عطاء بلا حدود ... قصه واقعيه ...

[أروسا]

ياسلالالالام انا ويني من هالاغنية هههه موجنها حق نوال ؟؟

عفيه كملي الاغنية مخي مقفل ناسيتها ااااه ذكرتينا بالذي مضى هههههه


تحياتي يا حلووو:ceaf32e183:

صج اثبتيلي انه مخج مقفل :eh_s(3):

الاغنيه حق جواد العلي مو نوااااااااااااااال

اههه على أيام الاغنيه و ألبومه بكبره ما ينزل من السياره الشريط يلف بروحه ... حزتها السيايير نادر ما تلقين فيهم جهاز سيديات خخخخخخخخخخ​

 

[readflawer]

ام محمد مو وقتها كلش
عسى ما توقف بويهم وتخرب كل شي
تسلميين حبيتبتي عالبارت
ويعطيج ربي الف عافيه :*

الله يعافيج ياقلبي

:eh_s(17):

 

[readflawer]

الله يستر من ام محمد

يسلمووو على الباااارت

ناااطرينج ~

العفووووووو حبي

وان شاء الله بعد شوي انزل البارت :fun:

 

[أم@الحلوين]

نبي باااااااااااااااارت؟؟

 

[readflawer]

اخذي راحتج حبيبتي

take your time

هلا بحبايبي

بعد شوي ينزل البارت :fun:

 

[readflawer]

القصة رووووووووووووووووووعة
ناطرينج حبي اخذي راحتج

حيااج الله حبيبتي

وبعد شوي انزل البارت :fun:

 

[readflawer]

صج اثبتيلي انه مخج مقفل :eh_s(3):

الاغنيه حق جواد العلي مو نوااااااااااااااال

اههه على أيام الاغنيه و ألبومه بكبره ما ينزل من السياره الشريط يلف بروحه ... حزتها السيايير نادر ما تلقين فيهم جهاز سيديات خخخخخخخخخخ​

:dddds::dddds::dddds:صاجه حده مقفل وااااي اسم الله علي الرحمن الرحيم

بس حبوه الشريط يفتر بروحه كنا نركب جهاز سي دي بالسياره يعنى شحاطه هههههه

 

[readflawer]

نبي باااااااااااااااارت؟؟

من عيوني الثنتين :fun:

شوي وانزل البارت:ceaf32e183:

 

[readflawer]

البارت الثلاثون
ــــــــــــــــــ

محمد : يمه انا احبها وماراح اتزوج غيرها .... انتي اول شي عرفي من بنته بعدين حكمي ....

ام محمد : لو كانت بنت منو موووووووورااااااااااضيه ...

محمد : يمه اهي بنت الـ00000 وانا اعرفها زين والله خوش بنيه....

ام محمد : بنت جيرانا ..... ياشقول تعرف بنات الفريج يالــــ........

محمد : ليش تغلطين ..... لا مو بنت جيرانا ..... يصيرون لهم ....

ام محمد : اقول صكر الموضوع وروح نام .....وباجر بخلي خواتك يتفاهمون معاك .....

محمد : يمه غيرها ماراح اتزوج ... وخواتي ماراح يغيرون شي بالموضوع ...... وتصبحين على خير ....

ام محمد : وانت من اهله ....



رقع محمد الباب وكان حده معصب ......

ـــــــــــــــــــــــــــــــــــــــــــــــــــــــــــــــــــــــــــــــــــــــــــــ

اعرفكم بنات على عايلة محمد اهي عايله ملتزمه حيل وابوه متوفي وخوات محمد ... ايمان اخته الكبيره وعمرها 36 وحنان اخته الاصغر واهي اكبر من محمد وعمرها 32 وعنده بعد اخو اكبر منه وحيل قريب منه اسمه عبدالله ...


ام محمد وبناتها ،،،

ام محمد وبناتها قاعدين بالزواره وياكلون مكسرات ويشربون الشاي وصار موضوع زواج محمد حديث الموسم وطبعا مرت الاخو قاعده اطالع بعيونها ولا كلمه ،،،


ايمان : من صجه هذا يتزوج وحده يعرفها ؟؟

ام محمد : شفتي اشلون اعيال اخر زمن ... بينني هالولد بيتزوج وحده مانعرف شنو اهي شنو اخلاقها ..

حنان : اهي لو عندها اخلاق ماكلمت واحد بالتلفون ... استغفر الله العظيم .

ايمان : ايه والله لوتخاف ربها ماكلمت واحد بالتلفون .... وينه حمود خل اكلمه ...


ام محمد : محمد نايم عشتوا اكيد سهران معاها على التلفون اللي مايستحون على ويههم ...

