تسلمين يا دلع البحرين ويا عز , وباقي البنات , عساكم على القوه , الواحد يفيد ويستفيد , دام الدكاتره عندنا ابديرتنا شله انروح دير ثانيه , بالخصوص بالعمليات هذي يبيلها مجابل مع الدكتور ومتابعه شخصيه منه ..
عمليات تجميل الخشوم او الراينو او النوز جاب يعتمد من خشم الى خشم
اللي اعرف من البنات والدكاتره ان نحت عظمه الخشم وجسر الانف هذي تورم الويه ويزورق , بس اللي تبي تسوي ارنبه خشمها المعمليه ومعاناتها تكون اقل ,
بصراحه مافي احد سوه خشمه فلبنان وعجبني كلهم اشكره اشكره مسوينه محد منهم طبيعي , الظاهر ان اطباء البنان متأثرين بالاجانب وخشومهم , الخشوم العربيه لها سماتها خصوصا في المنخرين وارنبه الخشم ,, من جذي ما وثقت ابطباء البنان كلهم كووبي بيست ,,
معلومه بنات لا واحده اجازف وتحقن ويها بالفاات يعني شحم جسمها , يا ان يفش عقب مده عشان الدهن اذا انتقل من مكان الى مكان ثاني يتفرفت ويذوب ! او ان يتكتل بالانسجه مثل ما صار مع وحده عند الدكتوره نظال صار ويها جنها فيها بوكعب !!
وتحملوا من الدكاتره الزائرين ترى حق البحرينين او الخليجين يغلوون الاسعار واايد اما حق الشوام او الاجانب لا , جنه البيزات نزرعها بدل المشموم ,, صارت ويا وايد بنات وسئلوا اي مغربيه او لبنانيه او غيرهم ,,
انا لليحن ما ستقريت على راي اروح حق اي دكتور تجميل حق الخشم ,, ياريت نحط لسته باحسن الدكاتره التجميلين في البحرين
مايا حبيبتي ,, ليش مااتزورين الدكتتور البرازيلي رودريكو في النور اهو سوا كم عمليه تعديل حق بنات العبو في حسبه اخشومهم , ممكن يفيدج , بس انتي عمليتج كانت بالعظمه ولا الارنبه ؟؟
لاتحاتين حبيبتي لازم الخشم يكون مرفوع شوي بعد العمليه وصح كلامه دكتورج يبيله سته اشهر وبعض الحالات سنه ليما ياخذ وضعه التجميلي ,, الخشم والاذن ينزلون كلما كبرنا بالسن , اما نظرتي للخشوم اللي تعدلت في البنان هذي وجهه نظري , بس دامج عاجبج شغل الدكتور على كم بنت ومافي اي مضاعافات ومرتاحه للشكل الحالي ( خلي عنج ان مرفوع شوي لان مارد الجاذبيه بتنزل خشمج ) 
