تجمـــــع خريـجـــات آداب لغــــــــة انجـليـــــزيـــه

[سيدة المطر]

الصحة مايبون إنجلش بطبيعة الحال كل الموظفين إجباري يكون عندهم لغة !

البلدية رفيجتي نفس تخصصنا معاشها 600 < أقل معاش شفته

الدفاع ردوني قالو مافي احتياج

الجمارك بصراحة عن نفسي حبيتها بس الأهل رفضوها

أما باقي الأماكن اللي قلتي عنها كلها لازم واسطة قوية ولو شنو ماجيبلهم واسطة خل يولون بس ودي بمكان حلو وفيه نقص ويبون

تخصصي عالأقل ماصير عالة !

 

[dewy twilight]

برازيليه البلديه ما فيها كادر رفيجتي تشتغل هناك رواتبهم مثل باجي الوزارت

انتي اي دفعه وشنو تخصصج لينقويستيكس ولا ليتريجار ؟؟ ما عرفتينا عليج

 

[برازيليه22]

برازيليه البلديه ما فيها كادر رفيجتي تشتغل هناك رواتبهم مثل باجي الوزارت

انتي اي دفعه وشنو تخصصج لينقويستيكس ولا ليتريجار ؟؟ ما عرفتينا عليج

الله يحيج
انا تخصصي لنجوستكس
دفعه 2005
وبنسبة حق البلدية سمعت ان لها كادر حق موضفينها 50 دينار تشجيعي او شي جذي
مو بس حق تخصصنا

 

[أوراق مبعثره !]

هلا برازيليه
لا والله تقول ما اتصلوا عليها
بس بالنسبه حق الاماكن اللي ذكرتيها

مثل الصحه عندج بدل شاشه 50 << مثل ماقالت سيده مايبون انجلش

مثل البلدية قالولي فيها كادر << البلديه اقل معاش شفته رفيجتي هناك

عندج مجلس الامه << مجلس الامه واسطات وايد وبعدين حتى ولو ترجمه فوريه ما ارتاح فيها بصراحه غير
اجراءاتها تاخذ وقت طويل وانا ما ارتحت :\

عندج مجلس الوزراء << هم واسطات بشكل مو طبيعي يعني حتى نواب ماينفع

عندج الخارجية << فيتامين واو مطلوب غير قالوا ان لما تقدمين السي في يبيلهم 4 اشهر !! يعطونج الخبر
عندج المالية << الماليه تمام موقفين التوظيف فيها مايبون انجلش بالوقت الحالي والاسامي اللي نزلت بالجريده تخصصات
اهم محتاجينها واحتمال نص الدفعه تنرفض :\ .. واساسا يبيلج واسطه

عندج ديوان المحاسبة << ديوان المحاسبه اجراءات طويله امتحانات ومقابلات واصلا يبون خبره 3 سنين :\

عندج الجامعه ولو انها مو حكومية << الجامعه اجراءات طويله وفيتامين واو ولازم مو اي فيتامين واو :\

سمعت ان الجمارك زينه << الجمارك زينه بس مكانهم مو حلو واساسا يقولون انتوا انجلش ليش مطرشكم الديوان عندنا
شنو تسوون ترجمون كتب !!

صج عاد الداخلية وايد خربوطا << الداخليه انا ايدج انهم مو زينه

والدفاع ماتصلح حق بنات << بس اختلف معاج عالدفاع لاني انا رحت شفت المكان اللي يتوظفون فيه انجلش مبنى كامل كله بنات !! والمكان وايد حلو ومرتب وانا رشحوني الدفاع ووافقت معاشات قويه ومكانهم زين وان كان شوي بعيد :\


وعندج بعد اماكن زينه وتبي واسطات الديوان الاميري و ووكاله كونا ومعهد الابحاث : )

اتمنى ما اكون حبطتج :27d66a9c24b146327bf

 

[dewy twilight]

برازيليه شرط ان احنا نعرفج
ترا اوراق وسيدة المطر وانا كلنا 2005 ولينقويستيكس وجنه نونه العنونه بعد ويانا اذا ماني غلطانه

اوراق خوش تفنيد والله , لو داشه حقوق مو احسن

 

[برازيليه22]

لووووووووووووول اوراق
ذكري الله انزين في وزارات ثانية شدعوااا ليش هالتشاؤوم وللعلم انا مقدمة على مجلس الامه ودقوا لي وانشاله عندي اختبار
وبنسبة حق مجلس الوزراء بنت خالتي تخصصها عربي وقبلوها هناك وبدون واسطه عن طريق الديوان
وزراة النفط انقبلت فيها والمكان حلو بس المعاش عادي 670
وعندج التامينات الاجتماعية كادر+بونص نزلوا اعلان منفصل بس ان ماقدمت لان ابي المجلس
وللله كريم انتي بس هونيها
ومبروووك عالدفاع انا مارحت شفت داخل بس اعرف قانونيات هناك ويقولون صوب الجيون ولوية والمعاش زوين 820 من غير التامينات هذا اللي سمعته لان عندهم كادر جامعي 150 وهذا نفس كادر الداخلية)))
ويا بنات انا بعد اكييييييييييييد اعرفكم وماعندي مانع تعرفوني بالعكس عالعين والراس انتو

 

[أوراق مبعثره !]