ايمان : يمه انتي دلعتيه وايد الجعده وخليتيه فووووووق واحنى ولا شي ...

ام محمد: لا يمه محشومين ...اصلا كلكم اعيالي ... واصلا انا احبكم كلكم سواسيه ...

حنان : لالالالا بس محمد غير عندج حتى لما يتهاوش مع اخواني تصفين معاه ....

ام محمد : الحين اشلون ...؟؟؟

ايمان : خليه يقوم من النوم واكلمه ...الا اهي من بنته ؟؟

ام محمد : عايلة الــ00000

حنان : وي بنت جيرانه ؟؟

ام محمد : لالالا اتصير لهم ...

ايمان : اييييييه طايح على بنت عايله ... موهين حمود ...

حنان : أي شي احنا احسن منهم ...

ايمان : اقول حبيبتي فلوسهم مغطيه عين الشمس .... سكتي واللي يعافيج ...

حنان: لفت بوزها وقعدت اطالع التلفزيون وتاكل حب ...

محمد : السلام عليكم ....

ايمان : وعليكم السلام ... قعدت صح النوم ..

محمد : صح بدنج اختي الكبيره ... اقدر انام من صيحتكم انتوا واليهال ...؟؟

ايمان : من صحيتنا ( وتغمز له) ولا من الحب اللي نايم على التلفون معاها ..؟؟؟

محمد: لاحول ولا قوة الا بالله .... خلو الخدامه تحطلي الغدا ....؟؟

حنان: اشفيك محمد تضايقت .... احنا نبي مصلحتك ...

محمد : شوفي اختج الكبيره .. قاعده تتطنز ...شنو يعني احب وحده وابي اتزوجها ..

ايمان : علاقتك معاها حرااام ... واشلون تتزوجها وتثق فيها ...

محمد: اقول حياتي وانا حر فيها ... واحبها وبتزوجها غصبن على اللي يرضى واللي مايرضى ... مع احترامي لج يمه ... انا ابيها ومابذني ماي ...

ايمان : ياسلالالام انت صاير موطبيعي واشلون تكلمنها بهالطريقه ...

محمد: وقف على طوله وصرخ على اخته الكبيره .... انتيييي موشغلج ومحد طلب رايج بالموضوع انااااااا احبهااااااا والله راح اخذها ....

ايمان : بعد تصرخ على يااقلـيل الادب ... صج امي دلعت وايد .... تلف ويها على امها شفيتي هذي تربيتج ... وترد ويهها على محمد ... اكيييييد ساحرتك ...

محمد : اقوووولج سكتي وراح صوبها بغى يطقها .... والله لو ماانتي اختي الكبيره جان عرفت اشلون ارد عليج بطريقه ثانيه .... يالدنيه ياللي تخافين ربج لاتغلطين على بنات الحمايل ... البنت احسن منج الف مره ....

يبوو غداي فوق مجابلكم اييب المرض ..... اففففف ..... وصعد فوق داره واعصابه مفور ... مايح احد يتكلم عن ريم .... هذا الحب ولا بلالالاش .... 

ايمان : شفي يمه بغى يطقني وعلى شان منو وحده يعرفها من الشارع .... حسبنا عليه وعليها ...

حنان : صج مايستحي على ويهه هايج علينا .... يمه كل من دلعج له تمادا علينا ....

ام محمد : بس خلاص فكوني ارتفع ضغطي وسكري .... راسي يعورني .... يبيها تفهمون انا اول مره اشوفه جذي معصب ويصر على شي وانتوا تعرفون محمد اذا يبي يشي يصير يعني يصير..

حنان: موكل شي هذا زواج مولعبه .... يتزوجها وبعدين تصير نزوه ويطلقها ... اخوي واعرفه مزاجي يبي الشي واذا خذاه مل منه ...

ام محمد : خلوني اقول حق عبدالله يمكن يقنعه ومايتزوجها ... واتصلت على عبدالله ..

عبدالله : الوووو السلام عليكم ....هلا يمه ؟؟

ام محمد : وعليكم السلام حبيبي عبدالله انت وينك ؟؟؟

عبدالله : بالجمعيه شوي وايي ... امريني تبين شي ..

ام محمد : سلامتك يمه ... ابيك بموضوع ضروري ...

عبدالله : ان شاء الله .. وصل البيت عبدالله وراح الصاله وقعد مع اهله وزوجته كانت فوق مع اليهال لان اهم ساكنين عندهم ...واهو ماشاء الله عليه حده مسالم وحبوب والكل يحبه ويسمع كلامه حكييييم ....

