تجربتي مع رجيم دشتي لكل اللي حابين يبتدون بهذا الرجيم

[الغنادير]

مشكوووووووورين وماقصرتوا
بحاول ابتدي فيه الاسبوع الياي
ياريت تعطوونا وصفات فطور حق الموظفات شودي معاي الدوام
وبالذات اني متعوده افطر توست او كورن فليكس

​

 

[$$مذهلة$$]

يالله وانا بعد وياكم مع اني جربته مرة وماضعفت مادري ليش والكل فبيتنا ضعف

المهم السبت وياكم بس الصبح بالدوام شنو اكل انا على قولة اختي اللي

قبلي توست ولا كورن فليكس

عطوني بدائل لان دوامي كرف اليهد ويبيلي شي ينشط واللي معاي ماشاءالله

عليهم ضعاف وياكلون كل شي الصبح عليهم بالعافية بس ماتصلح لي

 

[@ المزيونة @]

مشكووووووووووووووووووره ياحلوووووووووه

 

[جوري2006]

طيب اختي وش اخباار الوجة ماا يضعف

 

[عذوبkw]

مشكورييييييييييييييييييييييييييييين حبيباتي على المرور الكريم عطرتوا المكان بتواصلكم الحلو

بالنسبة للبنات اللي طلبوا وصفات حق الدوام مادري شقولكم !؟

مافي وصفة تليق بريوق الدوام غير الشاي والسكر المحلى وشوية حليب وانشالله بستفسر اكثر واردلكم خبر انا بلشت فية بالعطلة فما عندي فكرة على الوجبات الخاصة بالموظفات ..

وراح نبلش الاحد 1/7 .... اتوقع جذي احسن يعني مع مطلع شهر جديد


وبالنسبة لسؤالج اختي جوري

انا مادري اذا الوجة يضع ولا لأ انا اكثر شي ضعف فيني اردافي والخلفيييييييية
ولما بديت بتمارين البطن خصري بدا يضعف..

ما احب اقولج شي انا مو متأكدة منه بس هذي تجربتي ياقلبي ويمكن اللي يصلحلي ما يصلحج والعكس صحيح وانتي براحتج ..

وحياج الله نورتيني وشرفتيني ..

 

[Haboona]

هااااي صبايا
شوفو بالنسبه حق الريوق اذا بالدوام اخذي معاج تبر وير حطي فيه سلطه و تبر وير صغير حطي فيه الصلصه و و قت الأكل خلطيهم .... أو ممكن تسوون لكم بيض بس تراوالي ايصص ... ممكن تاكلون جين ابيض مع خيار و طماط و زيتزن وو ممكن تاكلون خيار شرايح مع لبنه ...

 

[Haboona]

طيب اختي وش اخباار الوجة ماا يضعف

اتوقع على حسب نوع جسمج ااذ مع الرجيم يضعف و لا لأ ... الصراحه انا امس رفيجتي شافتني قالتلي ويهج اول مسمسم الحين وااايد ضاعف لوووووووول " أول الرغيف العجيب الحين صمونة هوت دوق":eh_s(3):

 

[الغنادير]

مشكوووره اختي هبووونا
على وصفات الفطور
جزاك الله خير

​

 

[هوى الدار]

مبروك النزول ومشكوره على الافاده

 

[زيـنـه]

للريوق ..
اخذو معاكم في تبر وير .. خس و خيار
و تبر وير ثاني جبن تشيدر (كرافت) العلبه الزرقا فجوها و قصصوها بالبيت .
و الا جبن سلايس .. و الا جبن سلفايد او كيري .
و تبر وير ثالث فيه مرتديلا اذا تحبونها او هوت دوق مقصص .
هذه خيارات الريوق

 

[عذوبkw]

مشكورييييييييين يابنوتات ياحلوات على الوصفات

 

[عذوبkw]

وهذي وصفات كويتيات انشالله تفيدكم بعد وتصلح لهذا الرجيم :

http://www.q8yat.net/showthread.php?t=19729


http://www.q8yat.net/showthread.php?t=13913


http://www.q8yat.net/showthread.php?t=40759


http://www.q8yat.net/showthread.php?t=70804


http://www.q8yat.net/showthread.php?t=59084


http://www.q8yat.net/showthread.php?t=11848


http://www.q8yat.net/showthread.php?t=33950

 

[@Miss Dio@]

انزين بنات اذا اشتهيتي الحلو شاتسوين؟
مافي حتى فواكهه صح؟
وانا ما اعرف اصحصح الصبح بدون كوفي كلش
عادي سكر لو اند سويت صح؟
ودي اجرب بنات ياليت تردون علي

 

[عذوبkw]

الفاكهة مسموحة بس بالمرحلة الثانية

والصبح تقدرين تشربين كوفي بس بسكر الرجيم اي نوع مو مشكلة بس اللي يكون مخصص بالرجيم

وحيااااااااج ويااااااااانا في عاااااااااااااالم الاتكنز

 

[عذوبkw]

هذا الرجيم كامل بقائمة المسموحات والممنوعات لكل البنات اللي طرشولي رسائل خاصة :

وانتي تقدرين تنوعين بريوقج وغداج وعشاج بس من القائمة هذي وتقدرين تتبتكرين اطباقج المفضلة ...


