جدااااااااااااااااا راقي ومن عدة نواحي :
اولا :
الفكره .. تتكلم عن ان الكويت لمن احبها .. احبها احبها فقط ..
ثانيا :
الاوبريت مليىء بالاسقاطات .
ثالثا :
الكويت فيها حضر , بدو , سنه , شيعه ... بس كلنا نحبها وهذا اهم شي
رابعا :
خذوا من خطاب بابا صباح كم سطر وصاغها عبداللطيف البناي وغنوها في اول الاوبريت وهالشي ترى اول مره يصير .
خامسا :
الالحان رائعه واكثر من رائعه .
سادسا :
الاصوات كلها روووعه الله يحفظهم وخصوصا اول بنت غنت .. شيخه العسلاوي هذي البنت انا درستها السنه الي طافت وتستاهل ان يطلع صوتها في الاوبريت وبعدين احنا نبي دماء جديده الله يطول بأعمار القداما بس عاد لي متى ؟؟
سابعا :
اللبس وايد خدم الموضوع
وبالنسبه لملاحظة ان الاوبريتات القديمه احلى هي طبعا احلى بس حتى لمن رجع شادي الخليج وسناء الخراز للاوبريتات ما رجعوا بنفس الحلاوه والقوه .. اصلا غنوا بلي باااااك يعني تسجيل ,, وانا احس ان بس خلاص نعم الله عليهم كاااااافي لي اخر اوبريت مواكب الوفاء وبعدين كل الي سووه متشابهه
قبل كان الشغل كله لايف بس الحين قاموا يحطون تسجيل .. قاموا يواكبون العصر ويلعبون بالاضاءه وترى في ناس نعرفهم حضروا الحفله لايف وحتى الطلبه الي غنوا قالوا ان الحفله لايف كانت الاضاءه فيها والماي والديكور شي خيااااااااااااال
الله يعطيهم العافيه بصراحه على الصعيد الجديد من الاوبريتات انا حبيت صباح الوطن واوبريت الكويت لمن احبها