ام محمد : عبدالله انا ابيك تكلم محمد ان مايتزوج البنت اللي يعرفها ... انت تدري كلكم تزوجتاو زواج تقليدي ومحد منكم طلع عن شوري انا وابوكم الله يرحمه ... الا اهو يبي يتزوج وحده مانعرفها وبدخلها عيالتنا واحنى مانعرف شنو اهي شنو اخلاقها ... كلمت محمد جايز تكون كلمت غيره ... انا خايف تكون تلعب عليه ...

عبدالله : اشدعوه يمه ... محمد ذكي وماتطوفه هالاشياء ومنو هذي اللي يابت راس حمود ... صج موهينه ويضحك ..

ايمان : سااااحرته ...ماشفته قبل شوي صراخه شايل البيت ..

عبدالله : حمووود مستحيل ... لا صارت الولد حب من قلب ...هههههه

حنان: تضحك ويا ويهك ..

عبدالله : احترمي نفسج انا اخوك الكبير ...( يبتسم ) ... انزين اهي من بنته ؟؟

ايمان وحنان : بنت الــ 0000

عبدالله : والنعم .....اقول راي بالموضوع ؟؟

كلهم : قووووول ...

عبدالله : البنت من عايله محترمه واكيد اخلاقها محترمه ... دام عمها ناصر الـــ000 ورايي زوجوه ... وانتوا راضين لان محمد عنيد ولا تجادلون وهذا قراره واهو حر حياته مو حياتكم ...


ام محمد : ابيله الزين يمه ... انا بزوجه احسن البنات .... وولدي مطيور اخاف اختار بدون عقل وبعدين تكون نزوه ....

ايمان وحنان : طيرت عقله ... عسى ...

عبدالله : لالالا مايجوز تدعون على احد ... انتوا رحوا خطبوها وبعدين حكموا ....

ايمان : انا مستحيل اروح بغى يطقني لالالالا وبعد يكلمها حالها حال أي وحده تكلم الحمدلله ....

عبدالله : على راحتج ومالااعي تظنين بالناس الظن السوء ....

ام محمد : شورتك واهدات الله .... نادولي محمد ...

نزل محمد وكان يبي يطلع من البيت لايعه جبده .... وشاف عبدالله وسلم عليه ...

عبدالله : محمد لاتطلع امي تبيك ...

محمد : بعد في اهانه نسوها بيسمعونها لي ...؟؟؟

عبدالله : استغفر الله العظيم ... انا بسالك سؤال واحد ... انت تبي البنت صج ولا لعب حبيتها صج ولا لأ؟؟

محمد : انا احبها واموت عليها والبنت والله العظيم ماعليها شي محترمه وصار لي مده اراقبها ماقدرت اصيد عليها شي .... سمعتوني مره قلت لكم ابي اتزوج الا هالمره ؟؟

ام محمد : صح يمه كلامج ... بس اخاف تكون لك نزوه او اهي تاذيك واللي كلمتك تكلم غيرك ...

محمد : ردينا بالغلط ... هالبنت غيييييييييير انا فار الدنيا فر وعارف .... يمه وافقي الله يخيلج ...

حنان: متحجبه ولا لأ؟؟

محمد : مو متحجبه ..

ايمان : بعععععد ...

محمد : خزها ومارد عليها ... واهي خافت من خزته ....اشقلتي يمه .؟؟؟

ام محمد : ماادري شقولك ... تدري اشلون عطني رقمهم وعنوانهم ... ويصير خير ....

محمد : اتصلي الحين ... اخاف تروح مني ويخطبها واحد ثاني ....

عبدالله : ههههههه ومن الحب ماقتل ...

محمد : حدك مليييق .... انا استاذن بطلع مع ربعي الشاليه ..... مع السلامه ...



وظلوا الخوات يتحلطمون وايمان طبعا ازعلت من محمد وماتبي تروح الخطبه .... وعبدالله يقنع فيهم وام محمد الحمدلله اقتنعت بس عندهم قناعه ومبدأ ان الزواج التقليدي اهو الصح .....



محمد بالطريج يكلم ريم ....

ريم : هلا حبيبي اشصار عليك ؟؟

محمد : سلامتج .. امي خذت الرقم وان شاء الله خير ...

ريم : الله كريم ... رايح الشاليه ؟؟

محمد : اييه والله بالطريج .... تبين شي سمج ولا ربيان ولا قباقب ...

ريم : ههه اثاريك نوخذه وانا ماادري ...

محمد : افا عليج ولد ولد ولد نوخذه بعد ...ههههه.... انا عندي طراد واحب اقز بالبحر ...