وفيه ممنوعات ومسموحات في المراحل الاولى او الثانيه او الثالثه:

الممنوعات :

النشويات_الفواكه_العصائر_الالبان_البقول وبالذات العدس_السكريات_البطاط والرز والمعكرونه يعني كل النشويات_المكسرات

المسموحات :

الماكولات البحريه بانواعها مقلي ومشوي ومسلوق_اللحوم بجميع انواعها والنقانق والمرتديلا والصوصيج_الفقع والمشروم_الطيور بانواعها_البيض باشكاله_الاجبان بانواعها المختلفه وكاملة الدسم ..

وبامكانك ان تاكلي باي كميه حتى الشبع ومع العشاء ابدءي بسلطه

ستلتزمين بهذه القائمة جيدا في المرحلة الاولى :

والتي تستمر من اسبوعين الا اربعة اسابيع حسب الوزن وسوف تفقدي من الوزن تقريبا من 6 الى 8 كيلو
يعني بامكانك ان تستمري بالمرحله الاولى اسبوعين فقط اذا كنتي تريدين تخفيف من 6 الى7 كيلوات او اذا كنتي تحتاجين الى فقدان اكثر من 8 كيلوات فننصح ان تستمري على المرحله الاولى لاربع اسابيع ..

المرحله الثانيه:

اضافه الى قائمة المسموحات في المرحله الاولى :

نصف كوب روب او لبن_2 كوب شابورة القمح_حبوب الحنطه_نخالة الشوفان والشعير وللعلم انها ممنوعه في المرحله الاولى_واختيار نوع واحد من الفواكه يوميا
وهذه المرحله مدتها اسبوعين فقط وسوف تلاحظين فقدان في الوزن عجيب .

المرحله الثالثه

يمكنك الان ان تاكلي بعضا من الممنوعات في المراحل السابقه مثل البطاطس في الفرن او شريحة بيتزا او بعض الفواكه المفضله لديكي من اثنين الى ثلاث مرات اسبوعيا
وهذه المرحله ايضا اسبوعين .

المرحله الرابعه

وهذه المرحله هي للمحافظه على الوزن وبامكانك ان تاكلي كل الممنوعات تقريبا ولكن بكميات بسيطه .



ملاحظات حول هذا النظام الغذائي:

يسمح بجميع انواع الزيوت ولكن ليس بكميه كبيره والزبده والسمن والمايونيز لانه جيدا جدا جدا
اضافه الى قائمة الممنوعات الجزر ممنوع وفي المرحله الثانيه يمكنك اضافة قليل من المكسرات تقريبا 10 حبات يوميا << طبعا آنا طااااف كل يوم طايحتلة مكسرات الرفاعي اللي تحس بالجوع في بالجمعيات علج خاص بالرجيم بسكر الفواكة تقدرين تتعلجين عشان ما تحسين الجوع بس بالامانة يابنات هالرجيم ابدا ما يجوع يمكن تعطشين اكثر شي فهالله هالله بالماي .

 

[miss5]

انا كل شي ما فادني

صج لي قالو سبحان الله كل جسم يفرق عن الثاني

 

[Haboona]

قوه يا ضعاااف
اليوم 1/7 (بدايت الرجيم)
توني قاعده من النوم ... بشوفلي شي آكله يالله كل وحده تقولنا شصار عليها ؟؟؟؟

 

[مرت ريلي]

سويته نزلت عليه عشر كيلوات ودشيت نادي ولعبت وطلعت حرتي
ووقفت رياضة وريجيم 3 أسابيع ما رديت الا كيلو مع اني كنت آكل كل شي ههههههه الحين صرت سمبتيكه وريلي معصب يبيني أمتن اشرايكم ؟؟؟

 

[Haboona]

سويته نزلت عليه عشر كيلوات ودشيت نادي ولعبت وطلعت حرتي
ووقفت رياضة وريجيم 3 أسابيع ما رديت الا كيلو مع اني كنت آكل كل شي ههههههه الحين صرت سمبتيكه وريلي معصب يبيني أمتن اشرايكم ؟؟؟

ما شاء الله تبارك الرحمن ... زين سويتي و الله ... الله يهنيج
و ان متنتي يا ويلج :eh_s(7):
يا حلاتج ونتي ضعيفه اشلج بالمتن ما وراه الا التعب و الامراض... ديري بالج على روحج
سكتي انا ضعف اكثر من مكن 7 عليه و احس ما ني قاده اقظب روحي عن التخربط 100% مادري شفيني:eh_s(16):

 

[عذوبkw]

هلا هبونة ياحلو الحماااااااااااااااااااااس ..

مرت ريلي الضعف هيبة والمتن خيبة قولي لريلج لاتنسين

بنات رحت الجمعية وشريت لحوم انواع اشكال شيش طاووق وستيك دجاج وسمج الآلاسكا وحطيتهم في درج خاص بالثلاجة كل وجبة غدا او عشا اقلي جم حبة .. وابشركم بعد اشتركت بنادي عشان تصير القوة مضاعفة ضد السمنة << خوش تعبير
وشريت سلطات امريكانا اللي تكون معلبة لذييييييييييذه تسد الجوع وقت الفراغ ..

ودايت بيبسي جم علبة بعد وشريت علج الرجيم اللي مايكون فية سكر هم هذا حلو ويسد الشهية ...


شرايكم بقائمة مشترواتي ؟؟