تجمـــــع خريـجـــات آداب لغــــــــة انجـليـــــزيـــه

[Gilmore Girl]

مشكوره قيلمور الله يسمع من دعاويكم الحلوه يارب , موفقين اجمعين
سيده شصار عليج بتروحين التعليم العالي سويتي اوراقج خلاص ؟
صديقاتي ثنتين شكلهمم بيرفضون التعليم العالي مو راضين عن المعاش, وحده تبي الجامعه والثانيه تبي التطبيقي
قتلهم نطرت وتاملللللت قبلكم وايد , يبون يجربون حظهم , يعني قيلمور الكراف فيكم فيكم ههههههه

انزين اذا بس المعاش مو عاجبهم خل ينطرون هالاسبوعين راح يعلنون منو اللي اقروله كادر واذا احنا مو معاهم انا بطلع :eh_s(14):


بس ترا التطبيقي معاشاتهم نفسنا ما تعدي 600 وشي انا بنفسي سألتهم ورفيجتي نفس تخصصي وانا بعد اكثر منها ب20 دينار تقريبا !

 

[Gilmore Girl]

مشكوره قيلمور الله يسمع من دعاويكم الحلوه يارب , موفقين اجمعين
سيده شصار عليج بتروحين التعليم العالي سويتي اوراقج خلاص ؟
صديقاتي ثنتين شكلهمم بيرفضون التعليم العالي مو راضين عن المعاش, وحده تبي الجامعه والثانيه تبي التطبيقي
قتلهم نطرت وتاملللللت قبلكم وايد , يبون يجربون حظهم , يعني قيلمور الكراف فيكم فيكم ههههههه

انزين اذا بس المعاش مو عاجبهم خل ينطرون هالاسبوعين راح يعلنون منو اللي اقروله كادر واذا احنا مو معاهم انا بطلع :eh_s(14):


بس ترا التطبيقي معاشاتهم نفسنا ما تعدي 600 وشي انا بنفسي سألتهم ورفيجتي نفس تخصصي وانا بعد اكثر منها ب20 دينار تقريبا !

 

[سيدة المطر]

أها أوراق ،،

ديوي ، الأسبوع اللي فات قدمت أوراقي وقالت لي الموظفة انطري اتصالنا هالأسبوع عشان المقابلة والله يستر

 

[dewy twilight]

قيلمور تصدقين قتلهم في وحده بالمنتدى تقول في احتمال كادر ينزل حق تخصصنا والله جنه بينطرون ماراح يرفضون الحين الا لما يبين كل شي وعاد بلغينا اول ما يقرون الكادر عشان اقولهم
ومشكلتهم الثانية يقولون الطريج زحمه خاصة طريج الغزالي وكله شاحنات عاد مادري

سيده لا تحاتين انشالله خير حبوبه , و كتاب الاحتياج اليوم ودينا حق الديوان وخنشوف شيصير
مو متحمسه

 

[أوراق مبعثره !]

up up up

 

[Gilmore Girl]

ديوي

مكانا راح يتغير انشالله بنروح مكان اتوقع اسمه برج البابطين بشرق قريب من سوق شرق يعني بعد عالبحر


تعالوا وين نونه مالها حس ؟ :gr4uu:

 

[dewy twilight]

والله حلو اذا عالبحر انشالله قريب
اي والله نونه مالها حس !!

 

[برازيليه22]

السلام عليكم
بنات انا خريجة اداب انجليزي
ومقدمة على مجلس الامه في احد من تخصصي مقدم على المجلس؟؟؟؟؟؟؟؟؟؟؟

 

[أوراق مبعثره !]

وعليكم السلام ياهلا فيك احتي معانا
انا والله رحت شفت المكان ومارتحت فما قدمت وهالكلام ينطبق على سيده بعد :\

 

[برازيليه22]

واللله انا قدمت
بس ليش ماعجبج يمدحونه
شنو اللي ماعجبج بضبط
وماتعرفين احد مقدم؟؟؟؟؟؟؟؟؟؟؟؟؟؟؟

 

[أوراق مبعثره !]

