الكمبيوتر تكسر الظهر انا انسدح عالفراش واجابل الللابتوب بس اسكره واقلب وانام عاد تعالي شوفي العوار

 

[rainbow_brite]

ملاك هديه اشتاقتلج العافيه



فروتي الله يسهل عليج هاليومين ان شا الله

 

[جاكليت]

قوه بنات شلونكم

اتصدقون رحت موعدي أمس وقالي الدكتور اسو يلج دخول والعمليه السبت 30/6 بس قلت له اني مو متهيئه للعمليه ونفسيتي تعبانه وأبي أولد 7/7 السبت اللي وراه فخلاني وقال بس توقعي الولاده بأي وقت هالأسبوع واذا حسيتي ببوادر ولاده مو مشكله تعالي المستشفى ويولدونج :eh_s(2):

واتصدقون من قالي هالحجي أمس وانا اليوم كله فيني عوار وشكلي ما راح أكمل هالأسبوع :eh_s(1):

فروتي حبيبتي نا مو بجر عندي بنتين والدتهم قيصريه فالحين لازم أولد قيصريه :eh_s(2):

شموسه قرت عينج

الله يسهل عالجميع :eh_s(7):​

 

[جاكليت]

بنات اتصدقون ما دري شالسالفه صار لي يومين بدش المندى بس الصفحه امسكره ؟؟ تحوشكم هالحركه ؟!

 

[جاكليت]

ملاك هديه

سلامات وما تشوفين شر يا عمري ..

 

[فروتى]

شخباركم بنوتات ان شاء الله تكونوا كلكم بخير :eh_s(7):
جاكليت لا تحاتين ماكو فرق توكلى على الله وهياى نفسج للموعد اللى الطبيبة عطتهوالج واذا ياج الطلق روحيالها ترى النفسية تاثر وايد انتى لا تحاتين وان شاء الله تقومين بالسلامة وتفرحين بالبيبى وتبشرينا:eh_s:

رينبوووووو واوشال وdonatو ملاك الهدية وباقى البنوتات مشكورين على الدعوات وان شاء الله ان ولدت باى وقت ببشركم :eh_s(6):

الفرحه السجينة يارب تكون ولدت وقامت بالسلامة ان احد عرف شى عنها يطمنا ترانى انطرها اهيه كانت نفس موعدى الله يسهل عليها ويهون عليها الطلق وتقوم بالسلامة ان شاء الله

بخصوص نصايحكم بنات كل يوم بمشى على البحر وباكل تمر وعسل الله يسهل على وعليكم ونقوم كلنا بالسلالامة

 

[TooToo]

جاكليت ترا انا نفسج بالضبط توني داشة التاسع وعندي بنتين ووالدتهم قيصرية بس ليلحين ما حددتلي الدكتوره متى ولادتي --الله يسهل علينا كلنا.

 

[donat]

دونات 26 اسبوع يعني اي شهر وسلامات ما تشوفين شر

انا باخر السادس يوم السبت 30-6 اخلص السادس