ديوي << امي ماكانت راضيه تدرين لووووووووووول

اوكي يتصلون وتسوين كل الاختبارات واخر شي ياخذون ربعهم مابي احبطج يعني :$ للعلم انا كنت مجتازه كل شي بمعهد الابحاث انا ورفيجتي ومن اعلى المعدلات وسوينا امتحانين ومقابلات وعفسه واخر شي خذو وحده واسطه مع ان ماكانوا يبون يشتغلون كانت تشتغل :\

اما بنت خالتج الله يوفقها ان شالله ضربه حظ الظاهر محد عنده واسطه قدم لوول او معدلها عالي

وزاره النفط اي قالولي ان معاشهم عادي

التامينات مايبون انجلش انا ورفيجتي رحنا :\

الله يبارك فيج ياقلبي
اي الدوام بالجي ون بس الجي ون ترا نفس طريقه جامعه الشويخ مكان كبير وفيه مباني العسكريين لهم باب ومن صوب والمدنيين من مكان ثاني .. اي والمعاش تقريبا 820 حتى للانجلش لان في بدل مساواه مدنين مع عسكرين حق اللي ماعندهم كادر مثلنا يعني الانجلش بالنسبه حق الوزارات الثانيه اللي نتعين فيها كاداريين يعتبر نعمه واللي بيوتهم بعيده ياخذون بدل مسافه وفوق كل هذا الدفاع معروفين بالبعثات يعني بعد سنتين تقدرين تروحين تكملين ماستر ودكتوراه على حسابهم انا اعرف وحده حقوق اشتغلت سنتين والحين راحت اهي وريلها وعيالها فرنسا تكمل الماستر والدكتوراه على حسابهم

يسلم راسج اختي

 

[أوراق مبعثره !]

اي وفي مكان نسيته هم معاشاتهم زينه ديوان الخدمه المدنيه عندهم كادر بس يقولون نتايج التقديم اللي الحين شهر 9 واساسا واسطات

 

[Gilmore Girl]

ديوي صج شقالو الديوان لمن خذو كتاب الاحتياج ؟ بينطرونج لين تصيرين 1 ولا لا؟

وعليكم السلام برازيلية أهلين ، أنا مثل ماقالت أوراق قدمت وكانت ناقصه اوراقي وردوني بس ماكملت رحت بدون رجعه

أنا توني ألاحظ إن ماكو تجمع حق موظفات وزارة التعليم العالي لا بالله خوش مؤشر مطمئن بالخير الظاهر شويه

موظفات هناك.

بس اللي لاحظته الجنس الناعم طاغي على طاقم الموظفين هناك ، وحتى لما قريت المدراء والمسؤولين ( اللي ناشرينه

بموقعهم ) كلهم حريم شئ غريب ؟ :eh_s(10):

اي صاجه وزارتنا 3\4 حريم وهذا شي زين ومو زين !

احنا والنفط نعتبر من اقل الوزارات بعدد الموظفين لانه ما فيها كادر يشجع فناس وايد اطلعت !
عاد انشالله ويهج خير علينا ويعطونا هالكادر اللي صج ننطره

اوراق

ماشالله صج معاشاتكم 820 ! والله انا سمعت انها عاليه بس ما هقيت توصل ال800 !
انا فكرت اقدم فيها بس المشكلة وايد بعيد مكانها عن بيتنا بس شكلي الحين بقدم عاد عندي واسطات بالدفاع :eh_s(3):

اليوم رحت الجامعة سألت عن الماستر وبالمره سألتهم اذا خلاص وظفوا اللي سوولهم مقابلة (مسكينة ليلحين عندها امل)
وطبعا اي وظفوهم ااااااه يا قلبي شقول بس الله يوفقهم ويوفقنا

سألت عن الاعلان الياي وليلحين ما يدرون احتمال اخر الشهر وعطوني رقمهم عشان اذا بتأكد متى ينزل
24985402


هلا فيج برازيله بتجمعنا والله يوفقج

 

[Gilmore Girl]

اي صج بنات عندكم اي فكره عن الخارجية ؟

اشلون مكانهم ومعاشاتهم ؟

 

[أوراق مبعثره !]