اي يمدحونه بس واسطات واول مادشيت المبنى بقدم انقت قلبي اوراقي كلها كانت معاي بس طقيت فوق تحت وطلعت :|
امبلا وحده من رفيجاتي مقدمه

 

[سيدة المطر]

ديوي صج شقالو الديوان لمن خذو كتاب الاحتياج ؟ بينطرونج لين تصيرين 1 ولا لا؟

وعليكم السلام برازيلية أهلين ، أنا مثل ماقالت أوراق قدمت وكانت ناقصه اوراقي وردوني بس ماكملت رحت بدون رجعه

أنا توني ألاحظ إن ماكو تجمع حق موظفات وزارة التعليم العالي لا بالله خوش مؤشر مطمئن بالخير الظاهر شويه

موظفات هناك.

بس اللي لاحظته الجنس الناعم طاغي على طاقم الموظفين هناك ، وحتى لما قريت المدراء والمسؤولين ( اللي ناشرينه

بموقعهم ) كلهم حريم شئ غريب ؟ :eh_s(10):

 

[dewy twilight]

يا هلا فيج برازيليه حياج الله حبوبه
بالنسبه حق تجمعنا محد مقدم بمجلس الامه
سيده قالو اسبوع جذي يرودون خبر تدرين خو زحمه وضغط صاير بالديوان وانشالله خير
عادي سيده لا تقومين توسوسين توكلي على الله وانشالله يكون ويهج خير ويقرون لهم الكادر

 

[سيدة المطر]

انشالله خير ديوي ويردون عليج بأقرب وقت ،

إنشالله يقرونه لكن سواء أقروه ولا ماأقروه غصبن عني برضى فيها شكلي أنا بقص شريط افتتاح تجمع وزارة التعليم خخخخ

 

[برازيليه22]

تسلموووون حبايبي
وسيده حسافه جان قدمتي
اوراق مبعثره..... رفيجتج دقوا عليها؟؟؟
وانشالله التوفيج لكم
بس التعليم العالي مافي كوادرولا بونصات
والله يابنات اشوف باجي التخصصات اللي ماتسوة قاعده تتوظف باحسن الاماكن واحنا تخصصنا حلو حيل ومطوب ومحد معطينه اهميه

 

[سيدة المطر]

والله مادري بس ترا كل الأماكن الحكومية مافيها كوادر للجامعيين الإداريين ( اللي مثلنا يعني ) باستثناء الداخلية والدفاع والجمارك وهذيله لا أنا ولا أهلي نبيهم فـ شنو الحل .. وهم قلمور قالت لنا بشارة حلوة إن (يمكن مو أكيد) راح يقرون لهم كادر ( إن شاء الله وجهي خير ) خوفي مايقرونه وأصير قبسه

 

[سيدة المطر]

اي صح برازيلية أنا ماقدمت للسبب اللي قالته أوراق ، مادري حسيت مايناسبني المكان ومادري مارتحت ، سبحان الله أكو أماكن ترتاحين لها حتى لو شكلها عادي وأكو أماكن ماترتاحين لها ( حتى لو حلوة مثل المجلس) وغير جذي والسبب الأهم اهمه يبون فوري وأنا مابي فوري وإن شاء الله الله يوفقج فيه ليش لا دام مرتاحة له وهذا أهم شي ..

 

[برازيليه22]

لوووول
انشالله خير
بس في ادارات حكوميه لها كوادر
مثل الصحه عندج بدل شاشه 50
مثل البلدية قالولي فيها كادر
عندج مجلس الامه
عندج مجلس الوزراء
عندج الخارجية
عندج المالية
عندج ديوان المحاسبة
عندج الجامعه ولو انها مو حكومية
وبعدين الجمارك شفيها؟
سمعت ان الجمارك زينه شنو عيبها
صج عاد الداخلية وايد خربوطا
والدفاع ماتصلح حق بنات
بس الجمارك حلوه

 

[برازيليه22]

تسلمين سيده مطر
والله انا عجبي المكان وارتحتله وبصراحه الله يشهد حيل بخاطري
واذا ماقبلوني ماراح انطر توظيف الديوان الله يسهل واشوف وين الله كاتبلي بس بخاطري حيل
وانا ماعندي مشكلة بالترجمه الفورية ))

 

[برازيليه22]

بصراحه انا من تخرجت مابقى وزارة مانادتني الديوان
البلدية الجمارك الداخلية الصحه التربية الاعلام النفط المواصلات
وكلهم يا المكان ماعجبني او المعاش