ريم : ماشاء الله عليك قزبالبر والبحر مابقى الا الجو تقز فيه ...ههههههه

محمد : تطنزين هااااا ماشي .... بروح بالطراد وبشوف هالبنات الحلوين .....

ريم : واااااي بس بس ... عليك بالعافيه وماراح تلقى احسن مني ...ووووو....

محمد : هههه تغارين .... كليتيني بلسانج ... اثاريج موهينه ....

ريم : اييييييه .... على بالك بسكت .... بعد بنات بالبحر .... حوريات مو بنات ...

محمد : انا اشعلي اهم اللي اييون يتحرشون صوبي .....

ريم : أي شي صح .... لا تعطيهم ويهه واهم مايتحرشون .. يخوفي انت اللي تتحرش ....

محمد : لالالالالا مايجوز هالكلام ( يضحك ) ... اتحرش وحبيبتي ريوم بحياتي ....

ريم : على البالي .... قولي اشكثر يبيلك على ماتوصل ؟؟

محمد : شوي واوصل ؟؟ تحاتيني ريوم ..

ريم: اذا مااحاتيك احاتي منو ؟؟

محمد : بعد عمري انتي ويلومني بحبج ...





يلوموني بحبك وانا كلي ذهول ~~

ما انلام انا بحبك ياعمري أبد ..

إن كان حبك عيب فإسمحلي اقول ~~

يامرحبا بالعيوب ومنها ما استجد ..

غيمة غلاك بداخلي تمطر سيول ~~

احبك واعشقك وإخذ مني وعد ..

بتبقى حبيبي حول(ن) ورا حول ~~

ماغيرك انسان بقلبي ولا غيرك أحد ..

ماعندي لصدك, لا رغبه ولا ميول ~~

ويوم اشوفك احسبه من ايام السعد ..

جميع افراحي انا في بُعدك تزول ~~

هاذي حياتي بدونك وعطني عهد ..

أسكن بقلبك لوحدي ويبقالي قبول ~~

وان ضاقت الدنيا بعيني تبقالي سند ..
ـــــــــــــــــــــــــــــــــــــــــــــــــــــــــــــ​

 

[أم@الحلوين]

البارت روووووووووعه الله يديم هالسعاده على ريم دووووم يارب
كملي اندمجت.....

 

[أميرة العود]

ناطرينج

 

[الشهد كله]

حبيبتي ترى البارت هذا وايد قصير لا تغشينا فيه

المطلوب بارت ثاني اليوم !!!!!!!!!!!!!!!​

 

[readflawer]

البارت روووووووووعه الله يديم هالسعاده على ريم دووووم يارب
كملي اندمجت.....

انتي الاروع والياي احلى
:fun:

 

[readflawer]

ناطرينج

حياج الله حبيبتي

وان شاء الله الياي احلى :eh_s(17):

 

[readflawer]

حبيبتي ترى البارت هذا وايد قصير لا تغشينا فيه

المطلوب بارت ثاني اليوم !!!!!!!!!!!!!!!​

مو قصير والله 5 صفحات وبعدين فيه احداث مهمه انا ماابي اكتب اكثر في بارت واحد علشان مااتشتت

وتامرين يالغاليه اليوم بالليل امخمخ :ceaf32e183:

 

[readflawer]

بنات ابي رايكم بموقف محمد مع اهله وردت فعل اهله بموضوع زواجه

رايكم يهمني ويشجعني :fun:

 

[G!RLooNa]

محمد عجبني موقفه صراحه ريال ولد ريال

يعني مني والطريج يرفضون البنت بدون ما يسألون عنها

و اهوا مدام يدري انه اهله جذي لازم زواج تقليدي جان ما قالهم انه يعرفها جان رقعها اي شي

يعطيج العافيه

 

[readflawer]

محمد عجبني موقفه صراحه ريال ولد ريال

يعني مني والطريج يرفضون البنت بدون ما يسألون عنها

و اهوا مدام يدري انه اهله جذي لازم زواج تقليدي جان ما قالهم انه يعرفها جان رقعها اي شي

يعطيج العافيه

ايه والله ريال ولد ريال عجبني ابي مثله :lkmnkl:

اهم رفضوا البنت علشان محمد يعرفها فطاحت من عينهم

تصدقين المفروض يرقع له بس الحب ومايسوي :eh_s(21):

حياج الله حبي

 

[$ فراولة $]

موقف محمد عجبني كفووووووو عليه والله

 

[readflawer]

موقف محمد عجبني كفووووووو عليه والله

اهلين فراوله

اي والله موقف رجل :eh_s(15):

وحياج الله :eh_s(17):