بنات سؤاال منو جربت الاجهاض ؟؟

[مروووم]

بنات انا من يوم قالي الدكتور ان الجنين الي ببطني ما في نبض حسيت ان ماكو امل
فقالي احتمال ان بينزل عليج دم وبعدين نزيف ولازم انسوي تنظيفات
انا خايفة حدي وما ادري شنو مصيري ساعدوني الله يخليكم بنات
انا احتمال اسوي التنظيفات بالسلام شلون طريقتهم ؟؟

 

[ايمانو حلوة]

نطري اسبوع وسوي سونار مرة ثانية يمكن تبويضج متاخر

ماعليج شر انشالله

 

[روعة خيال]

صح كلام ايمانو لا تستعيلين

 

[روعة خيال]

صح كلام ايمانو لا تستعيلين

 

[فـراوله]

مروووم إنتي أول شيء بأي أسبوع ؟؟

وراجعتي قبل هالمره ولا لا

لو راجعتي قبل هالمره والدكتور قالج ما في نبض ومراجعتج الثانيه
هم قالج ما في نبض نطري اشووي

لو راجعتي قبل وكان في نبض وألحين ما في نبض عيدي السونار
مره ثانيه بعد كم يوم ؟

والدكتور ما قالج الجنين متوقف بأي أسبوووع ؟ لانه قبل قريت
من توقف الجنين يجي عوار بأسفل البطن والظهر وينزل دم

اذا مو حاسه بهالأعراااض نطري اشوووي

وان شاءالله ياااااارب الجنين يكون في نبض

 

[زينة الزين]

لا تستعيلين نطري
ساعات نبض البيبي الصغير ما يبين بسهولة

 

[عبير الكويت%%]

انا اجهضت قبل 6 اشهر نفس الطريقه بالاسبوع السابع سويت سونار ويبن نبض ونزلت على نقطة دم قلبي حس رديت بعد يومين عدت السونار مافي نبض قلت لي الدكتور احسن شي انطري لين يطيح بروحه وفعل قعدت اسبوع وجاني نزيف قوي ورحت للمستشفي بسرعه وسوولي تنظيفات الزبده لا تسوين اي شي اذا فيه نبض راح يكمل واذا مافيه هو بينزل بروحه

 

[دمثة]

حبيبتي توج بالاسبوع الثامن يعني ينزل بروحة ماله داعي تنظيفات وماي وكحت للرحم ومزين توج اول مرة نطري ينزل بروحة


وبعدين تاكدي اذا مافي نبض ... شربي شي حار وينزل وعقب ريحي الرحم 6 شهور عشان الهرمونات ترجع طبيعية


وان شاء الله يبرزقج الحمل الثابت

 

[مروووم]

مشكورين وما قصرتوا وانا ما راح استعيل وما راح اسوي شي والي الله كاتبه بصير
بس اذا ما قسملي هالحمل شلون يسوون التنظيفات

 

[ناعمه العود]

انا توني من اسبوع نظفت والحين علي الدوره توني متعوره وطاح كرمج الله بالحمام كان مافي شي ينزل دم ورحت سويت سونار في نبض بس الله مو كاتبه

 

[ام نوونه]

الله يثبته انشالله

بس لاتخافين التنظيفات ما تحسين بشي بنج كاااامل

ومافي عوار بعد بس بعدين تحسين الرحم شوي يعورج

يمكن انا عورني رحمي لان البيبي كان كبير

 

[مروووم]

الله يعين ويااارب يكون كل شي بخير

 

[دمثة]

اانصحج للمرة المليون لا تسوين تنظيفات مو زينه

 

[مروووم]

بنات اذا الله ما كتب لي هذا البيبي
الله يخليكم ادعولي الله يرزقني وما اتاخر بالحمل قولوا انشالله

 

[مروووم]

اانصحج للمرة المليون لا تسوين تنظيفات مو زينه

تسلمين يا قلبي لا تخافين ماراح اسوي شي الحين لمن يصير عندي النزيف لا سمح الله

 

[مناوووي]

الله يثبته لج يااااااااااااااااااااااااااااااااااااارب

 

[توته سعوديه]

انا اجهضت قبل سنه
وماانصحج بالتنظيف والله يحكون الرحم جنهم يحكون قدر
وانتي انتظري تاكدي ان مافي نبض لان البيبي صغير واحتمال تبويضك متاخر
انا والله شربت حوار ورشاد بعد ماتاكدت انه مافيه نبض ونزل علي دم >> لاحظي مافيه نبض
والله الرشاد الهمه وخلاص ينزل البيبي خصوصا انه صغير
وحتى دكتوره سعوديه تنصح كل اللي يجونها بالرشاد
والبيبي اذا نزل من نفسه افضل
والله يكتب لج الخير ولو الله ثبته الحمدلله ولو مالله كتبه تاكدي انها خيره من الله غالبا الاجهاض يكون بسب خلل بالجنين فرحمه من الله انه ينزل
اتمنى اني افدتج

 

[مروووم]

الله يثبته لج يااااااااااااااااااااااااااااااااااااارب

الله يسمع منج اميييين

 

[مروووم]

انا اجهضت قبل سنه
وماانصحج بالتنظيف والله يحكون الرحم جنهم يحكون قدر
وانتي انتظري تاكدي ان مافي نبض لان البيبي صغير واحتمال تبويضك متاخر
انا والله شربت حوار ورشاد بعد ماتاكدت انه مافيه نبض ونزل علي دم >> لاحظي مافيه نبض
والله الرشاد الهمه وخلاص ينزل البيبي خصوصا انه صغير
وحتى دكتوره سعوديه تنصح كل اللي يجونها بالرشاد
والبيبي اذا نزل من نفسه افضل
والله يكتب لج الخير ولو الله ثبته الحمدلله ولو مالله كتبه تاكدي انها خيره من الله غالبا الاجهاض يكون بسب خلل بالجنين فرحمه من الله انه ينزل
اتمنى اني افدتج

والله ما قصرتي حبيبتي
وانشالله اطمن واطمنكم يا رب

 

[الليدي فراوله]

الله يقومج بالسلامة ويرزقج بالحمل السريع