غلمووور يطلع احسن اذا بيتكم بعيد فيها بدل مسافه 50 دينار لووووووول << تفكيرها مادري بحت :\
بصراحه ماعندي فكره عن الخارجيه عن المكان او المعاش بس انهم يمدحونه بس وايد ناس يقولون فيها ظلم حق الاداريين وبالذات الحريم والله اعلم !! كل مكان في ناس تمدح وتذم فما ندري نصدق منو

 

[برازيليه22]

اي صج بنات عندكم اي فكره عن الخارجية ؟

اشلون مكانهم ومعاشاتهم ؟

الله يحيييج
واذا على المعاش 820 روحي الداخلية نفس معاش الدفاع
مو شرط الوزارة عند اقسام تابعه حق الداخلية مثل الادارة العامه لتحقيقات الخدمات العامه اللي بالجمعيات تبع الداخلية كلية الامن الوطني الاستعلامات والعلاقات العامه كلية العلوم الامنية وايد ادارات تابعه للداخلية ومعاشهم 820 وموجود باكثر من منطقة بالسالمية بالديرة بجنوب السره غير الخدمات اللي موجودة بكل المنطقة خلف الجمعية


وبنسبة حق الخارجية معاشهم 1400 للجامعي ويفتحون التقديم شهر 9 بضبط تاريخ 25
موفقين
بس سمعت ان يبيلها واسطه وحبيت اضيف ان مو كل اللي بالخارجية دشو واسطه ولكن معظمهم
جربي حظج

 

[برازيليه22]

ترى 820 قبل لايقصون التامينات
بعد مايقصوت التامينات تقريبا 47 وشوي
يبقالها 780 وعليها بالعافية تعبها
انا انقبلت بالداخلية ورفضت وقالولي اسوي ربط عالدفاع وماسويت كان رقمي بربط 2
انا بصراحه قطاع حكومي مو متقبلته
يا اما اتوظف بهئيات مستقله مثل المجلس او الصناعه او الجامعه يعني هيئة مستقله
او الخاص
لان بصراحه مو بس الراتب يفرق الحكومه طبيعه الشغل والتقدير مو نفس القطاع الخاص تنظلمين وايد بالحكومه في ظلم وايد ومايقدرون الكفاءات

 

[برازيليه22]

وعندج التربية 860 بعد التامينات
يعني تاخذين 860 وتصرفينهم بالحلال كل شهر
واعرف وايد صارو مدرسات من خريجات اداب انجليزي سواء لنغوستكس او ادب انجليزي

 

[أوراق مبعثره !]

برازيليه اي عدل بس مع بدل مسافه 50 يدنار يرجع يصير 820 :\
اما الداخليه وايد ناس مايمدحونها كلش الدفاع مميزاتهم شوي اكثر ..

 

[برازيليه22]

عدل كلامج 50 ينار موجود بالداخلية بعد
بس على حسب وين ساكنه انتي في ناس ساكنين بالديرة بالعاصمه يعني وهذيل مو مستوفين الشروط لانالعاصمه قريبه حيل عالدفاع
وانا اعرف وحده ساكنه في بيان مايعطونها ال50
ترى هذا الخميس يحسبونها بالمتر بضبط من بيتكم لي الوزارة واهي موجوده بالدفاع والداخلية والله يوفقج
وعلى فكره صح ان الدفاع ارقى كمكان عمل عن الداخلية بس اللي يبي التسيب والدوام الفلاتي الداخلية وايد انسبله
كل مكان له مميزاته واسلبياته
يعني الدفاع انضباط حيل وبنسبة حق البعاث لازم تيبين امتياز سنتين ورا بعض والتفرغ الراسي عقب 5 سنوات من العمل
واكثر من وزارة ادز بعثات ))
ونفس ماقلت كل شي عالراحه النفسية والله يوفقج

 

[أوراق مبعثره !]

اي ادري ان المسافه اذا ماني غلطانه اكثر من 30 كيلومتر .. اجمعين ان شالله
انا احب الشغل فما عندي مانع بسالفه الانضباط بالعكس هالشي يبين اللي يشتغل واللي مايشتغل
والله كريم

 

[برازيليه22]

موفقه انشالللله
والكلام حق باجي البنات يمكن مايدرون والله يوفق الكل ويعطي كل واحد على قد نيته

 

[أوراق مبعثره !]

نداء الى نونه ؟ وينج ؟ :\

 

[Gilmore Girl]

برازيلية 22

ما شالله عليج عندج خبره بالداخلية :eh_s(15):
انا وحده احب الشغل والالتزام فاذا هذا سيستمهم فما تنفعلي !
وصاجه الخاص فيه تقدير اكثر للي يشتغل بس انا احس الخاص ينفع للريال اكثر
والتربية لا يحوشك اقعد بالبيت ولا اصير مدرسة كلش مو حابه الشغله

والله الخارجية حاطتها ابالي واذا هذا معاشهم صراحه ابيها اكثر
اسمها بس يغري